Ke Aloha Aina, Volume IV, Number 31, 30 July 1898 — Page 1

KE ALOHA AINA

 

HELU IV.  HONOLULU, POAONO, iULAI 30, 1898.

 

KANUPEPA KE ALOHA AINA

 

E hoopuka mau ia aku ana mai ka Poalahi a ka Polima o na pule a pau o kela a me keia mahina.

Ka Uku Pepa, he 20 keneta o ka pule.  No ke kope hookahi, he 5 keneta.

E loaa no ka pepa maike Kaena aku o KE ALOHA AINA, a mai ka lima aku o na Luna Lawe     Pepa.

E pai ia no na Olelo Hoolaha, na kanikau a me na Mele Inoa, me ke Dala kuike.  Aole nupepa      ma ka owili pakahi e hoouna ia ke ole e hookaa mua ia ka uku pepa.

E hoouna pololei mai i na Nuhou na Kumumanao, na Olelo Hoolaha, na Kanikau a me na Mele    Inoa i ka Lunahooponopono o keia Pepa.

Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi        inoa kapakapa ke ole e hooike mai i ka Lunahooponopono i kona inoa ponoi.

           

Ka Nupepa Puka Pule

 

KE  -  ALOHA  -  AINA

 

            Hookahi makahiki .......... $2.00

            Eono mahina .................. $1.00

            Ekolu mahina .................   .50

            Hookahi mahina .............   .20

 

EMMA A. NAWAHI.

Puukuo

KE  -  ALOHA -  AINA

 

EDWARD L. LIKE.

Lunahooponopono a Hope Puuku

 

S. P. KANOA.

Hope Lunahooponopono

 

            O na kauoha Nupepa me na hookaa Dala, e hoona pololei mai i ka Puuku ma Honolulu.

 

Nuhou Kuwaho.

 

            Me ke ku ana mai nei a na moku lawekoa Peru a me Puebla i loaa mai ia makou na lono hope loa a no ka pomaikai o ko makou poe heluhelu ke hoopuka aku nei makou me ka hookaulua ole iho penei:

 

 

 

HAAWIPIO O SANTIAGO.

 

            Playa del Este, Iulai 14, hora 5 p.m.  O ka nanaina o ka hoouka kaua ma Cuba ua hoea mai ia i ka hopena.  Ua hoopoinoia na mokukaua o Adimarala Cervera, a o ka hae hoku e pulelo aku ana ia maluna o Santiago i keia po.  Aole hoi e hoomauia aku ka hookahe koko.  Ua launa ae na Kenerala Shafter a me Toral i keia kakahiaka, a ua ae aku ke Keneral Sepania no ka haawipio ana aku maluna o ke kahua, o na Sepania me ka lakou mau lako kaua e hoihoi ia aku ia no Sepania.  Ue koho ae na Kenerala pakahi he mau elele no ka hooponopono ana i na mea e pili ana no keia haawipio.

 

            Ma ka hora 2:30 o keia auina la i halawai ai o na elele, a mahope o ke kuka ana no aneane ekolu hapaha hora, ua hoike ia mai la ua haawipio ia mai la o Cuba Hikina, e hoomaka ana mai Acerraderos ma ka hema a hiki i Sagua ma ka akau me ke kipa ana aku ma Palma, a e lawe ana hoi i na awa kumoku a pau maloko o keia panalaau kaua o Santiago, aka, ua koe aku no nae o Holquin a me Mazanillo, kahi hoi i hoikeia mai, aia malaila kekahi pualikoa nui hewahewa o na Sepania, a ua kaawale no laua mai na palena o kahi i haawipio ia aku.

 

            O keia haawipio ana o Toral aole wale no ia o ka haule ana o Santiago, aka, ma ka haawipio i i hanaia ai, o ka aoao hikina holookoa o ka mokupuni, oia kai @ aku la iloko o ka poholima Amerika Huipuia.

