Ke Aloha Aina, Volume V, Number 27, 8 July 1899 — Page 5

KE ALOHA AINA

POAONO, IULAI 8, 1899

 

HUAKAI  HOOLEWA  O  KA  MOIWAHINE  KAPIOLANI.

 

He Mau  Tausani i Ukali Aku Iaia.

 

   Elike me na hoolala ia ana no ka lawe ana ae i na keehina hope no ka hoohiwahiwa ana mo ka huakai hope loa a ka Moiwahine Kapiolani, pela no hoea mai ai ma ka auina la Sabati nei, Iulai 2, 1899, iloko o ko na makaainana makee alii komo ana ae iloko o kana huakai hope me na manao walania o ke aloha.

   I ke kokoke ana mai o ka hora 1 o ka auina la, aia hoi, ua ike ia aku la ka lehulehu o na makaainana e kamoe ana no ka luakioi o Kawaiahaok aia hoi na koa a me na hoa o na Ahahui e liuliu ana no ka lawe ae i ko lakou kulana no ke komo ana iloko o ka huakai, malalo o na hooponopono ana a Mekia Pota.

   Mamua iho o ka manawa e hoonee ia mai ai ka holowaaa o ua lani la, ua malama ia ae la he anaina haipule hope loa maluna o kona kino, malalo o na lawelawe ana a ka Bihopa Willis, o ka hoomana Enelani, iloko o na leo anoano o ka piano e uwe hone ana.

   Mahope koke iho o ka pau ana o ke anaina haipule, oia no ka wa i hoomaka aku ai ka nee ana o ka huakai hoolewa mai ke alanui Moi aku a pii ma ke alanui Nuuanu e alakai ia ana hoi e eha poe paa kukui, na kukui kapu o Iwikauikaua..

   I ka wa a ka huakai e nee malie nei no ka ilina o Mauna Ala, aia na mano kanaka nui hewahewa e ku laina ana ma na alanui me ko lakou mau lihilihi i hoopulu ia me ua waimaka aloha alii.

   E huki ia ana ke kaa e waiho ana ke kino wailua o ke alii e na keiki Poola no lakou ka huina o 412, i honahu ia me na ahuula, a he ku i ka nani ko lakou mau nanaina ke ike aku, mawaho o keia huina, he 48 poe Poola i ohi ia aku no ka paa ana i kekahi mau kahili ounui, a e alakai ia ana hoi lakou e J. K. Kaulia a me ko lakou mau luna nui.

   O ka nui o na poe i komo ma keia huakai hoolewa, aia no ia ma kahi o na tausani, a penei hoi ka papa kkuhikkuhi o ka hoonohonoho ia ana o ka huakai.

   Na poe e paa ana i na Lama Ahi.  Ilamuku o ke Aupuni a me na

                        Hope.

            Puali Makai.

Kula Keikikane o Kamehameha

Kula Kaikamahjine o Sana Anaru

            Na Ahahui Manawalea,

Ahahui Manawalea St. Antonio a me Lua tana o na Pukiki.

            Ahahui Kalaiaina.

Ahahui Aloha Aina o na Kane,

Ahahui Aloha Aina o ma Wahine,

Konohiki a me na Ohua o me Aina o ka Moiwahine i make.

Ilamuku o ka la a me na Hope.

            Bana.

Bataliona Koa, mahele 6 o na Koa Amerika.

Pualikoa o ka mokukaua Iroquois.

            Bana.

Regimana 1, o ka Pualikoa Hawaii.

Na Ohua Pikikino o ka Moiwahine.

            Na Kauka,

Na Kahunapule o ka Hoomana Hoolepope.

Na Kahunapule o ka Hoomana Katolika,

Ka Right Reverend Bishop of Panopoli o ka Hoomana Katolika.

Na Kahunapule o ka Hoomana Anegalican.

Ka Bihopa o Honolulu.

Hon. J. T. Baker, e hii ana i na Kea HJoohanohano,

Na Keiki Poola e huki ana i ke Kaa Kupapau.

 

            Kahili Nunui.

            Kahili Liilii.

            Hapai Pahu.

              PAHU

            Kahili Nunui.

            Kahili Liilii.

            Hapai Pahu.

 

Kaa o na Keikialii Kawananakoa a me Kalanianaole a me kana wahine a me L. Kamakaia.

Kaa o ka Moiwahine Liliuokalani

Kaa o Mrs. G. H. Fairchild a me Mr. Fairchild.

Kaa o Mrs. Stella Cockett a me Mr. Cockett.

Kaa o A. S. Cleghorn.

Ka Peresidena a me ua Ukali.

Na Kuhina o ke Aupuni.

Na Lunakanawai Kiekie.

Na Agena Kuikawa o ke Aupuni o Amerika.

Kanikela o ke Aupuni o Amerika

Na Aliikoa Aina a me Moana o Amerika.

   Peresidena o ka Aha Senate.

    Na Hoa o ka Aha Senate.

Lunahoomalu o ka Hale o na Lunamakaainana.

   Na Lunamakaainana.

Na Kanikela o na Aina E.

   Na Luna Aupuni.

            Ka Lehulehu.

 

   I ka wa i komo aku ai ka pahu iloko o ka pa ilina, aia hoik ua puia ae la ka lewa i na leo uwe kumakena o na makaainana na poe e hea inoa ana, a pela aku, a he mau minute hoi ia o ka ehaeha e hekau ana maluna o na mea a pau.

