Ke Aloha Aina, Volume IV, Number 20, 14 May 1898 — Page 5

KE ALOHA AINA

 

KE ALOHA AINA, POAONO, MEI 14, 1898.       5

--

            He elua kalepa hou a Mokolii i keia pule.

oouka kaua.  A o ka hookomo hou ana mai i na koa, eia no ia ke hoomau mai nei.  Ua oleloia ae, ua loaa he 80,000 kea i makaukau no ka hoopakele aha ae i ko lakou aina.  O na Kerenala Blanco a me Pando ua noii maoli aku alau ai ke kulana o na papu kaua o Havana.  Ua kukuluia na laina koa me ka papa la ana o na kanaka aole e hooku@ i lakou e puka aku ma kela aoao o lakou.  O na komite no ka hoopakele ana ae, na hookohu ia aku ia iloko o kela a me keia apana.  He nui na lede hanohano no ka haawi ana mai i na kokua ana.

            O ka mokukaua Amerika Indiana i ili ai ma ka Poakolu nei, ua hemo hou aku ia mamuli o ke kokua ana  a kekahi mau ulumokukaua elua e paniku ana.  Ua manao ia o ke kapena o ka mokuahi laweleta Montserrat e hoea mai ana oia i kela la i Havana nei mai Cienfugos mai.  He paikau no ka hoohanohano ana aku iaia ke malama ia ana ma Ursulinas Square, no ka mea, ua komo mai oia i keia awa, a i kona wa i ike ai na paniku ia, ua mahuka aku la kona moku mai na aumokukaua Amerika aku no Cienfuegos.

E MALA IA ANA KA HOOUKA KAUA

ME KA HAKALIA OLE.

            Ladana, Apr. 30.  Ua loaa mai nei ka lohe i ke Daily Mail mai Singapore mai,ua manao ia he manawa wale no e hoea mai ai o ke kaua iloko o ke kaikuono o Manila.

            He lono kuikawa kai hoea mai nei i ke Daily Mail mai Hongkong mai e olelo ana: Ua noonoo nui o Komodoa Dewey e hana koke i kana apana hana oia hoi, ka hopu pio ana i na aumokukaua Sepania, i wahi e pakele ai na moku kalepa waiwai.  No ka mea, he 11 mau moku, i hala ae nei ko lakou manawa i manao ia ai e ku mai ana.  A eia ka na Amerika ke hopohopop nei no ko lakou palekana.

E KIPOKA HOU IA ANA O MATANZAS.

            Nu Ioka, Apr. 29.  Ua olelo ae ka mea kakau o ka nupepa Herlad ma Wasinetona nei: E kipoka hou ia aku ana o Matanzas, in a o Kenerala Blanco e hoao ana e kukulu hou i ka papu i hoohiolo ia ai e Admirala Sampson.

            Ua loaa mai nei na hoike pili aupuni i keia la i ke Keena Kaua Moana mai ia Adimarala Sampson e hoike piha mai ana i ke kipoka ana, a i hoike piha mai ana i ke kipoka ana, a i hoike ia ae hoi e ka nupepa Herald ma ka la i nehinei.  O kana hoike wale no, no ka lele kaua ana ai i na papu o o Matanzas, mamuli no ia o kona ike ana i kekahi mau Sepania e kukulu ana i kekahi mau pukuniahi malaila, a ua manaoia he mea pono ka wawahi liilii ana aku.  Ua olelo hou mai oia e hoouna hou aku ana oia i ka Puritan no Matanzas me ke kauoha no ka wawahi ana aku i na batari e kukulu hou la ae ana.

LOHEA IA KE POHA O NA LEO PUKUSIAHI

            Eastport, (Me.), Apri. 29.  Ua hoopihoihoi loa ia ae na mea a pau i keia po, mamuli o ka lohe ia ana aku o kekahi mau leo pukuniahi e kani halulu mai ana mawaho aku o ka lae o Quoddy.  O na ano lono like ole la a pau e pahola nei maloko o ke kulanakauhale nei i keia po, aka, ua manaoio i nae no ka mokukaua Amerika Minneapolis keia mau leo pu, mamuli o kona halawai ana me ka enemi.

