Ke Aloha Aina, Volume V, Number 49, 9 December 1899 — Page 6
| This text was transcribed by: | Zendy Solero |
| This work is dedicated to: | Awaiaulu |
KE ALOHA AINA
Poaono, Dekemaba 9, 1899.
He Mooleleo Walohia No Alanadela
Ka Wahine Hoopahaohao o ka A a hu Keokeo
A I Ole
Ka Loea hoolani Pila Hapa O ke Kulu Aumoe.
A me keta mau hoaole o hope i poha aku mai na lehelehe aku o Magarita, aia hoi, ike ia iku la oia i ka nee aku imua no ka hookoana aku i ko Walata makemake.
A i ka ike ana o ke loa opio, ua hooko ia kona makemake, oia uo kona wa i hoihoi iho ai i kana pahikaua no loko o kona wa-hi me ka huli ae a pane aku la i kona hoaloha me ha leo hauoli i ka i ana aku:
E kuu hoaloha Kaisa maikai, e haawai i na kiaia makaala i ka kaua pio a mai hookuu hoi iaia e hale mahope ou, aka, e hele oia mawaena o kaua, a m amua hoi au o olua e alakai aku ai ia kakou no ka home o ka moneka, kahi a kuu aloha e waiho mai la iloko o ka poino.
I ka hookuu anaiho o Walata i kona leo, oia no ka wa i kunou mai ai o Kaisa a pane mai la:
O kou makemake e huu haku opio oia ka'u e hooko aku ai.
Ma keia wahi i kamoe aku ai ua mau makahele nei me ka puahi mui a iloko o ka hapalua hora wale no, aia hoi lakou e hu ana mawaho o ka home o ka moneka. A maanei i huli ae ai oia a pane hou aku la i kona hoaloha aoo.
F Kaisa e ina noho malie ka kaua pio a hiki i ko'u hoi hou ana mai a mai ae iaia e mahuka mai kou alo aku.
Me keia mau huaolelo i huli koke ae ai ua koa opio nei a komo aku la no loko o ka rmi a kana aloha e waiho ana me na kapuai mama.
Maloko hoi o ke keena a kana Alanadela e waiha ana iloko o ke kulana popilikia ie halawai nou aku ai oia me ka moneka e wa-hi ana i na palapu o kana mea i aleha ai, aka, aole nae he mau hiohiona hauoli e hekau ana maluna o ka moneka, a me ka hookaulua ole iho, owaka ae ia kona mau lehelehe a puana malie aku la:
E kuu hoaloha maikai, e hoike mai, pehea ke kulana o kuu aloha, ua loli ae anei ia mai ka popilikia a ka lanakila?
A na keia leo i hoohikilele ae i ka moneka a haliu koke mai la hoi kona mau maka no kahi a ka leo i poha aku ai, a i kona hoomaopopo ana mai i ke koa opio, ike ia aku la kona poo i ka luliluli ana ae, me he mea la, e hoike okoa mai ana no i ke koa opio, aohe manaolana i koe no ka palekaua o kaua mea i aloha ai.
Elua Kaua I Hoouka Ia
Mawaena O Na Boa A me Na Koa Beritania
Na Puali e Nee la no ka hoopakele ana i ke Kulanakauhale o Kimberley
Ladana. Nov 25. I keia ia ua hoopuka ae ke Keena Kaua i keia lono kaua malalo iho i hoouna ia mai Cape Town mai no ka hora 12:25 o keia la no, mai a Keneraia Foster-Walker mai.
Ua hoike mai o Haku Methuen ua nee aku oia ma ka la mehinei ma ka hoa 3:30 a.m. me ka puali Eiwa, puali kaua lio, puali kaua moana a me elua batari pukaa, a o koa kiai hoi me na ukana. Ma kahi kokoke i Gras Pan, (ma kahi he umi mile ma ka akau aku o Belmont, ma ke alanui kaaahi e hiki aku ai i Kimberly), ua halawai iho lakou me na puali kue o na Boa me eono pukuniahi a me elua pu wili.
Ua hoomaka kokeia ke kaua ma ka hora 6 a.m. Ua ki aku ko makou mau batari i na poka pahu a hiki i ka wa i ikeia aku ai ua hooneoneo ia na keikeina. A ia wa i nee aku ai ka puali kaua moana a me ka puali helewawae imua. Ua hahana loa na hakaka ana a hiki k ka hora 10 a.m., ka wa hoi i lawe pio ia ae ai o na keikeina. Ua auhee aku na Boa a ua huahi aku hoi ka puali kaua lio Lancers Eiwa.
Ua manao ia ua koikoi ka nui o poino. He 20 i kanu ia, a ua ike ia ma kahi o 31 i make a me 48 i hoeha ia, makahi he kanalima lio i loaa aku ua make.
