Ke Aloha Aina, Volume III, Number 24, 12 June 1897 — KA BANA A KA LAHUI OIWI. [ARTICLE]

KA BANA A KA LAHUI OIWI.

E like me ka makou mei i hoike aku ai e pili ana i na opuu rose a ka lahui, pela makou e hooiaio aku nei, e haawi io ana lakou i kekahi anaina puhi ohe ma ka Hotele Hawaii i ka po Poalima, hora 7:30 p. m., ka la hoi o ko kakou na'i aupuni kaulana o ko kakou aina hanau, ua hoomakaukauia kekahi waihona lulu aloha ma ke alapii o kahi e puhi ai, a ilaila na puuwai aloha a pau e ike iho ai ia kakou hoakanaka, o kipa hewa ke aloha i ka ilio. He ilio ia he mau opuu rose hoi lakou nei nau e Hawaii aloha, oia ! Ina hoi! Haawiia ka Kaikala ia Kaikala, haawi no hoi ka ke Akua i ke Akua. O ka Ke Aloha Aina keia e uwalo aku nei i ola honua. E ala e ko Maunalua a me Moanalua, e lohe ana oukou i kela leo i ahai ai lakou i kela mai ka bana helu ekahi mai o Amerika ia hoi ka "March o Tesaka" Oia ka lakou mau leo mua e paani mai ai. A mai hoohewahewa hoi i ka hoea aku imua o oukou kekahi pepa Komite noi aloha i kakauinoa ia e ko lakou alakai. Ua hoomanaia aku o S. K. Kaloa kekahi o na Komite i hilinaiia, e loaa oia ma ka makeke kuai i'a o kakou.