Ke Aloha Aina, Volume VI, Number 12, 24 March 1900 — Page 5

KE ALOHA AINA

 

KE ALOHA AINA, POAONO, MARAKI 24, 1900.          5

 

 

            Akahi no a lu ia aku la na pono kahiko mai a MiKaona mai, me he mea ’la nae o ka awai wale no paha ame ka papa himeni hou na wahi mea i hoololi iki ia mahope mai o kona wa i kukulu ia ai i kinohi, a o keia ka hoololi ano nui loa i hana hou ia mai la.

            Ua ikaika no ke Kahu Rev. S. L. Desha ma ka hapai ana i keia hana nui, oia ka imi ana i ke dala ke kumu e hiki ai na hana nui a pau ke hoohana ia; aka, mamuli wale mai no ia o ko iala ano mikimiki me ka elueu, ano kanaka no o kahi alii; a pela i holopono ai keia hana hoomaemae hou ana, e hele ana kela iwaena o na hoahanau ponoi iho o ka ekelesia, a iwaena o na poe waiwai a kuonoonoo ka aina  A hoopapa pu ana no kela iwaena o ka pohai o na poe kiekie o na wahi e ae me ka palanehe.

            O ka mea i lohe ia, ua nari hou o Haili mai loko a waho.  Nolaila, ua hoau ia mai la ua luakini nei ma ke Sabati iho la i hala Maraki 18; e huipu ae ana na poe o ka luakini haole ma ia po iho, a e malama @a ana he halawai nui maloko o laila me na himeni e mele ia mai ana e kekahi poe o ko laila papa himeni.

 

HOLOMUA MAU O HILO.

 

            Ua huli hoi aku no Hilo o P. Peck (he ona mahikope no Olaa) ma keia mau pule aku nei i hala me ka $30,000 no ka wehe ana i “ka Banako mua o Hilo” kaupalenia.  O ka inoa ia a o ka elua hoi o na Banako i kukuluia ma ua wahi kulanakauhale Poo Aupuni hookalakupua ‘la o ka moku’o Keawe.

            He hoomaopopo keia i ka holomua loa o kela wahi taona uuku me he mea ala, maloko o elima makahiki wale no paha a oi i ike ia ai ke hikiwawe loa o kona pii ana.  Aia oie ke panee mau ‘la imua i na wa a pau, aiwa loa a hoomaka ia ka wehe ana o na Hui Kaaahi elua me ka lawe ana ia Hilo i Kikowaena no laua, a ino io hoi e liko aku ana ia i wahi hoolulu no na aumokukana me na moku kalepa nui o na aina e mai ma keia mua aku; alaila, aole ana no e nele kona “pii no e pii kau no a kau.”  E!  aneane io paha auanei e ahai ia ka “leialii” o Kakuihewa e kahi “ukulii” o Kauaka@ni ma keia mua aku, e ole la hoi he oni na Hawaii na ka moku nui.

            Ma ka Poaono iho nei, Maraki 17, i weha mua ia ae ai kona ipuka i ka lehulehu, a na Geo. C. Beckley, i lawe mau ae i ka hanohano o ka unuhi mua ana i na dala o kela banako, no ka uku ana i kekahi apana aina ma Puueo i lilo mai iaia mai ka Hui Kuai Aina mai o Hilo.

 

NELE KA PAPA OLA I KE DALA OLE.

 

            Eia he mau haneri o na kanaka i hoohana ia iho nei e ka Papa Ola e kii nei i ka lakou mau dala i hooluhi wale ia ai eia Papa ma ka wa i poha ae nei o ka ma’i bubuika, aka, o ka pane nae e loaa mai ana ia lakou e hoomanawanui iho a mahope, i ka wa e holo mai ai o ka bila haawina $250,000.  Ua hoike aku keia poe i ko lakou mau pilikia maoli i ka nele i ka ai, ka i’a a pela aku, aka, aole nae ia he mea e loaa koke mai ai o ke dala ia lakou.  Ua hoea loa aku keia poe i ke keena waiwai, a oia haawina nele no kai halawai me lakou, he lehulehu wale o keia poe i hoopau ia mai ka hana mai e nopho wale nei, aole hana, a na ia mea hoi i hooi loa aku i ko lakaou pilikia.

            Ma keia i hoomaopopo iho la makou ua mimino io no ke eke o ke aupuni i keia ma’i bubonika.

 

HE MOKU POINO.

 

            Ma ke kipa ana mai la a ka mokupea Eric, ma ke kakahiaka Poakolu nei, e waiho iho i ka wahine a ke kapena o ka moku no ka lapaau ia ana maanei, ua lawe mai@la oia he hoike no ka halawai ana me ke kahi waapa ma ka moana, penei:

            Ma ka hora 8 o ke kakahiaka Poalua nei, oiai, ka mokupea Eric ma kahi he 40 mile ma ka hikina aku o Hana, Maui, ua halawai iho la oia me kekahi waapa me ekolu kanaka maluna,  Ua hoike mai keia poe kanaka, mai ka mokuahi Kalivalana mai lakou, a ua hoopoino ia ka iho o ka huila o ka moku, ma kahi he 320 mile ma ke komohana akau of Maui i ko lakou wa i haalele aku ai, a e holo ana hoi lakou no ke kii ana i mau kokua ma Maui.

