Ke Aloha Aina, Volume VI, Number 11, 17 March 1900 — Page 1

KE ALOHA AINA

 

BUKE VI.      HONOLULU, POAONO, MARAKI 17, 1900.       HELU 11

 

KOMO O BULA I LADYSMITH

HOOPAKELEIA IA KULANAKAUHALE

Aia ke Hoakoakoa la na Boa no ka Malama An@ i ke Kapitala o ka Mokuaiua Kuokoa.

            Maluna o ka Amerika Maru a me ka Auseteralia i loaa mai ai ia makou na lono hope loa o ke kahua kaua, a no ka pomaikai o ko makou mau makamaka heluhelu ke hoopuka aku nei makou me ka hoohakalia ole penei:

            Ladana, Mar. 1, hora 9 a. m. Ua hoike pili aupuni ia ae la ua hoopakele ia o Ladysmith.

            Ladana, Mar. 1, hora 9:52 a. m. Ua loaa mai le i ke Keena Kaua keia mau hoike mai ia Kenerala Bula mai, penei:

            Lyttletous's Headquarters, Mar. 1, hora 2:05. O Kenerala Dundonald me ka puali Natal Carbineers a me kekahi regiman@ koa, ua komo aku la lakou i Ladysmith ma ka ponei.

            O ka aina mawaena o onei a me Ladysmith ua hoike mai, ua malaelae. Ke uee nei au no Nelthorpe.

            Ladana, Mar. 2. O ka la inehinei he la hauoli ia no Kenerala Bula. Ua hoea aku la o Haku Dundonald i Ladysmith ma ka po Poalua nei, a ma ka la inehinei i komo aku ai o Sir Redevers Bula iloko o ke kulanakauhale, ua hoike ke oia ua malaelae na wahi a pau, a koe o Surprise Hill, he mau Bou uuku koe malaila. O keia lanakila nui o na Beritania mahope o 140 la mai ke kukala kaua ana, a he 118 hoi la mai ka hoopuni ia ana o ke kulanakauhale. Ua ho@opono hoi mahope o na hoio panaho ole no eha manawa e kau ma kela aoao o ka muliwai Tagela iloko o na hakoko ikaika ana.

            Mai ka hoopuni ia ana a ka hoopakele ia ana o ke kulanakauhale o Ladysmith, ua hoea aku ka poino ona Beritania malalo o Kenerala White Kenerala Bula ma kahi o 6912 kanaka, I loko oia huina poino, he 1,046 i make 3,785 i hoehaia, 1,568 i nalowale a me 514 i make. O ka hakaka o ka la 27 a me ka lawepio ia ana o ka iwi kuamoo o na puu mawa ena o Colenso a me Ladysmith ka mea nana hoopakele io ae i ke kulanakauhale.

AIA NA WAHINE I LUNA O NA KAHUA @UA.

            Colenso Camp, Feb. 28. He nui hewahewa ka poino o na Boa ma ka hoouka kaua o nehi nei. O na mea hoopahu @ddite ua nui ka lakou mau hana weliweli iloko o na auwaha. He nui na poe i hoeha ia i loaa aku no me ka lenalena mai keia mau mea hoopahu. Maluna aku o 100 pio i hopu ia.

            He lehulehu o keia poe @e kanaka Holani, a he kakaikahi loa na Boa. He nui na lako poka i haule pio iloko o ka lima o na Beritania, a me hookahi pu Maxim i hoopoino ia. He mau Boa opio kekahi no lakou na makahiki 16 iwaena o na poe i hoehaia. Ua noho pu na wahine me na kane he ekolu hora mamua o ka halawai ana o na Boa me na Beritania. He elua mau wahine i loaa aku, he hookahi i hoeha kukonukonu ia, a he kookahi i make. Mamua o ka make ana o keia wahine, ua hoike ae la oia aole loa he ae iki o kana kane e hookuu iaia, oiai, he akamai oia i ke ki pololei. O keia wahine he 19 wale no ona makahiki.

            E hoomaopopo ia ka hahana o na kipoka ana, mai na pukuniahi mai he 95, ua kila e ka Batari Umikumamaiwa wale no he 974 poka, e kipoka ana i kela a me keia umi sekona.

NO KE KUE ANA MAI IA ROBATA.

            Ladana, Mar. 3, hora 4:15 a. m. Aia o Haku Robata ma Osrontein ma kahi he eono a i ole ewalu mile ma ka hikina aku o Paardeberg, e huli pono aku ana hoi i kahi o kekahi puali Boa nona ka heluna ikaika mawaena o ka elima a i ole o eono @uaani kauaka. Ua manao ia he puali uuku wale no keia i makaukau aku no ka emi hope ana i kahi o ko lakou kulana ikaika i hoomakaukau ai ma Bleomfontein.

