Ke Aloha Aina, Volume V, Number 27, 8 July 1899 — Page 8

KE ALOHA AINA

 

            8                                                                      KE  ALOHA  AINA,  POAONO,  IULAI  8,  1899

 

HE  MOOLELO  WALOHIA

 

---: NO  KA :---

 

UI  SOPAEA.

 

ILOKO  O  KA  HANOHANO.

 

---: A  ME : ---

 

TOME  BAKALA

 

Ka  Ilihune.

---

Hoohenoia  no  [ KE  ALOHA  AINA ]

           

            Ua holo awiwi ae la keia mau huaolelo mai na lehelehe aku o ka opio, e hoike ana hoi i kona mau manao koa maluna o ka poe e houpuupu ana e kue mai iaia.

            Ua lawe ae la oia i na keehina o ke kiai makaala ana mai ia po a hiki i ke ao ana, a a hiki iaia ke hoomaopopo ino, aole loa i lawa ka ikaika o na poe kokua mahope o ka moi.

            I na hora poniponi oia kakahiaka, ua paikau hookahakaha ae ia kona mau koa ma na alanui, e hoike ana hoi i ko lakou makaukau e kau ai ka weli o na mea a pau.

            I ka hiki ane i ka hora 8 ponoi o ke kakahiaka, ua wehe hamama ia mai la na pani puka o ka paalii a me ko loko o na pakaua, a waiho hamama mai la oloko o na rumi kapu o ka halealii.

            I ka hora 10 ponoi, ua lawe ia mai la ka moi malalo o kekahi wahi i hoomakaukau ia no kona hookolokoloia aku, me kona mau lima a me na wawae i hookuu wale ia, no kona hookolokolo ia.

            Aia kona mau makaainana ke haka pono la maluna o ka alihikaua opio, ka mea hoi nona ke kuleana hana i keia wa.

            A iloko no hoi oia wa i ike ia aku ai ka opio koa, i ka iho ana mailuna mai o ke anuu pohaku o ke alapii o na halealii, a e ukali ana hoi ma kona aoao, kona mau ahikoa ponoi, a kamoe aku la ma kahi a ka moi e ku ana.

            Me ka manao maikei, huli ae la oia a pane aku la imua o ka moi me keia mau huaolelo :

            I keia sekona, ua hoonele ia oe me ka nohoalii o kou mau kapuna ka mea hoi i hoolaa ia nou wale no a o ka make ka haawina hope nana e hoonele i kou nohoalii ana, ina nae he mau hana maikai kau.

            Ano, eia oe he pio na ke alii powa o ke kuahiwi, ka mea nana ke kauoha ia ʻ u e anai loa aku i kou nohoalii, a e hoopuehu liilii aku i na poe e kue mai ana ia ʻ u.

            I keia la e kipaku aku ana au ia oe mailoko aku o ka halealii nei au i ai haaheo ai no ka manawa loihi, me kau mau hana kumakaia o ka hoomaewaewa maluna o kou lahui ponoi.

            E nele ana oe i na pono a me na pomaikai o kou wa e noho ana iluna o kou nohoalii hanohano, a e ike ai a oe i ka ehaeha au i @uice uhane mua ole ai, e kau mai ana ai maluna o kou poo iho, ka mea hoi a kou mau makaainana ilihue i ike ai i ka walania oia mea.

            Nolaila, e hoomanao iho, aole au e hoonele ana ia oe i kou nohoalii ponoi me ke kumu kupono ole, aka he kumu no, oia hoi, ua hao aku oe i na pono uuku i loaa i ko ʻ u mau makua mai ko laua wa opio, a hoolilo hoi ia laua i mau mea makilo ma na alanui o ke kulanakauhale.

            A na nanakee pu mai hoi oe ia ʻ u, kekahi o kou mau makaainana ponoi i ku ae e ao aku ia oe i ka hano pono e paa ai ke alii powa, ko @eneo mi hoi i ake ai e paa pio.

            Aka, ua hoohaliu kue mai la kou kua ia ʻ u, a ua hoolilo mai la hoi i ka ʻ u mau kuhikuhi maikai ana aku i mea e hoopilikia ia mai ai o ko ʻ u kino.

