Ke Aloha Aina, Volume V, Number 43, 28 October 1899 — Page 1

KE ALOHA AINA

 

BUKE V. HONOLULU, POAONO, OKATOBA 28, 1899. HELU 43

 

KA NUPEPA KE ALOHA AINA

 

E hoopuka mau ia aku ana mai ka Poakahi a ka Polima o na pule a pau o kela a me keia mahina.

Ka Uku Pepa, he 20 keneta o ka pule. No ke kope hookahi he 5 keneta.

E loaa no ka pepa maike Keena aku o KE ALOHA AINA, a mai ka lima aku o na Luna Lawe Pepa.

E pai ia no ka Olelo Hoolaha, na Kanikau a me na Mele Inoa, me ke Dala kuike. Aole nupepa ma ka owili pakahi e hoouna ia ke ole e hookaa mua ia ka uku pepa.

E hoouna pololei mai i na Nuhou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.

 

Ka Nupepa Puka Pule.

Ke – Aloha – Aina

Hookahi makahiki...$2.00

Eono mahina...$1.00

Ekolu mahina... .50

Hookahi mahina... .20

 

EMMA A. NAWAHI.

Puuku o

Ke – Aloha – Aina

EDWARD L. LIKE.

Lunahooponopono a @ Puuku

S. P. Kan@

Hope Lunahooponopono

 

O na kauoha Nupepa me na hookaa Dala, e hoona pololei mai o ka Puuku ma Honolulu.

 

HOOPAKELE IA KA MOKUKAUA URDANETA.

 

            Wasinetona, Oct @. Ua loaa mai nei he lon@ i ke Keena Kaua Moana mai a Adimarala Watson, penei:

            Manila, Oct. 5. O ka mokukaua Cornwall, Calla@, Mindoro. Gendohui, Basco a me kekahi kao hali ukana, a me kekahi puali koa marina mai Cav@ a me na luna ma ka mokukaua Balitimoa. Petrel a me ka Helena, ua komo aku lakou no loko o ka muliwai Crani ma ke kakahiaka Poakahi nei, a hoolana ae la i ka Urdaneta, malalo o ka malama ana a na mokukaua. Ua hoolele aku ke Cornwall i na koa me ka hookokoke aku i ke taona. Ua auhee aku na Pilipino, me ke ki ana mai i kekahi mau poka kakaikahi.

            O keia ka mokukaua i lawepio ia  @ e na Pilipino.

 

KUKALAIA KE KAUA

 

MAWAENA O NA BOA ME NA BERITANIA.

 

Lele Kaua ia he Kaaahi i Lako me na Mea Kaua.

 

            Maluna o ka mouahi Amerika Maru i loaa mai ai na lono no ke poha io ae la o ke kukala kaua mawaena o na Boa a me na Beritania, a no ka pomaikai o ko makou mau makamaka heluhelu ke hoopuka aku nei makou me ka awiwi nui penei:

KUKALA IA KE KAUA.

            Johannesburg, Oct. 12. Ua hoopuka ia ke kulala kaua ma ka la inehinei, a ua hoohana ia aku ia i ka hora 10 o keia kakahiaka.

NUI NA LAHUI E KUE ANA IA BERITANIA.

            Ladana, Oct. 11. He telegarapa kai loaa mai la mai Pretoria mai no ka hora 7:30 o ke ahiahi onehinei e olelo ana. Eia ke kali ia nei ke kulana me ke pihoihoi nui. He lehulehu wale o na Amerika, Geremania, Farani, Suedena, Belegiuma, Norewai Denemaka, Italia, Holani, Swiss a me na Cape Afrikanders i hala aku la no na palena e hakaka ana no ka pono o Transvaal, a oiai no nae aole lakou he poe Boa, he nui na Beritania e noho ana ma laila i lawe i ka hoohiki aupuni.

KIPOKA NA BOA I KEKAHI KAAAHI O BERITANIA.

            Ladana, Oct. 13. Ua loaa mai nei na lono i anei no ka hoopoino ia ana o ke kaaahi i hoolako ia me na mea kaua ma Kraaipan. No ka mea e pili ana i ka poino mua o na pualikoa Beritania i keia kaua i poha ae la, ua hoopuka ae ka Evening News i keia lono mai Cape Town mai. He kaaahi i lako me na mea kaua kai hoopoino ia ma ka hema aku o Mafeking. He umikumamalima mau koa Beritania i make. Ua kipoka aku na Boa i ke kaaahi i hoopoino ia.

            O na lono hope i loaa mai i ka Evening News e olelo ana, o ke kaaahi i hoolako ia me na mea kaua e holo maloko aku o na Boa.

            He lono pili aupuni kai loaa mai i ke Keena Panalaau e olelo ana. O ke kaaahi i lako me na mea kaua, ua hoopoino ia ma kahi kokoke i kahi hoolulu o Kraaipan, oiai oia e holo ana no Mafeking me na pu.

            O keia malalo iho n! lono i loaa mai i ke keena kaua mai ke alihikaua nui mai o na pualikoa ma ka Lae.

            Lae Taona, Oct. 13, hor 2:45 p. m. He kaaahi i lako me na mea kaua mai Mafeking mai, e ukali ana he elua mau pukuniahi 7 paona, e hoouna ana ia mai anei aku no Mafeking, ua lele kaua ia oia ma Kraaipan ma ka ponei. ua weheia ke alahao. I ka wa i hu ai ke kaaahi, ua kipoka mai na Boa me na pukuniahi me ka lawe pio ana.

