Ke Aloha Aina, Volume III, Number 40, 2 October 1897 — Page 3

KE ALOHA AINA

 

POAONO,  OKATOBA 2. 1897

 

UA  MANAOIA  ANEI  E  POWA ?

 

Hopohopoia ke Ola o Maklinile.

 

AOLE  I  HOOKO  IA  MANAOINO

 

Loaa he Pu Panapana e Moe Lolii Ana i kona Poli.

   Kikako, Sept. 20.  He lono maloko o ka Tribune mai Wasinetona mai, e olelo ana:  Ua pakele mahonehune ke ola o ka Peresidena Makinile mai lilo i moepuu na kekahi kanaka Guitean.  He kanaka me kekahi pu panapana kai hopuia maloko o ke kahua o ka Hale Keokeo i keia la, mahope o kona imi ikaika ana i wahi nona e ike ai i ka Peresidena.

   Ma ka Poalima i hala ma ka Hotele Raleigh, ua hoea mai la he kanaka malihini, a ua nui hoi na poe i hoopahaohao ia no kana mau hana ano e.  A ua hoopaa iho hoi oia i kona inoa o Joseph R. Jackson, no Meriden, Conn.

   Ma kekahi launa kamailio ana, ua hoopuka ae oia, ua hele mai oia i Wasinetona no ka hooko ana i kakahi hana nui, a i kekahi, a i ole elua, ua olelo aku oia, e ike ana ka honua holookoa iaia ma ka la 20 o Sepatemaba.

   I keia la e holoholo ana oia ma kahi o ka Hale Keokeo a ma kana kamailio ua hoomaopope ia iho la, ua manao oia o haalele ana ka Peresidena ia Wasinetona i keia la.  O kana wanana no kekahi mea nui e hoea mai ana ma ka la 20 o Sepatemaba, ua hoomanao koke ia ae la oiai oia e poala mau ana ma ke kahua o ka Hale Keokeo a hiki i ka po eleele ana, a oia kona wa i hopuia ai.

   Aole i manao na makai i hopu ai iaia he hewa kekahi maluna ona, a hiki i ka wa i huli ia ai o kona kino, ua loaa aku la kekahi pu panapana i piha me ka poka.  Ua hookauia aku ka hewa aeahaukae a me ka lawe ana i ka mea make, a oia wale no ka mea hiki ke hookauia aku maluna ona, a e hooko ia akuk ana hoi kona hihia elike me na poe e ae o keia ano, i loaa mua maloko o kaie wahi.

   Ua hooulu ia ae ke hopohopo iloko o na mea a pau, ina i haalele io ka Peresidena i ka hale i keia auina la, ina ua kipu ioia no oia.

 

   He elua makai haole kiai awa e kuehu ia aku ana i keia ia, oia o Sam Johnson a me Perrine, me ka inaopopo ole o na kumu.

 

Nu  Hou  Hope  Loa

 

LILO  NA  OLA  O  KEKAHI  MAU  KOA

 

   Viena, Sept. 20.  He lono mai Alume mai ke olelo ana, ua hookui ae he kaaahi lawe ohua me kekahi kaaahi lawe ukana e lawe ana i kekahi mau puali koa, ma kahi e kokoke ana i Kaaosvars ma ke ahiahi o nehinei.  He eha limahana o ke kaaahi a me eono koa i make, a he kanakolu e waiho nei ma ke kulana kupilikii loa me ka maopopo ole o ko lakou palekana mai.

 

HOOLE  I  KA  LAWE  ANA  I  KEKAHI  KANAKA  ANAKIA.

Nu Ioka, Sept. 20  O ka pena Burley o ka Hui Laina Mokuahi Ward Kulanakauhale o Wasinetona, i hoea mai nei i keia la mai Tampico mai, ua ho ike mai oia o Joseph Ventre, he kanaka anakia Sepania, ua laweia mai ia i ka uwapo e na makai Mekiko no ka hookau ana aku iaia iluna o ka moku ahi no ka lawe na mai iaia i Nu Ioka.  Ua hoole aku ke Ka pena i ka lawe ana mai iaia, a holo mai la ka moku me ka haalele ana aku iaia mahope.