            Ua pahola ae na lono o ka hoea ana mai o kekahi mokukaua Sepania mawaho aku o ke kaikuono o Fundy, a me kona holoholo mau ana ma keia mau awa me ka maopopo ole o kana huakai, a me he mea la, oia ke kumu i hoea mai ai o ka Minneapolis, ua lehulehu wale na poe i manao ua halawai oia me ka mokukaua Sepania.

            O kekahi moolelo i pahola ae, o ka mokukaua Sepania ia e alualu ana i na moku kalepa waiwai.

            A oiai, he pouli loa ia po, aole he mea i hiki ke ike i ke kumu o keia kipu ana.

HOEA KE KUAHAUA A KEKAHI MAU AU-

PUNI NO KE KUOKOA

            Wasinetona, Apr. 27.  Ua hoea mai la ke kuahahaua no ke kuokoa o kekahi mau aupuni i Wasinetona nei i keia la, oia hoi o Enelani, Italia, Belegiuma, Polani, Norewai, Suedena a me Farani.

HALAWAI MA KA MOANA.

            Havana, Apr. 26.  He lono kai hoea mai nei, mai Cardinas mai i La Lucha e olelo ana, o ka mokukaua Sepania Liquera a me kekahi moku topido Amerika, ua halawai ae laua mawaho o Cayo Piedra.  Na ka moku topido Amerika i hoomaka mua i ke kipoka ana, a ua panai mai no hoi ka mokukaua Sepania.  He umikumamakahi ka nui o na poka i ki ia e ka mokukaua Liquera, wahi a ka lono, a ua hoomaopopo ia ka nui o na poino i halawai me ka moku topido, no ka mea, ua holo aku oia me ka luli ino ana.  O ke kapena o ka mokukaua Sepania oia no o Anotonio Perez Rudon.

E HOOUNA AKU ANA O ENELANI I KONA

MAU MOKUKAUA

            Ladana, Apri. 26.  He eono ka nui o na mokukaua Beritania, i hoike ia ae ma Kingston, Jamaica, e kiai aku ana ma na kai e koko ke ana ia Cuba i keia wa o ke kaua mawaena o Sepania a me Amerika Huipuia.

PAA IA KA MOKU TOPIDO AMERIKA

SOMERS.

            Falmouth, Enelani, Apr. 26.  O Kapena Hazelton o ka moku topido o Amerika Huipuia, ua hoike ia aku la lohe iaia ma ke ahiahi nei, elike me ke kumuhana i apono ia ae la e ke aupuni o Beritania Nui e kuokoa oia, aole oia e haalele i keia mau wai.  A ma keia kakahiaka i huki ia ai o kona have hoi i ka home (pennant) ilalo.  Ua lawe ae la he moku topido Beritania i ke kiai ana ma kahi kokoke iaia.  O ke ahi ua hoopio ia ia, a o kona mau kanaka e uku ia ana ia i kela la, a hookuu ia aku.  E kolo ia aku ana ka moku topido no loko o ke awa, a malaila hoi oia e mo-ku ai a hiki i ka wa e loaa hou aku ai o ke kauoha.

            He elima kanaka i hoea mai nei, mai Ladana mai i keia la, no ka hana ana maluna o ka moku topido Sommers.  Ua hoonaia aku lakou e na luna dute awa no ka Home o na Luina me ke kauoha ia aku e noho malie lakou malaila, a ke haalele lakou ia wahi e hopu ia no lakou.  U aolelo ae na luina, ua makemake lakou e hoi aku i Amerika Huipuia no ke kaua, a ua ae ia aku e haawi i $34 no ko lakou hoi ana aku i AMerika.

E HOOLELEIA AKU ANA HE 15,000

KOA AMERIKA MA CUBA.

