Ke Aloha Aina, Volume V, Number 45, 11 November 1899 — Page 1

KE ALOHA AINA

UA MAU KE EA O KA AINA I KA PONO.

HOOKUMUIA I MEI 20, 1895.

BUKE V. HONOLULU, POAONO, NOVEMABA 11, 1899. HELU 45.

KA NUPEPA KE ALOHA AINA.

E hoopuka mau ia aku ana mai ka Poakahi a ka Polima o na pule a pau o kela a me keia mahina.

Ka Uku Pepa, he 20 keneta o ka pule. No ke kope hookahi he 6 keneta.

E loaa no ka pepa maike Keena aku o KE ALOHA AINA, a mai ka lima aku o na Luna Lawe Pepa.

E pai ia no na Olelo Hoolaha, na Kanikau a me na Mele Inoa, me ke Dala kuike. Aole nupepa ma ka owili pakahi e hoouna ia ke ole e hookaa mua ia ka uku pepa.

E hoouna pololei mai i na Nuhou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.

Ka Nupepa Puka Pule

Ke - Aloha - Aina

Hookahi makahiki...$2.00

Eono mahina...$1.00

Ekolu mahina....50

Hookahi mahina....20

EMMA A. NAWAHI.

Puuku o Ke - Aloha - Aina

EDWARD L. LIKE.

Lunahooponopono a Hope Pauku

S. P. KANOA.

Hope Lunahooponopono.

O na kauoha Nupepa me na hookaa Dala, e hoona pololei ai o ka Puuku ma Honolulu.

ALOHA NO IA HAWAII.

Ua hookuu mai la i keia ola ana ma ka hora 1 o ka auina la Poaono nei, mahope o ke kaa ma'i pokole ana o Mr. Pio Anakolio, kekahi o na keiki puhiohe o ka bana Lahui Hawaii i na la i hala aku la, a i lilo hoi he hoa no ka bana aupuni he mau mahina i hala ae nei. Oia kekahi o na lala kahiko loa o ka oihana puhiohe, ma ka 1875 i komo ai oia iloko o keia oihana i ke au e noho moi ana o Kalakaua. Ua haalele iho oia he elima mau keiki makua ole a me ka ohana. Ua hala mua aku kana wahine ma kana huakai i hele aku la, he ekolu makahiki i hala ae nei. Ua ukali ia kana huakai hope e ka bana aupuni no ka ilina o Koula. Aloha wale oia.

KE KULANA MA PILIPINE

HE OIA MAU NA HAKAKA LIILII.

Ke Ohi Liilii ia no Lakou i na na Koa Amerika--Make he Mekia me ka Lutahela.

Manila, Oct. 23, hora 8:50 a. m. He hookahi aliikoa Amerika i make a me elua koa i hoeha ia ma o ka lele kaua ana mai o na Pilipine i ekahi waapa e holo ana me ka huakai a Kenerala Lawton ma Rio Chiquita, e kokoke ana i San @idao. Ua kipapa mai na Pilipine mauka mai o ka aina.

Omaha, Otc. 22. He lono kuikawa kai loaa mai nei no ka make ana o Mekia Howard ma kela Poaono aku nei ma kekahi hoouka kaua i malama ia me na Pilipine. He keiki ponoi oia na Kenerala O. O. Howard.

Manila, Otc. 23; hora 8 a. m. O na lono i loaa mai nei e hoike ana ia, he kaua kai malama ia ae mawaena o na kipi a me na pualikoa Amerika ma ka mokupuni Negros. A maloko oia hakaka o Lutanela Grubbs o ka regimana 6, oia kekahi iwaena o na poe i make.

Manila, Oct. 28. O na kolamu Kenerala Young, i nee aku no Cabanatuan, he 17 mile ma ka akau aku o San Isidro. Ua kipaku aku lakou i na kipi mailoko aku o ko lakou mau auwaha ma kahi kokoke i ka muliwai Tubua-atiu a emi hope aku la no kekahi aoao o ka muliwai. O na poino o na koa Amerika he elua i make a me hookahi i hoeha ia, mamuli o ka ikaika o ke kahe ana a me ka hohonu o ka wai ua hiki ole i na Amerika ke uhai aku.

