Ke Aloha Aina, Volume V, Number 27, 8 July 1899 — Page 6

KE ALOHA AINA

POAONO, IULAI 8, 1899.

 

HE OOLELO WALOHIA

:NO:

ALANADELA Ka Wahine Hoopahaohao o ka Aahu Keokeo.

A  I  OLE

Ka Loea Hookani Pila Hapa o ke Kulu Aumoe.

  I ka hooki ana iho o ka leo walohia o ua Alanadela nei, oia koke no ka wa i panai mai ai o Bonita me ka leo i piha me ke aloha no ka wahine opio i ka i ana mai. O kou makemake oia ka’u e hooko aku ana, a e lawe aku no au i kou aloha a ina he manao aloha no hoi konu ai oe. aole no e nele e hiki hou mai ana au imua o ka alo, aka, ina e kamau iki ana no kahi ola iloko au, a ina ua hala e aku ma kela aoao, ua hiki ole ia’u ke hoopakele aku ia oe. Nolaila, ke hooki nai au maanei, a o ka aloha no kou.

  A i keia mau sekona no i huli ae ai oia a kauoha aku la me ka leo nui moakaka me ka puuwai i piha hoi ke aloha no Alan dela, aka, ua hiki ole nae iaia ke pale ae i ka leo kauoha a kona haku i ke kahea ana aku i kona mau kanaka, penei: E o’u mau kanaga, ua lawa ko oukou hooulolohi ana, aka, i keia wa e uhi @ho i ka hyelehelena o ka kakou pio ma ka hoopaa pu aku i kona waha me ia popo welu. No ka mea, aole o’u makemake e hiki piha me ke kaumaha, a o kona leo hoi e upai mai ana me ka ehaeha. A nolaila, e hooko koke keia leo ano.

  O kou makemake oia ka makou e hooko aku ai me ke paewaewa ole no ka hanohano o na keiki o ka nahu ulaula.

  A ia wa no i ike ia aku ai ua poe kauwa nei i ka uhi ana iho i ka apana kahakahana ulaul@ maluna o ka heleheiena o Alanadela, a nalo aku la noi ia no ka wa pau ele, me ka ouou pu ia aku o ka popo welu iloko o kona waha, auwe, aohe wa o ka welliweli o na hana i hook u ia aku maluna o ka kaua aloha e like me keia wa, a ina i aha o oe kekahi malaila, aole no oe e nele ka hookulu iho o kou mau waimaka no na hiohiona walohia e ike ia nei.

  I ka paa ana o na mea a pau, oia koke no ka wa i poha hou mai ai ka leo o na Bonita nei, i ka pane ana mai:

  E o’u mau hoa e hapai koke ae i ke pio iluna. a lawe aku no ke kae o ka pali i keia wa aue. e wihi mai hoapaapa hou aku, no ka mea, eia ka manawa ke holo swiwi nei.

 

HE PEPEHI KANAKA MANAONAO.

NA KEKAHI KANAKA HAWAII I HANA MA SACRAMENTO.

Ua Lawe no Oia i Kona Ola mahope o ka Hooko ia ana o Kona Makemake.

  Sacramento, Iune 17. O Ben Kaluha. he kanaka Hawaii luu a me ka lawai. ma keia la, ua ki aku la oia a make loa i kekahi wahine o kona lahui no. Mahope iho oia wa ua ki aku ola i ka hoahanau o kana wahine, Mrs. George Wimmer no elua manawa, a he hookahi o keia mau poka i kapoo aku i loko o kona uha, a ua kukonukonu hoi na palapu i loaa iaia, me kona hopu pu aku i kana wahi bebe o elua maka hiki, a paki aku la iaia no luna o ka lepo o e ka ikaika, me ka manaolana o ka hopena ia o ke ola ana o kana kamaiki. I ke pau ana o kana hoopoino ana, ua hoohuli ae la oia i ka waha o kana pupanapana a ki iho la no iaia a make iho la oia i ka pokole.

  He kana luu o Kaluha no kekahi mau makahiki i hala ae nei no ka waapa aupuni Seizer. Mahope o ka pau ana o kana hana maluna ona, ua hookuu ia aku ia oia he ka naka lawaia no ka muliwai, me kona noho ana ma Vernon, Sutter County

  O ka wahine ana i noho ai, ua haalele aku oia he mau la pokole i nala nei no ka ike ana i kona hoi ahanau, kekahi o na mea i hoahaia i keia ia. Ua ukali mai o Kaluha ma ka la inehinei. Aole oia he kanaka inu, aka, ua manaoia nae. ua nele oia i ke dala, no ka mea, he mau minute mamua o kona pepehi ana i kana wahine, ua loheia aku oia e noi ana i mau dala.

  Aole i manaoia no ia ke kumu i hoea mai ai keia ulia, aka. o ka oiaio nae, mamuli no ia o kona manao ana, aole he hilinai o kana wahine iaia.

