Ke Aloha Aina, Volume V, Number 51, 23 December 1899 — Page 8

KE ALOHA AINA

POAONO, DEKEMABA 23, 1899.

 

HE MOOLELO WALOHA

-:NO KA:-

UI SOPAEA.

ILOKO O KA HANOHANO

-:A ME:'

TOME BAKALA

Ka Ilihune.

Hoohenoia no KE ALOHA AINA.

 

            I ka wa io o ka leo paapaaina o ka hekili e wawahi la i na wahi a pau o ka honua, a na ia leo weliweli i hoohi@ilele ae i ia hiamoe o na opio.

            A me na helehelena i hoopioo ia e keia mau leo, nana i kono koke aku ia laua e hele aku e kiei ma ka puka aniani, no ka nana ana aku i keia mau hana kamahao a ko ke Akua mana e hana la.

            A i ka wa a ka malamalama o ka uila i anapu ae ai, aia hoi, ua hoahuwale ia ae la na wahi pouliuli a pau, a malalo hoi o ka malu o na lala laau e moe aoao ana mamua o ka puka aniani, kahi a e kiei aku ana.

            Ua hoopuiwa ia ae la ko laua manao mamuli o ka ike ana uku i kekahi mau mea pouhuli e panee malie mai ana me ka pala@ehe loa.\

            A oia koko no ka wa i lalau aku ai o ka opio i kana pahikaua e hau ana mahope o ke pani puka, a paa iho la me ka makaukau no ka hoopakele ana i ko laua ola.

            O ka panee malie ana mai o keia mau mea pouliuli malalo o ka malu laau i kupono i ka laua wahi e nana aku nei, nana i hookomo ae i ka noonoo iloko o laua, he mau holoholona hihiu paha keia.

            Aka, i ka wa nae i hookokoka loa mai ai kekahi mea o lakou mamua o ko laua alo akahi no a ike pono ia aku ke ano maoli o keia mea e panee malie mae nei.

            Oia hoi, aole ia he holoholona hihiu, aka he mea kino uhane ia o ka manao ino o ka pepehi kanaka, i upu e hooko i na manao lili i wahi e loaa ai kana mea i makemake ai.

            I ka wa i maopopo loa ai ka opio he enami keia e nee mai nei, ua kaomi iho la oia i ka lima o kana aloka, ua hoihoi koke ae la oia i kana aloha mahope o kona kua, i wahi e hoohikilele ole ia ai kona manao.

            Eia ke kokoke mai la, ke kiei mai la, ae, he limakoko i paa i ka owili ia, aia he pahi oilua ke hulai ae la maloko o kona poaeae, e ake ana e omo i ke koko o ka mea i hoino ia.

            Elike me ka hoh@l@ ana o na moo maluna o na lala laau, i ko lakou wa e paani ai, pela hoi i nee like mai ai ua poe kino kauaka la me ka awiwi nui, o kekahi koi mahope o kekahi.

            A me ko lakou mau lima i makaukau no ka hana ana i ka lakou mau hana oinokoko@ i lele mai ai ke kanaka wua mailuna mai o ka lala laau, me kahi o ke puka aniani a na opio e ku aku nei iloko o ka makaukau nui.

            Elike me ka loaa ana o ka manawa kupono i ke kanaka nua, pela uo hoi ia lakou a p@u he umi, a hoomaka mai ia e pii iluna o ka puka aniani, no ka hooko ana i ko lakou mau manao ino.

            O ka mea mua loa o lakou i hiki pono aku iluna o ka puka aniani, wehe malie ae la oia i ke olepelepe me ka manao e lele aku iloko, no ka umoki ana iho i ka maka o kana pahikaua i ke kaniai o ka mea hala ole.

            Aka, elike me ka anapu ana o ka uila, pela no ka hikiwawe o ko ka opio hou ana i kana pahikaua ma ka umauma lahalaha o kona enemi a haule walawala aku la oia no la lo o ka honua, ua pau ke aho ia Olepau.

            Na keia haule ana aku la o ke kanaka mua, nana i hoohikilele ae i keia poe e pii aku nei, ua ike ia ko lakou pii ana mai ma keia wahi a lakou e pinana aku nei.

            Aka, aole nae lakou i kuemi hope mai, ua lele aluka aku la lakou me ka manaopaa o ka luakupapau kahi nana e hoopau i ka lakou mau hana ma keia ao.

            Aka, he kuhihewa o na manao pakalaki ka lakou e hakoko la, oiai i ka wa a lakou i hoao aku ai e komo iloko, oia koke no ka wa i ikeia aku ai he elua a ekolu kino kanaka e hele ei ana ilalo o ka honua, nona ke kiekie o 50 kapu i.

            Aole i hooki ae ua poe nei i ka hoao ana e komo iloko, a hiki i ke koe ana he elua mau mea kino ola ma ke kahua o ka poino, a oia hoi ka wa a kekahi o laua i pane aku ai me ka piha pu i ka weliweli.

