Ke Aloha Aina, Volume IV, Number 37, 10 September 1898 — Page 3

KE ALOHA AINA, POAONA SEPATEMATA, 10, 1893.

                                                                                                                               

AOHE O LAKOU NEI NANA IA IHO.

Eia ke ike maopopo loa ia nei i keia wa, ua lilo ka mana o ka Aha Kuhina o ke aupuni Hawaii i mea ole imua o na Alihikaua Nui o Amerika e noho nei maanei, a ua kaena ae no hoi o Kenerala Meriama, me ka olelo ana aku imua o Kuhina Kupa. 

  Ua hiki loa iaia ke lawe i ka Hale Mana Hooko i na he manao kona e hana pela a o ka Hale Mana Hooko, e hiki no ke kululuia i hale hooko.

  Ua hauwawa ia ae e haawi aku ana o Dole a me kona Aha Kuhina i ka Hale Mana Hooko ia Kenerala Meriama a e lawe ae ana na aliikoa Amerika i kekahi mau wai oia hale. 

  Mamuli o keia mau hana a na Alihikaua Amerika, ua lilo ia i mea kamailio nui ia iwaena o na aliikoa a me na koa o kahi Repubalika Hawaii, a ua olelo ae kekahi mau aliikoa kiekie o ka regimana ma ka Poalua nei, ina e lawe io ae ana na koa Amerika i ka hale paikau, alaila, he hookahi wale no hana pono oia no ke hoopau ana i na pualikoa kokua Hawaii, no ka mea, aohe wahi e ae e hoomaamaa a paikau ai, a aole no hoi @ lakou manao no ke kukulu ana i halekoa no lakou ponoi iho.

  E hoomau aku ana no na aliikoa i ko lakou hui ma keia mua aku, a ina e lawe ae na koa Amerika i ke kahua o ka Hale Mana Hooko, alaila, e haalele iho ana lakou i ka Hale Akala a hele aku i wahi okoa aku, a eia lakou ke hoao nei e hoolimalima io ka pa o Kale Kulika e ku nei ma alanui Moi kokoke i ke alanui Alakea.  Ua hoike ia aku ka lohe ia Konela Fisher e kekahi luna aupuni Hawaii, e nee koke mai ana na koa Amerika a lawe ae i ka Hale Mana Hooko, Hale Akala, Halekoa kahiko a me ka Hale Paikau, me ka hooulolohi hou ole aku.

 

KE IKEMAKA NEI I KA OIAIO.

  Ua hoike aku makou mamua aku nei, i ka wawahi ia ana o ka halekuai o kekahi Pake mauka o ke awaawa o Manoa, a lawe ia he mau waiwai a me elima dala a oi, a ua manao ia he poe koa Amerika, a no ia kumu, ua haawi ia iho nei ka hana iloko o ka lima o David Kaapa, a ma kona noii ana, ua hoike ia ae, he poe koa Amerika io no ka poe nana i aihue, a ma ia ano hoi, i hoike ia aku ai ka lohe imua o ko lakou aliikoa kiekie maanei, oia hoi o Konela Barber, aka, no ka maopopo ole o ka poe i hookuu ia i kela wa i aihue ia ai, na waiho pu ia no pela, a hiki iho la i ka la Sabati nei, Sept. 4.

  O keia hoi ka la i hoea aku ai he haneri a oi poe koa Amerika i lako pono me na mea kaua, a hoolilo aku la i na mala ipu haole, hala kahiki ame kekahi mau hua ai e ae, i mea ole iloko o ko lakou mau lima, okioki iho la i na hala kahiki oo ole a me na mea opiopio, na ipu haole oo a oo ole, i luahi na ko lakou mau makemake ponoi iho, e hoolilo ana i ka luhi o keia poe nana i hana i mea ole.

