Ke Aloha Aina, Volume III, Number 41, 9 October 1897 — HE MEA HOOHAUOLI IA I KA MAKUA. [ARTICLE]

HE MEA HOOHAUOLI IA I KA MAKUA.

He mea oiaio, o na keiki hoolohe a hoopono, he lei naniia na kona mau makua, pela hot makou e hoonaanao ae nei. ma ka la Sabati aku la i hala i ka ike ana aku i kekahi Hawaii opio, nona ka inoa o Henry Kailimai, ke keiki hoi a ko makou makamaka maikai a hoaloha oiaio, W. H, Kailimai, o kai o Kakaako, e kuhoe mai ana ma kahi o ka ogana hoolea i ke Akua, me kona mau manamanalima palanehe, e lawe kiani ana. Ola ka inoa o ka makua, ke lalau ke keiki ma na hana e pono ai, a e kaulana ai ka inoa iloko o na hana maikai, aole iloko o na hana pela pela. E hoomau aku ma na hana maikai, aole ma na hana ino.