Ke Aloha Aina, Volume V, Number 10, 11 March 1899 — Page 1

KE ALOHA AINA

BUKE V.  HONOLULU, POAONO, MAKARI 11, 1899. HELU 10

KA NUPEPA KE ALOHA AINA

  E hoopuka mau ia aku ana mai ka Poakahi a ka Pollima o na pule a pau o kela a me keia mahina.

  Ka Uku Pepa, he 20 keneta o ka pule. No ke kope hookahi he 5 keneta.

  E loaa no ka pepa maike Keena aku o KE ALOHA AINA, a mai ka lima aku o na Luna Lawe Pepa.

  E pai ia no na Olelo Hoolaha, na Kanikau a me na Mele Inoa, me ke Dala kuike. Aole nupepa ma ka owili pakahi e hoouna ia ke ole e hookaa mua ia ka uku pepa.

  E: hoouna pololei mai i na Nuhou na Kumumanao, na Olelo Hoolaha, na Kanikau a me na Mele Inoa i ka Lunahooponopono o kei Pepa.

   Aole loa e hoopuka ia a hoolaha ia kekahi manao ma na kolamu o keia Pepa, maialo o kekhi inoa kapakapa ke ole e hooike mai i ka Lunahooponopono i kona inoa ponoi.

Ka Nupepa Puka Pule

Ke – Aloha – Aina

Hookahi makahiki…$2.00

Eono mahina…$1.00

Ekolu mahina… .50

Hookahi mahina… .20

EMMA A. NAWAHI.

Puukuo

Ke – Aloha – Aina.

EDWARD L. LIKE.

Lunahooponopono a Hope Puuku

S.P. KANOA.

Hope Lunahooponopono.

O na kauoha Nupepa me na hoo kaa Dala, e hoona pololei mai ka Puuku ma Honolulu.

Nuhou Kuwaho.

  Maluna o ka Moana i loaa mai ai ia makou na nuhou hope loa a makou e panee awiwi aku nei no ka pomaikai o ko makou mau makamaka heluhelu. penei:

MAKAUKAU O KHALINA E HAKAKA ME NA HERITANIA.

  Ladana, Feb. 23. Ua hoopuka ae ke Daily News i keia lono malalo iho mai Cairo mai: Aia o Kha lifa ke nee mai la imua no ka lele kaua ana ia Omdurman me kona mau kanaka mawaena o 15,000 a me 20,000. Eia ke nee mua nei na hoomakukau ana no ka halawai ana aku me ia.

  Malalo o ua @ke ia e olelo aua: O ka mea oiaio loa, ua halawai aku ua kiu a Kone@ Ki@ener me Khalifa, ua hoolako ia oia me 16,000 kanaka, i ka ake ana o na aliikoa Beritania, aole i lawa ko lakou wahi puali no ka paio ana aku me lakou, ua emi hope aku lakou no Omdurman. Mamuli o keia emi hope ana, ua manao iho la o Khalifa he hoailona keia no ko lakou kulana nawaliwali, nolaila, ua hoakoakoa koke ae la oia i kona mau kanaka no ka hele ana aku imua. O ka nui o na kanaka o ka Haku Kitchener ma Omdurman he 9000.

E HOLO HOU ANA NO KA NOHO PERESIDENA.

  Princeton, (N.J.) Feb. 23. O Grover Kalivilana kekahi o na mohe o ka makahiki 1900 no ke alualu ana hoi i kau ekolu o kona noho Peresidena ana. O ka hoomaka o kona nee ana ma kekahi paina no ia a ka Hui Demokarata Nu Ioka e haawi ia ana ma Delmonico he hookahi pule mai keia po aku. Ma kana haiolelo ma ke ano he malihini hanohano. e waiho aku ana oia he kumuhana lahui no ka aoao Demokarata me ka haawi ana iaia iho @ mea nana e auamo i na hooponopono i ka wa e makaukau ai no ka lawe e ana mai e hoao imua o ke akea.

MAKEMAKE O KENERALA LINARES HAKAKA LUA.