  Ua hoike ia mai ka lono i ke Keena o ka Oihana Makai, a ua hoouna koke ia aku o Kapena Spillner, o ka puali makai kau@o a me na makai kaulio pu no kahi o keia kulana ooloku, a kamoe aku la ko lakou alahele no uka o Manoa, a ua hoea pu ae no hoi malaila ka Makai Nui o ke aupuni Baranuu a me ke Kuhina o ko na Aina E, Kupa, a ua hiki ole hoi ia lakou ke hana aku maluna o keia poe, oiai lakou e ai ana, a e hana ana elike me ko lakou makemake, me ka nana ole mai i ko lakou nei ku aku imua o ko lakou alo.

  O keia ka hoike oiaio loa imua o na maka o ko na Aina E a me ka poe puni hoohui aina, e nui ai ka waha, e pomaikai ana kakou ke hoohui ia me Amerika, a o ka pomaikai mua loa na e i ma kana ia mai la i na poe mahiai o keia aina a ka maluhia i noho aioia ka hooneoneo ia ana o na mahinaai me na hua ai mea ulu, a hoolilo ia iho la hoi ka hou oia poe i hana ai i mea ole.  O ka ikemaka hoi paha ia i ka oiaio o ka mea a makou i hoike kahiko loa ai, mamuli o ke komo ana mai o ka hoohui aina iloko nei o ka aina.

  O ka hoike mua loa keia nana i hoaiai ae la i ka hoolilo ia ana o ko kakou maluhia i mea ole oia no keia poe koa Amerika, e lawe ia mai nei iloko o ko kakou aina nei, a na ia poe i hoike aku i ka awaawa o keia mea o ka hoohui aina, a ola keia a ka @amuku a me ke Kuhina Kupa i ikemaka aku ia ma ke awawa o Manoa. Awaawa ua poe keiki nei la o ka Aahu Bolu. 

 

KA NUI O NA MAKE MA HONOLULU NEI.

  O keia malalo iho ka nui o na make o ka mahina o Augate aku nei.  He nui hewahewa hoi i ike ole ia ma na hoike oia mahina no o kekahi mau makahiki i hala hope aku penei. 

  Hawaii 46, Pake 11, Pukiki 7, Iapana 13, Beritania 1, Amerika 8, na lahui e ae 2.  Hulna a, pau he 88.  A mailoko mai o keia huina he 23 i make lapaau oleia.

 

KA I AWE IA ANA O HAWAII.

(Mai ka Nupepa Argonaul mai.)

  Ma ka la 12 o Augate, 1898, he ewalu minute i koa a hiki ae i ka hora 12, ua huki ia iho la ilalo ka Hae Hawaii. mai na hale aupuni a pau maloko o Honolulu, a he elima minute a hiki ae i ka hora 12, oia no ka wa i huki ia ae ai na hae hoku maluna oia mau pahu hae a pau. He mau haneri o na koa Hawaii i hoopuni ae i kekahi wahi i hookiekieia mamua o ka Hale Mana Hooko kahi hoi i hookaawai ia no na hana oia la.

  Ma kekahi aoao o ua wahi la, o ku ana ka bina o ka Piladelapia, a ma kekahi aoao e ku ana ka bana Hawaii.  Ua hoemi ia iho ka nui o na p@e puhi ohe o ka bana Hawaii, mamuli o ke kue ana he 19 o kona mau lala, i ke puhi ana i ka o ele hoolewa o ko lakou aupuni e make aku ana. 

  O na hana oia la, malalo no ia o ka mana o Adimarala J. N. Mila, me kekahi mau koa Marina a me na luina mai kona mokuhae Piladelapia mai.  O Peresidena Dole a me kona Aha Kuhina, na Lunakanawai Kiekie, Adimarala Mila, Kuhina Amerika Sewall a me na ukali o Adimarala Mila maluna lakou o ua wahi la.  A he elua hoi mau noho e waiho wale ana i hookaawaleia no ka Moiwahine Liliuokalani a me ke Kamaliiwahine Kaiulani, i konoia aku no ka hele ana mai i ka wa e malamaia ai o na hana. 

