Ke Aloha Aina, Volume IV, Number 52, 24 December 1898 — Page 1

KE ALOHA AINA

UA MAU KE EA O KA AINA I KA PONO

HOOKUMUIA I MEI 20, 1895

 

BUKE VI         HONOLULU,  POAONO,  DEKEMABA 24, 1989             HELU 52

 

 

KA  NUPEPA KE ALOHA AINA

 

------------------------

 

E hoopuka mau ia aku ana mai ka Poakahi a ka Polima o na pule a pauo kela a me keia mahina.

 

Ka Uku Pepa, he 20 keneta o ka pule.  No ke kope hookahi he 5 keneta.

 

E loaa no ka pepa maike Keena aku o KE ALOHA AINA, a mai ka lima aku o na Luna Lawe Pepa.

 

E pai ia no na Olelo Hoolaha, na Kanikau a me na Mele Inoa, me ke Dala kuike.  Aole nupepa ma ka owili pakahi e hoouna ia ke ole e hookaa mua ia @ uku pepa

 

E hoouna pololei ami i na Nuhou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

 

Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.

 

Ka Nupepa Puka Pule

 

KE   -   ALOHA  -  AINA

 

            Hookahi makahiki.......................................$2.00

            Eono mahina...............................................$1.00

            Ekolu mahina..................................................50

            Hookahi mahina..............................................20

 

EMMA A, NAWAHI.

 

Puuku o

KE   -   ALOHA   -    AINA

 

EDWARD L. LIKE.

Lunahooponopono a Hope Puuku

S: P. KANOA.

Hope Lunahooponopono.

 

O na kauoha Nupepa me na hookaa Dala, e hoona pololei mai i ka Puuku ma Honolulu.

 

----------------------------------------------------

 

NA KANAKA NUI O NA KEA

HOOHANOHANO.

 

-------------------------------------------

 

            O ke kauna August e Eulenberg, ka Ilamuku o ka aha o Geremania me he mea la oia ke kanaka nui o na kea hoohanohano he 63 ka nui o na kea.  Aole poe i hookokoke aku me keia kanaka.  O ka nui o na kea hoohanohano o ke Keikialii Bisimaka, he 54 wale no ona kea.  O Kauna von Moltke, he 44 ka nui o kona mau kea.  Mawaena o na kanaka e ola nei. o Kenerala von Hahuke August o  Ealenbeig, nona ka huina o 52 kea hoohanohano.  Ua ukali aku he keikialii Albrecht o Paresia mahope ona, he 44 kea hoohanohano.

 

 

NA  MOKUKAUA   IAPANA

 

---------------------------------

 

            Ua hoopuka ae o Lutanela Uyeno o na mokukaua Imeperiala, a kona manao maloko o ka nupepa Taiyo, o Iokohame, no ka hoouna ana i mau mokukaua Iapana ma Europa a me Amerika.  Oia hoi i eono mokukaua no Europa, elua no Amerika, i hookahi no Honolulu, Hawaii, a i elua no Auseteralia.  O ka nui o na lilo ana i koho wale ai no keia kumuhana no hookahi makahiki e hiki aku ana no ia i ka 300,000 yen.  Aka, o ka uku nae o na aliimoku a me na luina e hoomahuahua ia aku ia i ko lakou wa e hoouna ia aku ai i na aina mamao.  Ma kona noonoo akahele ana, ua huipu aku la oia he 113,000 yen ma ke ano e hiki aku ana na hoolilo no lakou ilaila, a ke hoohui ia keia mau itamu elua e hoea aku no ia i ka 400,000, me ke koe o ka nanahu a me kekahi mau lako holomoku e ae.  A iai, o keia mau mea aole i oi aku ko lakou pii ma na aina e mamua o na wai o ka home.  O ka nui o na lilo ma na aina e, ua koho ia e hiki aku ana no ia ka 400,000 yen.  Ua hoike ae ka lutanela i na omaikai a me ka holomua, i ka wa e hooko ia ai o keia kumuhana.

 

--------------------------------

 

NA MOKUKAUA O POTUGALA.