            Ano, ua maopopo aku la paha ia oe kou uku hoopai, aole loa he mana nui malalo iho o ka la, nana e hoololi ae i ka mana o keia mau huaolelo a ʻ u e hookau nei maluna ou no ka wa pau ole.

            I ka hookuu ana iho o ka ka opio kamailio ana, ua haawi aku la oia i manawa no kana pio e kamailio ai, elike me ka noonoo maikai i loaa iaia.

            A me ke kali hou ole iho, ua lohe koke ia aku la ka leo o ka moi i ka pane ana mai me na huaolelo e hoonaueue ia ai ka noonoo o na poe i lohe i kana mau olelo :

            He oiaio, ua hoea mai la au i ka hopena o ka ʻ u mau hana kuhihewa, ka mea hoi a ko ke kana manao i ike ole ai i na ulia o ka manawa e hiki mai ana, a oia mau ulia oia ke ia mau ulia a ʻ u e ike nei me ko ʻ u mau maka ponoi.

            He hana hiki ole ia ʻ u ke kue aku oiai, ua hooneleia au me na puali koa, a ua nee aku hoi ke aloha o a makaainana mai ko ʻ u alo aku.

            E hooko mai i kau hoopai maluna iho o ko ʻ u kokua, a ua makaukau e auamo ia mea, me ke kue ole aku.

            O na huaolelo hoomua puuwai a ka moi i puana mai ai, ua hiki ole i ke koa opio ke lawe koke ae i na hooko ana o kaua mau olelo, oiai na manao aloha e hoouluku ana iloko o kona puuwai.

            Aka, he hana hiki ola nae ia nana ke hookahuli ae i ka mea i hoohiki ai, a oia kana i kauoha aku ai i kona mau ukali, e hoouna aku i @na moi e hele ma ke alanui palahalaha o ka ilihue a me ka nele, a e ukali ana mahope ona kana wahine hookahi.

            Ua lawe koke ao ia ka opio i na hooponopono ana a pau o ke aupuni iloko o kona lima me ke kau ana i na hoopai koikoi maluna o ka poe hana hewa.

            Ma keia wahi, e na makamaka, e ike ai kakou, ua o-i pono ae @l  a kau iluna o kaupoku o H ʻ nalei, a o ka helu elua hoi o kona hoolaumania ana i ka noho moi ana o kekahi mau alii elua.

            Oiai oia e hana ana 1 kana hana no ka pono o ka lehulehu, ua hookuu aku la oia i na poe i hoopaahao hewa ia mailoko aku o ka halepaahao, me ka haawi pu aku i mau wahi no lakou e noho ai.

            Kauoha koke ae la oia i na kamana no ke kapili ana i mau hale loloa e hiki ai ke hoolawa ia na makaainana ilihune a pau oloko o ke kulanakauhale me ke koe ole hookahi.

            O ka hoike akea ia ana aku o keia hana maikai imua o na maka o ka lehulehu nana i hookaakaa ae i ko lakou ike he alii maikai keia, e hiki ai ke pale ia aku na manao @nonohua o ke ano lokoino e nawe ana iloko o ko lakou puuwai.

            Komo pu mai la na makaainana a me na alii hanau o ka aina i ke kokua pu ana ma na hana e hoolaupai ai i ka noho ana kuonoono o kona aupuni.

            Lawe ae la oia i na poe kahiko i noho loihi maluna o na oihana o ke aupuni me ka hoopono, a i kipaku ia hoi e ka moi, mamuli o kona makemake ole e hoolohe i ka lakou mau ao ana.

            Ua hoolilo nui hoi oia i ka hapanui o kona manawa i ka po, ma ka hele ana e launa me ka poe haahaa loa, no ka nana pono ana i ke ano o ko lakou malama ia ana, ina paha ua kulike me kana i manao ai.

            Mahope o kona hana mau ana pela, ua lilo oia i mea nui, a ua lilo hoi na manao enemi e noho ana iloko o kekahi poe, me ka manao e pepehi malu iaia i mea ole.

