Ke Aloha Aina, Volume V, Number 30, 29 July 1899 — Page 6

KE ALOHA AINA

 

 

HE MOOLELO WALOHIA --:NO:-- ALANADELA

Ka Wahine Hoopahaohao o ka Aahu Keokeo. — A I OLE — Ka Loea Hookani Pila Hapa o ke Kulu Aumoe.

 

            I keia wa i poha mai ai keia mau huaolelo mai na lehelehe mai o Magarita, ua hoohikilele ia ae la o Walate, me ka pii pu ana ae hoi o ka ula ohelohelo ma kona mau papalina, a me ka leo olu waipahe, pane aku la oia i ka wahine puuwai lokoino.

            O, e Magarita, kuu hoaloha maikai, e hoike mai, heaha kau mea e kamailio mai nei ia'u? Ua aloha anei oe ia'u ma ke ano he ipo, a i ole ua aloha anei oe ia'u ma ke ano hoaloha?

            Na keia mau olelo a ke koa opio Walata i hoohamau aku ia Magarita a ikeia aku la hoi kona poe e kulou ana me na waimaka a ka ehaeha e hiolo ana ma kona mau papalina a no kekahi manawa kona noho ekemu ole ana, aia hoi, ua ikeia aku la kona poo i ke aea ana ae, a me ka leo haalulu, pane mai la oia:

            Ua aloha au ia oe e kuu Walata, aole ma ke ano he hoaloha, aka, ma ke ano he ipo na u mai keia manawa a hiki i ka wa pau ole, a na ka make wale no e hookaawale ae i ko kaua pili aloha ana. Nolaila, ke molia aku nei au ia oe i kuu kino a me kuu ola nou hookahi wale no. E hoopau i kou manao huli no kuu hoaloha maikai Alanadela, oiai, ua haalele iho oia ia oe a mahuka aku la me ka ipo a kona puuwai i aloha ai.

            I ka hookuu ana iho o ka leo o Magarita, oia no ka wa i pane aku ai o Walata me ka leo kuoo, nana hoi i iniki aku me ka walania i ka puuwai o ka wahine lokoino, i ka i ana aku penei:

            E ka wahine maikai, e hoike aku au ia oe me ka oiaio loa, mamua o kuu haalele ana iho ia oe e noho hookahi iloko o kou hanohano, aole mea nui e ae iloko o kau puuwai, aka, no kuu Alanadela wale no ia, a ma no oia ua hoonaewaewa mai mai ia'u, e huikala aku no au iaia. Nolaila, e hoopau i keu kuko ana i ipo nau.

            A i ka wa i hooki iho ai o Walata i kona leo, ua like ia mau huaolelo ana i puana aku ai me he pahi oilua la i kapoo aka iloko o ka puuwai o ka wahine opio ka walania oia mau mamala olelo.

            A ia wa pu no hoi, ua komo mai la na manao hilahila iloko ona a me ka hoohakala kou ole iho, h@ ae la oia a holo koke a u la no loko o kona mau home me kona mau wai maka hoi e hiolo makawalu ana, me kona puana pu ana ae hoi i keia mau huaolelo piha inaina:

            O, e Walata, e ike no oe i ka uku panai o kau mau hana hoohoka ia'u E hoouna aku ana au i ko'u mau kanaka mahope o kou meheu me ka nana ole ae ehia mau haneri e hoo@lo ia aku ana i moepuu na ka maka o kau pahikaua, oiai, ua oi ae ka waiwai o kou ola hookahi i ko ko'u mau kanaka he mau haneri, a ua oi aku ka pono i na au e hoonele ia me na kanaka mamua o ko'u ike ana aku ia oe e ola ana maluna o keia ilihonua.

            Ma keia wahi i hoopau ae ai oia i kana kamailio ana, a komo aku la oia no loko o kona rumi me ka ae ole ana i kekahi mea e komo aku e ike iaia.

            No ka kaua koa opio, i ka hala ana aku o ka ui Magarita me kona naau i piha me ka luuluu a me ka hilahila, oia koke no kona wa i haawi aku ai i ke kanoha i kekahi o na powa o aiai ana ia loko o ka halea no ke kii ana aku i elua mau lio holo loa o ka home o na powa, no ka lawe ana @ai ma ua o kona ale, i hoolako pono ia hoi me na lako hele kuahiwi.

            A elike me ka makemake o ka kaua Walata, p@la ua powa la i hooko aku ai, a iloko hoi o ka manawa pokole loa, ua hoea mai la ua powa ia me elua lio holo loa i lako me na pono o kekahi huakai hele kuahiwi, a me ka hookaulua ole iho, kau koke ae la oia maluna o kekahi o ua mau lio la, a ia wa no hoi i oili mai ai kona hoaloha Kaisa i aahu ia me na pono uhai holoholona. A iloko o na minute pokole wale no, aia ua mau eueu la ke kuupau la i ka holo o ko laua mau lio no loko o na ululaau.

 

MAKEMAKE E HAALELE I KA OIHANA KOA.