No na mea e pili ana i ka hakaka o ka Poaha nei. He 80 Boa i make 64 kaa ukana i puahi ia i ke ahi. He 50,000 poka pu raifela a me 750 poka pahu i hoopahu ia. O Kenerala Albrecht, ke alihikaua nui o na puali Pukaa Orange Free State, a alakai o ka puali pukunuiahi o na Boa.
Ladana, Nov. 29. Ua loaa mai la i ke Keena Kaua keia mau hoike mai a Kenerala Bula mai.
Cape Town, Nov. 28. O keia ka hoike a Kenerala Methuen i loaa hou mai la.
Muliwai Modder, Nov. 28. O ka huli ana i ke kulana o ke enemi ma ka hora 5 a.m. ma kea muliwai Modder, ua loaa aku i e pee ana mahope o na auwaha ikaika, a oiai, ua piha ka mulwai i ka wai, nolaila, ua hiki ole i na Beritania ke nee aku e halawai me na enemi ma kela aoao hoi o ka mulwai. Ua hoomaka koke ia ka hakaka ma ka hora 5:30 me na pukaa, na puali helewawae maluna o na lio, puali kaua lio a me na koa kiai ma ka akau. O ka puali Eiwa ma ka hema ia i lele kaua aku ai, a malalo o ke kokua ana a na puluniahi ua hoea aku la naBeritania ma ke alo o na enemi no lakou ka huia o 8,000 kanaka a me ka waha o elua pukuniahi nui a me eha pukuniahi Krupp. O ka puali kaua moana hoi ua haawi mai lakou i na kokua ana mai ke alaha mai.
Mahope o kekahi hoouka kaua weliweli ana no umi hora, me ke komo ai ole a wai ole i ko makou mau kanaka malalo o ka hahana wela o ka la, ua hoauhee aku ia lakou ina enemi mai ko lakou kulana aku.
Ua holopono ka Kenerala Pole-Carew lawe aku i kekahi puali uuku ma kela aoao o ka muiwai.
He lono mai Windsor mai, e olelo ana, ua loaa aku la i ka Moiwahine he hoike mai i Kenerala Methuen mahope iho o ke kaua o ka muliwai Modder, e olelo ana:
O keia kaua ka oi loa aku o ka hookahe koko i ikeia o keia keneturia. Ua kipoka aku na Beritania i na enemi a hiki i ko lakou wa i pu hee aku ai no waho ona auwaha, a ia wa i lele aku ai na puali. Oka hopena i ikeia he weliweli loa.
Na Lono Hope O Ke Kaua O Gras Pan.
Ladana, Nov. 29. He lono no ke kaua o Gras Pan kai loaa mai la mai ka Oranger River, penei:
Ua hoauhee ia aku na boa. Ua hoao aku ka puali Lancers e uhai aku mahope o lakou, aka, ua hoauhee ia mai lakou e na pu a kekahi puali ikaika e noho ana maluna o na pauu. Mawena o na Boa i hopu pio ia, O Alderman Jeppe a me Kenerala Resnik, na mea nana e alakai ana i na Boa. He lehulehu wale o na Boa i haawipio mai.
Ua kipoka ia aku na Boa i ko lakou wa e auhee ana, aka ua lawe pu aku no nae lakou i ka lakou mau pukuniahi eono. I ka pau ana o ke kaua, ua haawi aku o Kenerala Methuena i kona mau hoomaikai no ka puali kau moana, me ka hoike aku i kona kaumaha no ka nui o ko lakou poino.
Koikoi Ka Poino O na Beritania
Ladana, Nov. 28. He hoike kailoaa mai la mai a Kenerala Bola mai i ka nui o na poino i loohia i na pualikoa ma ka hoouka kaua o Gas Pan, ke hui ia me ka hoouka kana elua, aia no ia ma kahi o 198. O ka Yorkshieres a me ka puali kau moena na mea i koikoi loa na poino.
O na lono hope i loaa mai aia no o Ladysmith ke paa la i kona kuana.
Kauoha Ia Na Kenerala E Hoohui I Na Pualikoa.
Berlin, Nov. 28. Ua hoopuka ae ka nupepa Deutsche Zeitung i keia lono malalo iho nei, mai Pretoria mai, ke kulanakauhale poo aupuni o na Boa, no ka la 27 iho nei o Novemaba peni: O Peresidena Kruger a me Persidena Steyn, ua ao aku lua ia Kenerala Jeubert a me Kenerale Cronja aole a mahele liilii i ko laua mau puali, aka, e hoohui ae a haawi aku i na kue ikaika ana. He ekolu mau puali o Kenerala Joubert he hookahi e paa ana ia Ladysmith, ka elua ia Tugela, a o ka ekolu aia ma ka hikina aku o Estcourt, no ke oki pu ana i na Beritania e emihope ana. O ko Kenarala Cronje man p@@li @kolu hoi - hookahi e h@@p@@@ ana ia Kimberly, ka elua ma ka muliwai Modder, a oka ekolu aia mahope o na puali o Kenerala Methuen.
