Ke Aloha Aina, Volume III, Number 23, 5 June 1897 — Page 3

KE ALOHA AINA

POAONO, IUNE 5, 1897.

 

NUHOU  KUWAHO

 

   Ma ke ku ana mai o ka mokuahi Alameda i keia kakahia ka nui wale, mai Kapalakiko meai, ua loaa mai ia makou na mea hou o na aina hikina, a oia ka makou e panai aku nei no na makamaka heluhelu o KE  ALOHA  AINA, elike me ia malalo iho:

 

MAKEMAKE  E  PEPEHIA  KA  EMEPERA  O  RUSIAS

 

   Berina.  Mei 26.  Ua hoike ae ka nupepa Lokal Anzieger e Aix-la-Chapple i keia la, i kekahi lono awiwi i pai ia mai Sana Peteroboro mai, e olelo ana i ka hoao ana o kekahi kanaka opio, he mea hana akeakamai, e lawe i ke ola o ka Emepera.  Ua hopu ia oia ma ka Paka o Tsarskoe-Selo, he 17 mile, ma ka hema aku o Sana Peteroboro, ma ka home hooluolu o ua Emepera la no ke Kupulau.  Ma ka poli o keia lapuwale ua loaa aku he pahikaua pokole, a me ka pu panapana ma kona poli.  Ua hoike ae ka paahao i ke kumu o kona iawelawe ana i keia hana, ua ake oia e pepehi i ke Czar, i mea e lilo ai oia, i mea kaulana.  Na-na no ka hoi keia kanaka, a maka’u ole ae hoi i ka make, no ka mea, oia hana he mea weliweli ia.

 

            KA  BILA  KOPAA.

 

   Wasinetona, Mei 26.  Ma ke koho mua ana o ka Aha Senate, iloko ka Hale Senate i keia la, mahope iho o ka hala ana o na hora elua o ko ka Hale imi pono ana i ke kahua e hiki ai ke hoololi ae i ka hoike a ke Komite Waiwai, e pili ana ma kahi o 4 kenata o ka paona, a i 3 iho malaila.

   Ua nui no na hoa Senate i ku mai e pale no keia mau hoololiloli wale ana i ka hana a ia poe i hana ia ai, ua kaa aku la ka hapanui ma ka aoao kue loa no ka hoololi, oia hoi he 34 ia 20 ae wale no.  Nolaila, ua haule ka hoololi, a ua moekahi aku la ka waiho ana o ka bila imua o ka Hale koe wale no paha kekahi mau hoololi i ike ia e ko ka Hale poe ua ano hemahema.

 

               KA  HIHIA  O  RUIZ  O  CUBA.

 

   No loka, Mei 26.  Ua hoike ae ka mea kakau o ka Heraid, e noho la ma Havana, ua ulu ae he hoopaapaa mawaena o na Kanikela Amerika a me Sepania, no ka mea e pili ana i ka hana a ke Kanikela Amerika, ma o ka hana la a Fisback, ke Kakauolelo nana i kakau na olelo mawaena o na aoao elua, ma o koaa olelo ana aku ia Senate Morgan, e hooholo koke ia ka olelo hooholo iloko o ka Hale Senate.  Ua lilo hoi ia i kumu hoohalahala ma ko Sepania aoao, mamuli o ka hana kapakahi ana o kekahi aoao, oiai hoi ka ahahookolokolo koa no ka noonoo ana i ka pono o ka mea i hoopaahao ia, mamuli o ke kauoha o na kanawai koa o Sepania e hoopaahao iaia.

 

            WHITELAW  REIDE  KE  LILO  AKU  ANA  I  EMABASEDOA  NO  ENELANI.

 

   Nu Ioka, Mei 26.  Ua hoike ae ka Ahailono o WAsinetona, he lono kuikawa, a wahi ana:  Ina o Emabasedoa Hau aohe e hoole ia, alaila, e hookohu ia aku ana o Whitelaw Reid e ka Peresidena i Emabasedoa Kuikawa no Amerika Huipuia no ke komo pu ana aku ma na hana hoohiwahiwa o ka Iubile Daimana o ka Moiwahine Victoria o Beritania Nui a me Irelani.  Ua waiho ae ka Peresidena i ka inoa o Reid imua o ka Aha Senate no keia kulana i keia la.

   Ua hoouna ia aku he telegarapa imua o Emabasedoa Hau, e ninau aku ana iaia, ina paha he kue oia i ka hookohu ia ana o Mr. Reid ma ia wahi, a i manaoia hoi, e loaa mai ana ka pane i ka la apope.

 

            HE  PAKAUKAKU  KUPANAHA.

 

   Oakland, Mei 26.  Ua kipa ae he lehulehu wale o na poe i hoopahaohaoia ma kahi o McBrain i keia ia, no ka makaikai ana i kekahi pakaukau kupanaha e ku ana iloko o ka rumi hookipa o McBrian, mamuli o ka omaka ana ae o na lau ma kokna mau wawae.

   He makahiki a oi ke ku ana o keia pakaukau maloko o kela rumi hookipa me ka hoike ole mai eia no he ola iloko ona, ua vaniki ia oia no elua manawa, a ua eleele maoli ma ka nana aku.

