Ke Aloha Aina, Volume V, Number 22, 3 June 1899 — Page 5

KE ALOHA AINA, POAONO, IUNE 3, 1899.                  5

 

ELUA MOKU I POINO.

O MOKULELE A ME IWA.

Aole nae he Ola i Poino.

            Ma ke kakahiaka Poaha nei, i loaa mai ai he lono maluna o ka mokuahi Mikahala, e hoike ana, na ili ma kahi kokoke i Wainiha, Kauai, ka mokukuna Mokulele, a ua pau i ka nahana. O keia lono a ka mokuahi i lawe mai ai, ua telepona ia mai ia iaia i kona wa e ku ana ma Makaweli ma ka po Poakolu nei.

            Ua ili ka Mokulele ma ka po Poalua, mamuli o ka halawai ana me ka ino, oiai, oia e kali ana malaila no ka hoopiha ana iaia me ka raiki o ka hui mahi raiki o Wainiha.

            I kona wa i ili ai, ua ulupa koke ia oia e ka nalu a hiki i kona nahaha liilii ana. I ka wa o ka moku e ko ia ana e ke kai no luna o na kuaau, ua haawi koke ae la o Kapena Irving i kana kauoha, no ka haalele ana o na mea a pau i ka moku, a imi aku i kahi e pakele ai ke ola, oiai, he mea makehewa no lakou ka hoao ana e hoopakele i ka moku, oiai, na kikiao makani e pa ana me ka ikaika.

            O ka Mokulele, oia no ka Bering Sea, ua kapili ia oia ma Tacoma, he elima ae nei makahiki i hala, a nona hoi ke kaumaha he kanaha-kumamalima tona, i kela makabiki aku nei no kona hoea ana mai i Honolulu nei. Ua pani hakahaka ia oia no $2,500, a o kona waiwai io hoi ma kahi no ia o $3,500. OT.J. King kona ona i poino iho la.

 

PAU O IWA I KE AHI.

            Ma ka hora 2 o ka auina la Poalua nei, ua pau iho la kahi mokuahi Iwa i ke ahi, mawaho aku o Waimanalo ae nei, i kona wa e holo ana no Punaluu me ika piha ukana, me ke piholo ana ma ka nuku o ke awa, he ekolu hora mahope iho o ka oili ana ae o ke ahi.

            Ua loaa mai keia lono i ke kulanakauhale nei ma ke ahiahi Poalua nei, a o na lono ano nui wale no hoi kai hoike ia mai nei. O kahi i puka ae ai o ke ahi, ma ka rumi eneginia no ia, na hoao ia ke kinai ana i ke ahi me ka wai, aka, aole nae i hooko ia ia manao. Nolaila, ua manaoia iho la, o ka hana pono wale no, oia ka holo pololei ana a hooili aku iaia iuka o ke kahakai o Punaluu, aka, mamua nae o kona hiki ana aku ilaila, ua hamu koke ia ae la oia e na alelo ana ole o ke ahi mai mua a hope.  I ka ike ana ae o na poe oluna aohe he manawa no lakou e hoohakalia ai, ua kau iho la lakou maluna o ka waapa no ka hoopakele ana i ko lakou mau ola, a mahope koke iho no o ka haalele ana aku o kona mau kanaka iaia, ua holoaia aku la oia no lalo o ka papaku o moana ma ka nuku o ke awa o Punaluu.

            O Wilson a me Whitehouse na ona o keia moku, a ua pani hakahaka ia he $2,000.

 

PAPA HOONOHONOHO HANA.

            SABATI, Iune 4 - 7:30 p.m., Halawai hui, na haiolelo e pili ana no ka Oihana Kuloko, Kawaiahao.

            POAKAHI, Iune 5 - 10 a.m., 1:30 me 7:30 p.m. Ahahui Kula Sabati Kaumakapili.

            POALUA, Inue 6 - 10 a.m., me 1:30 p.m., Aahui Euanelio, Kawaiaho; 7 p.m., Papa Hawaii.

            POAKOLU, Iune 7 - 9 a.m., Hoike o ke Kula Kaikamahine o Kawaiahao; 1:30 p.m., Ahahui Euanelio, 7:30 p.m., Ahahui Hooikaika no na Hana Karistiano o ka poe Opio, Halawai Hui, Kawaiahao.

            POAHA, Iune 8 - 8 a.m., Ahahui Euanelio, Hoolauna ana i na Makamaka o na Misiona i na Lahui E; 10:30 a.m. Hoike Makahiki a ke Kakau Leta a me ka Puuku, a me ke koho ana o na Luna Nui a me ka Papa Ekahi o na Hoa o ka Papa Hawaii: 4 p.m.; Anaina Inu Ti ma Kaukeano.

