Ke Aloha Aina, Volume VI, Number 9, 3 March 1900 — Page 3

KE ALOHA AINA

POAONO, MARAKI 3, 1900.

 

HOOPAKELEIA O KIMBERLEY

 

E NA PUALIKOA WIWO OLE O KENERALA FRENCH.

 

       Emi Hope Hou o Kenerala Bula ono ka Ekolu o ka Manawa -- Ke Pii Mau la ka Heluna Poino.

       Maluna o ka mokuahi Rio Janeiro i loaa mai ai ia makou na hunahuna mea hou e pili ana no ke kaua o Aferika Hema, mawaena o na Beritania a me na Boa, a oia ka makou e kaupau aku nei no ka pomaikai o ko makou mau makamaka heluhelu, penei:

KE EMI HOPE LA NA BOA NO BLOEMFONTEIN.

       O na lono hauoli hope loa i loaa mai ia Kenerala Roberts mai, no ka la 17 o Febeunari, hora 1:30 p. m., ua hoopakele aku la oia ia Kimberley me ka hoouna pu aku i kekahi kolamu ikaika mahope o Keneerala Cronje e emi hope la me kona mau pualikoa holookea no Bloemfontein, ke kapitala o ka Orange Free State.

HOOPAKELE IA O KIMBERLEY.

       Ladana, Feb. 16.  O keia malalo iho na lono i loaa mai i ke Keena Kaua mai ia Kenerala Robata mai.

       Jacobsdel, Feb. 16, hora 2 a. m.  Ua hoea aku la o French me ka puali pukaa, kana lio me ka puali hele wawae maluna o na lio i Kimberley ma ke ahiahi Poaha nei.

       Ladana, Feb. 16.  Ua hoike ae ke Keena Kaua i ke akea i kekahi lono i loaa mai a Ilamuku Robata (Roberta) e olelo ana:

       Jacobsdal, Feb. 16.  O keia malalo iho na mea i loaa mai a Kenerala French.

       Ua hoopuehu loa aku au i na enemi mai ka aoao hema o Kimberley, mai Alexanderfontein a hiki i Olifantsfentia, a ke hele nei au e lawe ae i ko lakou ka hua.  Ua lawe pio ia he kulana o na enemi me kahi hoolako ai a me lako poka.  O ko makou poino he iwakalua i hooka ia.  He maikai a me ka oluolu o Kimberley.

       Landana, Feb.17, hora 4:45 a. m.  Aia o Kenerala Cronje ke auhee la mai a Kenerala Robata aku no ka akau.  O Kenerala French me ka puali kaua lio na noho iho lakou ia po ma Kimberley a nee aku la imua no ka halawai ana me ka enemi e emi hope ana.  Aia he laina kaa o na Boa e nee la no Bloemfontein, e uhai ia aku ana e kekahi pualikoa nui o na Beritania.  Ma ka emi hope pupuahulu ana a na Boa, ua haalele iho lakou he heluna nui o na lako ai a me poka.

       Eia ke manao nei na poe a pau aole e onou koke aku ana o Robata i kona alahele mahope o na Boa, no ka haawi ana i wa hoomaha no kona mau koa.

       Riet River, Orange Free State Feb. 14.  O Kenerala French me kekahi mahele kana lio a me kekahi puali pukaa ikaika, na haalele iho lakou ia nei ma ke kakahiaka La Pule no Rambam, he 12 mile ma ka hikina aku o Euslin, kahi o ka mahele holookoa e hoakoakoa ana.  Ma kekahi la ae nee awiawi aku loa oia no Riet River, wahi a kekahi puali Boa i kue mai ai i ko lakou alahele no Dekeil a me Waterfall.  Mahope o kekahi mau hora o ke kipoka ana ua hoauhee aku ia o Kenerala French i na Boa me ka au aku ao kela aoao o ka muliwai.  Ma ka la inehenei Poalua, ua hoomau aku la na koa i ka maki ana no Klip a me Romdawal, a ma ka muliwai Modder ua malama hou ia he hakaka pokole, me ke kipoka ana o Kenerala French i na Boa me ka onou ikaika ana aku i kona alahele.  Ua haalele koke iho na Boa he elima kulana iloko o ka lima o na Beritania, mawaho ae he heluna nui o na bipi a me 2000 hipa.  Mamuli o keia nee hikiwawe ana o Kenerala French me ka nui o na pilikia, ua hoohikilele aku ia i na Boa.