            Nu Ioka, Apr. 28. He lono kuikawa kai i ohea mai nei i ka Herlad mai Wasinetona mai e olelo ana: Ua hoea mai nei o Kenerala William R. Shafter i Wasinetona nei i ka po nei a hoohala i ka la me ke kuka kamailio ana me na luna aupuni o na Keena Kaua Aina a me Moana no ka noonoo ana i kana huakai no ke alakai ana ku i na koa no Cuba e like me ka hikiwawe i loaa iaia.  Ua noonoo ia ma keia pule ae e hoolele ia aku ai kekahi pualikoa nona ka huina o 15,000 koa ma kekahi awa i manaoia ua kupono loa no ka lele ana ku o na pualikoa.  Ua hoomaopopoia ma keia la o ke awa i koho ia oia no o Bahia Hando, kekahi o na awa kumoku ma ka hikina aku o Havana.

MAKAUKAU NA MORAMONA NO KEKAUA

            Loko Paakai, Uta, Apr. 28.  Ua hoopuka ae la ka nupepa Deseret News i keia auina la he leta na ka Peresidena ekahi o ka luakini Moramona i kakau ia aku i ke Kiaaina Welis.  Maloko o ua leta la e kamailio ana ia no ka bataliona o na Moramona he 500 i komo ai ma ke kaua o Mekiko, a olelo ae la.  "Ua kukula ia ae la ke kaua, a o ko makou mau kupa ua kahea ia mai nei ia no ke komo ana aku i ke kaua.  Ke hilinai nei makou, o nakupa o Uta, o ka hoomana o na la hope, e loaa aku ana no lakou na makaukau no ka hooko ana me ka manao Hauoli i ke kahea i hana ia mai maluna o ko makou Mokuaina.

HAALELE NA AUMOKUKAUA SEPANIA IA

CAPE VERDE.

            St. Vincent, Cape Verde Islands Apr. 30.  O na aumokukaua Sepania, i huiia he eha mokukaua o ka papa ekahi, ekolu moku topido wawahi a me ekolu moku topido ka moku halihali lako kaua a me ka moku halihali nanahu, na haalele mai lakou ia nei i keia kakahiaka.

            Ua hoike ia mai, ua loaa mai nei i ka Adimarala Sepania ke kauoha no ka holo ana mai Madarida mia i ka po nei.  O keia mau kauoha, ua sila ia aole e hoikeia ana i na aliimoku a me na luina a hiki i ka wa a na moku e hala loa ai iwaho moana.

            O kekahi papa o na mokukaua ke hoohemo aku lakou no waho o ke kaikuono ma o ae o Washington Head ma ka hora 7.  O keia puulu moku, e elua mokukaua a me na moku topido Furor, Terror a me Pluton.  He hookahi hora mahope iho, ua haalele hou iho la he elua mau mokukaua i ukaliia e na moku topido Ariete, Azoe a me Rayo, me ka moku lawe lako kaua Cindad de Cadiz a me ka moku halihali nanahu San Francisco, i ke awa o St. Vincent.  I keia wa e kali ana ka mahele mua o na aumokukaua i haalele iho ai mawaho o ke awa, a i ka hoea ana aku o ka mahele elua ua haawi ia mai la ka hoailona mai luna mai la ka hoailona mai luna mai o ka moku lawe have o oia no ka wa o na mokukaua Vizcaya, Almirante Oquendo, Infanta, Maria Teresa a me Cristobal Colon, i ukaliia e ekolu mau moku topido, ua hala aku lakou me ka alahele komohana, i manao wale ia no Cuba a i ole no Port Rico.  A o ke koena iho o na mokukaua, na moku topido moku halihali lako kaua a me ka moku lawe nanau, ua hala aku lakou ma ke alahele komohana, i manao wale ia no Cuba a i ole no Port Rico. A o ke koena iho o na mokukaua, na moku topido moku halihali lako kaua a me ka moku lawe nanahu, ua hala aku la ia no ka akau.