 

---------------------------

 

            O ka hoaoia ana o na mokukaua liihi o Potugala, ke San  Gabriel a me San Raphael, wahi a ka mea kakau ma Lisebona, ma keia mua koke iho no ia , ma havre, kahi o laua e kapiliia nei. 

 

            Eia ke hooikaika ia nei e hoomahuahua aku o Potugala i kona kulana ikaika kaua moana, ka mea hoi i hooleia i na makahiki i hala ae nei.

 

            Eia o Potugala ke malama nei he hookahi mokukaua hao kahiko, i kapiliia i ka makahiki 1875, ma ka Thames nona ka inoa o Vasco da Gama.

 

            He elua mau mokukaua nunui e lapiliia nei ma Elswick a me Lisebona,   Oia ke Carlos I, a ma Amerika.  A he hookahi i kapiliia ma Italia i ka 1896, o lakou na wahi mokukana ponopono iki o Potugala.

 

            He eono mokukaua kahiko, he laau ka hapanui o lakou, he iwakalua kumamaloa mokukaua  liilii, puulu mokukaua muliwai e kiai la i ke Zambes@.  Umikumamalua moku topido @ he mau moku lawekoa kahiki, ka hope loa.

 

            Aia ke hoolala ia la e kukulu i elua ma mokukaua hao liilii, aka, he mea kanalua nae ko laua hana la aku.

 

-------------------------------------

 

HE ALAHELE MAALAHI KE

ALAHAO.

 

-----------------------

 

            Ma kela makahiki aku nei o ka nui o ka make ma na ulia poino he hookahi iwaena o kela  a me  keia 2,827,474 ohua e laweia ana maluna o na alahao.  A ua like ia ma ka olelo ana ae, ua hiki ia  oe ke kau maluna o ke kaaahi no 2,827,474 manawa mamua o kou make ana.  E kaahele an oe no 72,093,963 mile mamua o ka hoea ana mai oia manawa, a he 4,541,945 mile mamau o kou hoehaia ana.  I na oe e kaahela ana he 20 mile i kela a me keia la no 300 la iloko o ka makahiki he 758 makahiki e hele ai mamua o lou hoea ana mai i kou manawa e hoehaia ai.

 

            Ina he keaaahi i ka wa o ko kakou Hoola i hanau ai i ka la mua o ka A. D. 1, a ia wa oe e kaahele ai he 100 mile i kela a me keia la, a hiki mai la i keia makahiki 1898, e koe ana he aneane 3,000,000 mile au e hele ai mamua o kou wa e halawai ai me ka ulia o ka make.

 

---------------------------------------------------

 

POHA KA LAE O KE KOLOHE.

 

--------------------

 

            Imua o Lunakanawai Wilikoki i hookolokolo ia ai na haole piliwaiwai: ma ke kakahiaka Poaha nei.  O H. D. Rivers a me Buck Buchanan kai ae aku i ko laua hewa, a ua kopi ia mai laua he $250 o kahi a he $175 o kahi.  I keia kakahiaka e hoolohe ia ai ko L. H. Dee hihia oia hewa hookahi no.  A o ko Gardner hewa no ke keakea ana i ka hana a ka makai, i keia kakahiaka pu no e hoolohe ia ai.

 

 

NALOWALE ILOKO O KA ULULAAU.

 

----------------------

 

            Maluna mai o ka mokuahi Kinau i loaa mai ai he Iono mai Hilo mai, e hoike ana ina ka Poakahi, Dec. 12, ua nalowale lho la he luahine haole nona ka inoa Mrs McFarlane me noho ana ma Kaumana,  me kana mau keikikane elua, mai ka home aku o kana moopuna wahine Mrs. Gamelielson, he ano mamao iki aku hoi mauka o kahi o kana mau keikikane,

 

            Aole i hoomaopopo koke ia kona nalowale a hiki i kekahi la ae, mamuli o ka manao ana  o kana mau keikikane aia no o a ma ka hale o kana moopuna, a o kana moopuna hoi, ua manao oia ua hiki maalahi aku kona kupunawahine i ka home o kana mau keiki.