 

LOAA  AKU  E  LANA  ANA  ILUNA  O  KA  ILI  O  KA  WAI

 

Ladana, Sept20.  Eia na makaikiu ke huli nei me ka ikaika i na poe nana i powa i ke ola o Moritz Wilhellm, he Kanikela Amerika hoi mamua no Santa Maria, Colombo, mai ka makahiki 1893 mai a hiki i ka 1896.  Ua loaa aku kona kino make e lana ana maluna o ka iliwai o ka muliwai Tame se ma kahi kokoke i na uwapo kumoku.  Ua nakii paaia kona a-i me kekahi kaula i holo aku mahope o kona kua a hoopaa iho @@  i kona mau lima, a ho lo aku la a nakii paa ia iho la ma kona kuekue wawae.  Ua hoikeia ae he mahina ka waiho ana o keia kino make iloko o ka wai, a ua olelo ae na kauaka, ua make e no oia mamua o kona kiolaia ana iloko o ka wai.

 

UA  HALA  AKU  LA  NO  KA  NULI  WAI  O  NILE.

 

Cairo, Sept. 14.  O Mekia Kenerala Hunter, me eha waa pa lawe pu a me na pualikoa Aigupita, ua hoea akku lakou i Berber, kahi hoi e hoho ia ana e na poe Soudana he umi la mamua iho, he poe hoaloha hoi lakou no na poe Pelekane, no ka wawahi ana i na pualikoa Dervishes, i kkuemi hope aku no Metmneh.

 

   E  HOIKEIKEIA  AKU  ANA.

 

Ladana, Sept. 18.  Mawae na o ka mahina o Okatoba, e malamala ana he hoikeike nui ma ka Royal Institute o na ma kana Iubile a pau a me na palapala hoalohaloha i loaa aku i ka Moiwahine i kona wa e hoomanao ana i kona Iubile.  He hapa o na pomaikole loaa mai ana, e haawi ia aku no ia no ka waihona o ka hookipila a ke keikialii a me ke Kama’liiwa hine o Wale, no ka mea, o na dala i lulu ia no ia hana aloha he L925,000, aole hoi i lawa na mea i manaoia.

 

UA  MALAMAIA  I  MEA  HOOMANAO.

 

Denver, Col. Sept 8.   O ka hui malama o na mea kaulana State Historical Society, e loaa mai ana ia lakou kekahi mau waiwai o Francis Schlatter, ke la haole kauklana i hiki ke hoola i na poe mai a pau i hoea aku imua ona, i manao wale ia ua make oia i keia wa.  O ka noho lio, ke akulawaha, a me kekahi mau waiwai e ae o Schlatter eia ia ke malama ia la e ka Lunakanawai apana ma Casar Grandes, Mekiko.

 

NUI  KA  HANAAINO  IA  O  NA  MISIONARI.

 

Lyons, Farani, Sept 20.  O ka loaa a ia mai la no ia o ke kahi mea hou, aia na misionari Katolika ke hana ino hou ia la e na Pake ma kahi kokoke i Yo Ping, ma ka mahele aina o Kwang-Tung.

   Aia na kamaaina ke puhi la i na hale i ke ahi, me ka hoopoino ana i ka lakou mau mea ulu, a me kekahi mau hana ino e ae he nui wale.

 

UA  ULU  AE  HE  KIPIKIPI  MALOKO  O  NA  PUALIKOA.

 

Brussels, Sept. 8.  Ua loaa mai nei he mau lono mai Uganda mai e olelo ana ua ulu he kipikipi mawaena o na pualikoa o ka Mokuaina Kuokoa o Congo, ma ka apana aina o o Toro Ua olelo ia ae ua luku ia he 59 alii me na koa Belegiuma e na poe kipi.

