Ke Aloha Aina, Volume V, Number 38, 23 September 1899 — Page 6

KE ALOHA AINA, POAONO, SEPATEMABA 23, 1899.

 

Nuhou Kuwaho.

HE MAU REGIMANA PAELE.

                        Wasinetona, Sept. 11 He kauoha kai hoopuka ia ae e ke Keena Kaua i keia la no ka ohi ana i elua mau regimana paele. O na alii a pau o keia mau regimana elua he mau ilikeokeo.

            O na puali a pau, he mau kanaka paele wale no i komo mua i ke kaua me Sepania, maloko o ka regimana kuikawa a me kumau.

 

NUI KA MA'I O NA KOA.

            Manila, Sept. 5. Ua hole ae ka Luna Nana i ka ae ana aku e hoopuka ia keia mau lono malalo iho nei ma ke telegarapa.

            O ka hoike a ke kauka e pili ana i kea no o na mahele koa o Kenerala MacArthur, e hoike ana ia he 36 pa keneta o na kanaka, aia iloko o ka ma'i. Ua huipu keia me na ma'I e waiho nei ma kahi hoolulu a me na poe i hoihoi ia aku no ka mome. He 11 pa keneta o na poe ma'I e waiho nei maloko o kahi hoolulu i loohia ka hapanui i ka ma'i hikoko a me ka giva malaria. Nui io no ka pilikia o Amerika e huna ia mai nei.

 

HE OIA MAU NO NA PILIPINE.

            Manila, Sept. 9 He puali o 450 kipi me hookahi pukuniahi kai lele kaua mai ma Santa Rita i keia kakahiaka nui, a ia wa hookahi no ua hoonahoa aku he puali o kanaono kipi ma ka lele kaua ana aku ia Guagua a me San Antonio.

            Ua hooauhee ia aku na kipi me ka poino ole o na Amerika O Konela Bell a me kona regimana, i ko lakou wa e hoao ana e hoohikilele i na kipi mahope o lakou, ua halawai aku la lakou me elua puali hihi o na kipi, a hopu pio ia e lakou he hookahi kapena, hookahi lutanele a me eono koa.

            He Pilipine mai ka mokupuni mai o Visaya, ua olelo ae oia, o Victoria Nomapa, kekahi loio waiwai loa a i ike nui ia ma Ilo@o, ua haalele aku aia i na hana kalaiaina, a ua hui pu aku la me na kipi.

            Aia na kanaka o Santa Barbara ke kahua poo o na kipi ma ka mokupuui Panay, ke haalele la i ke taona mamuli o ko lakou hopohopo i ke kipoka ia aku oia wahi e ka mokuhana Amerika Oregona.

           

NO KA HAKAKA ANA ME NA BOERS.

Ladana, Sept. 8. O ka huina ikaika o na pualikoa e hoouna ia aku ana mai Euelaui aku no Aferika Hema, ma e poha io ae ana ke kaua, mawaena no ia o 30,000 a me 40,000 kanaka, he heluna nui o lakou e hoohana ia aku ana no ka malama i na laina e kukai kamailio ai, me ke kiai pu aku i na wahi waiho wale ana o mua o ke kahua kaua.

 

AOLE I PAU NA LIULIU KAUA ANA.

            Ladana, Sept. 11. O na liuliu kaua ana ma ke keena Kaua Moana a me Keena Kaua Aina, ua hoomau ia aku ia i keia la. Ua olelo ia ae, ua hoouna ia aku la na kauoha no Amerika no na lako hao papahele mama a me na lako hao uwapo no ka hoohana aku ma Aferika Hema. Eai na moku lawekoa ke nee mai nei no na uwapo, no ka hoomakaukau e hookau aku i na pualikoa.

 

NO KA HOOWAHAWAHA I KA AHA.

            Ma ka hora 10 o ke kakahiaka Poakolu nei, oiai, ka wa e hoolohe ia an aka hihia laibila o W.H. Marshall, ua hoopai ia iho la o W.M. Ayers, ka hope iunahooponopono o ka nupepa Sunday Volcano, mamuli o ka ikeia ana aku o kona kika e kau ana no ma kona waha i ka wa e nieniele ia ana kanan olelo ike, ua haawi aku o Lunakanawai Wilikoki i na a'o ikaika ana iaia, aka, i kona wa nae i ike hou ia aku ai i ka hookomo ana i kona kika iloko o kona waha, oia no ka wa i hookau mai ai ka Lunakanawai Wilikoki he hoopai o ekolu hora hoopaahao maluna ona. Ua lawe ia aku oia no lalo o ka rumi hoopaahao, a ma ka hora 1 o ia awakea i hookuu ia mai ai oia.

 

NA ANOAI O KAUAI.