            Aka, ua hehee iho la nae na manao iho i ulu ae o na la i hala mamuli o na manao liiilii mamuli o ka maopopo ole i ka lehulehu o kona kulana hooponopono aupuni.

            I ka hala ana o kekahi mau la o kona noho ana maloko o ka halealii, aia na ui hoomahie o kona aina hanau e hoomaalo mau aku ana imua o kona alo i na la a pau, me he @uhai maalo la i ka maka.

            A ua lilo hoi na rumi nani oloko o ka halealii, i wahi hooluana a hoonanea no na kaikamahine hoomahie, no ka manao ana e hoohihia aku i ka noonoo o ka opio no kekahi o lakou.

            Aka, he kuhihewa loa nae ia a lakou i upu ai oiai, ua ike mua kakou, he akule keia, he i ʻ a ahai i ka hohonu.

            O na leo mele mai na kaleo mai o na poe puuwai palupalula, he kakaikahi loa na opio e hiki ke kupaa i ka hoewalewale ia mai.

            Mamuli o kela ano, ua kokolo mai ia na hoomanao aloha ana iloko ona no ka ui Sopaea, ka mea a kona puuwaiia aloha ai ʻ me kona na ao a pau, a e kona mau hiona, me he la, eia ia imua o kona ale.

 

HUI   KUAI  LOLE  HAWAII.

 

Ka  Heiau  o  na  Paikini.

 

---

                                                            Ke kono ia aku nei na hoaloha a me ka lehulehu no ke kipa ana mai e makaikai i na

 

WAIWAIHOU  LOA.

 

E kuai ia aku ana i keia mau Pule Ekolu e hoea mai ana.

 

            Ke hoikeia aku nei ka lohe he lehuna o na mahele i kaupalenaia ke kuai ia nei e ua Ahahui ia ma ka $ 5.00 pakahi.  E waiho ia aku no na noi i ke Kakauolelo, Mr. Hanapi, a i ole i na Lala o ka Papa Hooko, ma ka Halekuai,  Helu 224,  Alanui Papu.

 

                                    A.  V.  GEAR. . . . . . . . . . . . . . . . . . . . . . . . . . . . PERESIDENA.

                                    DR.  HUDDY. . . . . . . . . . . . . . . . . . . . . . HOPE PERESIDENA.

                                    EDWARD  HANAPI. . . . . . . . . . . . . . . . .. . . . KAKAUOLELO.

                                    N.  FERNANDEZ. . . . . . . . . . . . . . . . . . . . . . . . . . . . . . PUUKU.

                                    CHAS  WILCOX. . . . . . . . . . . . . . . . . . . . .  . . . LUNA  HOOIA.

                                    MOSES  PALAU. . . . . . . . . . . .  . . . . . . . . LUNA  HOOHANA.

 

KA  MOKUAHI  LAWEKOA  ZEALANDIA.

 

---

 

            Ua hoea mai la i kakahiaka Poalima nei ga moku lawekoa Zealandia mai Kapalakiko mai ma kona alahele no Manila.  E lawe ana oia he mau puali o ka regimana iwakaluakumamaha, ka regimana kea Paele mua loa hoi i hoea mai la i keia awa.  He poe hiwa paa loa kekahi o lakou a he poe hakeakea no hoi kekahi me na aliikoa ilikeokeo a mawaho o lakou he haneri a oi mau koa no na regimana e noho la ma Manila.  O keia regimana Paele oia kekahi i alo pu iloko o ke ehuehu o na poka a na Sepania ma na kahua kaua maloko o Cuba ma kela makahiki aku nei.  He poe akahai lakou a piha oluolu, a ua hoolele ia mai no hoi lakou iuka nei o ka aina.  Ma ke kakahiaka la Sabati nei i hala loa aku ai ke Zealandia no Manila.

---

            Ua hala aku la no Manila ma ke kakahiaka La Pule nei, ka moku lawekoa Zealandia.

            E alawa ae e na inakamaka heluhelu i ka hoolaha Papa a Leong Chee e puka aku nei.

            E hoea mai ana ka Auseteralia i anei ma ka la 10 Iulai, pela na lono i loaa mai nei.