 

HE  I’A  KUPANAHA

 

Port Townsend, Sept. 19.  Ua loaa mai nei kekahi i’a ano e i keia kakahiaka i a H. P. Score ka mea malama hale ipu kukui, ma Lae Wilson, a ua like loa kona ano mea na moo nahesa o ke kai.

   Ua ili oia iluna ma kahi e kokoke ana i ka hale ipukukui he eiwa kapuai kona loihi, ma kona poo he elua mau hao no laua ka loa he kanakolu iniha, a ua like hoi kona poo me ka moo korododila, aohe hoi ona wawae, aohe kua-ia, aka, he nemonemo pu wale no, a he papa nihoooi hoi ko loko o kona waha.

 

UMI  DALA  MAKANA

 

   No ka lono e hiki ai ke hookolo a loaa kekahi Ilio Bull Terrier (make a oia paha;) he pohaka poepoe ma ke kua.  Mai ka po Poakahi, Sepatemaba 20, mai ka nalowale ana.

 

HONOLULU  CYCLERY

sept 30-3ts                   231 Alanui Moi.

 

 

KA  MOIWAHINE  LILIUOKALANI  NO  KIKAKO.

 

   Maloko o ka nupepa Tribune o Kikako, o ka la 8 o Septemaba, i ike iho ai makou i kekahi hunahuna e pili ana no ko kakou Moiwahine, a no ka pomaikai o ko @u akou poe heluhelu, ke hoopuka aku nei makou penei

   O Liliuokalani, ka Moiwahi o na Paeaina o Hawaii, iloko iho nei Oia o Kikako ma ka la inehinei.  He mau hora pokole wale no Kona noho ana maanei, aka, iloko nae oia manawa pokole, ua holo makaikai aku no Oia i na naka a me ma wahi nani e ae, no ka hoomaha liilii ana, ma o Kana huakai loihoi mai Wasinetona mai nei, a hala aku ia ma ke kaaahi hope no Kapalakiko.

   Ma ke kakahiaka onehinei, i ka wa a ke kaaahi mai ke hikina i hiki mai ai i kahi hoolulu kaaahi, ( Union Station) ua lele mai ia Oia Mailuna mai o ke kaaahi, me Kona kakauolelo a me Kona wahine ukali, ua hele aku la Oia no kahi a na kaa hoolimalima e ku ana a kau aku la lakou maluna o kekahi kaa a holo pololei aku la no ka Virginia Hotel.

   Ua lohe mau ka Moiwahine no Kikako ma Kana mau kaahele ana, a ua makemake Oia e ikemaka mamua o ka lohe pepeiao, nolaila, mahope o ko lakou noomaha iki ana, ua kau koke aku ia lakou maluna o kekahi kaa, a holo makaikai aku la no kekahi mau wahi o Kikako.

   I ka wa i pahola aku ai o na lono ua hoea mai la Oia i anei, ua hoea aku la he heluna nui o na poe kakau nupepa maluna o na kaa hehi wawae a me na kaa koo, me ka manao ana e loaa ana he manawa no lakou e launa kamailio ai me ka Moiwahine.

   Ua hoohauohia Oia i keia anaina ike aka, i Kona wa i ninauia aku ai, no kekahi mau ninau kupono e hoopukaia a maloko o ko nupepa, e hapai mau ae ana oia i kona mau lima me ka hoole mai.

   Ua ae aku o J. Heleluhe e malama a i anaina ike ma ka Hotele i ko lakou wa e huli hoi mai ai, mai ka makaikai ana, a pela i hiki ai lakou ke hookuuia.

   Ua nui na poe i ninau aku no ka mea e pili ana ia Hawaii Iaia, aka, ua hoole mai oia i ka pane ana ia mau ninau.  A ma ka hora 6 o ke ahiahi i kau aku ai.  Oia maluna o ke kaaahi e holo ana no ke komohana no Kapalakiko, no ka makemake ole e ikeia kona helehelena, nolaila, he uhimaka eleele manoanoa ona e uhi ana Ki Kona mau maka.