            Ano, e mahuka kaua mai keia wahi aku, i mea @ hoopakele ia ae ko kaua mau ola mai keia poino weliweli a ko kaua mau hoaloha i ike mua ole ai, he pilikia kekahi e loea mai ana ma keia hana a kakou i li'a ai e hooko ia ana.

            A o keia no hoi ka wa i anehe @ ke ae ai o ua mau kanaka nei e holo mahuka mai ke alo aku o ka opio no ka hoopakele ana ia laua mai keia karaima eleele aku a lakou i hana ai.

            Aka, mamua nae o ka nee ana aku o ko laua mau kino mai kahi a laua i ku ai, ua paa koke mai la ko laua mau kani@i i na lima wikaui o ke kanaka opio, a iloko o ka wa pokole, ua paa koke ae la ko laua mau lima i ka hao.

            A me ka leo nui i piha i ke oolea huli ae la oia a pane aku la i ua mau wahi kanaka nei me keia mau olelo e hiki ole ai ia laua ke huna.

            E hai mai me ka oiaio, i wahi e hoopakele ia ai ko olua mau ola ma keia wahi, a ina aole pela, alaila he mau kino make ko olua i ka wa e looko ole ia ai o ka'u kanoha.

            Na keia leo kauoha oolea a ka opio i hoano e ae i ka manao o ua mau wahi kanaka la, a mahope o ko laua noonoo ana me ke akahele i ka laua mea e hana ai no ke koi a keia kanaka opio ia laua e hoike aku i ka oiaio.

            Nolaila, huli ae la kekahi o laua a pane aku la me ka naau i hoopi hala i ka weliweli, i ka i ana aku penei;

            Ua konoia ko maua lunaikehala e hooko i kekahi hana karaima ku i ka weliweli maluna o kou kino no ka hooko ana i ka makemake o ka hooilina moi o Auseturia.

            A ina i holopono, ua maopopo loa i keia sekona, he luahi oe na ka manao lili o ko makou haku, ka mea nana i hookikina ia makou e komo iloko o keia hana au i ike iho la.

            A mamua hoi o kou apahu ana ae i ko mana mau ola, ke nonoi ia aku nei kou mau manao kaulike a aloha hoa kanaka hoi, e hoopakele ae i ko mana mau ola mai ka make mai.

            Na keia mau olelo maikai a ua mau wahi kanaka nei, nana i hoemi iho i na manao ehaeha o ka huhu iloko o kona puuwai, no ke kaana @ua i ka pololei o keia mau olelo a na wahi kanaka.

            Aka, aole nae oia i haawi aku i kekahi huaolelo e hoohauoli ia ai ko laua noonoo, aka, he mau hua olelo oolea o ka hooko kauoha kai haawi ia aku ia laua, e komo aku ma ka pukaaniani no ka lawe ana aku e hoopaa ia laua iloko o ka halepaahao.

            Ua hookoia keia mau olelo kauoha e ua mau wahi pio nei iloko o ka wa pokole a aia hoi laua ke alakai pololei ia la e ka opio no ka halep@anao.

 

UA HJIKI MAI KA WA.

            I na hoaloha a me na makamaka i halawai pu me a'u a i na hoa e ae no hoi i makemake e hoao e ai hoonuu i ka poi uouo kaohi puu o Waiahole, Koolaupoko, ano, ka wa no oukou e kipa mai ai ma ko'u home, no ke kaena pu ana i ka wa ou e makemake ai i kau holoai, i na paha i ka Poaono a Poakolu paha.

            Oiai, he elua wale no la e lawe ia mai ai ka ai no Honolulu nei, a i maopopo pu ai hoi ia'u ka nui o na holoai o kela me keia lawe ana mai.

            Owau kou hoa kauwa.

            S. K. KAMAKAIA.

            Helu 585, Alanui Nuuanu, ma Waikiki o ka pa o Mele Poka.

 

            Na ka mokuahi Noeau i hoike aku i ke lohe o ka puka ana ae la o ka mai bubonika ma ka mokupuni o Kauai.

 

HE WEHE NUI OI KELAKLA.

MA KAHI O

L. B. KERR.

ALANUI MOIWAHINE.

KUAI HOEMI NUI!!!

MAU WAIWAI PAIKINI HOU!

 

Lole Aahu Hou Maikai Loa

HE EMI KE KUMUKUAI

Papale Paikini Hou o na Lede

HE EMI KE KUMUKUAI

Mikilima o ke ano nani Loa

HE MAKEONO LOA

He Nui na Paku Lihilihi Hou

HE EMI KE KUMUKUAI

Mamalu Nunui a me Liilii

HE EMI KE KUMUKUAI

Na Lipine a me Lihilihi Hou

he emi ke kumukuai.

Pua a me na Hulu ano Hou

he emi ke kumukuai

Na Lole Piliili o na Wahine

he emi ke kumukuai

Na Uhi Pakauaku me Tawele Lima

he emi ke kumukuai

 

@. B. KERR.

Honolulu, Alanui Moiwahine