Ke Aloha Aina, Volume IV, Number 17, 23 April 1898 — Page 1

KE ALOHA AINA

 

UA MAU KE EA O KA AINA I KA PONO

 

HOOKUMUIA I MEI 20, 1895

HONOLULU, POAONO, APERILA 23, 1898

 

KA NUPEPA KEALOHA AINA

 

E oopuka mau ia aku ana mai ka POakahi a ka Polima o na pule a pau o kela a me keia mahina.

Ka Uku Pepa, he 20 keneta o ka pule.  Noke hope hookahi, he 5 keneta.

E loaa no ka pepa maike Keena aku o KE ALOHA AINA, a mai ka lima aku o na LUna Lawe Pepa.

E pa ia no na Olelo Hoolaha, na Kanikau a me na Mele Inoa, me ke Dala kuike.  Aole nupepa ma ka owili pakahi e hoouna ia ke ole e hookaa mua ia ka uku papa

E hoouna pololei mai i na Nuhou na Kumunanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i ko@a inao ponoi.

Ka Nupepa Puka Pule

 

Ke - Aloha - Aina

 

Hookahi makahiki…..$2.00

Eono mahina………..$1.00

Ekolu mahina………   .50

Hookahi mahina…….  .20

EMMA A. NAWAHI.

Puukuo

 

Ke - Aloha - Aina

EDWARD L. LIKE.

Lunahooponopono a Hope Puuke

S. P. KANOA.

Hope Lunahooponopono.

O na kauoha Nupepa me na hookaa Dala, e hoona pololei mai i ka Puuke ma Honolulu.

 

 

Nuhou Kewaho.

 

            Maluna o ka mokuahi Peru i loaa mai ai na mea hou o na aina mamo, a no ka pomaikai o ko makou poe heluhelu, ke hoopuka aku nei makou me ka hookaulua ole iho:

KE NALOWALE AKU LA NA AO PANOPANO O KE KAUA.

 

HELUHELU @A KA PALAPALA A KA PERESIDENA.

 

            Wasinetona, Apr.  11.  O ka plapala a ke Peresidena, ua heluhelu ia ia maloko o ka Hale i keia la imua o kekahi anaina nui i akoakoa ae, a au hoouna ia aku i ke Komite o na Aina E me ka paio ole ia.  Aole he mau hoike maopopo lea ana maloko o ke anaina e noho ana iloko o ka Hale i ko lakou hoapono a me ka ole, a i ka pau ana o ka heluhelu ia ana, au haawi ae na Repubalika i ka paipai ma kahi a ka palapala a ka Peresidena e olelo ana o ke kaua me Cuba e hoopau loa ia.  I ka pau ana o ka helu heluhelu ana, au hoohauoli ia he hapa o na Repubalika, aka o na Demokarata, ua ikeia aku ko lakou mau leo nune.  Mahope o ka pau ana o au palapala la i ka heluhelu ia, ua hapai ia mai la ka noonoo ana o ke lumuhana o ke District of Columbia.

 

HOEA KA MOKUKAUA BALITIMOA I IOKOHAMA.

 

            Wasinetona, Apr. 11.  Ua loaa mai nei ka lohe i ke Keena Kaua Moana i keia la no ka hoea ana aku la o ka mokukaua Balitimoa i lokohama ma kona alahele e holo ana no Hongkong no ka hui ana aku me na aumokukaua o Amerika Huipuia e hoolulu la ma na kai o Kina.  Aia maluna o ka Balitimoa he heluna o na lako kaua no na aumokukaua ma Asia i hooili ia mai ma HOnolulu.

 

MANAO NO O SEPANIA E LOAA ANA IAIA KA LANAKILA.

 

            Madarida, Apr. 11.  Ua hoopuka ai ke nupepa El Harldo de Madarida i kekahi launa kamailio ana me Adimarala Beranger, ke Kuhina o na marina mamua, ua hoike mai oia i kona manao e lanakila ana no na mokukaua Sepania i ka wae kaua io ai me Amerika Hupuia.