  Aka, he mea pono no hoi ke kamailio ae, aole i hoea ae na mau lede ia malaila.  He pule k@i haawi ia ae e kekahi kahunapule o ka hoomana Methodist, ua heluhelu mai o Kuhina Sewall i ka olelo hooholo hoohui aina, a o Peresidena Dole ma ka pane ana aku, ua haawi pio aku la ola ia Amerika Huipuia i ke aupuni a me na waiwai o ka lehulehu o na Paemoku o Hawaii.  I keia wa i puhi mai ai ke ko@na o na lala o ka bana Hawaii i ke mele lahui “Hawaii Ponoi,” me ka haawi pu ia o na kipu aloha ana he 21 no ka hae.

  O na hana i lawelawe ia e Adimarala Mila he maluhia.  Ma kahi malu ua olelo ae oia.  Ua haawi aku au i na kipu aloha ana i ka Hae Hawaii he lehulehu wale o na manawa. O ke 41 hoi keia o ko’u mau makahiki mai ko’u kipa mua ana mai i keia awa, a ua nui hoi ko’u mau hoaloha maanei.  He makemake makou a pau e ike aku i ko makou hae e pii ae ana, aka, he manao nae ko’u aole mea hookahi i komohia ole e ke kaumaha i ka wa i ikeia ai ka hae o keia aupuni e iho iho ana ilalo, O keia na huaolelo panina hope o na hana i malamaia.  A malaila hoi na poe kakau o na nupepa puka la o Kapalakiko i kakau ai ia mau huaolelo hookahi.  O na hana i malamaia ia la, @@ like loa ia me kekahi hoolewa mamua o ko la ahaaina. Aole i pau.

 

Nuhou Kuwaho.

  Maluna mai nei o ka mokuahi Auseteralia i loaa mai ai ia makou ua mea hou makamaka loa o na aina mamao a no ka pomaikai o ko makou poe heluhelu ke hoopuka aku nei makou me ka awiwi nui penei. 

MAKE KA MOI O SAMOA

  Aukelana, Aug. 29. Ua make ma ka Poakahi, Augate 22, o Malietoa Laupepe, ka moi o Samoa, no ka ma’i fiva. 

  Ua hanau ia o Malietoa Laupepe ma kahi o kanaono makahiki i hala ae nei.  A ua noho hoi ma ke kulana Moi mai ka 1889 mai, mahope o kona kipakuia ana i na aina e no elua makahiki, a hoihoi hou ia mai ma ka nohoalii e na kanikela Amerika, Beritania a me Geremania, ma ka la 10 o Dekemaba, 1889. 

  He moi oia i aloha nui ia e ka lahui Samoa o na mokupuni Sawaioi a me Tumasaga a me kekahi mau wahi, a ua nui hoi na hoao ana a kekahi mau alii kiekie o Samoa e kaili ae i ka nohoalii, elike me Tamasese, aka, aole nae i hooko ia mau kuko ana. 

 

HE EIWA HANERI SEPAINA I MAKE.

  Tacoma, Aug. 129.  No ka huipu ana aku me ka hopu ia ana o ka mokukaua Leyte e na aumokukaua o Diuwe he mau pule i hala ae nei, ua olelo ae ka nupepa puka la o Hongkong, aia no he mau mea, aole i hoike ia ae i ke akea. 

  Ua kolo aku ka mokukaua Leyte he ekolu mau moku ma ka muliwai Pampangas, me ka manao o na poe maluna o lakou no ka holo ana aku i Manila, a i ole, no ka haawipio ana aku imua o na Amerika.  Aka, ua hoea mai la kekahi ino nui, a na ia mea i kono mai i ka mokukaua, e haalele aku ia lakou a e holo mai i Manila no ke kii ana i mau kokua, aole nae oia i hoea aku ilaila ua paa iho la oia i ka hopu ia. 