       I keia wa a Kenerala French e maki awiwi ana no ka hoopakele ana ia Kimberley, ua haalele pupuahulu iho na Boa ia Alexandersfontein.

 

EMI HOPE HOU O BULA.

       Ladana, Feb. 10.  Ua haalele hou aku la o Kenerala Bula na ka ekolu o kana hoao ana no ka hoopakele ia Ladysmith, a ua emi hope aku la no Tugeia.  He lono mai Bennett Burleigh i ka Daily Telegraph no ka po Poaha nei e olelo ana, o ke kulana a na Boa ua oi loa aku ia o ka ikaika no ka nee ana aku o na pualikoa o Kenerala Bula, a nolaila, ua hooholo ke Kenerala aole e nee aku ma keia ala hele o Vaal Krantz.

       Mamua o ka emi hope ana o na pualikoa Beritania, ma o ka hoohana ia ana o ka heluna, na ike ia iho la na hana ia he upiki no lakou e poino ai e na Boa.  Ua olelo ae ke kanaka lele haluna he 12 mau pukuniahi nunui i hookau ia aku iluna o ke kiekieua o Dooru Kloof ma ka akau o na Beritania, a na huna ia lakou me ke akamai loa e halowale ai mai ka ike ia ana aku e ka maka o na Beritania.

       Ladana, Feb. 16. Mai Pretoria i loaa mai ai he lono, aia he pualikoa nui ke nee la no Colenso a aia ke hoolulu la ma Bosch Kop.  Ua manao ia o Kenerala Bula hou no keia ma ke alahele no ka koopakele ana ia Ladysmith.

 

EIA HOU NO KA BUBONIKA

 

MAKE HE PAKE KUAI UA NO KA MAKEKE.

 

       Laweia Kona Mau Hoa Noho no ka Hoemalu ia Ana ma ka Pa Hooma@ o Kalihi.

 

       Ma ka hora 2 o ka wanaao Poakolu, ua make iho la he pa ke nona ka inoa o Kee Mung, maloko o kekahi hale hoolimalima loihi o Yuen Chong, e ku nei mahope iho o Haehue, koko ke no hoi i kahi i make ai o Mele Kaaihue mamua aku nei.

       I ka hora 10 o ka Poalua nei i kii ia ai o Kauka Makalu, a ma ia wanaao no i make ai oia, a ma ka nana ana a na kauka aupuni na ike ia iho he bubonika kona kumu i make ai.

       Ma ka wa i ike ai na poe e noho pu ana maloko o keia mau hale hoolimalima, he mau Hawaii, Pake a me Iapana, ua make ua pake la, ua pau iho la lakou i ka haalele i ua hale la a pau aku la i ka naholo no ko lakou wahi e nalo ai mai ka hoomalu ia ana, a o ke koena kakaikahi iho oia poe i loaa aku i na kiai oia kaipaa i ka hoomalu.

       Ua hoouna ia na makaikiu e huli i na poe mahuka, a he hapanui o lakou i loaa, me ka laweia aku no ka pa hoomalu o Kalihi.

       O keia pake, ua noho mua no oia ma keia hale a hiki i ka wa i loaa ai o ka ma'i ma kahi o Mele Kaaihue, ua haalele iho la oia ia wahi a helo aku iuka o Kalihi, a ma ka po Poalua nei kona hoi ana mai ao kona rumi a make iho la.

       Ua olelo ia ae he pake lawelawe kuai i'a oia no ka makeke, a e lawe ia mai ana maloko o ka halawai a ka Papa Ola, ka noonoo nan e hoomalu i ka makeke.

 

E PAKELE ANA NO.

       Ua hoomaopopo iho la makou ma na hana a ka Papa Ola, e pake le ana no ka Hotele Hawaii ma ka apua, mai ka haawiia ana aku iloko o na alelo ana ole o ke ani no ka mea, o ka hale wale no a Mr. Levy, ke kupakake o ka hotele, i waiho mai iho la, kahi i hoomalu ia me ke koe aku o ka hotele nui kahi o ka mea mai i noho hana ai i na la mamua iho o kona waiho mai ana, oiai, no nae keia mau hale iloko o ka pa hookahi.