            Aohe mea e hopohopo ai, wahi a Adimarala Beranger, o ko makou mau awa ma Cuba no ka lele kaua ia ana mai i ka po, elike me Havana, Cienfuego, Nuevita a me Santiago de Cuba, eia lakou ke hoomalu ia nei e na topido ikaika loa.

            O Senor Canovas del Castillos, i make, ua hoolilo nui oia no ka nana an i keia kumuhana, a ua hooholo maua e hoouna i 190 topido no Cuba no ka waiho ana iloko o na awa kumoku.  Na Chocon kekahi o na loea ma ka lawelawe ana i na topido i lawe aku ia lakou.

            Elike me ka'u i olelo mua ae nei ma ka moana e loaa no ia makou ka lanakila.  E hoike aku aku no au i na kumu.  O ka mua o na kanaka e malama ana i ko makou mau mokukaua he makau kau loa, o ka lua, maluna o na  mokukaua Amerika i ka wa e hoomaka ai o ka hakaka e pioo aua lakou, he mea i ike mau ia no ka mea, o kona mau kanaka no na lahui like ole mai ia.  Ina he moku kue i ka moku, alaila, aohe a makou mea e makau ai.

 

LAWE NO O SEPANIA I KA MOKUKAUA POINO MAINE.

 

            Havana, Apr. 6.  O Alii Lawe Hae Powelson, i hoonoho ia aku no ka moku Peru, oiai, oia e hoohala manawa ana maluna o ka Maine ma ka la inehinei, ua kauoha ia mai la oia e ke kapeno o luna o ka mokukaua Sepania Le Gazpi, i ilawe ae i ke kulana ma ke ano aohe kuleana o Mr. Pelson malaila, mahope mai o ka huki ia ana o ka hae Amerika ilalo mai ka moku poino aku mahope o ka haalele ana iho o Kapena Wainwright.  Ikinohi aole oia i ae aku, aka, moope iho ua hahalele iho la oia i ka moku poino a hoi aku la no luna o ka Fern.

 

HAALELE O KANIKELA-KENEKALA LI IA HAVANA.

 

            Havana, Apr. 9.  O ka moku ahi lawe kauoha Amerika Fern, me kanikela-Kenerala Li, Hope Kanikela Spinger a me kekahi poe Kanikela a me kekahi poe kakau nupepa Amerika, ua haalele iho lakou no waho moana i ka hora 6 o keia ahiahi e ukaliia ana e na mokuahi Bache a Evelyn maluna o laua he mau heluna o na ohua,  a o ka Olivette me 147 ohua, mawaena o lakou o Clara Barton, ka ohana o Kanikela Kenerala o Berndes, o Auseturia, a me kekahi mau ohana kuonoono e ae.  Ua haawi mai na Sepania i na hoohenehene ana i ka wa a na moku e hoopuka ana iwaho o Havana ma ka hookiokio ana.

 

HAALELE HOU HE MAU PUALIKOA SEPANIA LA CADIZ.

 

            Ladana, Apr. 10, He lono kai hoea mai nei i ka nupepa Daily Telegarapa mai Gibraltar mai e olelo ana:  O na mokukaua Sepania Cristobal Colon a me Infanta Maria Teresa, ua haalele aku laua ia Cadiz no kekahi wahi maopopo ole me eono bataliona koa, he 1000 koa o ka bataliona pakahi.  E hoomahuahua hou ia aku ana na koa ma keia mau la io no Cuba, maluna o na mokuahi

 

KA MAKANI INO.

