Ke Aloha Aina, Volume IV, Number 34, 20 August 1898 — Page 3

KE ALOHA AINA

POAONO, AUGATE 20, 1898     3

 

NUHOU KUWAHO.

            Maluna mai la o ka mokuahi Mariposa i loaa hou mai la ia moku na lono hope loa o na aina mamao, a no ka pomaikai o ko makou poe heluhelu ke hoopuka aku nei makou me ka hakalia ole, penei.

                        HOOKUEAIA HEKAUA MA MALATA.

            Camp Dewey, Manila, Aug. *, hiki i Hongkong, Aug. 9.  He 9 ka nui i make a me 40 i h*ehai, oia na mea i ike ia mawaena o aa pualikoa Amerika mahope o kekahi hoouka kaua hahana ana me na Sepania mawaho o Manila.

            O na auwaha Amerika mamua o Malata, i lawe ia mai na poe kipi ae he hapalua mile mai ke kai mai a hiki i ke kahua o Keneral Norial, ua paa ia e kekahi mau mahele koa o Penesalevania, a me Ula me ekolu pu ki pinapinai.  Mawaena o keia auwaha a me kahi e hoolulu ana o na poe kipi ma Passay he ulu ohe manoanoa me ka manako, nona ka loihi he hapalua mi e, a mainila poi kekahi poe kipi e kiai ana.

            Mahope o kekahi manawa o ke ki wale ana aku  o kekahi poe kipi i ka lakou mau pu maluna o na Sepania ma Malata, ua panai ia mai la ia e na Sepania, a oia no ka wa o na poe kipi i haalele iho ai i ko lakou kiai ana a emi hope aku la no Paasay e ka haalele ana i na koa Amerika e noho kiai no lakou iho.

            Ma ka hara 11:30 oia po no  ua lele kaua mai la na Sepania maluna o Amerika, i kokuaia mai hoi e na batari o Malata, ma ka hoolele ana mai i na poka pahu.  Iloko o keia wa e malama ai nei o ka hoouka kaua, aia na poe kipi ke  noho malie mai la, a ua hunaia aku lakoue e ka pouli.

            Ua nee aku na Sepania imua no kahi he 60 iwelei ka mamao mai na auwaha mai o na koa Amerika, aka ua kuemi hope aku no hoi lakou mai muli o ka hahana o na kipu ia ana aku.

            He hookahi poka pahu i lele mai pahu ae a uhiia iho la e ka lepo he hookahi pukuniahi o Uata, a mamauli o keia kulana kupilikii, ua hoouna aku o Hawkins he eleele o hope o kahi hoolulu no ka hoouna hou ana mai i mau koa.  A ua hooko kokeia keia noi e Mekia O Hara.

            I ka iho ana aku o ua pualikoa Ekahi la o Kaleponi, ua halawai aku la lakou me na poe kipi e holo ana no ko lakou wahi e pakeleai.

            No ekolu hora o keia hoouka kaua hahana ana, ua kualiliii mai la ia a ua hoemi mau ia aku hoi i ka wa o na hora o ka wanaao i hoea mai ai.  Ma ka puka ana ae o ka ka la ua emi hou aku lakou iloko o ko lakou papu ma Malate.  O keia ka wa i hoomakaia ai ka ohi ia lana o na poe make, a ua lawe pu aku no hoi na Sepania i ko lakou poe kopoino, no ka mea, aohe mea hooka, hi i loaa aku, aka, uamanao a nae a ua koikoi na poino i loaa ma ko na Sepania aoao.

            He pouli me ka ua ko keia po i hoouka ia iho la o keia kaua a na ka waha o na pu raifela, pukuniahi a me ka uwila mai ka lewa mai i hoomalamalama ae i ua kahua kaua la.  Mawaena o na aliikoa wiwoole i komo ma keia hakaka ana o Kapena Richard W. Young kekahi ka moopuna a Brigham Young o Uta.  O keia poe a pau ua kipa mai lakou ia nei maluna o na mokuahi lawekoa o ka huakai elua.