   Aole oia he hoomauia i ka wai aole no hoi he loaa i na kukuna o ka La, a nolaila, o ka ulu hou ana o keia laau he mea kamahao loa ia.

   I kela a me keia la ke pii mahuahua ae la kona mau lau uliuli lipolipo, a ke hoopihya mau ia la hoi ka home o keia haole e na poe makaikai, aka, aole nae he hookahi iwaena o lakou i hiki ke hoike pololei i kumu i ulu hou ai o keia mau wawae laau o ke pakaukau, Kupanaha no hoi na hana a ke Akua.

 

            UA  HORA  MA  VICTORIA.

\

   Victoria, B. C., Mei 26.  O ka mokukaua Iapana Heyai, i hooliloia hoi i mokukaua a’o kaua, i kom ai ma ka enaena o ka hoouka kaua mawaena o Iapana a me Kina ma ke Kai Melemele, ua ku mai oia i keia aoina la.

   Mahope o kona ku ana ma anei no hookahi pule, a mai anei aku no Seattle, a e kipa aku ana oia ma ka Paeaina Hawaii ma kona alahele huli hoi no ka home.

   O ka makamua loa keia o kona kaawale ana mai na kapakai mai o Iapana.  O ka nui o kona mau tona he 2200, a e lawe ana hoi he 325 kanaka a me 18 poe a’o koa maluna ona.

 

            NUI  KA  POINO  O  NA  SEPANIA

 

   Puerto Principe, Cuba, Mei 26.   Ua hoi mai nei o Kenerala Jiminez Castellanous mahope o kona kaawale ana no 8 la no ka nana ana i ke kulana ikaika o na poe kipi ma ka mu liwai San Pedro.

   Ua haalele iho oia ia Puerto Principe me 3033 koa wawae, 570 koa kaua lio a me elua pu kuniahi.

   Ilokoo keia 8 la ana i kaahele ai, ua hooili kaua mau ia mai oia e na poe Cuba, a ua hiki8 ole hoi iaia ke nee hou aku imua mamuli o ka nui o kona mau koa i pau aku i ka make a me ka maluhiluhi pu.

   Ma kahi e kokoke ana o Oio de Agua, ua hoouka kaua aku ka poe Cuba i na Sepania, no 6 hora o keia kauka ana, ua make he 80 Cuba, a o na Sepania hoi he 150.

   Ua hoomau mai na poe Cuba i ka hakaka ana a hiki i ke auhee loa ana o na Sepania i kekahi la ae, me ka haalele ana aku he 400 koa i make ma ke kahua kaua.

   He ekolu la o kona huli hoi ana mai i ke kulanakauhale, a iloko no oia manawa ua hoouka mau mai no Cuba, a lilo hou aku la i ka make he 100 mau koa.

KE  KUMU  O  KO  AHVOTE  PEPEHI  KANAKA.

 

   Mamuli o ko makou heluhelu ana iho maloko o ka nupepa “Karonikala” o Kapalakiko, ua hoopahaohao ia ko makou manao, ma ka ike ana iho i ka moolelo o kekahi ilikini pepehi kanaka, ma ka apana hema o Nevada, nona hoi ka huina nui o na poe ana i pepehi ai i ka ehiku, mamua o kona ku ana i ka poka a kekahi o kona hoa lahui hookahi, mamuli o kona kokua ole i na hana pepehi kanaka a kona hoa lahui nookahi a penei iho na hoikeike ana malalo iho:

   Needles, Mei 17.  I keia la i hoea mai ai o John Appel, he mea hana mai ka maina mai me ke kino make o Charles Monaghan, i haawi ia mai hoi na hooia ana, ua pepehi ia ola e Ahvote, ma na pali pohaku kiekie ma kahi kokokei El Dorado.

   O Ahvote, oia hoi ka inoa o keia Ilikini pepehi kanaka, he limahaua oia no na lua eli maina a me na wahi elopapa o ka Hema-komohana o na kakai pali pohaku o El Dorado, kahi hoi ana i noho paahana ai no kekahi mau makahiki me ka hilinai ia.

   Ma ke kakahiaka o ka la 1 o Mei, ua ulu ae la he hoopaapaa mawaena ona a me kana wahi piliaoao a ua hele loa aku hoi i ka nui ka laua mau olelo, a malalo o na manao hoonaukiuki mawaena o keia mao hoopaapaa ana a laua, i kono mai ai na manao lili iloko o keia Ilikini no na haole, a e ike ana kakou i ka hua oia hana mahope ae.

   Malalo o na hoopapaa ana a ua Ilikini nei me kana wahine, ua komo ae la ka manao iloko ona e haalele i ka hana, a e lawelawe i keia hana pepehi kanaka me ka ike ole ia nana.  Ua hooko io iho la oia i keia manao, a hele aku la oia a aihue aku la i ka pu raifela Wineseta a kona hoa lahui hookahi, a nalowale aku la me ka maopopoole o kana wahi i hele ai.

