Ke Aloha Aina, Volume III, Number 33, 14 August 1897 — Page 1

ku la iaia kona makuakane, ua moku kona puu a-i i ka pahi.  Ua holo aku oia no ke kii ana i kokua a i kona hoi ana mai, ua loaa aku la kona makuakane e waiho ana ma kahi i loaa aku ai i na makai.  Mai lalo mai o Kailua kona makuakane i pu mai ai i Honolulu nei ma kona alahele e hoi ana no Kina.

            Aole nae i hilinai ia kana mau olelo e ka Ilamuku Baraunu, a nolaila, ua hoopaaia oia maloko o ka halawai no ka ninaninau pono ia ana, a ke make kona makuakane, alaila, e hoopaa ia ana oia no ka pepehi kanaka.  Ua loaa aku ma kona poli kekahi mau dala gula.

PAA I KA HOPUIA EHA MAKAI KAU LIO

            Ua paa i ka hopu ia he eha mau Makai kau lio i ka wanaao Poalima nei no lakou no inoa, o Gillis, Hewitt, Conley a me Jim Cornwall, no ka pepehi ana ia Kukalahiwa a me Kekaha, no uka o Auwaiolimu.

            O ke kumu i ala mai ai o keia hana limakoko, oia ka pau ana o keia poe haole makai i ka ona a hookahi ka haunaku pu ana me na poe o kekahi hale i hoopihaia me ka wahine, a malaila lakou a pau kahi i hanakuli ai, a hiki i ka wa a Kekaha i hele aku ai e kamailio i keia poe e hoi no ko lakou wahi, aka, aohe nae o lakou la hoolohe mai.

            No ia kumu, ua hoi aku la oia a hoala aku la ia Kukalahiwa, no ka helana e kipaku i keia poe, a me ka pau kiki mai ka hiamoe mai, hookui aku i oia me Kekaha, a pela hoi i hookui a me na haole, a o ka wa koke no ia hili mai ai kekahi mau makai kau lio me na laau @wa ma ke poo o Kukala hiwa, a pela no hoi me Kekaha.

            Ua holo mua mai keia poe i ka Halewai e hoopunipuni ai, ua pepehi, ia lakou e kekahi poe kanaka, a pakele ko lakou ola.  Aka, mahope koke iho no, ua hoea aku he elua mau wahine Hawaii, a na laua i hoike aku ka moolelo oiaio, a pela i paa ai keia poe limakoko i ka hopu ia, a pau nui mai i ka hookuuia malalo o ka beta o $100 pakahi.  Ua lawe ia ne o Kekaha a me kona kokoolua no ka wa-hi ana i na palapu i loaa ia laua mai na laau hewa mai, a mahope ho, ua hoihoi loa ia aku laua no ka Halemai Moiwahine e lapaau ia ai.

HE PAUAHI NUI MA MAUI

            Ma ka auina la Poakolu nei, ua pahole me kekahi ahi nui ma ke kula holoholona o Makawao, a hooneoneo aku la i ka mauu mailuna aku o aneane @ eka aina mamua o ka pio ana.

            O ke kumu i hoea mai ai o keia pau ahi mamuli no ia o kekahi ahi i ho-a ia e Mrs. Kaihiao Norton no ke puhi opala ana, mahope aku o kona pu @ hoi oia e hoomaemae ana no ka ma@ o kona @ i ka wahine a ilok o ka wa i @ mua @, ua pahola aku ia @ ma o a makou.

            He @ eka o A. E@ i paa i ke @ he @ o John @, a he @ kula holoholona nui ko Mrs. Norton.