He Eha Mau Alahele
Ladana, Nov. 26. He eha mau alahele like ole a na Beritania e nee nei no ka hoopakele ana i na kulanakauhale e hoopuni ia nei e na Boa. He hookahi mai Cape Town aku malalo o ke alakai ana a Kenerala Methuen, a o ka elua mai Port Elizabeth aku malalo o ke alakai ana a Kenerala Clrey, o ka mahele ekolu mai East London aku lakou malalo o Kenerala Gatacre, a o ka eha mai Durban aku malalo o Kenerala Hildyard.
Ka Poino O Na Kona Nonana.
Ladana, Nov. 26. Ua loaa mai la he mau hoike mai ia Aadimarala Harris, ke alihikaua nui o ka oihana kaua moana o Beritania ma na wai o Aferika Hema, no ka la 26 o Novemaba.
Me ke kaumaha au e hoike aku nei i na poino i loaa ma ke kaua o Graspan, ma ka la inehinei i ka puali kaua moana.
Make - Kepena Elston o ka mokukaua Powerful, Mekia Plum he o ka mokukaua Doris. Kepena Bruoe o ka makukaua Monarch, Kapena Guy o ka puali Royal marines o ka mokukaua Monarch.
Hoehaia - Kapena Prothero o ka mokukaua Doris. Lutanela JOnes o ka mokukaua Doris.
O noa poino e ae aole imapopo. O Kapena de Hersey, Kapena Morgan a me Lutaneia Wilson no ka mokukaua Monarch lakou a pau, na komo aku la iloko o ka puali kaua moana malalo o Kenerala Methuen.
Ladana, Nov. 27. Ua hooupa mai la ke alihikaua moana he hoike no ka poino o ka puali kaua moana ma ke hakaka o Gras Pan, penei:
O ke Ahi Pikimana Huddart o ka mokukaua Doris me 10 iuina a me koa marina i make, a he 13 aliimoku a me luina 76 alii haahaa a me koa marina i hoehaia. O ka huina a pau e hiki no i ka 105.
Ke Kahua Kaua Hou.
Ladana, Nov. 28. Ua manaoia o ke kahua kaua e ulele hou i ana e Kenerala Methuen ma Spytfontein no ia. O kona mnee ana mai Gras Pan aku a hiki i Honey Nest Kloof a hiki k ka muliwai kahi i malamaia e ka hoouka kaua hahana Modder River he 15 mile a mai laila aku a hiki i Spytfontein he 14 mile, a melaila aku a Kimberley 11 mile. O ka loihi mai Cape Town a hiki i Kimberley he 570 mile. Nolaila, ma keia e ike ia ai ua kokoke loa na kokua e hoea aku i keia kuanakauhale.
He ekolu mau moku Iawekoa i manao ia e hoea mai ana mamua o ke Sabati ae nei.
Ua Loaa Mai, He Heluna
O Na
Pena a me na Aila Pena,
Na Hulu Pena,
Na Kapuahi Aila.
Na Kapuahi Fisher.
(ua hoemila ke kumukuai)
Na Palau no ano apan.
No Lako Mahiai,
Ho, Oo, Kopala, Kipikua
No Bakeke o na like ole
No Ipuhao, Ipu ti,
Na Lake Aniani.
E loaa mai ana he mau waiwai hou maluna o ka mokuahi Auseteralia. Nolaila, e kipa mai, a e wae no oukou iho, he emi loa ka makou mau kumukuai.
Hawaiian Hardware Co., Lt.
(Hui Lako Hau Hawaii. I Kaupalenaia)
Alanui Papu, ma o ka Manako o Spreckels.
Kuai Emi O Na Waiwai A Ka Hui Kuai Lole Hawaii
O na waiwaie e kuai ia aku ana me ka makepono loa oia no keia malalo iho, penei:
Na Kulakoua maikai 30 i-a i ke $1.00
" Leponalo maikai 20 i-a i ke 1.00
" Makalena nani 10 i-a i ke 1.50
" Pulekoki paa o na Wahine he 1.50
" Pualole Kepani o na Kane 1.75
" Keokeo maikai la 25 i-a i ke 1.00
" Huuhulu o na Keikikane 75 keneta a pii aku
" Pale Puka Aniani nani loa he $4.50 o ka paa,
" Koloka o keia a me keia ano $4.50 a pii aku,
" Pua Lei Mare he oluolu waipahe ke kuai ana,
" Kihei Hulhulu o na ano like ole he 40c pii aku
" koena Lele like ole e kuai hoemai ia aku ana.
" koena Lipine maikai e kuai hoopau loa is ana.
O keia kuai hoopau e hoomaka ana ia ma ka Poakahi ae nei Dekemaba 4, 1899. He nui wale na waiwai e kuai hoemi ia ana ma keia kuai nui
Ua hamama mau ke ipuka no na mea a pau e manao ana e komo mai ma ka lawe ana i na mahele hookuleana iloko o Ka Hui Kuai Lolo Hawaii.
Moses Palau,
Luna Nui