 

            Vitoria, Apr. 3.  Ua lawe mai nei ka mokuahi Miowera i na lono e pili ana no kekahi makani ikaika i kipa ae ma New Cabdonia.  Mawaena o ka hora 2 a me 3 o ka wanaao o ka la 23 o Maraki, ua pau iho la kekahi mau hale i ka hanee, me ka lilo pu aku o kaupoku o kekahi mau hale, O ka mokukaua Loyante ua piholo oia ma kona wahi e ku ana.  Ua au mai kona mau luina a me na aliimoku no uka o ka aina nona ka mamao o 500 i-a mai ka aina aku, a ua pakele lakou a pau.  Ua ili ka mokuahi Neobile a me elua waapa pailata ma ka mokupuni Noe.  O na mokupa Professor a me Falls of Quarry, ua hulipu laua a piholo iloko o ke kai, aka, ua pakele no nae na ola oluna oia mau moke.  O ka mokuahi lawe ohua Fiado, ka mea i nolowale loa, a ua manaoia ua make oia, ua hoouna ia aku he elua mau moke no ka huli ana iaia.  O ka nui o na limahana o ka Fiado he umikumamalima haole a me umikumamaiwa he poe kanaka no oia wahi, a me ekolu ohua. 

 

HE HAKAKA WELIWELI ME NA PU PANAPANA

 

            Little Rock, Apr. 3.  Ua ulu ae he hakaka weliweli ma Haynes, Ark., ma ka po o ka Poaono nei, mawaena o Kauka W. W. Scott o ia taona, a me John Hughes oai wahi no, ua komo aku o Scott iloko o ka halekuai o John Hughes a ki aku la iaia me kana pu panapana, a au panai mai o hoi o Hughes me kana pu panapana ma kahi kokoke loa ia Scott.  I ka pau aua ae o ka laua kipu ana, au ika ia iho la laua e waiho ana iluna o ka papahele, a e kahe mai ana hoi ke koko mai ko lana wahi i ku ai i ka poka.  He eha wahi a ka poka i komo aku ai iloko o ke kino o Scott, a he elima iloko o Hughes.  Eia no laua ke ola ke ola mai nei, aka, he kanalua loa nae ka hiki ana ia laua ke palekana mai ka make mai.

 

LANAKILA NA BERITANIA.

 

            Abadar Camp, Apr. 5.  O ka hoea ana aku o na pualikoa kaualio, puali pukaa a me elua bataliona Aigupita i kahi noho o Mahmoud Pasha i keia kakahiaka, i hoopuka mai i na enemi iwaho.  Ua hoomaka ka hakaka ana i ka hora 9 a hiki i ka 10:30.  He 6 koa i make a me 10 i hoeha ia o ka aoao o na Beritania.  O ka make o na Devishes he 200.

 

HE MAU TAUSANI I HAALELE I KA HANA.

 

            PEttisburgh, Apr. 5. O na poe eli nanahu o Pettsiburgh no lakou ke heluna he 4,500 ua haalele aku lakou i ka hana i keia la mamuli o ka hooko oleia ana o kekahi olelo hooholo like a lakou i kela kau haule lau aku nei.  I ka la apopo e haalele hou aku ai kekahi poe.

 

KO MAKOU HOPE LUNAHOOPONOPONO

 

            Ma ka mokuahi Maua o keia auina la Poalua, e kau aku ai ko makou Hope Lunahooponopono no ka Ua Lanihaanaa o Hana, no ka hoohala ana no keka mau pule, mamuli o ka nawaliwali o kona kino, a oiai oia e kaawale aku ana no ia manawa, aia no na hooponopono ana o na manao no ka pono o na makamaka heluhelu o Ke Aloha Aina, me he mea la, @@ no oia maloko o kona keena hana kahi i noho ai.  A ke kauoha pu ia aku nei na Luna Lawe Pepa a me na poe Iawe Pakahi a pau, a me ka po e makemake hou ana e lawe i ka kakou milimili, e haawi ae ma koua lima i ke ola o ka kakou papa a oia no ka mea nana e hoouna pololei mai ia makou, mamuki o ko makoa hilinai iaia, i na wa a pau ana i makemake ai.  E hoolohe i keia.