  Madarida, Feb. 22. O Kenerala Linares, ke alihikaua o na pualikoa Sepania ma Santiago i ka wa i haawi pio ai, ua aa aku la oia e hakaka lua me Kauna d’Almenas, mamuli o kekahi mau manao ku a ke Kau oa i hana ai maloko o ke Senate nona ma kona wa e hooponopono ana i ke kulana o ke Kenerala Sepania ma keia hakaka ana ai ma Cuba.

NOEA KA BENINETONA I MANILA.

  Wasinetona, Feb. 22. Ua holo mai la ka Solace mai malta mai ma kona alahele no Manila. Ua hoike mai nei o Adimarala Diuwe a ka hoea aua aku la o ka mokukaua Beninetona @ Manila i keia la. Ua eo aku la iaia ka mokukaua Iokataoa i lawe mai i na kauoha mai Kapalakiko mai ma ke alahele no Manila.

KUKINA AMERIKA.

  Bluefield, Nicaragaa. Feb 23. O Kenerala Reyes, ke alakai o na kipi, ua olelo ae oia, ina aole e hiki ana ia Peresidena Zelaya ke hoopio aku iaia, e hoopuka ae ana oia i ka apana ma ke kapakai Atelanika, ana e noho kiaaina nei, i mokuaina kukoa me ka waiho ana aku malalo o ka malama ana a Amerika Huipuia.

  Ua hoopuka ae o Peresidena Zelaya he kuahaua, e kahea ana i na Nicaragua e kipaku aku i na Amerika a me na negero. Ua manao wale ia o keia kuahaua a Zelaya, ua hana ia no ia ma o ke komo ana o kekahi mau Amerika o na puali kaua lio iloko o na pualikoa o Reyes.

KOI NA EUROPA I KO LAKOU MAU POHO

  Ladana, Feb. 23. He hookahi miliona dala ka waiwai io i waihoia ae no na waiwai o na poe kalepa o na aina e i hoopoinoia ma Iloilo ma o ke kipoka ana a na Amerika, e like me na lono telegarapa i loaa mai nei i anei.

  O ka moolelo no na poe i hoopilikia ia ma keia ano, ua malama ae lakou he halawai ma Manila no ke kue ana aku i ke kipoka oa ana o Iloilo me ka haawi mua ole he hoolaha pololei a no ka hoopoino wale ia o na waiwai o na Europa me ke @kupono ole.

  Ua hoike mai keia poe kalepa ma ka la i kipoka ia ai, ua haawi mai la ka alihikaua

Amerika i na Pilipine i manawa no ka haawi pio ana aku a hiki i ka hora 4, a i keia wa ua hoao koke na poe kalepa e hoopakele i ko lakou mau waiwai e like me ka manawa o ka hoolaha i hoopuka ia ia, aka, ua hoomaka koke mai no nae ke kipoka ana ma ka hora 11. he 5 hora ka awiwi mamua o ka manawa i hoolaha ia. Ua hooholo ae ka kou no ka waiho ana aku he koi poho i ke aupuni o Amerika Huipuia na ko lakou mau aupuni pakahi e hooko aku.

KO HE HEIHEI BAIKIKALA I KE KANAKA MAKE.

  Sidane. Feb. 13. Ua e o mai nei i kekahi kanaka make he heihei kaa baikikala. Ua ike ia mai nei ma kokahi hoikeike malalo o na kukui uwila. Maleko o kekahi heihei hookahi mile ua kemo aku @ poe kau kaa nehiwawae, a he poe mama loa hoi kekahi o lakou no Auseteralia.  oiai na ma kaikai he 10,000 e nana ana i keia heihei nona hoi ka makana he kiaha nani i haawiia mai e na kahuwaiwai o ka Hui Sydney Cricket, ua kaalo ae la o James Somervill opio maiaio o ka pahu eo me ka lanakila, a he kanaka make. Ma ka hoomaka ana o ka heihei, ua kuupau aku la oia i kona holo i ukaii ia e Percy Cliff. Ua haalelo aku laua i ko laua mau hoa he 48 ihope. a lawe ae la i ka aumeume ana mawaena o daua maluna o ke kahua i hoomalamalamaia e na kukui. He nui na leo huro i haawi ia mai e ke anaina i ko laua wa e kuupau ana no ka manawa hope loa e hiki aku ai no ka pahu eo. I ka wa i hoea ai ma kahi he 25 i-a wale no i koe, aia no o Somerville ke alakai la mamua o kona hoa, aka, ua ikeia aku la nae ka emi ana o kona idaika paa i ke kuau o kona kaa, a o na huila ke hoomau la no i ka niniu-ana me kona paa i ke kulana o ke kaa.