 

            Me keia haawipio ana ua komo pu aku me ka pualikoa ma Santiago, Guatanamo, Caimanera a Sagua.  O ka nui o na kanaka maloko o keia panalaau i haawipio ia aku la e Keneral Toral he 125,000.  A e komo ana ma keia haawipio ana na kulanakauhale o Santiago de Cuba, Guantanamo, Sagua de Panama a me Baracoa. 

 

            KA NUI O NA POINO MA SANTIAGO.

 

            Wasinetona, Iulai 14.  O ka lele kaua ana maluna o Santiago no elua pule.  O ka nui o na poino i hoomaopopoia maloko o keia mau pule elua, ua hoopoino ia na mokukaua, he aneane hookahi tausani mau luina Sepania i piholo a i ole make mai ka poka a me na alelo mai o ke ahi, a he heluna maopopo ole hoi o na koa Sepania i loaa aku iloko o na auwaha ma Santiago.  O ka nui o na poino ma ka aoao o na Amerika he 250 i make a he 2000 i hoouna ia aku no loko o na haukipila no ka lapaauia ana i loohia ma o ka hoehaia ana, mai fiva a me kekahi mau mai e ae.

 

            UA AE E HOIHOI I NA SEPANIA.

 

            Nu Ioka, Iulai 14.  O na agena o na hui mokuahi like ole o keia kulanakauhale ua ae aku lakou i ke poi a ke Aupuni o Amerika Huipuia no ka hookuu ana aku i na mokuahi ku kaawale no ka hoihoi ana i na koa Sepania mai Santiago no Cadiz.  O kekahi manawa hana nui keia i  ikeia maluna o ke alahele moana, aka, aole nae e komo ana na moku laweohua o ka papa ekahi a me ka papa elua ma ka hoonee ana i keia 30,000 koa a oi aku mai Cuba aku no Sepania.

 

            AOLE NO I HOOHANA AKU O AMERIKA.

 

            Nu Ioka, Iulai 14.  He lono kuikawa kai loaa mai nei i ka nupepa La mai Wasinetona mai, e olelo ana: Aole he mea i ikeia a i ole e lawe ia ae ana e keia aupuni no kela ulia i ikeia ai ma ke kaikuono o Subig.  Ua hoakaka ae kekahi luna aupuni kiekie aole o Amerika Huipuia e komo aku ana ma na hoopaapaa ana me Geremania, no kela hoao ana o ka mokukaua Geremania e kue i na pualikoa o Aguinaldo. 

 

            O PORTO RICO KE KEEHINA HOU A AMERIKA E LAWE AE AI.

 

            Wasinetona, Iulai 14.  O Porto Rico aku ana i keia wa, wahi a Kuhina Alger, mahope o ka lohe ia ana mai o ka haawi pio ana aku la o Santiago, a ina he mea hou aku o Havana.

 

            O ka pauku mua o ka hoouka kaua ma ka aina ua pau iho la i keia la mawaena o Amerika a me Sepania i ka wa i lawe ia ae ai o ka hae Sepania a hookau ia aku la ka hae Amerika maluna o Santiago.  Mahope aku o keia oia no ka hoihoi ana aku i na Sepania no ko lakou aina hanau a me ka lawe pio ana ia Porto Rico, koe wale no ke hana koke ia kekahi maluhia.

 

            Ua olelo ae ke Kuhina e hoouna koke ia aku ana na pualikoa no Porto Rico elike me ka hikiwawe e loaa ana, a he poe kanaka hou wale no lakou.

 

            E alakai ia ana na pualikoa o Porto Rico e Kenerala Miles ponoi, a o Kenerala Brooke e noho alakai ne ma Camp Thomas na manao ia e kokua aku ana oia iaia.  Ua manao o Kenerala Miles me 25,000 koa ua hiki loa iaia ke lawe pio i keia wahi.