   Aohe mea i hoomaopopo ia i kona wa i hele ai, a hiki i ka wa i hoea mai ai o ka poe eli gula mai ua Maina mai, a oia hoi ka wa a na Ilikini i hoike aku ai i ka Luna Nui Gracey i ka mea oiaio, ua aihue aku o Ahvote i kekahi pu raifela, a ua hopohopo loa lakou, o pau na kahu kaa ukana i ka pepehi ia.

   O kekahi Ilikini i hoouna ia aku i ka maina, he 3 mile mawaho aku, mai ka hale wili aku e hele mai ana ma kahi o kekahi puulu kahu kaa e ku ana ma ke alanui, me ke kino make o Franzea a me Jones, e waiho ana maluna o ka ili o ka honua, ua ku laua a elua i ka poka.

   I ka huli hoi ane mai o keia poe, ua pahola koke ae la na lono no keia hana weliweli, a oia no ka wa i haawi koke ia ai na kauoha no ka huli ana i ka mea nana i hana i keia hana ino, a ua uleu koke ae hoi na Ilikini e hanu ma ka meheu o ka limakoko.

   I ka wa a Ahvote i hoea aku ai ma ka hale o Charles Nelson, he 5 mile ma mauna, a ki aku la iaia a make loa me kana pu raifela.  Ua huli hoi mai oia no ka muliwai, a lawe malu aku la he wahi waapa, a holo aku la ma ka aoao malalo o ka muliwai.

   He 6 mile mai na kakai pali pohaku mai o El Dorado, hoomaha iho la ka mauluulu o kona mau lima i ka hoe ana, ma kahi o ka hale wili olopapa o Monaghan a me Murphy, a pepehi aku la oia i ke kanaka kiai a make loa, oia hoi o Charles Monaghan.

   Ua loaa aku kona kino make maluna o kona wahi moe, a me kona ike ole ae i keia mau hana e lawelawe ia ana ua kipoka ia aku oia a make loa, me ka loaa ole he wa nona e hoopakele ai i kona ola, mai ka lima mai o keia kanaka pu aikoko nui wale.

   Ua kau hou iho la oia maluna o ka waapa, a holo aku la oia a he hookahi mile paha me ka hapa i koe, alaila, hiki aku i ka wili olopapa o Gold Bug, hoomaha iki ihola oia ma ia waoi, no ka hoomakakiu ana ia Lunakanawai Morton, he mea hoi i kamaatna ia o kana mau hana maikai, a he kanakanaka hoi no na maina a ua pepeni ia hoi e keia Ilikini.

   Ua lawe ae la ua mea pepehi kanaka nei i kona wahi waapa, a hoe hou aku la no ke mokupuni Cottonwood, he 20 mile malalo aku o kahi mua ana i pepehi aku la ia Morton.

   Maluna o keia wahi mokupuni i halawai aku ai ua lima koko nei, me kekahi poai o na Ilikini, a na lakou i hopu iaia malalo o ke aloha a me ka noho makamaka ana ma ka hoowalewale ana iaia mai kahakai aku, e kekahi o ko lakou hoahele, no ka hele ana me ia i ka mauna, no ka hopu ana i kona lio i holo a nalowale mai iaia aku no ka mauna.

   O keia kanaka nana e lawe nei ia Ahvote i ka mauna, ua imi oia ma na ano a pau e hoopalaka loa ia ai na manao ahiu o kona hoahele, a iloko o kona nanea, ua lele aku la ua Ilikini nei maluna o ka lumakoko me ka hoohakalia ole, a pepehi aku la iaia a make loa, i ko la ua wa i kaawale aku ai, he 8 mile mai ka muliwai aku.

   I ka wa a Appel i hoea mai ai malaila, i kekahi la ae me ke kino make o Monaghan, ua halawai iho la oia me ka puulu o na Ilikini hoaloha a na lakou i hoike aku, ua pepehi ia e lakou o Ahvote.

   Aole oia i manaoio i kinohi, aka, mamuli o ka lawe ana o ka Ilikini nana i pepehi a hiki i kahi e waiho ana o kona kino akahi no oia a manalio he oia io no ka.

   I ka wa i hoea mai ai o Appel ua hoike koke aku oia i ka lono ma na wahi eli gula dala a pela aku, ma na maina elua, oia hoi o Connelly  a me na Paka, na wahi hoi i pau i ka nalo a make he 7 mau ola uhane, a i kano ia no hoi mia na wahi i loaa aku ai o ko lakou mau kino make, a koe wale no o Charles Monaghan ka mea i kanu ia ma ka pa halepule o Sana Ana ma ke ahiahi Poaono aku nei.

   Ke hoikeia aku nei ka lohe i na iaia a pau o ka Ahahui Opiopio Hooikaika Kamahano o Kaumakapilii, ua hoopanooia ko lakou halawai a keia Piuha ae

   Ua lulu ae no kanaka kupa o B@@@   @@@  he $15.000 no ke kukuolu ana kia maumanao ou ka Moiwahine Victoria, ke hiki ae i ka piha ana o na makahiki  @@ @@ o kona aoao aoa ma ke kalaunu o Beritania Nui