            Ua hoopoino ia ke telegarapa e kukai ai me Mafeking, ma Kraaipan. O na wahine me na keiki ua hoouna ia aku lakou no Lae Taona. O keia mau pu no ka panalaau. He mau kahiko a mama laua, aole he mau lono poino i loaa mai.

            Lae Taona, Oct 13., hora 4:05 p. m. O na poe a pau o ke kaaahi me ke koe o ka wiliki, he mau pio na na Boa.

KE HOOUKA IA LA HE KAUA HAHANA.

Nu Ioka, Oct. 13. He lono kuikawa kai loaa mai nei i ka Journal mai Ladysmith e olelo ana: Ua iho mai la na pualikoa o ka Free State ma ke alahele mai o Van Reenans me umikumamakahi pukuniahi. Aia ke hoouka ia la he kaua hahana. O kenerala Sir George Stewart White, ke alakai o na Beritania, he umikumamakahi ana pu me 3,000 kanaka, a he manaolana kona no ko lakou lanakila.

            O Kenerala White me kekahi kolamu ikaika i ohi ia mai na puali helewawae, kana lio a me pukaa, e ukali ia ana e Kenerala Sir Archbald Hunter, ua haalele iho lakou ia ladysmith ma keia wanaao no Acton Homes no ka hakilo ana i na enemi. O ko White manao, aole wale no no ka hakilo ana, aka, no ka hoao ana no ia i ke kulana makaukau a me ka nee ana o kona mau kanaka, A ua halawai oia me na enemi malaila.

 

KE KOI POHO KOIKOI.

 

            Ma ka Poakahi nei i hoihoi aku ai o Hope Ilamuku Chillingworth i na palapala hoopii koi poho a Wong Chan Akana ia J. F. Kolopana nona ka waiwaiio he $21,000, imua o ka Aha Kaapuni, mamuli o na hana lima ikaika a Keoni Kolopana i hana aku ai maluna ona a me kana wahine.

            O ke noi mua a Akana, ua makemake oia he umi tausani o na dala a keoni Kolopana, no ka hana hewa ana i lawelawe ai ma ka la 16 o Okatoba, oia hoi kona komo ana aku me ka lime ikaika iloko o ka halekuai a me ka hale noho o ka mea hoopii e ku nei ma ke kihi o na alanui Alakea a me Moi, a me ka lima ikaika kipaku aku la i ka mea hoopii me kana wahine a me na limahana mailoko aku o ka pa hale me ka pani a me ka laka ana i ka waiwai o ka mea hoopii.

            Ua noi hou aku oia he elima tausani dala no na poino e ae i hana ia e ka mea komohewa, oia hoi, kona lalau ana aku i ka mea hoopii a kiola aku la iaia ilalo, ma ia kumu ua hoeha walania ia kona kino a me kona naau, a ua kupono keia koi maluna ae.

            He elima tausani dala i makemake hoi ia a Kalopana e uku mai ai, no kona kipaku ana aku i ka wahine a ka mea hoopii me ka ikaika, oiai, oia e waiho ana iloko o ka ma’i no kekahi wa hoihi, nana i hoonoho aku iaia ma ke alanui hele aoao no kekahi manawa oloihi iloko o ka aahu kupono ole mamua o ke alo o kona hale, a oia @ hana a pau ua hoeha mai ia i ka mea hoopii, a eia ke kumu o keia koi. Ua waiho pu aku o W. G. Akana te koi o hookahi tausani dala no na waiwai e ae i hoopoinoia. O keia ae la ka nui o ua kumu koi poho a Akana i waiho aku la no ka hoolohe ia ana imua o ka Aha Kaapuni ma ke kau o Novemaba ae nei. O J. M. Kanekua a me Chas. Creighton kona mau loio.

 

HOIKE A KE KOMITE HOALOHALOHA O KA AHAHUI O. I. KARISTIANO O KA MOKUPUNI O KAUAI IMUA O NA MAKUA A ME NA PILIKANA O KA MEA I LAWE IA AKU MA KA AOAO MAU O KA HONUA ME KA WALOHIA.

 

            Mamuli o ka ili ana iho o ka maawina kaumaha luuluu maluna iho o olua a me ko olu ohana, o keia ka hooko ana i na mea i oleloia. O ke kauaka i hanau ia e ka wahine, he hapa kona mau la, a ua piha i na popilikia. A puka mai no ia me he pua laa, a oki ia aku a holo aku no ia me he aka ala aole e mau ana.

            1. Hooholoia. Ke auamo pu nei hoi ka Ahahuui O. I. Karistiano o ka mokupuni o Kauai i na kaumaha me ka luuluu pu me oe e Mr. W. Huddy, ko makou hoa paahana pu iloko o ko Iesu Karisto aupuni ma keia mokupuni.

            2. Hooholoia. Ke komo pu aku hoi keia Ahahui i ke kanikau pu ana me oe e Mrs. E. Huddy no ka hala ana o kau mea aloha.

            3. Hooholoia. ke @uipu aku nei keia Ahahui me oukou na ohana iloko o Iesu Karisto e kaa@ pu i na ehaeha no ka mea i hala e aku mao me kona kau aloha.

            4. Hooholoia. Ke pule nei makou e hoounaia ae i keia mau haawina maluna o kakou @.

            O makou iho no me ka haahaa.

            David T@. Sam Kaili.

            Daniel P@.

 

            O ka mokukaua lawe hae @ no na aumokukaua Beritania ma na wai o Kina, oia no ke Glory, he mokukaua o 12,@50 tona.

            He nupepa namu Amerika hou kai lohe wale ia mai nei e hoopuka ia aku ana ma ka La Pule iho nona ka @ ka @ Amerika.