Ke Aloha Aina, Volume V, Number 47, 25 November 1899 — Page 8

KE ALOHA AINA, POAONO, NOVEMABA 25 1899.

 

HE MOOLELO WALOHIA

-:NO KA:-

UI SOPAEA.

ILOKO O KA HANOHANO.

-:A ME:-

TOME BAKALA

Ka Ilihune.

-

Hoohenoia no KE ALOHA AINA.

-

            A huli ae la oia me ka manao e nana aku ilalo o ke alanui hele, ina paha o ua leo la no ka mea ia a kona puuwai i aloha ai.

            Aka, ua hoohik@lele ia ae la nae oia i ka nana ana mai, he kanaka opio ka mea nona ka leo ana i lohe mai la, aole hoi i hoea aku i ka lihi hoihoi o Hanunanuna i ke kula, a i ole, i kokoke aku paha i ka hapalua o na @ona o ke ala.

            Hoohuli ae la oia i kona kua iwa. ho o ka puka aniani, a o kona poo aia hoi ia ke kulou la ilalo me ka naua ole aku i hookahi sekona hou maluna o ke kanaka opio e kau mai la na maka iluna o ka puka aniani o ka pa 'e wahi leo aku o kamaaina, aka, he neo nae ka mea i loaa aku iaia.

            A no keia ano hana a ka wahine opio, oia no ka wa a ua heikialii ala i wehe ae ai i kekahi pua e kau ana mamua o kona umauma, a nou pololei aku la iluna o ka puka aniani o ua ui la e kulou nei ilalo.

            A he mea oiaio, ua komo pololei aku la oia ma ke kowa o ka puka anaiani, a haule iho la iiuna o ka papahele, malalo o na kapuai wawae o ua ui la, a me ka mana ole no ke ala waianuhea e mapu ae ana mai kona mau lihilihi ae.

            Hopu iho la oia i ua pua la, a kiola aku la no lalo o ka honua, ma kahi a ke kanaka opio e ku ana, me ka hoohuli hope ana mai hoi i kona kua no ka manawa hope loa, a pani iho la oia i na olepelepe o ka puka aniani ana e noho ana, a nalo aku la oia iloko o na rumi poeleele o ke Kakela o kona mau makua me ka ike hou ole ia aku o kona ano mawaho.

            Ma keia mau hana hoohoka a ka ui Sopaea, nana i hoala mai i na manao inaina iloko ona, me kona hoohiki paa ana iho, aole loa oia e hoopau i kana hana, a hiki i ka wa e hooko ia ai o kona iini, ina paha no ka nele a loaa.

            A me keia mau olelo i hoopuka ia ae la ma kona mau lehelehe, hoohuli ae la oia i ke poo e kona lio a huli hoi aku la no ka hotele ana i noho ai no ka waiho ana aku i kona lio malalo o ka malama ana a ka ona nona ka hotele ana e noho ana.

            I ka pau ana o kona paina ahiahi, ua hele koke aku la oia i ka holoholo no kahi a kona iini i li'a ai, me kona manaopaa e hele oia e nonoi ponoi aku i na makua o ka ui ana i ike lihi wale ai no, a he aiwa loa aku hoi ina e hui kino, a i hookomo mai hoi i na manao kuko iloko o kona puuwai me he mea la, ua ho ha @a oia i ka eha lima ole a ke aloha.

            I kona hoea ana aku mawaho o ka pukapa, ua nonoi aku la oia i ka oluolu o na kauwa lawelawe no ka lawe ana aku iaia imu@ o ko lakou haku, mamuli o kekahi h@na ana i manao ai, e ae mai ana no ko lakou haku iaia.

            No keia mau olelo maikai, ua ae koke mai la ke kauwa lawelawe, a lawe koke ia aku la oia imua o na makua o ka ui nohea Sopaea, a me ia pu no hoi, iloko o ko lakou palaka a nanea hoi.

            A o keia no hoi ka wa i ike mai ai o ua ui la, o ka mea no keia nana ka pua i kiola ia mai mailalo mai o ka puka aniani ana e noho ana.

            A elike hoi me ke ano mau o na malihini kipa aku, ua puili ia mai la ia e na makua o Sopaea, me ka hoolauna pu ia ana ae hoi me ka laua kaikamahine kamakahi wale iho no, ka mea nona ka ui a me ka nohea e kamailio mau ia ana ma na alanui o ke kulanakauhale o Dubelina.