 

            Ma ka huli pono ana i ke kulana o ke ea ma San Juan ua ike ia aole he mau poino e loaa ana i na koa mai ka ma’i @ pahola mau nei ma Cuba i kela a me keia makahiki.

 

            HOOMAKAUKAU O WATSON NO KA HOLO I SEPANIA.

 

            Wasinetona, Iulai 14, O Komodoa Watsona me na aumokukaua Hikina, e haalele iho ana lakou malako o eha la, a me he mea ia i ka la Sabati ae nei.  Ua hookaawaleia mai oia mai ke paniku ana mawaho aku o Havana, he pule ae nei i hala, a kauoha ia aku la e ohi mai i mau mokukaua nona mailoko mai o na aumoku o Sampson.  O na la i koe iho e hoolilo ia aku ana no ka hoomaemae ana ia lalo o ka moku no ka hoopiha nanahu a me na lako ai.  Ua haalele aku la ka moku Yankee ia Nu Ioka me na lako kaua no keia mau moku.

 

            O na moku o Watson e hoakoakoa ana lakou mawaho aku o ka Mole St. Mcholas a i ole Cape Haytien.  A malaila i hoolala ia ai ke alahele no Canary, ma ka avarika holo o umi mile i ka hora a hiki i ka mokupuni o Ferro, ka mokupuni nui o Canary.  Ua manaoio ia no nae aole pilikia e halawai mai ana ma ka lawe ana ae, e hoolele ia aku ana kekahi pualikoa makaukau no ka lawe ana i kahi ano nui o ka mokupuni.

 

            E holo aku ana keia mokukaua no Sepania, a mahope o kona makaikai ana ia Cadiz, e komo aku oia ma ke @ o Giberaleta, a kipoka aku ia Malaga, malaila e holo loa aku ai lakou no ka hikina akau no Port Mahon ma ka mokupuni Belearie.  O ke kulana @ ma keia wahi he nawaliwali, aole hoi he hana nui na Watson, ka iawe ana ae ia lakou.

 

           

            HAMU OLA IA E KA TIGA.

 

            Vanekoua, Iulai 14.  O na lono i loaa mai nei maluna o ka mokuahi Warimu i hoea mai la i keia la, e pili ana no ia no ka hamu ola ia ana o kekahi mea hoolakalaka holoholona e ke tiga ma kahi kokoke i Adelaide, N. S. W.

 

            O John Isaac, he kanaka hoolakalaka i no holohoiona hihiu, a mamuli o kona wiwo ole, ua lilo oia he kanaka kaulana, i kona wa e hookokoke aku ana i ka pauina o kana hoikeike ana i kekahi tiga ma ka hale keaka Harmiston, ua nahu ia iho la oia e ka tiga nona ka inoa o Duke imua o kekahi auaina kanaka nui i akoakoa aku nona ka huina o 1,000.

 

            I keia wa i puhee aku ai na wahine a me na kane no waho o ka halekeaka me ka weliweli nui a i keia wa no hoi i noho iho ai ua tiga la a ai iho la i kona haku, a i keia wa o ka holoholona i honi iho ai i ka hohono o ke koko oia no kona wa i haehae ae @ i ke kino o Isaac.

 

            Ua holo aku kekahi poe me na laau, a na lakou i hoopakele mai i ke kanaka poino, aka, no kekahi mau hora kona ailiili ana, ua make iho la oia.

 

            @ NA ALIIMOKU SEPANIA.

 

            Messina, Sicily, Iulai 10.  Ma ka ponei i hiki mai ai na alii o na moku topido wawahi Sepania i ukali aku ai ia Adimarala Camara a hiki i Port Said.  Ua hoopiha loa ia lakou me ka inaina i ka wa i lohe ai no ka hoopoino ia ana o na moku o Adimarala Cervera, a ua hoopuka ae la lakou i ko lakou manao ua makaukau lakou no ka hakaka ana a hiki i ka hope loa.

 

(E nana ma ka aoao eono)