 

KA  MOKU  LELE  I  KA  LEWA.

 

   Eia ke hoolala ia mai nei kekahi moku lele i ka lewa no ke kukulu ia e E. D. Toops, wahi a ka nupepa New York World.  He elima ka nui o na baluna e hapai ana i keia moku nona ka loa he 125 kapuai me umikumaha rumi.  Ma ka oneki malalo he elua mekina oa, a i ole he uwila nona ka ikaika o 25 lioo ka mea hookahi, a na laua e hoopu mehana ana i ka moku me ka hoopiha ana i ka baluna.  He huila hoi kekahi e hana ia ana ma na epaepa, no ka hoonee ana i ka moku imua o ka makani.  He mau mamalu hoi kekahi e lawe uu ia ana, no ke kokua ana i ka wa o ka poino.  He 5000 paona ke kakumaha o keia mokku, aka, o ka ikaika hapai nae o ka baluna hookahi he 12,000 paona.  Ua olelo ae o Toops, e hana ia aku kona ikaika mama lele he kanakolu a i ole he kanaha mile i ka hora no ka nee ana aku imua o ka makani.  Na kekahi hui Indianapolis a me Cincinati e hana i keia moku, a ua olelo ae oia, ua lawa ke dala no ka hooh na ana a e hoomaka koke ia aku ana no ke kukulu ana.   Iloko e na baluna eha, ua lawa ia lakou ka hapai ana i ka moku i piha moka ukana, a o ka lima o na baluna he mea kokua wale aku no ia.

   Ina e holopono aua keia mau hoolala ana, alaila, ua makehewa loa na mokukaua kaua hao ikaikai e kapiliia mai nei, no ka mea, ua hiki i kekahi moku hookahi e lele ana iluna o ka lewa ke ulupa aku i na mokukaua ikaika a pau e holo ana maluna o ka ili o ke kai.

 

HAIOLELO  O  MOGANA.

 

Iloko o ka Luakini o Kawaiahao.

 

AOHE  MEHEU  NO  KA  HOOHUI  AINA.

 

Aohe Leo no Ka Hoohuiaina

 

KUPIHIPIHO  LOA  NA  WAHI  HAWAII

 

I-ka  ke  Aho i ka Lahui Hawaii.

 

   Kupihipihi na Hawaii i hiki ae e hoolohe i ka haiolelo a Mogana, i ahona i na keiki kula o Kamehameha a me na kaikamahine kula o Kawaiahao.  Aohe ohohia ia o ka haiolelo e ka poe hoohui aina, ua hapala ponaia mai ka poe hoohuiaina, ua kaa ke koikoi o ka haiolelo ma ka aoao o ka poe Aloha Aina, e i mai ana, aia i ka lahui ka pono, aole i ka poe pakaho aina, kukule loa na poe hoohui aina nei, no ke ko ole o ko lakou manao, e kuehu mai ana o Mogana a olelo mai e hoohuiia ana o Hawaii me Amerika.

   No ka haiki o ka manawa, ke lawe mai nei makou i kekahi mau mea ano nui, i hoike ia mai e Mogan, ma o kanohaiolelo ia; a o ke koena aku no kahi wa, ua olelo ae oia, wahi ana.

   “Ia’u ma ko’u aina he okoa loa ka’u mea i lohe ai no keia lahui kanaka, a i ko’u hiki ana mai nei, ua ike iho nei au, he okoa loa ko lakou kulana i ka’u mea i lohe ai, he lahui kanaka naauao a oluolu keia, a e hoi aku ana au a hoike aku i ko’u mau hoa Senate no na mea a’u i ike ai.

   Ua hamama ka puka no ko oukou komo mai malalo o Amerika, aka, aia no ia i ka manao o ka lahui ke komo mai.

   Aole !  Aole !!  Aole loa !!! he leo o Mogana e olelo mai ana e hoohui ia ana oukou me Amerika.