            A he nui hoi a he lehulehu wale o na kanaka ui opio i hoomaalo mau aku maialo o na ipuka aniani o ke Kakela o ua kaikamahine la, ka mea hoi i nana ia aku ma ke ano he pula kaumaka na ka manao o na kanaka opio oia mau la.

            Aka, he nele a me ka n@o ka mea i loaa mai ia lakou a pau a pela hoi kakou e ike ae la i keia opio e moe a make la imua o ke alo o na makua o ua ui la, no ka nonoi ana aku e @lo kona kino i milimili, a i h@alo hoi no kona haleal@, i kona wa e huli hoi aku a no kona home.

            Ke ike pu ae la no kakou i  na manao kuko ino o Keinohoomanawanui, o ka lilo kaokoa no mai ke poo a ka hiu, he pono kaokoa hoi no ka ha@ai waa.

            Mahope iho o na hoolauna olelo ana ua nonoi koke aku la ua Keiki alii la i ka lima akau o ka hoohui ia iloko o ka berita maemae o ka noho ana kane a wahine imua o ke alo ponoi o ua ui la a me kona mau makua, ina paha e maliu ia ana kana nonoi ana, he U-ku hoi ia he i'a no Kahoolawe.

            Aka, no na makua o ua ui la, ua haawi koke aku laua i ka ae imua o ua keiki opio la, a o Sopaea hoi, aole oia i hoopuka mai he hookahi huaolelo e apono ana i ka manao haawi o kona mau makua.

            A mamuli o ka like ole kona manao me ko kona mau makua, ua ku ae la oia iluna a haalele mai la i ka hui kuka pu ana me kona mau makua a me ke kanaka opio ho a kona naau i hoowahawaha ai, hoi pololei aku la oia noloko o kona rumi, me kona naau i hele a luluu i ke kaumaha no ka mea a kona puuwai i aloha ai.

            Mahope iho o ka haawi ana mai o na makua i ko laua ae, ua haawi koke aku la ua Keikialii ala, i kekahi pohaku daimana kumukuai nui, i mea hoohiluhilu no mua o ka umauma o ua ui la i lilo mai la iaia ma o ke kamailio wale ana no.

            Ua haawi ia no hoi i manawa loihi no laua e hoopalau ai, i wahi e nalo ai na hoomanao ana o ua ui la no kana aloha o na la heu ole, na la hoi o ka ulu ana ae o ke kino me ke ohaoha.

            Iloko oia mau manawa loihl o keia hoopalau ana, aole oia i @ane aku hookahi huaolelo mai kona mau lehelehe aku, aole hoi i ka minoaka ana iho ma kona mau papalina, e kohu ai hoi ke kaunu aha, a i ole, e lana ai paha o ka manao, e hui ana na makau a ka lawaia i kai o Wailua, he oki, a he oki loa no pela hoi ma ka hui olelo ana, he paakiki no.

            A pela hoi kakou i hoea mai la i ke ahiahi e mare ia ai o ua ui la, aole oia i puka mai mailoko mai o kona rumi moe, aole hoi ma kona ipuka a@lani, elike me kona ano mau, a he oki loa aku hoi mawaho o ka lanai o kona hale, a ua hao mai la ke ki a ka wiliki maloko paa, me kona nana ole mai no keia hoomakaukau ana no ka mare.

            A oiai hoi na makua iloko o ko laua pihoihoi nui no keia hana hoohoka a ka laua kaikamahine, a i ke anaina mare hoi iloko o ko lakou nauki no ke kali ana, no ka hora i hookaawale ia no ia hana.

            Aia hoi, imu@ ponoi o ke alo o na makua o ua ui nohea la, i hoea aku ai he kanaka opio i kahiko iho iaia me na nani hoohiehie o Parisa, ka nani hoi a kekahi poe e hahai ana ia mau la ma ke ano hookelakela.

            Me na minoaka hoomahie ana, huli ae la oia a pane aku la imua o na makua o ka ui S@paea, me keia mau olelo e hoohaalulu ia ai ko laua mau puuwai, a e lilo ai hoi keia anaina mare no ka pono o ke Keikialii i mea ole.

            E oluolu olua e hoike koke mai imua o'u, he anaiua aha keia i hoomakaukau ia maanei, he anaina anei no kekahi hana ano nui e ku ai i ka hoohauoli ana aku i ka manao o ka nohea nona keia Kakela, a i ole, no ka hookaumaha ana aku paha i kona lunaikehala no ka pono o kekahi mea i makemake ia.

            Ano, e hoike koke mai, ina he mau hana keia e pakaha ana i ka noonoo maikai o ka mea a kuu puuwai i aloha ai, ua makaukau au e lawe i ke koikoi oia hana maluna o ko'u hokua ponoi, a e hoolilo hoi i keia anaina i mea ole malalo o ka oi o ka maka o kuu pahi@kaua.