Tacoma, Oct. 22. O na leta i loaa mai nei mai Manila mai, ma Hongkong ae, e hoike mai ana ia no ka hookolokolo kanawai koa ia ana o elua mau koa paele Amerika, a eia hoi laua malalo o ka ahewa ia ana e ka aha koa e make, no ka hewa pue wahine maluna o kekahi mau wahine Pilipine. O ka ekolu o na paele eia ia ke hookolokolo no ia hewa hookahi no. Ua hoouna aku la o Kenerala Otis i ke Keena Kaua no ka ae ia ana mai e hooko koke i ka hoopai.

HE MELE KANIKAU

Leo Mele, Gospel Hymns:--"I Left It All With Jesus."

I uwe ia mai nei hoi oe

E na hoa o ka imi naauao

Na kumu a me na ohana a pau

I hiia e ka Ua Kukalahale.

Cho. E ala ae o-e moe nei

Eia iho hou ou mau kini

Ua eha walohia i ko aloha

Ke hiki mai a hiki mai

I uwe ia mai nei hoi oe

E ka ohu kakikepa o Waialelae

Me ka wai kihene pua a ka manu

Hakukoi waimaka o Manokalani

Cho. E ala ae oe.

I uweia mai nei hoi oe

E ka poli Laua o Makana

Me ka wai uina o Namolokama

Me ke one pua rose o Mahamoku.

Cho. E ala ae oe.

I uwe ia mai nei hoi oe

E ke hoa hihi o Kahihikolo

Me ka malu kukui o Koolau

Ulu wehiwehi o ka aina.

Cho. E ala ae oe.

I uwe ia mai nei hoi oe

E ke ahi o Kalalea

Me ka laula hoi o Kapaa

Me ka nalu hai o Makaiwa.

Cho. E ala ae oe.

Hii Moloaa i ka mapuna waimaka

Ke wa nei walania i Hale Loke

Manewanewa lihaliha i ka houpo

Auwe! Ua hala, ua hala loa.

Cho. E ala ae oe.

Hakuia e--MRS F. P. H. MIGELL.

NOI ME KA HAAHAA, KIKEKE MALIE ME KE ALOHA.

I na makamaka, na hoaloha o'u o ka wai kaulana o Eleue i Eleao i ka wai o Haakuiamanu, ko hale la o Mauliola. Aloha oukou--E hiki aku ana au i ke ahiahi Poaono, Novemaba 18, 1899, ma Pepeekeo, ke noi haahaa aku nei au i ka poe i koe o keia hapaha makahiki o ka kakou nupepa KE ALOHA AINA. E hoomanao mai i kahi koena, e hookaa mai me ka nahenahe keia wahi leo e kikeke aku nei a me ke aloha no hoi.

SAMUELA KAILIMAI.

Luna Pepa o KE ALOHA AINA.

Pepeekeo, Hilo. Nov. 2 1899.

KANIKAU NO WILLIW HUDDY UA HALA, UA HALA LOA.

