Ke Aloha Aina, Volume V, Number 2, 14 January 1899 — Page 8

KE ALOHA AINA

 

Ke Aloha Aina, Poaono, Ianuari 14, 1899.

 

He Moolelo Walohia no ke Keikialii Alabati ke Kaeaea o Pelekane a me ka Ui Madelina.

Ke Kukui Uwila o Ainapo

Hooheno@a no Ke Aloha Aina

            Ua malama@a na hana iloko o ka hauoli a me ka maluhia; a ua hookuu ia hoi kela a me keia e noho e malama i ko lakou hauoli iho, elike me ko lakou makemake.

            O ka wa hoi ia o ka kaua opio i hoi aku ai me kana aliiwahine opio maloko o kekahi mau @rumi kaawale o ua Kakela la, no ka haawi ana i manawa hooluolu no ko laua mau kino.

            He mau @a ko lakou noho ana malaila no ka hooponopono aua i ka noho ana o na poe ma ia wahi me ka hoohiki pu ana hoi ia lakou no ka hoopau loa ana i na hana ino a ko lakou haku i malama ai no kekahi manawa loihi.

            Ua kaa ka hanohano o ka lilo ana o ka noho hoomalu ana i kahi aliikoa pahaahaa, me ka hookuu pu ia ana hoi o na keiki a ka haku o na powa e noho lanakila laua mai ka noho lawelawe ana noloko o ke Kakela.

            I ka pau ana o keia mau hooponopono ana, ua ku ae la lakou a huli hoi aku la @o ka home o kona hoaloha oiaio Rokelika, i ukali ia mai hoi e ka heluna nui o na powa a me ko laua mau kanaka ponoi.

            A aole hoi i halawai mai ma ko lakou alahele he mau keakea a hoopilikia ana, a hiki wale i ko lakou hoea ana aku ma ka home o ua kaeaea la.

            A iloko hoi o na hooho hauoli ana o kona mau kanaka i hele a piha i ka hauoli, i komo laelae aku ai lakou iloko o kahi noho o ua Rokelila la me ka maalahi.

            Iloko o keia noho ana hauoli, aia na manao o ke aloha makua ke oni kapalili ala ia iloko o ka houpo o ke Keikialii Ale@ereda, a oiai hoi, o ka piha ana ia o ka mahina oike lakou uoho pu ana, me ka loaa ole he mau kuee ana iwaena o ko lakou noho ana aloha mehe ohana hookahi la mai ke koko hookahi mai.

            I kekahi ahiahi, oiai laua o hele holoholo ana malalo o ka malu o na lau laau me kona healoha Rekelika, me na manao ohohia i ka ike ana aku i ka @ @po@po o na lau laau @ ku ana m@hope o ke @ua @ ke Kake@a.

            A oiai hoi laua i noho like iho ai ilalo, haliu mai la ko laua aio a nana mai la i ke ku pono aku a ke Kakela mamua o ko laua alo, ua lilo ia he mea hoohauoli i ka manao o ua mau hoaloha @a.

            A oiai nae e kokoia ia ana ko laua mau noonoo o na nanaina hauoli oia no ka wa i lohe ia aku ai o ka leo o ka opio i ka pane ana mai me ka malie:

            E kuu hoaloha miaikai.  ka mea hoi nona keia noho lanakila ana a'u i aie nai ai, mamuli o kau mau hana manawalea o ke aloha a me ka hoopono.

            Ano, ua loaa ka manawa kupono ia'u e nonoi aku ai ia oe e hookuu mai ia'u a me ka'u wahine, no ka hoi ana aku e ike i ka maka o na makua a me ka lehulehu, a no keia kowa loihi hoi o ke kaawale ana no elua makahiki.

            Aole no ka manao ana ae, ua he mahema oe ma ka malama ana i ko maua noho ana, a oia ke kumu o ko'u noi ana aku, aole pela, aka, malalo no ia o ke aloha i ka makua a mai lilo hoi ia i mea e hookaumaha ai i kou manao.

            O keia @ oleo a ka opio i hoike aku la, ua lilo ia he mea nui iaia a mahope hoi o kona noonoo maikai ana, ua haawi aku la oia i kona ae me keia mau huaolelo makee o ka hoaloha oiaio.

            Ua ae au i kau noi no ka hoi ana ou a me kau wahine no ka hoi ana aku no ko olua home, me ko'u ukali pu aku a me ko'u poe kanaka no ka olua huakai huli hoi i ka aina, ma ke ano ua aloha au ia olua.

            O ka loaa o kela paina luau a me ka aha fea nui i haawi ia ai malalo o ka pa kula Sana Lui mamua aku nei he $1,268.85.

            Ua haawi ae ka mokukaua @ he ahiku pualoha no ka @ihopa o Panopolis, i kona wa i kipa aku ai e makaikai i ka mokuahi.