  Ua hoouna ia aku he mokukaua Amerika no ka huli ana i na moku ekolu, aka, aole nae he mau wahi mea i loaa aku no lakou. Ua hoole ae na poe kipi aole lakou i ike i kekahi moku, a ua manao ia ua pau aku lakou i ke piholo iloko o ka moana maloko o ka ino nui.  He 900 ka nui o na poe maluna o keia mau moku ekolu, a mailoko ae o keia huina he 16 he poe kahunapule a mamuli o ko lakou hopohopo i ko lakou mau ola mai ka luku wale ia ana e na poe kipa, ko lakou kumu i akenui ai e holo no Manila.

 

AUHEE NA PUALIKOA AUPUNI

  Ladana, Sept. 1. He lono kai loaa mai nei mai.  Sanahai mai e olelo ana, o na pualikoa aupuni o Kina, ua hoike ia mai, ua hoauhee ia iloko o elua manawa i hooili kaua ai iloko o na la he umi i hala ae nei me na poe kipi o Kwaysi, a ua make he 3000 koa.  Ua olelo ia ae he 80,000 ka nui o na koa ma ka aoao o ka poe kipi i keia wa.

  He kiaaina o ke kulana kiekie kai kauoha ia aku no ke alakai kino ana aku i kona mau pualikoa a e hoopau aku hoi i na hana kipikipi maloko o hookahi mahina me ka hookau aku i na hoopai koikoi.

 

UA HALA LOA AKU LA NO PARISA.

  Manila, Aug. 30. I keia la i haalele iho ai ka mokuahi Kina i anei, a ua kau aku o Mekia Kenerala Merritt a me kona ukali. E holo ana ke Kenerala no Parisa no ke kuka pu ana me na poe hana kuikahi maluhia mawaena o Amerika a me Sepania. Ua haalele iho oia ia Mekia Kenerala Otis i ke kulana kiaaina no Manila. Ua kau pu aku me Kenerala Greene a me Babcock me ko laua mau ukali no ka holo a@a i Wasinetona.

 

E HOEA MAI ANA HE KAUA MAWAENA O RUSIA ME ENELANI.

  Ladana, Aug. 29. He lono kuikawa kai loaa mai nei mai Sanahai mai e olelo ana, eia ke loheia nei maanei, o ke Kuhina Kina ma Sana Peteroboro, ua hoike mai nei oia i kona aupuni, o kona manaoio maoli no, e ulu mai ana he kaua kue mawaena o Rusia a me Beritania maluna o ka ninau o Kina. O keia kumuhana, ua olelo mai oia, ua lawe ia mai e ka Emebasdoa Beritania he palapala ma Sana Peteroboro o ke ano ikaika loa e koi aku ana ia Rusia e hookuu ia na palena aina ana e noho hoomalu nei, a ua hiki ole hoi i ke Kauna Muravieff ke ae aku.  A aia ke upu la ke Kuhina Kina e ulu io mai ana ka hakaka mawaena o keia mau aupuni mamua o ka pau ana o keia makahiki.

 

NA LAKO GULA HOU LOA

  I hoea mai nei maluna o na mokuahi mai Kapalakiko mai.

  Ma ko’u Halekuai, malaila e hana ia ai na Pine, Komo, Kupee Lima, Uwai, a pela aku.

H. C. BIART.

  Alanui Papu, Helu 4041.

apr. 18, 1898. ti

W. C. AKANA. Kalauki

  He Loea Maheleolelo mawaena o ka Lahui Hawaii a me na keiki o ka Aina Pua. He makaukau oia ma ka hana ana i na Palapala Hoolimalima na Palapala Kuai a me na hana a pau e pili ana i na Waiwai Paa a me na Waiwai Lewa,.  He waipahe ma ke kuka ana. 

  Keena Hana. Ma Kauaana, kihi o na Alanui Moi a me Alakea.

                                                                                    feb 21−1yr.