            O na moku topido me ka moku lawe lako kaua a me ka moku halihali nanahu i holo no ka akau ua hoi hou mai nei lakou mahope o ke kaawale ana no kekahi mau hora kakaikahi.  O ke kumu i hoi mai ai, ua olelo ia ae, mamuli no ia o ka manuheu ana o kekahi o lakou, mamuli oka hookui ana, a e haalele koke iho ana no lakou i ka wa e paa ai.

            Oiai, ua mahele ia na mokukaua ikaika iloko o na mahele elua he hookahi i holo aku no ke komohana, a he hookahi ma ke alahele e hiki aku ai i Camaries, a na loaa mai ka lohe e holo aku ana lakou malaila no ka huipu ana me na mokukaua hakaka Pelayo a me kekahi mau mokukaua e ae e holo nei ma ke Kai Waenahonua.

 

HE LONO HAKKA.

            Jacksonville, Apr. 22.  He lono kuikawa kai hoea mai nei mai ka nupepa Times Uniona a me ke Citizen mai Lantana mai e olelo ana:

            He mea i ike maka, ao ka hoea ana mai la no ia mai Boynton mai, ua hoike ae oia, he moku halihali lako kaua e kiai ia ana o kekahi mokukaua e holo ana no ka hema, uhai ia aku ana ia e kekahi monita, a e holo ana hoi Iaua malalo o kekahi mau kipu hahana ana.

            O keia mau lono kuikawano ka hora 10 a.m.

            Wasinetona, Apr. 22.  Aole he mea i hai ia mai ianei no ka mea e pili ana i keia moolelo.

KAHEA IA NO KOA KOKUA.

            Nu Ioka, Apr. 21.  He ono kai hoea mai i ka nupepa Herald mai Wasinetona mai e olelo ana: O ka bila no ke kahea ana i na koa kokua, e like me ke kauoha a ka Peresidena, e lilo ana ia i kanawai i ka la apopo.

            Mahope koke iho o ka holo ana maloko o ka Hale e like me ka hooponopono a ke Senate, a mahope o ke kakauinoa ana o ka Peresidena e hoounaia ana ke kauoha i na kiaaina o na mokuaaina e hoolawa mai i kekahi pualikoa o 100,000 maiwaena mai o ka lahuikanaka.  O ke kukulu ana a me ka hoolako ana i keia pualikoa, e hoike ia aku no ia i ke keena kaua, me ka manao apono mai o ka Peresidena.

LAWE O BLANCO I KONA KULANA

MAKAUKAU.

            Tamapa, Apr. 22.  Ua hia ia mai au e kekahi kenaka naauao o Enelani i haalele aku ia Hayana ma ka la inehinei, o Kapena Kenerala Blanco a me na luna aupuni o Sepania mahope koke iho o ka haalele ana ku o Kenerala Li, ua hoomaopopo ia ka hoea mai o ke kaua, a ua hoomakaukau kokeia na koa me na lako kaua.He aneane 100,000 koa i hiki mai, a mailoko oia huina he 40,000 mau koa kumau, a o ke koena iho he mau koa pualu.  Ma keia hanaua hookuu wale ia aku ka apana o Hawaii iloko o ka lima o na poe kipi.  Ua hooili ia ae he mau kaua kipikipi liilii, a ua olelo ia ae, ua lilo mau no ia Sepania ka lanakila.

            Ua hoike maoli ae o Kenerala Blanco i kona manao keakea no ka hoopakele ana ia Havana mai na mokukaua a i ole mai na pualikoa mai o Amerika, a i ole ia laua like no.  Ua hoopuka hou ia he kauoha no na pualikoa kokua @ ua kokoke loa e pau loa na kanaka o ke kulanakauhale a me na apana e ae i ke komo i ke koa, a he 30,000 koa i mahelehele ia aku.  O na poe koa hou aia ke paikaua ia la i ka po.  O na poe e noho la ma Havana, ua hoike mai lakou i ko lakou mau manao ohohia.  He lehulehu wale o na poe waiwai e paui la i ko lakou mau hale a nee aku la no loko o ka aina, no ka hoopakele aha ae ia lakou mai ke kipoka ia ana mai.

--

[E nana ma ka aoao eono.]