  E ola ana no o Mrs. Wimmer a me ke keiki. O kahi i hanaia ai o keia hana manaonao i ke awakea maloko no ia kahi puulu loa o ke kulanakauhale. a o na mea nae i ike pono i keia hana kipu. he mau kanaka pena, e pena ana i kekahi nale e pili ana me keia hale.

  I ka Poaoao ae nei e weheia ai ka halekuai i kapaia, “The Hub,” e alawa ae i ka lakou hoolaha e puka aka nei.

  He nuina poa makaikai i hoehaia ma ka hookuku kimpopo mawaena o ka Hoku a me Kamehameha ma ka la 4 iho nei, mai na popo lele newa mai i ka wa i pa lihi ai i ke pai popo.

 

HE MOKUKAUA NO AMERIKA HEMA.

  Ma ke kakahiaka Poalua nei, ua hoea mai la ka moku ao kaua moana o ke aupuni o Argentine Repubalika, o Amerika Hema, a nona hoi ka inoa o Presidente Sarmiento mai kapalakiko mai, ma kona alahele kaapuni honua. E noho ana oia maanei no ka hoopiha nanahu ana. a mai nei aku e holo ai oia no Iapana, Kina, Inia, a me kekahi mau awa e ae, a hoaa loa aku hoi i Buenos Ayres, ke kapitala o kona aupuni, i na la hope o keia maka hiki.

  Ua kukulu ia ka Presdente Sarmiento ma Liwapulu, mamua koke aku nei no, no ka hoohana ana aku iaia i moku a’o kaua no ka oihana kaua moana o ke aupuni Argentine He moku hao oia nona ka loa o 300 kapuai. A e lawe ana he iwakalua mau pu.

  Ua hoolako pono ia oia me na lako a’o kaua, a he mau kumukula akamai lo i hoi kekani maluna ona. He 40 ka nui o kona mau koa a’o hou, 100 luina a’o a ma kahi o 250 ona mau luina maoli, a mawaho ae o lakou keia mau aliimoku malalo iho:

  Kapena, o. Betbeder, aliimoku kiekie E. Thorne, na lutaneia V. Ohden, S. Mulvamy, M. Beascochea, E. Morene, L. Gard, F. Trizar, eneginia nui E. Codwell, kokua eneginia elua S. Moraly, kokua eneginia ekolo, F. Brady, kokua eneginia eha, H. Segui, Kauka L. Plaza, ahi uku L. Scarci.

  He hana ko luna o keia moku. O ka inoa i kapaia maluna o keia moku no Peresidena Domingo Faustino Sarmiento, ka Peresidena i noho hoomalu maluna o ka Repubalika Argentine mai ka 1868 a hiki i ka 1874. a ua aloha ia aku hoi oia e na makaainana e like me Linekona i na Amerika. Ua make oia i ka 1888, mahope o kona noho ana me ka hanohano.

  E hookuu akea ia aku ana ka mokukaua no ka makaikai ana ma keia mau la iho.

E HOOMAKA KOKE IA AKU ANA KA HANA ANA.

  Ma ka halawai ana a ka Aha Kuhina ma ka Poakahi nei, ua lawe ia mai la ka noonoo ana no ka pane ana aku i kekahi palapala i loaa mai, ua hoike ia: aku ka Hui Kaa Uwila, o ke ana a me ke kauoha ana i na lako paahana aole ia he kukulu ana. a oiai. e pau ana ka manawa i haawi ia aku no lakou ma ka la 7 o lulai, e hoomaka koke aku ana ka hui ma ka hau@ ma ke alanui Alapai.

  O ka la 9 o Iuiai, ka la kuokoa o ka Repubalika Aregentine, a e malamaia ana he anaina hauoli maluna o ka mokukaua Sarmiento.

 

[Last two columns are combined and contain the following in large font.]

NA WAIWAI NANI ME NA PAIKINI HOU LOA.

 

  Ua loaa mai nei ia’u ma kela pule aku nei he heluna nui o na Waiwai mai Europa polole mai. I wae ponoi ia e ko’u mau Agena ma Ladana. A i loaa mai hoi ia lakou ma ke kumukuai emi loa o na mai keke malaila.

O KA HOPENA:

  Ua hiki ia’u ke kuai hoemi loa aku i keia mau Waiwai ma ke kumukuai haahaa loa, nana e hoohikilele ina kanaka, a e waiho koke no lakou i ka hookomo i na dala

ILOKO O NA MAHELE KOPAA.

  He nui loa e hiki ai ke loaa i na mea a pau, a e hoolako ai hoi i ko lakou mau hemahema, no ka waiho malie ana a hiki i ka wa i makemake ke ia, no ka mea, o na waiwai elike me keia aole e loaa hou ana no keia kumukuai, a i ko lakou wa e pau ai, aole e hiki ke hoopiha hou ia mai.

PAPALE, HOOWEHEWEHEIA A I HOOWEHIWEHI OLE IA.

  O na ano like ole, me na waihooluu like ole, a i ka lakou wa e hoohalike ai me ke wai auuenue @ie.

L.B. KERR.

Honolulu, Alanui Moiwahine.