       Aole he ikaika o ka hooma'u ia ana o ka hotele maoli, a ua ae ia no ko lalia poe e hele lanakila, aka, e kipa mau aku ana no nae ke kauka e nana i ko lakou kulana i kela a me keia la no umi kumamalima la.  Ma keia mau hana makou i manao ae la e hoopakele ana no ka Papa Ola i ka hotele, a o kahi hale nuku wale no ke puhiia ana i ka ahi, ina e make io ana keia haolo no ka bubonika.

 

IKE HOU IA KA BUBONIKA

 

HE PAKE NO KA HALE KAA HOTELE KAI MAKE.

 

       O ka Ekolu ia o na Ola i Poino o Keia Hui -- Ua Puhi ia Aku Keia Wahi i ke A@i.

       O ka Pake nona ka inoa o Ah Sing, i make ai maloko o ka haukipila Pake ma Kapalama malalo o ka ma'i hoohuoi, ua kaha koke ia kona kina no ka nana ana i kona kumu i make ai, a ikeia iho la e kauka aupuni Hoffman, ua make oia i ka ma'i bubonika.  Ua hookolo koke ia aku kahi o keia Pake i hana ai mamua o Kona hoohia ana i ka ma'i, a mahope o na noii pono ia ana ua ike ia iho la, he limahana oia no ka hale kaa Hotele, e ku nei ma ke kihi o na alanui Hotele a me Rikeke.

       Ma o ka hoomaopopo ia ana o ka ekolu ia o na ola i poino o keia wahi, akahi no a ae o Haki e puhi ia keia wahi i ke ahi, oiai ua kue loa oia i ke puhi la ana o keia wahi i na halawai ana a ka Papa mamua aku nei.

       O ka piha ana keia o ka huina ma'i bubonika i ke 63, he 54 o keia heluna i make, a he 9 i ola mai.

       I ka Poakahi nei ua puhi ia ae ka home o Ah Sing i noho ai mauka o ke alanui @ Papule a ma keia auina la Poalua ka halekaa Hotele.

 

Ka Malama

o

MARAKI.

[calendar]

       Ma ka nupepa Ka Elele Hawaii i ike iho ai makou, aia ka ohana o Mrs. A. G. Serrao ke hoomalu ia la ma Mokuola.

 

THE HUB

HALEKUAI NANI O KE TAONA.

       Ua loaa mai la ia makou mai ka hikina na lole huluhulu eleele i hana noeauia o na paikini hou.  O ka waiwai io he $18.00; aku, mamuli o na La Nui, e loaa no ma

              Ka Hub, ua hoemiia 10.50.

       He 150 Paa Lole Hui hulu Bolu a me Eleelr o ka loaa ana mai la ne ia mai ka hikina, he nani ko lakou mau papaina, a ua hana ia ne ke akahele e pili pono ai i na mea a pau.  O ka waiwai io he $15, aka, no na La Nui e loaa no ma

Ka Hub, ua hoemiia 8.50.

       E hoomanaoia o ka makou waiwai o na Lole Aahu, Kamalii a me Opio, a pela pu hoi me na Papale, Papale Kapu, me na Liko Ahahu ae he hou loa.

       E kipa mai a e ike poe iho mamua o  koa kuai ana, a e noo koaia no kakahi o kau wa@ dala.  Enamama aku ana ko makou halekuai ani po apau a hiki i ke K@risimaka.

J. S. SPITZER

ALANUI @ F. KOKOKE I KE ALANUI PAPU.

 

Oceanic Steamship Company

Papa@uhikuhi Manawa.

       O na Mokuahi Lawe Ohua Nani o Keia Laina o Ku ma@ a ele iho ana i Keai awa e like me Keia Malalo iho:

[sailing schedule]

       No ka mea e pili ana i ka holo ana o na moku maluna ae, o na Agee ua makaukau no ka hoopuka ana aku i na ohua i na likiki ma na @ a pau mai Kapalakiko aku i na wahi a pau o Amerika Huipuia, a @ Nu Ioka aku maluna o na laina mokuahi a pau e holo ana no na a@ pau o Europa.

 

       No na mea i koe e ninau ia

Wm. G. IRWIN CO.

Agena Nui no ka Oceanic S. S. Co.