Ke Aloha Aina, Volume III, Number 8, 20 February 1897 — KE ALII AIMOKU. [ARTICLE]

KE ALII AIMOKU.

Oiai, mamuli o ka loaa ana mai ia makou o na lono hope loa e pili ana no ke ola kino o ke Aliiwahine Aimoku o Hawaii, ma na lono nupepa i hoea ae ma Kapalakiko, mai i ke telegarapa mai, mai Wasinetona mai, e me na leta no hoi a ko makou mau hoaloha » e noho la ma ka Ipuka Gula o Kaleponi, ua loaa mai la ka lono e hoike ana he wahi omaimai ko Kalani Aimoku, aka, aoie no hoi i ka nui aku. No keia mea, ua awiwi koke makou i ka hoike aku imua o ka lahui, me ka manaolana no ua palekana koke mai la no Oia i keia mau la, a ua hana aku la no Oia a hooko i na pahola o ka lokomaikai i haawi ia mai Nona i kela pule mua aku nei o keia mahina Nolaila, ke nonoi ia aku nei ka oluolu o na haipuie oiaio, i kupaa mahope o ke Aloha Aina oiaio, e kukuli iho ko lakou mau kuli ilālo me ka haahaa, a e nonoi aku i ka oluolu o ko kakou Mana .Lami, e e malama ia Liliuokalani mailoko mai o na haawma omaimai o Kona kino, oia ka makou e kahoahoa ae nei Nona.