            POALIMA Iune, 9 - 9 a.m., Hoike o ke kula Kahunapule; 1:30 p.m., Ahahui Euanelio, Kawaiahao; 7 p.m., Papa Hawaii.

            POAONO, Iune 10 - 9 a.m., Hoike o na Kula Sabati o ka Mokupuni.

            SABATI, Iune 11 - 9 a.m., Ahahui a ka Haku, Kawaiahao; 7:30 p.m. Halawai Hui, Haiolelo Makahiki Oihana Kuwaho, Rev. W.N. Lono, Kaumakapili.

 

MALUHIA KULANA MA SAMOA

            O na hoike a na ohua o ka mokuahi Alameda i hoea mai nei ma ka Poalima o kela pule aku nei, he maluhia ke kulana ma Samoa, a aia na komisina o na aupuni mana nui ekolu ke lawelawe la i na hana e hoopau ia ai ke kulana pioo malaila. Ua hoike mai lakou ua malama ia he mau kuka ana me ka Lunakanawai Kiekie, Kanikela Geremania Rose a me ka Moi Malietoa Tanu. Ua hoouna ia aku he elele e kono aku ana ia Mataafa e hoea mai imua o na komisina. Ua ae oia i keia kono a ma ka Poakahi, ka la a ka Alameda i haalele aku ai ia laila, e hoea aku ai oia imua o lakou. He mau koa kiai hoohanohano ke hoouna ia mai ana nona maluna o na waapa mai na mokukaua mai a pau, no ka ukali ana mai iaia a hiki i ka moku Badger, kahi hoi a na komisina e noho ana. Ma o ka hoomaopopo ia ana, ua loaa hou ke kulana maluhia ia Samoa na haawi ia aku la ke kauoha i ka mokukaua Piladelapia no ka hoi ana mai i Honolulu nei, a o ka Brutus no Guam. Ua haalele aku la ka mokukaua Beritania Royalist ia Apia.

 

            I ka La Pule nei i hoolewaia aku ai ke kino make o A. Schmedan, ka haole i ai ai i ka laau make ma ke ahiahi Poalima nei, malalo o ka hoohanohano ana a ka puali F, he lala oia no ia puali. O ke kumu i ai ai keia haole i ka laau make, mamuli no ia o kona noho maikai ole ana ke kana wahine.

 

LA KULAIA AUPUNI

            Ua hooholo ae ka Aha Kuhina e hoolilo ia ka Poakahi Iune 12, i la kulaia aupuni, mamuli o ka haule ana i ka la 11 o Iune, ka la hanau o ka Na'i Aupuni Kamehameha I, ma ka La Pule. Nolaila, ma ia Poakahi e puniku ia ana na hale oihana a pau, no ka hookuu ana aku i na limahana e hauoli ma ia la nui. E malama pu ia ana he mau lealea heihei lio mawaho o Kapiolani Paka.

 

UA HOEA AE LA I HILO.

            Ua loaa mai nei he lono mai Hilo mai, e hoike mai ana, ua hoea ae la ka moku a'o kaua Adamu ma Hilo, ma ke kakahiaka Poalima, Mei 2@, he iwakalua-kumamalua la holo mai Magdalena. E noho ana oia malaila no elua pule, a holo loa mai no Honolulu nei. E lawe ana oia he 150 poe a'o a me 100 luina; ua mananao ia ma ka la 10 o Iune e hiki mai ai oia ianei.

 

KA LA HOOHIWAHIWA PUA.

            O ka Poalua iho nei, oia ka la hoohiwahiwa pua no na poe make, ka la hoi e hooluhiehi ia ai na he o na poe i moe kau a hooilo aku la me na pua ala like ole e ka lakou mau mea aloha. Ma ia la pu no hei ua malama pu ia he anaina pule hoalohaloha no na poe make mauka o ka ilina o Maemae. Ua haalele iho ka bana aupuni, na pualikoa Amerika a me Hawaii a me kekahi poe o ke kulanakauhale nei ma ka hora 2:30 o ia auina la no uka o ka ilina, ma na alanui Alakea, Emma, Vineyard, Papu, Kula, Nuuanu a mailaila loa aku no ka ilina.

 

UA KUU AKU LA KA LUHI.

            He lono kai hoike ia mai nei, no ka hookuu ana mai la i keia ola ana o Miss Sarah Smith, he wahine opio oia i kamaaina nui o na poe o ke kulanakauhale o Hilo ma ka Poaono, Mei 20, mahope hoi o ka hoomailo ana a ka ma'i taif@da fiva maluna ona no ekahi mau pule.