A he lono kaumaha kai hiki mai,

Na ke kelepona i hai mai nei,

Kuu lei a i, lei onaona,

Ua hala i ke alahoi ole mai,

Pa iho walania i ka houpo,

Ke aloha hana mau i ka puuwai,

Au aku i ke kai o ka Ieie,

a hoea i ka wehi o ke kaona,

Hiki aku i ka hale o kuu lei,

I ka papa aniani noho e ke aka,

Ku aku hoolono o ka hea mai,

Ua moe i ke kau o ka hooilo,

Auhea oi eia maua,

Ua eha hoi i ka eha lima ole,

Ko kaikuaana hanau mua,

Me ko pokii kaikuahine,

Pau pu i ka hana a ke aloha,

E hue pau nei i ka waimaka,

E o e ka liko lehua o laua,

O ka hua ia i ka umauma,

He uhane he aloha no Willie Huddy,

No ka pua lei momi ua hala loa,

Ua nalo i ka wehi o ka Iwiula,

Na paia hanohano o Kamehameha,

He aloha ko lei i ka hea mai,

Papa Peter e pehea wau,

Ua hele hoi au pololi,

E haawi mai oe i ai na'u,

A he waiu wale no ka'u ai,

Ono ole i ka puu ke moni,

Ua hele mai nei loko a wela,

Kohu wai paila e pipii nei,

Nee mai na hora o ka pilikia,

Ko leo kaukau me ka waimaka

E haawi ke aloha ia papa,

Me kuu mama poina ole,

Mai poina hoi i kuu aloha,

I kuu ohana a pau loa,

O ko'u manawa paha keia,

Ke poina nei ka manaolana,

Ke kali nei ka hanu iluna,

Lelele ka hauli pau ka palena,

E o e Willie i ko wehi,

O ka hua i ka umauma,

Liuliu oe a makaukau,

No ka huli hoi i ke one hanau,

Haalele i ka pili me na hoa,

Ku noho'na o ka home imi naauao

Hele aku i ke ala kikeekee,

Ko kino wailua ulu wehiwehi,

I ka huikaulua o ke uwapo,

I ka hooke a na kanaka,

Hanohano Uilama e ke kalaiwa,

Me ke kaa aniani hulu keokeo,

Wehe i ka pili me na hoa,

Me na makamaka hoi a pau,

Ma ka lihi kai o ka Pakipika,

H@ i ka luna Waialeale,

Au aku o ka hale ipukukui,

Lei ia e ke kai o ka Ieie,

Pae aku i ka nani o Manokalani,

I ke one hanau o ka oiwi,

Eia i ka lai o Kahili,

E kilohi i na nani o Kilauea,

Ilaila kuu pua i ulu ai,

I mohala i ka ehu kakahiaka,

Hiipoi ia e ka malukukui,

E ka ulu wehiwehi o Koolau,

Pa ana kahea a ke kupono,

Hoomaha eka luhi Hale Lono,

Paumako ke aloha me ke ehaeha,

E hakoi i ka wai hoolihilihi,

Nawai e ole ke aloha ia,

Kamalei na ke kini o Koolau,

E o e ka liko lehua iluna,

O ka hua ia o ka umauma,

Haalele i ka wehi o Hale Lono,

I ka home au i noho ai a kupa

Kaawale e ka pili me ka m@,

Hele i ka huakai a ka @,

Pau na ohana me ka lehulehu

Kai anea i ke alanui,

Haaheo i ke kula pilipiliula,

I ko la hoohewa poina ole,

O ka nee a ka ua kikoni ili,

He hoailona ia no ka waimaka,

Ua like a like me ke aniani,

Ka pahee i ka papa o Maukele,

Ike maka i ke ala kuhikuhi likma,

Kilakila i ka luna o Kaapuni,

Hiki aku i ka hale o ke Kahikolu,

Ia home aloha i Pono Moi,

Ua ulu ia ua akoakoa,

Na kamaaina me na malihini,

@ na hiona me ka walohia,

Ke aloha hakukoi me ka waimaka,

Ku mai na komite @ o ka la,

me na olelo hoolanalana,

Me na hana hoalohaloha,

No na makua me ka ohana,

E hoi mai ana i ka maikai,

Onei kamalei e moe nei,

Ua nani no oe ua maemae,

I ka poli laahia o ka makua,

Mahalo piha i ka lokomaikai,

Na hana a ka puuwai i lokahi,

A ka hora ekolu o ke ahiahi,

Hoi oe i ka hale manaonao,

O ke ku pohai a na hoa,

Hoopulu i ka welelau lihilihi,

Moe i ke kapu o Niolopua,

A hiki a kau a mau loa,

E e o ke liko lehua iluna,

Ka uhana hele loa hoi ole mai,

MRS. F. P. H. MIGELL,

Moloaa, Kauai.

HE KAHUNAPULE PAELE,

Ua kipa mai la i Honolulu nei a holo loa aku la no Manala maluna o ka moku lawekoa Nupota o Theopilas Gould Steward, ke kahunapule o ke regimana paele 25, ma e alahele e holo ana no ka huipu ana me kona regimana e noho mai la ma na paemoku Pilipine, He kanaka naauao loa oia, a i ka wa i poha ai ke kaua mawaena o Amerika Huipuia a me Sepania, ua holo pu aku oia me kona regimana no Tampa, a mamuli o kekahi ulia ua hoonoho ia oia, a holo loa aku la kona regimana no Cuba. Ma ka hoike aole he mahuahua o na kahunapule mawaena o na pualikoa Amerika, a ua olelo ae oia he kupono loa ka hoolako ana ia hemahema nui e ikeia nei. Ua hui hou mai o Rev. Steward, e haalele aku ana ia Kapalakiko ma ka la 7 o Novemaba, me ke kipa ana mai maanei, ka regimana 46, a maloko o keia regimana mai na alii a hiki loa aku i na kanaka he poe paele wale no. He mea keia i ike mua ia ma Honolulu nei.

E loaa no na iole @ @ ma ka halekuai @ @ me ka @ @ a nolaila, @ @ @ @.