                        UA LELE KAUA HOU MAI.

            Camp Diuwe, Aug. 3. (Hiki i Hongkong, Aug. 9.)  O ka mahela koa Nebraska a me ka Puali Umikumamawalu na lakoui kiai na auwaha i ka ponei.  Ma ka hora 10 ua kipu mai ia na Sepania mai Malate mai,  Ua make o C. Lewis he koa no Neraska, a ha lehulehu hoi na poe i hoenaia mai kekahi poka panu mai a na Sepania.

                        E HOOMAHUAHUA IA AKU NA KOA NO MANILA.

            Nu Ioka, Aug. 10.  He lono mai Wasinetona mai ka nupepa Herald.  Aole e emi malalo o 20,000 koa no ka hoomalu ana aku i na mokupuni Pilipine, ua loaa mai nei ia'u ka lohe, ua kauoha aku la o Kuhina Alger ia Keneral Meriama e hoouna kokeia aku na koa no Manila, me ka hakalia ole.  Ua oleloia ae i na i lawe ae o Adimarala Diuwe ia Manila, aole loa e hiki iaia ke hoomalu i na lahuikanaka oia kulanakauhala, no lakou ka huina o 300,000 me na koa Amerika no lakou ka huina o 20,000 koa.  He lono e ae no hoi kekahi no keia kauoha pupuahulu ia ana o na pualikoa mamuli o ke kanalua ia a Aguinaldo a me kona mau koa kipi.

                        EKOLU I MANILA.

            Nu Ioka, Aug. 9.  O na lono i loaa mai i ka nupepa World mai Manila mai no ka la eha o Augate, e olelo ana:  O na moku lawe koa o ka huakai ekolu no Pilipine, ua hoea mai nei ia, he iwakalua-kumamalua la mai Honolulu mai.  aole he huakai elike me keia i ike ia ka nui o na ehaeha a me ka pakele mahunehune ana mai kekahi poino.

            Ma keia huakai he eono koa a me hookahi alii i make, a he 50 hoi a oi aku hoi koa i loaa i ka ma'i.  O ka ma'i fiva taifuda ka mea nana i luku i na poe koa o luna o na moku lawekoa.  He elua paoahi oluna oia mau moku i pupule a lele iloko o ke kai.  Aka, o kekahi o na mea i oi loa aku o ka weliweli oia no ka a ia ana o kekahi moku e ke ahi.

            O na puulu moku lawekoa a me ka moku monita Montere, oiai, lakou he elkolu la mawaho aku o Hawaii, ua ike ia iho la he ahi iluna o ka moku lawekoa Morgan City, ua lawe koke ia aku keia lohe ia Kapena Dilon, aia he ahi iloko o ka lua papahu.  Ua kauoha koke ae o Kapea Dillon me ka malu loa i ka malama moku ekahi, e lawe ia mai na iliwai no ka hoopio ana i ke ahi.

            Mawaenakonu o ka po, i ka wa nakoa a pau i hiamoe ai, na hoakoakoa ae la o Kapena Dillon i na luina a pau hoike aku la i keia mea huna me ka hoohiki pu aku ia lakou aole e hoike aku i kekahi ea okoa aku.  Ma kekahi ia ae, na ikaika ka a ana o ke ahi, aka, ua paio aku no nae naloina me ka wiwo ole, i ke ao a me ka po, a iloko o keia manawa kupilikii, aole he koa i haopopo i keia pilikia.

            Ua emi mai ka holo o ka moku Morgan City, a pela pu hoi me na moku e ae i hoemi mai i ko lakou holo.  Ua hoomau aku o Kapena Dillon i ke kinai ana a hiki wale i ko lakou hoea ana aku i Manila, e mai ana no ka a o ke ahi, aole nae oia i haawi aku i na hoailona poino i ka moku lawehae.  Aole no hoi na koa i lohe i keia poino a hiki i ko lakou wa i hoea mai ai ia anei, akahi no lakou a lohe i keia nuhou weliweli.  A he mau hora mahope iho o ku ana o ka moku i pio ai ke ahi.