   O na poe hapai pahu o ka Moiwahine Kapiolani, oia no o W. P. Lumaheihei, J. W. Bipikane, Wm. Auld, E. K. Lilikalaui, C. P. Iaukea, Keikealii Kunuiakea, S. M. Kanakanui, D. L. Naone, J. L. Kaulukou, Geo. C. Beckley, Sam Parker a me E. A. Mott-Smith, Kuhina o ko na Aina E. Maloko o ka hale kupapau, ua malama hou ia ae he anaina haipule maluna o ke kino wailua, a hookuu ia aku la e moe kau a hooilo maloko oia home puanuanu.  Aloha no.

   Ua hoike ae kekahi poe kahike i ikemaka i ka hoolewa ia ana o na kino wailua o na alii i hala mua, o keia kekahi o na hoolewa nui i ike ia ma ke kulanakauhale o Honolulu nei, he hoike no hoi no ka pumehana mau o ke aloha o na makaainana i ko lakou mau alii.  Nui no ka hiipoi mau o na makaainana i ko lakou mau Haku Alii mai ka po mai.

 

HOOPUNI  IA  E  NA  KIPI

 

PAKELE  MAHUNEHUNE  MAI  PAU  I  KA  LUKUIA.

 

Nui ka Poino o na Koa Amerika ma ia Hakaka ana.

 

    Manila, Iune 20.  Ua hoopuni ia ae e na tausani o na ememi me kekahi tausani hou aku e nee mai ana no ke kokua ana i ka luku weliweli, ka bataliona ekahi o ka tegimana Eha, e alakai ia ana e Mekia Bubb, no lakou hoi ka huina o 300 Amerika, na hakaka aku lakou i ko lakou alahele huli hoi mai Perez dis Marinas. he ekolu mile mai ko lakou kahua hoolulu ma Imos, kahi hoi a ka hapanui o na koa o ka regimana Eha i nee mai ai no ke kokua ana.

   Ua hoomaka ka hakaka ana ma ke awakea me ka hoohamau ana aku i na enemi maloko o hookahi hora. 1 ka wa a na Amerika e huli hoi ana na hoopuni ia iho la lakou e na kipi.  Ua opa aku na Amerika i na Pilipine no hope, ma Imua.  I keia wa e hoou ka ia nei o ke kaua mamua aia no koa o hope ke hakaka la me ka hahana no ke kue ana aku i ka nee ana mai o na ememi.

   I keia wa na ike ia aku na kanaka e haule ana ma o a maanei.  Ua hoomaka koke na kaa e halihali i na poe i hoehia, e huki ia ana e na poe lawehala.  He elua mau koa make i haalele ia aku mahope.

   Ma ka hora 3 ua hana ia aku, me he mea la aole e pakele ana ka bataliona.  Ma ka hora 4, na hoemi aku lakou i ka enemi i hope, aka, ma ka akau nae, aia na ememi mahope o lakou.  He 15 minute ua hoea mai la o Hazzard, ka ukali o Kenerala Wheaton, me ka lono aia o Kenerala Wheaton ke nee mai la no ka hoopakele ana ia lakou.

   Ua haawi ae na koa ho mau huro ana a lele kaua aku la maluna o na kipi.  Ua halawai aku o Kenerala Wheaton he hookahi tausani o na kipi e nee mai ana no ka ruku ana i ka baltaliona.  Ua kipoka kohe aku oia me ka hoauhee ana aku i na Pilipine ma ka hema, a nee aku la no mua me ka awiwi nui.

   Ma ka hora 4:30, na halawai aku la oia me na enemi, me ka hoihoi hou ana mai he hookahi mile me ka hapa o ke kahua i lilo i na enemi.

   O ka nui o ko makou oino ma la la aia no ia ma kahi o kanaha i make a hoeha la.

 

HE  HOOMAIKAI

 

   Ke haawi aku nei au i ko’u hoomaikai kiekie i na Iuna a me na lala o na Hui Poola i komo pu ae ma ka lawe ana i ka hanohano o ka huki ana i ke kaa o ke Alii ka Moiwahine Kamemake Kapiolani Hui Pakipika mao D. Kaoo, Kapena Hui o Waila mao Jo@  @@@  kapena. Hui o P@@@mao Hoopili Kapena.  Hui Ocianika mao J. Keoneula, Kapena.  Hui Bulua mao Nika, Kapena.  Hui o na Keiki Hoehoe Waapa mao Mahuka Kapena.

                        JAMES  K.  KAKULIA

                        Alakai Nui.

 

   Ua hoohoi ia ae ma ka berita laahia o ka mare o Miss H. Barthlomew a me Mr. Lono Austin o keia kulanakauhale ma ka Poakahi o kela pule aku nei.

 

PACIFIC  IMPORT  COMPANY.

PROGRESS BLOCK.     ALANUI  PAPU.

 

            HE  KUAI  KUIKAWA  NUI  NO  KEIA  PULE  WALE  NO.

 

NA  LOLE SILIKA  ELEELE  HERNVETTER  1.25 I-A, I KEIA  PULE  E  KUAI  NO  KE  75  KENETA.

 

NA  UHI  KANIKAU  ELEELE,  NA  HOOWEHIWEHI  ELEELE, NA  SATINA  ELEELE  KUAI  KUIKAWA  10  KENETA  O KA  I-A.

 

HE  HELUNA   NUI  O  NA  WAIWAI  KANIKAU  E  KUAI  IA  ANA  ME  KA  EMI  LOA.

                                    Pacific Import Co.