 

            Manila, Iulai 14. He heluna nui o na haneri noi no ka hookuu ana, i komo mai iloko o ka Aukukana-kenerala, i hoole ia aku.

            O keia mau noi i hoole ia aku a na koa kumau, oia ka poe i loaa he wa no lakou e hookuu ia ai ma Amerika Huipuia, mamua o ke kauoha ia ana o ko lakou regimana e holo i Manila.

            I ka wa i hookuu ia ai na Regimana mahope ilo o ke kaua ma Cuba, ua hoopau ia na koa kumau mai na regimana mai a pau. He lehulehu nae i makemake e noho i ka wa i hoike ia aku ai e hoouna ia ana he huakai no Manila.

            Ma kekahi mau manawa, ua koi aku na alihikaua nui no ke lakoa ae ia ana e haalele, aka, ua komo hou mai nae lakou, mamua o ka hiki ana ke ohi ia i poe hou ma kekahi mau manawa, ua ninau maoli ia aku ko lakou mau manao i na paha he makemake ko lakou i ka hoopau a i ole i ka hele paha i Manila, he lehulehu i koho no ka hele ana.

            I keia wa mai nei, o na koa kumau i komo i ke kaua ma Pilipine, i loaa ole ia lakou he kuokoa ana, ua hoike ia aku, o ka lakou noi no ka hookuu ia ana, e hooko ia aku ana ia.

            Aole wale no o na koa kahiko ma Pilipine kai waiho mai i na noi, aka, he lehulehu o na regimana i hoea hope aku nei, a o ka keia poe noi kai hoole ia aku, a e noho ana lakou elike me ka loihi i ae ia, oia hoi, he ekolu makahiki.

 

KEIKIALII AFERIKA.

 

            Ua hala aku la maluna o ka moku lawekoa Para he keikialii Zulu, nona ka inoa o Okokudek, he koa oia no ka puali H o ka regimana Iwakalua-kumamaha, aka, aia nae he la ke hookokoke mai la e hio ai oia i moi no ka apana o Zulu, Aferika, ma ka nohoalii a kona makuakane moi hoahanau e hoomalu la i keia la.

            Ua hoonaauao ia oia ma ke kula nui o Cambridge, me ka loaa pu hoi o na hoomaikai iaia no kona piha naauao.

            A i ka wa i poha ae ai o ke kaua mawaena o Amerika Huipuia a me Sepania, ua komo aku la oia iloko o ka oihana kaua, a holo aku la no ke kahua o Cuba, ua komo oia ma kekahi mau kaua hahana, a oia pu no hoi kekahi ma kela hoouka kauka weliweli o San Juan.

            Ua olelo ae oia i ka wa e pau ai o kona manawa e noho ai iloko o ka oihana kaua o Amerika Huipuia e huli hoi aku ai oia no kona aina hanau, a hoonaauao aku i kona lahui e noho hupo ana i na mea ana i ike ai. He nui na hana ana i alo pu ai me kona makuakane ma kona aina hanau me na Boers a me na Hottentots, a o ke kaua hope loa ana i komo ai i koua wa he 19 makahiki, aka, ma kaua hoomaopopo iho he okoa loa ia kaua ana i ko keia au naauao. Oiai, aole i pau kona manawa i komo ai iloko o ka oihana kana o Amerika Huipuia, nolaila, ua holo pu aku la oia me kona puali no na paemoku Pilipine.

 

KE HOIKE IA AKU NEI KA LOHE.

 

            Mamuli o ka haalele ana mai la o Mr. John Like i keia ola ana ka makou luna lawe pepa puka pule KE ALOHA AINA i hilinai ai no ka apana o Kalaupapa a me Kalaw o. Nolaila, ua hookohu ono aku makau ia Nellie Waolelo (w) i luna lawe pepa, no ke paui ana ma koua hakahaka. A oia wale no hoi ke kuleana ma ka ohi ana i ka poe he mau koena aie ko lakou i ka nupepa, a he mana hoi kona e hoopau aku ai i na poe lawe pepa e aku ole mai ana i ko lakou mau aie. E hoolohe i keia.

            MA KE KAUOHA.

 

KUAI HOOPAU LOA MAMUA O KA HOLO ANA AKU. MA KAHIO L. B. KERR. ALANUI MOIWAHINE.

 

E Holo aku ana ma ka La 18 o Augate.

 

            Nolaila, e kuai ia aku ana na WAIWAI a pau loa. O ka hiki ana ke hana i keia, oia no ke kuai i na waiwai a pau ma ke kumukuai hoemi loa me ka nana ole i na poho he nui.

 

            O keia mau Waiwai a pau oia NA LOLE AAHU ME NA WAIHOOLUU LIKE OLE.

 

            Ua kuaiia mai na Hale Hana Nui mai o Europa.

 

            NOLAILA, EIA KA WA O KE KUAI MAKEPONO. E HELE KOKE MAI, A E LILO NO KA WAE MUA IA OE.

 

            L. B. KERR: Honolulu, Alanui Moiwahine