  I ka hiki ana ma kahi he 5 i-a mai ka pahu eo mai, ua hoomaka mai la o Cliff e kuupau i ka holo o kona kaa, aka, ua hookui mai la nae kona kaa i ka huila hope o ko Somerville kaa, a onou aku la iaia imua me ka ikaika no ka pahu eo. Ua uwa mai na kanaka me ka leo hauoli, aka, aole he leo i pae aku mai ka moho lanakila ae, mahope o kona kaalo ana ma ka pahu eo, ua haule pahu aku la oia no luna o ka lepo he kanaka make. I ka wa i na pai ia ai ua make oia, mahope o ka nana ana a na kauka ua hoohele iho lakou he mai puuwai kona kumu i make ai.

  O keia kekahi heihei loa i ikeia ma Auseteralia. a he 15 poe i hoehaia maloko o ia heihei ana.

  He nui ka ino o ka moana pela ka hoike a na moku e hoea mai nei.

  Ua malama lou ia ae le hookuku kinipopo mawaena e Kapuna a me Kamehameha. a na lilo hou no ka eo ia Kamehameha he 16 puni, a o kona hea hoi he @ wale ne puni.

 

KE KII O KE KAMALIIWAHINE KAIULANI.

  Ua hoea mai i ko makou nei Keena o B. Lichtig, he haole pai kii, a haawi makana mai la i na kii o ke Kama’liiwahine Kaiulani i pai ia maluna o na pihi. He nani kona helehelena, a he ku no hoi i ke aloha ke nana iho, a he mea kupono e malama ai no ka hoomanao ana.

  E loaa no oia ma ke Alanui Papu, helu 606, kokoke i ke Alanui Beritania, Honolulu.

UA HOIHOIIA MAIKE KOLOHE

Ua hoihoi ia mai nei e Hope Makai Nui Lazaro ma ka Mauna Loa o Saito, ke Iapaua nona ka uku makana o $500, ua hopu ia oia ma Hookena, Kona, e kekahi mau makai aiu Iapana a me kekahi kapena makai. Ua olelo ae oSaito mahope o kona hana hewa ana ma Ewa, ua mahuka aku oia no Waimanalo a malaila oia i huna ia e na Iapan, i ka wa i makaukau ai ka Mauna Loa no ka holo ana i Kona, ua komo oia i ka aahu wahine a me ia aahu oia i mahuka aku ai me ka holopono.

HE MAKE I ALOHA NUI IA.

  Ma ke ahiahi o ka Poalima hora 7 Maraki 3, ua haalele mai i keia ola ana a haia aku la ke ala hoi ole mai o Hattie Johnson kuu lei aloha ha moopuna i aloha nui ia make Alanui Liliha, Honolulu.

  Ua hanau ia oia ma Niolopa mai ka puhaka mai o ka’u hiapo Mr. Samuel Johnson a me kana wahine ma ka la 1 o Feb. 1899. Ua haelele mai oia mahope n@i he kaikunane, he mau kupana e paiauma aku mahope nei.

Owau iho no me ka walohia, kupuua wahine.

HALIANA JOHNSON.

  Na ka Bihopa Willis e malama ana ika anaina haipule maiuna oke kino make oke Kama@wahine Kakulani.

  He waikahe kupaniha ka ike ia mawaho o Waikiki iua ke ahiahi Poakehe nei ua na i hooweliweli i ke laila pau.