 

            I ka wa i hoomaopopoia ai o kna nalowale, ua hoike kokeia aku ka oihana makai o Hilo, a he mau makai a me na poe e ae kekahi i hoea aku iloko o ua ululaau la no la huli a iaia,  Aole he wahi mea i ikeia aku nona, aka, o kona papale nae me kona kihei kai loaa kau i na poe huli.

 

            Ma ka Poakolu ae, ua hoomahuahua ia ae ka nui o na poe i pii aku e huli iaia no lakou ka huina he 80 a oi, aka, aoleno nae he wahi meheu i laoaa aku nona.  Ma ka auina la Poaha ae, ua hoomauahua hou ia ae la nui o ka poe i pii aku e huku, me ka manaoio ana o Makai Nui Anarau, e loaa aku ana iaia ke kino o ka luahine, aka, he kanalua nae kona loaa aku e oia ana no.

 

            Ua hookahua iho keia ohana McFarlane ma Kaumana he elua makahiki i hala ae nei, a mai British Columbia lakou i hoea mai ai.,  o ka uui o na makahiki o keia wahine, mawaena no ia o ke 80 a me ke 90.  Aohe i loaa kona kino a hiki i ka hoi ana mai nei o Kinau,

 

            ------------------------------------------

 

            Ua hoohui ia ae ma ka berita laahia o ka mare o Miss. Eva Paka a me Frank Wood, ma Waimea, Hawaii, ma kela Poakolu aku nei.

 

 

HE PEPEHIKANAKA MALALO

O WAIALUA,

 

-----------------------

 

                        Ma ka hora 2 o ke @ina ia Poaha nei, ua loaa nai la he lono telepona i ka halewai @ e hoike mai ana no kekahi pepehikanaka i hanaia malalo o Waiallua.  Ua hoo una kokeia aku o Hope Ilamuku Chillingworth maluna o ke kaaahi no Waialua no ka lawelawe ana keia hihia weliweli.

 

            O ka mea i make he Iapana wahine no ka hui mahiko o Waialua, a ua pepehi ia oia a hiki ikona make ana, a ua manao ia o kona kane ponoi no ka limakoko.

 

            I ka hoea ana aku o ka Hope Ilamuku, ua kii ia aku la ke kino make e waiho ana ma naki kokoke i ka malako, a hoihoi ia mai la no kahi kupono, a malalo o ke kokua ana a na makai oia wahi, ua paa iho la i ka hopuia ke kane e ka mea make a me elua Iapana e ae, aka maluna uo nae o Ishimoto.  ke kane a ke wahine Iapana make, ke koikoi o na lima o ke kanawai.

 

            Ua loaa aku ma ka mahamaha o ke poo ma ka aoao akau, he palapu manaonao e kau ana, a me he mea la, na ia eha i keili ae i ka hanu ola mailoko aku o ke kino o keia wahi ne Iapaha.  O ke kumu i hoohuoi ia ai nana i lawelawe i keia hana puuwai eleele, mamuli no ia o kekahi mokuahana i ikeia i ulu ae mawaena o laua, a ua olelo ae kekahi mau Iapana, ma kela pule aku nei, ua hili aku o Ishimotu i kana wahine, a i kona wa i kue maai ai, ua nahu  ia aku la kekahi manamanalima.

 

            Ua olelo ae o Ishimoto, ma ke ahia@ Poakolu nei, i kona wa e makaukau ana e haalele iho i ka malako me kana wahine, ua holo mai la he puulu Iapana a lawe aku la i kana wahine i kahi i maopopo ole.  Aole he hilinai ia o keia mau olelo.  O ka ike hope loa ia ana o keia wahina ma ka hora 5;30 o ke ahiahi Poakolu, aka, ma kekahi kakahiaka ana ae, ua loaa aku la kona kino make i kekahi poe Iapana ha kanalima kapuai mai ka malako aku, a he 100 kapuai mai ke alanui kaaahi mai.