            Ua make ma ka auina la Poalua nei, mauka o ka haukipila koa o Geo. Watson, he koa no ka puali N. o ka batari Pukaa Eono.

            He 26 ka nui o na Hawaii i manaoia e holo aku ana no ka hoikeike nui o Omaha, mai na kane, wahine a me na kamalii.

            Ua paa ae nae na keena oihana o ke kulanakauhale nei i keia la no ka hookuu ana aku i ko lakou mau limahana e hauoli Pokiulai pu me ko lakou mau haku.

            Ua haawi ia ae e Mr Charles Cash he paina la hana, no ka piha makahiki ana o kana hiapo ma Kolulu ae nei, ma ka Poalua nei, a ua nui no na poe i hiki ae malaila.  O ka makou e upu ae nei e hooloihi ia na la o kela @opuu hou.

 

            UA  LOAA  MAI,  HE  HELUNA

 

O  NA

 

Pena a me na Aila Pena,

Na Hulu Pepa,

            Na Kapuahi Aila, 

                        Na  Kapuahi  Fisher,

( ua hoemiia ke kumukuai )

 

Na Palau na ano apau,

                                                                                                Na Lako Mahiai,

                                                                                                  Ho, Oo, Kopala, Kipikua,

                                                                                                     Na Bakeke  o na like ole,

                                                                                                            Na Ipuhao, Ipu Ti,

                                                                                                               Na Lako Aniani,

 

            E loaa mai ana he mau waiwai hou maluna o ka mokuahi Auseteralia.  Nolaila, e kipa mai, a e wae no oukou iho, he emi loa ka makou mau kumukuai.

Hawaiian  Hardware  Co.,  Ld

(  HUI  LAKO  HAO  HAWAII,  I  KAUPALENAIA )

Alanui  Papu,  ma  o  ka  Banako  o  Spreckels.

 

HOOLAHA  AKEA.

 

            I  KA  POE  NO  LAKOU  NA  HALE  Laau e ku nei ma Hanawi, Puumoi ka Aina Konohiki, kuleana o Kahale ( k ) a me Paaoao ( w ), i lilo mai ia Kalua, a i ona ia e a ʻ u i keia wa.

            Ke kauohaia nei, e kii koke ae a hookaawale aku iloko o eono malama mai keia la aku, a i ole e lawe ie no e a ʻ u no na oho e like me ka kanawai.  Ua hookupuia ke kii kuleana ole ana i na Niu.                        JOSEPH  MAIKAALOA  KAUHI            @ONA  AINA    Hanawi, Hilo, Apr. 6, 1899.  3m

 

HOOLAHA  PA-PA !

---

            Ke hoolahaia aku nei ma keia o ka mea nona ka inoa malalo iho, ua papa loa ia na kanaka a pau ma ke komohewa ana ma kona wahi e waiho ana ma ka apana o Waialua, Oahu, mahope iho o ka hora 9 o ka po.  A o na poe e makemake ana e ike iaia mahope iho o keia hora, e hele pu mai oia me ke kukui, a e kahea mua mai hoi i ka mea nona ka inoa ma ka paka pa mamua o ke komo ana mai, a e na kanaka a pau e loaa ana maluna o ia mau wahi me ke kuleana ole, ai ole e kue ana i keia hoolaha, e hoopii ia no lakou ma ke kanawai.      LEONG  CHEE.       Waialua, Oahu, Jul. 3,  1899.                3t

 

L.  C.  ABLES.

 

MEA  KUAI  AKU  A  KUAI  MAI

 

He mea Hoale Dala ma ka Moraki i na Waiwaipaa.

 

            Eia pu me ia o Makanoe c. Amana, he Hawaii i ike nui ia, a i noho maloko o ke keena auhau no eono makahiki.  Ua makaukau ola e haawi aku i na kokua i na poe a pau e makemake ana e kuai aku a kuai mai paha i ko lakou mau alua.  A ua makemake hoi e hoale aku i na @wainaihihia ole.  E kipa mai.

            @        KEENA  HANA :  Ma ke Alanui Papu ma Ewa o ka Hale Banako o @Liwiu ma.                        feb  27  ---@1m  d1.