            Ua hanau ia oia ma ka la 28 o Mei, 1882, ma ka home no ana ia hookuu mai la i keia ola ana mai ka puhaka mai o Mr. a me Mrs. Smith. Nolaila, ua piha iaia na makahiki he 16 a me 11 mahina me na la keu a hala aku la. Ua hoonaauaoia oia ma ke kula wae o Hilo, a ma ke kula kaikamahine o Kohala. He wahine opio oluolu, lokomaikai, a heahea oia, a ua lilo hoi kona haalele koke ana mai la i mea na kona mau makua, ka ohana a me na hoaloha he lehulehu wale e hoehaeha ia ai.

            Ke komo pu aku nei KE ALOHA AINA ma ka auamo ana pu ana i na haawe koikoi i ili iho la maluna o na makua, ka ohana a me na hoaloha oia opuu makamae i mohala ae a mae koke iho la, me ke noi ae i ka Makua Lani e hoomana mai i ko kakou mau kaumaha.

            He kuai hoemi nui ka L. B. Kerr e malama nei i keia mau la, he 25 pa keneta i hoemi ia o kela a me keia waiwai.

            Ua loaa aku he wahi bebe make e waiho ana iloko o kekahi pahu iloko o ka lepo opilopilo makai ae nei o Kalia, i kekahi poe lawaia, ua hoouna ia mai ka lohe i ka halewai a ua hoea koke aku o Hope Ilamuku Chilllngworth malaila, aole he maopopo o ke ano o keia bebe, oiai ua inoino kona helehelena, a me he mea la, he elua pule o kona make ana a hiki i kona loaa ana aku la

 

[typist note: the following advertising has illustrations]

PACIFIC IMPORT COMPANY

PROGRESS BLOCK. . . . . MA EWA O MALIEOKAMALU.

KUAI KUIKAWA o na PALEWAWAE

E HOOMAUIA ANA A HIKI I KA PAU ANA.

500 PALEWAWAE MANILA         3x6 kapuai, 18 kapuai kuea 95 keneta.  Mamua $1.55

250                  "           "                       2 1 2X5 "    12 1 2  "      "    89    "                  "     1 2

100                  "           IAPANA        2 1 2X5 "    12 1 2  "      "    87    "                  "     1.50

 50  KUKAA MOENA NANI 4 i-a o ke kuka $5 25              He 14 keneta o ka i-a.

THE MOTHERS' FRIEND PATENT SHIRT WAIST.

No buttons can be Torn off, either by Washing or Wearing .

            The Mother's Friend does away entirely with the sewing on of Buttons. It is supplied with an adjustable belt which is easily taken off when the waist is washed: the bottons are rivited on the belt, consequently can not be torn off, either in wearing, washing or ironing.

PALULE KAMALII - Aole o hiki i na pihi o keia palule "The Mother's Friend ke moku, oiai, ua humu ia lakou maluna o kekahi kuapo i hiki ke weheia me ka maalahi i ka wa e holoi ia ai o ka paiule. Nolaila, aole e hiki oia ke moku i ka wa e aahu, holoi, a i ole e aiana ia ai.

            E hoao i ike pono no o@k@@ih o

PALULE O NA WAHINE - Eia me makou na palule "D@rby" is kaulana no ka m@k@@@ e like me na pai kini, me ka paa o ko lakou wa hool@@. E loaa no mai ke 50 keneta a pii aku.

KALIKI O NA WAHINE - E loaa na Kaliki paikini hou ma ke kumukuai emi loa. O ka makou Ka liki Summer e loaa no i ke 50 keneta, he waiwai nani i i hoemi loa  @a ho@ kona kumukuai. E nuae mai a e wae h@i n@ oukou iho.

PAPALE              HIN      O@IO

M@  NA @E@E -- Ke                           a kou eia he helun@ like ele o na Papale mai ka lik@ neta nii aku. He mau papaleia o na paikini hou.

NA LOLE O NA OPIO - Ua makemake makou e hoike aku imua o ke akea eia ma k@ makou Keena Aahu na lole aahu o na pio o na paikini hou loa. O ka makou mau kumukuai he emi loa mamua o ko na wahi e ae.

PALEKOKI MASELENA O NA WAHINE - Eia makou ke hoikeik@ nei i na Palekoki Keokeo @a@i i ha na @@ kini ia e na           ia akamai o ke kulanakauhale o Na Io@a. He nui @a @@@ like ole o keia au hou. Nolaila, e @@@ @ i a e wae hoi no oukou iha. He ei@ i loa k@ laua @@@@ hou i mau kumukuai.