            Maluna o ka Mogana City he 600 koa he maumahele koahoi mai Idaho a me Nebraska.

            He 12,000 paona bipi o luna o ka moku lawekoa Indiana i pau i ke kiola ia iloko o ke kai no ke ino.  Ua apo ia mai na koa me ke ohohia nui maloko o ke kai kuono o Manilo, e na mokukaua o Adimarala Diuwe a me na moku lawekoa e ae e ku ana malaila a mai na koa mai hoi mauka o ka aina.  Ke pii mahuahua ae la ka oluolu o na koa.

                        HOOLIMALIMA E PEPEHI I KANA KANE

            Memphis, Aug. 8.  Ma ka po o kala 30 o Iulai, ua kipuia iho la kekahi haole nona ka ino o J. T. Orr, he haole kalepa hao, ma ka puka aniani o kona home.  Ua huli ia ka mea nana ihana i keia puuwai eleele, aka, aole nae i loaa a hiki iho la i ka Poaono nei, oia ka wai lohe ai o k Makai Nui i kekahi mau olelo mai kekahi wahine opio mai, e hoike ana ua maopopo no o Mrs. Orr, a ua hoolimalima aku hoi oia he paele nona ka ino o Rennis Record no ka pepehi ana ia Orr.  A he paele ae ae no hoi kekahi nona ka inoa o Manse Castle i kokua pu aku iaia.  Ua hope koke ia keia poe ekolu a hoopaaia aku la iloko o ka halepaahao.  Ma ka la inehinei, ua ae o Castle nana no i lawe i ke ole o Orr, mamuli o kona hoolimalima ia ana e Mrs. Orr.  Ma ka po nei ua hoea ae kekeahi puulu hoonaunaele me ka manao ana e li i na poe pepehi kanaka ekolu, aka, ua hoomalimliia aku nae lakou e Lunakanawai Thomas, a pau nui aku la lakou i ka hoi.

                        MAKAUKAU O KENERAL AGUINALLO E MAHUKA.

            Cavite, Aug. 6, (hiki i Hongkong).  Me he mea la e mahuka aku ana o Keneral Aguinaldo mai Manila aku, a nolaila, ua hoomakaukau iho kona mau hoaloha he elua moku maloko o ke kai kuonon me na mea ai, a ua makaukau hoi no ka lawe ana aku iaia i kona wa pilikia.  Ke hoomaopopo la na poe kipi he nui a he lehuiehu na mea ana i kamailio aku ai no lakou, aka, aole nae e hiki iaia ma na ano a pau ke hooko.

            Aole he hilinai i koe iloko o na Amerika no Agunaldo, a ke mauaoio la na pualikoa e kumakaia aku ana oia i kona mau hoa.  Nolaila, e kale ana o Keneral Meritt o ka hiki aku o ka Monadnock i Manila, a oia kona wa e nee mua aku ai no ka hana.  A oiai aole ona hilihai i na poe kipi, ua makemake oia e loaa iaia kekahi pualikoa mahuahua no ke kiai ana i ke kulanakauhale, a ua hopohopo hoi o Keneral Merritt e ulu mai ana he hakaka me Aguinaldo.  Na Amerika no i hoolako aku i keia poe kipi me na lako kaua, aka, ke kue mai la no nai iaia.

                        KA MOKUKAUA MONTRE.

            Nu Ioka, Aug. 9.  He lono kai noouna ia mai nei i ka hnupepa World no ka la 4 o Augate e hoike ana:

            I keia la i hoea mai ai ka moku monita Amerika Montere, ma ka Poaha ae nei, i upuia ai e hoea mai ana ka Monadnock, a oia no ka wa e hoomaka ai ka hakaka ma Manila.

                        E HOEA MAI ANA KA MOKUPEA TACOMA

            Kapalakiko, Aug. 6.  I keia la i haalele iho ai ka mokupea Tacoma no Manila, me na lio a me na hoki no generala Meritt.  Ua manao ia ma ka la 20 o augate e hoea aku ai oia i Honolulu.