            Maluna o ka mokuahi Keauhou i loaa mai ai  he lono e hoike mai ana, ua malama ia ae he hou pahi ma Kekaha ma kela Poaono aku nei.  Ua hoeha ia he Iapana ma ka umauma.

            He kauaka Hawaii kai hihia ae ka a-i i ka uwea olelo ma ke awawa o Eleele, a ua kiola ia oia mailuna mai o kona lio he kauaha kapuai ilalo o ke awawa, ua loaa aku oia he mau hora mahope mai e waiho mauie ana

            He elua man Iapana e hana ana i ka uwapo e kokoke la i Eleele, i hoeha ia, mamuli o ka haule ia ana e kakahi laau.

            Ua loaa aku i na makai kiei awa he 90 tini opiuma maluna o ka mokukuna Jesse Moore.

            E kela poe wahine Haawaii me na hae Amerika maluna o na pa pale, i hele makai o kela hale loihi ma ke alani Rikeke, oia hoi kahi o Liwai mamua, i hoao e hana hookahuna malua o kehi wahine ma'i i make mahope mai, oia ke Poakolu nei. Ua oki loa kela hana iloko o keia wa malamalama.

 

KA MOKU ANA MOANA EGERIA.

            Ma ka Poalua nei, i huli hoi mai ai ka mokukaua ana moana Beritania Egeria mai ka mokupuni Fannings mai, mahope o kona kaawale ana aku nei no kekahi mau pule ma kana huakai ana moana, ma ka la 11 iho nei i hoea aku ai oia i ua hokupuni la, ka panina hoi o kana huakai ana moana. O ke koena mai ia wahi aku a hiki i Auseteralia, ua ua pau ia i ke ana ia e ka moku kaua Britania he mau manawa i hala ae nei.

            O keia laina uwea telegarapa e manao ia nei, e hoomoe ia mai ana oia ma kahi he 350 mile ma ka hikina o Honolulu nei. Ua oleio ae na aliimoku o ka Egeria I ka wa e pau ai o keia laina, aole ana lepo e ae e kau aku ai mawaho o na lepo Beritania. Aole e kipa mai ana keia uwea telegarapa ma Honolulu nei, aka, e holo loa ae aua no oia ma ka moana a hiki i ka mokupuni Fannings.

            Mahope o ka pau ana o na hemahema o ka Egeria e haalele iho ai oia ia Honolulu nei no Vanekoua ma ka Poakahi ae nei, ua kapili ia oia ma ka 1871. Oia kekahi o na mokukaua o Beritania e hoolulu ana ma na wai o Kina i pa la kinohi o kona hoolana ia ana, aka, ua hoolilo ia nae oia he moku ana moana mahope mai. E lawe ana oia he mau pu mama, a he 10 nota kona holo i ka hera.

 

HE HEIHEI MOANA.

            E malamaia ana ma keia Poaono iho he heihei moana nawaena o na moku heihei Gladys a me La Paloma. O ka loa o ka laua pahu e holo ai, mai Honolulu aku nei ia a hiki i Lahaina, a huli hoi hou mai. He oi ae ka nui o ka La Paloma i ke Gladys, aka, ua olelo ae nae o Hobron ka ona o ka moku hope, aole loa ia he mea e kanalua ai oia no ka heihei ana me ka La Paloma. O ka manawa mua loa keia a nei a mau moku e alo aku ai i na ale hanupanupa o Pailolo. Ua olelo ia ae he kiaha dal aka makana o keia heihei.

 

KA MOKUPEA RODERICK OHU

            Ua loaa mai nein a lono maluna o ka mokuahi Nippon Maru, ua hoea aku la ka mokupea Roderick Dhu i Kapalakiko, ma ka la 9 o keia mahina. Ua halawai oia me kekahi ino nui ma ka moana, a no 36 hora ka pahola ana o ka ino. Ua halawai he luina o keia moku me kona hopena iloko o keia ino Mai Hilo aku oia me ka piha ohaa a me ukana.

 

KUAI HOEMI NUI O NA PAPALE!!!

 

MA KAHIO

L.B. KERR.

ALANUI MOIWAHINE

 

NO HOOKAHI PULE WALE NO.

A I OLE PELA

 

E LIKE ME KA LOIHI O KE KOE ANA O KEIA MAU WAIWAI.

 

Mamuli o ka hoomaka koke ana aku o ka hoomaemae ia, nolaila ua manaoia he mea pono ke kuai hoemi koke ia

KO MAKOU KEENA PAPALE.

I loaa ai na wahi kaawale.

 

2.00     Papale Sela      1.60

1.50 Papale Hooniniia .75

 

NOLAILA, EIA KA WA O KE KUAI MA KEPONO, E HELE KOKE MAI. A E LILO NO KA WAE MUA IA OE.

 

U. B. KERR.

HONOLULU, ALANUI MOIWAHINE