            A i keia wa hoi i hoomaha iho ai ka leo o ke kanaka m@l@h@ni opio, no ke kali ana, heaha la na mea e pane @a mai ana mai @a l@h@lehe mai o na makua o ka ui Sopaea, e kue mai ana paha lau@ i ko @a makemake, @ole paha.

            No kekahi manawa ka noho hamau ana o na makua o ua ui la, a ia wa no hoi i pane mai ai k l@a@ makuahine o ua ui la, i ka i ana mai penei:

            He oiaio, ma ko maua a@ao ko @a makua o ka nohea, nona keia anaina i akoakoa mai la, a nona hoi keia home i uluwehi ia e na pua like ole, mai ka aina maloo, a iluna o ka ili o ka wai, he ahiahi keia no ka hookaawale ana aku i ka maua lei hookahi wale iho no, m@lalo o ka hoohui berita o ka mare me kekahi kanaka opio, a he hooilina alii hoi no ke kalaunu o Ausetaria.

            Aka, i keia po, ua hoike mai oia i kona ho@le oiaio ana, elike me kana i hooholo ai, e n@ho kane ole oia a hiki i kona mau la hope, mamuli o na lono i halihali ia mai imua ona, ua make ka mea a kona puuwai i aloha ai iloko o ka poho lima o kona mau enemi.

 

Kauka Ookawara

(HE IAPANA)

-

Kauka Lapaau i na Ma'i a pau

me na Ma'i Pili Ili.

            MANAWA HANA: Hora 9. a. m. a hiki i ka 12 m. Hora 7 p. m. a hiki i ka  8 p. m. No na La Sabati hora 9 a. m. a hiki i ka 12 m.

            E loaa no oia ma ka hale o Lilia Piikoi ma ke Alanui Kukui.

 

N. S. SACHS DRY GOODS CO.

-

            Eia makou ke liuliu nei no na LA KULAIA e hookokoke mai nei. E hoikeike ia aku ana he mau WAIWAI PAIKINI HOU i ike mua ole ia maanei. "Na Waiwai maikai no na kumukuai emi oia hoi ko makou moto." E komo mai iloko o ko makou Halekuai Nui. E hookipa no makou.

-

N. S. SACHS DRY GOODS CO.

Mea Hoolako no na Kanaka.

 

KALANA AINA "KAIUALANI"

            Ke waiho nei ma ka aoao hikina o ke awawa o Kalihi, e kokoke ana i ke kula Kamehameha. Ua lilo mai ia makou kela aina i kapaia o

MOKAUEA

ma Kalihi, a i ik@ a no ka Moi Kalakaua mamua. E mahelehele ia aku ana i mau

HOME LIILII

            He wa maikai keia e loaa ai i na Hawaii Ponoi he mau Home Nani me ka emi loa. E kuai ia aku ana na Apana Aina ma ua kalana Kaiulani nei ma ka $200 a hiki i ka $250 no ka apana, he 50 kapuai ka laula a he 100 kapuai ka loa he mau alanui akea he 30 kapuai e pili ana i kela a me keia apana; e ae ia no e uku i $10 no ka apana i ki nohi a i $5 a $10 e uku ia i kela a me keia malama elike me ka makemake o ka mea kuai.

            E hookomo aku ana makou i ka wai i ka wa e makaukau ai na poe kuai mai e kukulu i na hale.

            E hookaawale ia ana hoi e ma kou kekahi apana @ kupono, i mea hoomanao i ke Alii Opio

KAIULANI

-a e kapa ia aku ana o-

Kaiulani Paka

            O ka nanaina mai keia aina e huli ana i ke awa o Puuloa, oia ka helu ekahi ma ke kulanakauhale o Honolulu nei.

            No na mea i koe e ninau ia

W. C. ACHI & CO

Na Boroka o na Waiwaipaa.

            Honolulu, Oct 9, 1899.

-

Ua Nee Aku.

-

            Ma keia ke hoike aku nei au i ko'u mau hoaloha a pau, ua haalele aku au i kuu keena hana mua e ku nei ma ke Alanui Moiwahine, mahope o ka Hale Aupuni. A e loaa no au ma ke poo o ke Alanui Liliha, ma ka hale inu kope mua o Chee Kwai @ee,

            Manawa Hana: Mai ka hora 8 a. m. a hiki i ka hora 6 p. m. o na la a pau.

                        KAUKA CHAN KAM CHIN.