            Aole e komo aku e Tacoma ma ke kowa o Ballingtang, aka, e hui ana oia me elua moku kolo i hoounua ia mai e Kenerala Merritt, a e hukiia aku ana maloko o ke kowa o Sana Bernadino.

                        HE MAU MILIONA DALA KA WAIWAIIO

            Hamburg, Aug. 9.  Uaoleleo ia ae o ka waiwai o bismaka ana i haalele ho la mahope nei, he 20,000.000.  He mahele o keia ua waihoia aku iloko o ka banako o Enelani.  He nui hewaewa pu hoi me kona mau aina.

                       

            E loaa no na Oganadi emi loa ma kahi o B. F. Ehlers no ka 20 keneta o ka i-a.

 

HE KANAKA OPIO WIWO OLE

            Ua ikeia mai nei na hana wiwo ole a kekahi koa opio ma ke kahua kaua o Malate, Manila, nona ka inoa o James Frank finlay, i like hoi kana m* u hana niakau ole me Holson i hoopihole ai i ka moku Murimaka, ma ke Kaikuono o Santiago.

            He halihali poka kana hana na kona mau hua o ka puali Penesilevania i ka wa e hoouka la ana o ke kaua h* hana me na Sepania ma ka po o ka ia 31 o Iulai.

            O kona kakoelua e hele pu ana me ke kea poka no mua o ke kahua kaua, ua halawai oia me ka poino ma ke ku ana o kona wawae i ka poka, nolaila, ua noho iho la oia me ka hookuu hookahi ana ia Finlay e lawe aku i na poka no kahi o ke kaua e hooukaia ana.  Mahope o kona hoomau ana i ke kii mau ana i poka na kona puali, ua ku iho la ka lio e hui ana i ke kaa i ka poka a make aku la, aka, aole nae oia i hopohopo, ua wehwehw ae la oia i na kaula o ke kaa i hoopai ia aku ai i ka lio, a huki lima aku la i ka wa a na poka e hiolo makawalu ana ma kona aoao.  Iloko o kana mau holoholo ana me kana kaa poka,  ua loaa iho la kapena me kekahi koa e waiho ana iloko o ka ehaeha, mamuli o ka halawai ana me na poka a ka enemi, ua hookau ae oia ia laua iluna o ke kaaa a hoihoi aku l- no kahi e palekana ai laua mai na poka mai.  He umi ana manawa, i alo aiiloko o ke ehuehu o na poka maluna o ke kahua kaua a loaa iho la ia lakou ka lanakila, a ua oleloia e, ina aole na hana wiwo ole a kela ia kanaka opio, he mea kanalua loa ka loaa ana ia lakou o ka lanakila.

            Ua hoea aku kekahi poe e ike i ka makuahine o ke kanaka opio wiwo ole, am Kaleponi a haawe aku ia i na hoomaikai no na hana wiwo ole a Finlay.

 

HE PUKUNIAHI NO HILO

            Ua hooholo ae la ke aupuni e hoouna aku i hookahi pukuniahi e waiho wale nei maloko o ka halekoa no Hilo, a e hookau ia aku ana hoi maluna o ka mokuahi mua loa e holo ana no Hilo.  No keia makemake o ke aupuni, ua kauoha ae la o Mekia Porter, e hoounaia kekahi ukuniahi Auseturia o ka waiho wale iho no.  He pu hoi keia i kupono no ka haawi ana i na kipu aloha ana.

            He manao maikai no keia o ke aupuni, no ka mea, a kekahi mau manawa i hala aku nei, ua malama ia ae he mau kipu hoohanohano ma Hilo i kekahi la kulaia, aka, aole nae i pau ka lakou hookani ana i na mea pahu maluna o ka mea ku'i hao, ua poino iho la oia a hiki hou ole aku ke hoomau ia aku na kipu hoohanohano ana.  Aole nae i maopopo ke alii kipu o keia pukuniahi.  Pii mau no o Hilo.