            Ma ke ahiahi Poaono nei i haalele iho ai ka mokukana Italia i ke awa o Kou nei no Suva, ke kulanakauhale poo aupuni o Fiji.

            Iwaena o na Pake a ka mokuahi Nippon Maru i lawe mai nei he 25, ua hoihoi hou ia aku he 11, a he 14 i paa ia no ka ninanina ia ana.

            E kipa aku ana ka Eina ma Suva, Samoa, Nu Kilani a me Kikane, a mailaila e huli hoi aku ai oia no Italia ma ke alahele aku o Singapore a me ke Kai Ula.  Ma ka mahina hope o keia makahiki e hoea aku ai oia i ka home.

            Mamuli o ka hiki ole ana ae o ka mea e paa nei i ke tikiki hela 282 e kii i ke kii @ makana ma ka halehuai papale o Miss Kill@an, nolaila, e malama hou ia ana he huki hou ana no ua kiihehe la, a ua makemake ia ua poe a pau e paa nei i ke tikiki @ hoea malaila, ma ka @ Poaono Ianuari la 14.

 

Na Anoai Like Ole.

            He hoonaue olai ka i ikeia ae ma Hilo i kela kakahiaka Poakolu aku nei.

            He Pake pupule okioki iaia iho me ka pahi kai lawe ia mai nei no ka hoopaa ma ka Halemai Pupule mai Maui mai.

            Ua a ia ae e ke ahi ka halepaahao o Hilo, ma kekahi po o kela pule aku nei, a ua laki i ka ike koke ia ana, pela na lono i loaa mai nei mai Hilo mai.

            Ua hoololi hou ae la o Miss Killean i ka po e huki hou ia ai o ke tikiki no ke kii hehe makama, ma keia Poaono, Ianuari 14, 1899.

            I ka Poakahi ae nei e kuai kudala ia ai ka mokuahi City of Columebia, ma ke kumukuai o $23, 465.62 a pii aku ma Aliolalani Hale.

            O ka nui o na haumana o ke kula hoomaamaa o Kapunahou ma keia wehe hou ana ma ka Poakahi nei, ma kahi no ia o 200 haumana.

            I ke Sabati nei, ua hopu ia o Keoki Hapakela no ke kuai waiona me ka laikini ole, a ma ka Poakahi nei, i hookuu wale ia mai ai oia.

            Ua hoopauia ke kuai kudala a Agnes McIntyre ka mea paa Moraki, i ka apana aina o koloalu, e waiho nei ma Kaahaloa, Manoa, a makou hoi i hoolaha aku ai.

            O kahi maikai a emi loa o na Ku Bebe a me na Ku Paani ona ano a pau ma kahi ia o ke Golden Rule Bazaar.  E kipa mai a e mai kaikai i na Waiwai nui hewahewa.

            Ma ka hora 12 o keia awakea Poaono iho e malamaia ai ke kuai kudala akea ia ana aku o kahi mokukuna hoopae opiuma Labrador ma Iolani Hale, malalo o ke kauoha a ke aupuni.  

            Imua o ka Aha Apana, ma ka Poahi nei ma hoopa@ia o Mikalemi no ka aihue he 1 makahiki hoopaahao.  M@ke Ehu no ka hoea ua hoopaiia he $25.00, a me 12 poe i hooopa@ no ka ona.

            Ma kela huakai aku nei a ka Mauna Loa a me ke Kalaudina, i hualele like iho ai i ke awa o Kou nei no na awa o Maui a me Hawaii, ua ikela ka @ o ka mokuahi Kalaudina, ma o kena hoea ana aku i Lahaina he 11 minute oi ae i ka Mauna Loa.

 

Na Lako Gula Hou Loa.

            I hoea mai nei maluna o na mokuahi mai Kapalakiko mai.

            Ma ko'u Halekuai, malaila e hana ia ai na Pine, Komo, Kupee, Lima, Uwati, a pela aku.  H. C. Biart.  Alanui Papu, Helu 404@.  @ @ 1898@ @

 

Kuai Hoopau Loa!!

            Na waiwai like ole a pau hapalua o ke kumukuai.  Ma kahi o @. B. Kerr Alanui Moiwahine.  Ehele koke mai, aole e ike hou ia neia kuai hoemi nui.

            Na Kii Bebe me na Kii Paani o na ano Like @ ua hoemi ia he hapa o ko lakou kumukuai.

            Lole kii bebe 25 Keneta.  Na lole aahu hou ua hoemiia ko lakou kumukuai.  Kalakoa hou 30 @-a 1.00.  Mikilima 75 ken. o ka Paa.  Lihilihi hou 12 @-a 25 ken.  Papale nani ona wahine he emi loa ke kumukuai.

            Ua kuai aku makou i na waiwai o ka hui halekuai nimmo ma lada na eia ke kuai hoemi nui nei ma ke kumukuai i ike mua oleia e nei mau mokupuni.  L. B. Kerr.  Honolulu Alanui Moiwahine.