KE NEE LA NO MUA.

            Ladana, Mar. 7. Ua loaa mai he mau hoike telegarapa penei:

            Osfontein, Mar. 7, hora 4:30 p. m. O ka makou hakaka ana i keia la ua holopono. Ua lawe ae na enemi he kulana ma kahi he 4 mile ma ka akau a me 11 mile ma ka hema o ka muliwai Modder. Ua hoonoho aku au i ko Kenerala Colville mahele ma ka akau o ke kapa, a o ko Kenerala Kelly-Ken@y a me ko Tucker mahele koa me kekahi puali kana lio ma ke kapa hema o ka muliwai. Ua holopono ka lele kana ana a ka mahele puali kaua lio ma ka aoao hema o ka enemi no ka wehe ana i alanui no ka mahele koa Eono no ka nee mua ana aku, aole hoi he poka i ki ia e lakou a hiki i keia wa. Aia na enemi ke auhee nei ma ka akau a me ka hikina. Aia lakou ke ukali kokokeia aku la e na puali kana lio, puali pukaa lio a me na koa hele wawae maluna o na lio, a o na mahele hoi o Tucker me ko Colville mahele Eiwa ame kekahi puali malalo o Pole Sarew aia lakou ke nee la maloko o ka muliwai no Poplar's Drift kahi a'u i manao ai no ke kukulu ana iho i ko'u kahua hoolulu. O ko makou poino ke manaoio nei aole i mahuahua loa, oiai, aole i makaukau na enemi no ka lele kaua ana mai, aia ke hooweliweli ia la ko lakou hui aku me Bloemtontein.

KE PII MAU AE LA KA HELUNA POINO.

            Ladana, Feb. 28. Eia ke pii mahuahua mau ae nei ka helona poino o na Beritania, a hoea i keia kakahiaka he 12,634, maloko o keia huina he 2,319 kanaka i pakui ia mai no na pule elua i hala hope aku la. He umi o na umikumamakahi regimana koa Sekolia i poino he 2050 kanaka ewalu o na Irelani, ma kahi o 2000 kanaka, mahope mai na Gl@ssers a me Northumberlands, o na koa Coloniala 200, o ka Royal Canada ua poino he 121 a me ka puali kana lio Victoria he 26 kanaka.

            O keia mau poino na mahelehele ia penei: Make 1993, hoeha ia 6,838, nalowale 3,173 make ma'i 830. Ma ke kaana ana i na poino o na aoao elua a hiki i keia la.

            Beritania —

Make   1,993

Hoehaia           6,838

Nalowale         3,173

Make Ma'i       830

            Huina  12,634

            Boa (mai ka hoike a na Beritania)

Make a hoehaia ma ka aoao o Nat@  3,400

Ma ka aoao o Kimberiev (me ke komo pu o Paar@eberg, nona ka huina 1,000)       3,350

Hema o ka muliwai Alani       1,175

Na poe i hopu pio ia    4,584

            Huina  12,409

KOMO NA BERITANIA ILOKO O TRANSVAAL.

            Ladana, Mar. 7, hora 4:10 p. m. He lono kuikawa kai loaa mai la mai Durban, e olelo ana: He puali mama o na koa Beritania kai komo aku la iloko o Transvaal mai ka Zululand mai, a aia ke malama ia la he mau hakaka liilii me na puali Boa, maloko o keia puali he mau koa hele wawae maluna o na lio, he mau kiu Natal a me kekahi puali pukaa e alakai ia ana e Mekia Prendergast, ua kaalo ae keia kolamu ma ka palena aina i ka la 28 o Feberuari. Ua lawe ae la lakou i ko lakou kahua hoolulu ma Casata Hill, he eiwa mile maloko o Transvaal.

AIA O CRONJE ILUNA O KA MOKU E PAA PIO LA.

            Cape Town, Mar. 2. Ua hoea mai la o Kener@a Cronje a me kona mau hoa i S@monstown i keia la.

            Ua apo ia mai o Kenerala Cronje e Kenerala Sir Freder ok Fore@tier-Walker a me ka luna aupuni Sir Alfred Milner, ke Kiaaina o Cape Colony. Ua lawe kok@ ia aku o Kenerala Cronje no luna o ka mokukaua Beritania Doris.

            E weheia aku ana he ahamele me ka la 27 o keia mahina no ka pomaikai o ka poe pilikia. He makana na Wr@y Taylor a me kona poe @ ua.