            Ua hiki ole ke hilinai ia keia mau olelo, no ka mea, ina aia ka moku ma keia wahi, o Kauai a me Oahu nei na awa kokoke o ka waapa e holo mai ai, aole hoi o Maui, mahope o keia launa kamailio ana ua hoomau aku la ka waapa ma kona alahele.

            Ua haalele aku ka mokuahi Kalivalana ia Kihei, Maui, ma ka Poalua o kela pule aku nei i ka wa a ka ino e pahola ana, nana i hoohakalia i ka mokuahi Auseteralia, me ka piha kopaa no Kapalekiko.

            Ua hoao la ke noi ana i ka mokuahi aku Amerika Iraquois e holo e huli i keia moku poino, aka, ua hoole ae nae kona kapena, no ka mea, ua hoomaopopo ia aole oia iloko o ke kulana pilikia, a ua hiki hoi ke hoi mai no ke awa malalo o ka paa.

            O ka waiwai io o keia moku he $60,000, a o ka ukana kopaa hoi ana e lawe ana he $100,000.  Ua kapili la keia moku ma Pelekane i ka 1868 a he moku oia i halawai mau me na ulia pakalaki.

 

AHA MELE MA HILO.

 

            E weheia ana he ahamele e ko Hilo poe ma “Spreckles Hall,”  i ka po Poaono iho la, Mar. 17, o na dala e loaa ana no ka pomaikai o ka luakini o Haili, no ka uku ana i kahi mau lilo o ka hoomae @ae hou ia ana. E komo ana ma keia ahamele o Miss Annie Kanoho ko Kauakukalahale nei puukani, a pela no hoi me ko ililo mau puukani ponoi iho.  Ua ike iho makou ma ka papa kuhikuhi o na hana oia po lea o Halalii e komo pu ana o Mrs. K. Pilipo me Hon. John T. Baker kekahi o na puukani kileo lea o ua aina kaulana nei i lawa me ia talena, a e lohe ia ana ma ia po, ke leo hoene o na mau manu Oo nei me ka Apapane inu wailehua o Olaa, i ke kani kiki ko’u mai i ka pua o ka lehua.

 

MAKE HE HAWAII I KA BUBONIKA.

 

            Ma ka La Pule nei ua make hikiwawe iho la o Edward Halakalani Kahoohano, he kanaka Hawaii i kamaaina i ke kulanakauhale nei, nona na makahiki he 32, ma ke alanui Young; ua laweia aku kona kino no ke kaha ana a ma ia auina la ua hoihoi ia mai la no ka hale hana kupapau o Wiliama. Mahope oia wa i nana ia iho ai kona mau mea paahana i lawe ia mai ai no ka nana ana, a ike ia iho la na anoano bubonika.  Nolaila, ua kii hou ia aku la ke kino make o Haia a lawe ia aku e puhi i ke ahi me ka hoomalu pu ia aku o kona wahi i waiho ai.

 

KAUOHA IA NO NA WAIO KINA.

 

            Ua loaa ae he hoike i Kapalakiko aole e hoea aku ana ka mokukaua Italia Calabria no ia wahi elike me na hoike i loaa aku iaia mai ka mokukaua Italia, oiai,oia e ku ana ma ke awa o Valparaiso, Amerika Hema, aka, e holo pololei ana oia no Iapana a mailaila aku no Kina.  Ua loaa aku Ia i ke Kanikela Italia ma Kapalakiko he kauoha ma ke telegarapa no ka hoouna ana aku i na leta a pau o kela mokukaua no Iokohama.

            O ke kumu o keia kauoha i haawi ia aku i ke Calabria, no ka manao ia ana e ulu mai ana he haunaele ma ka ninau o Kina, a e holo ana hoi oia no ke kiai ana i kona mau kupa Italia.

            Ina he oiaio keia mau hoomakaukau e ana o Italia, alaila, ua maopopo loa iaia e poha io ae ana no ke kaua mawaena o Rosia a Iapapana.  Eia no hoi keia mau aupuni ke hoolako nei ia laua iho me na makaukau pau o kekahi hoouka kaua nui, owai ana auanei la o laua ke uhu@@au ana.

 

NUI KE OHOHIA IA O KA MOIWAHINE VITORIA.

 

            Ladana, Mar 7.  Aole he wa i oi loa aku ai ka ohohia ia o ka Moiwahine mai ka wa mai o kona Iubile Daimana elike me keia wa, a oia hookahi ka mea iloko o ka puuwai o ka lehulehu i keia po.  A e oi loa aku ana i ka la apopo.  O ke kipa ana mai o ka Moiwahine, i Ladana nei, mai ke kahua hoolulu kaaahi Paddington a hiki ika Halealii Buckingham.  ua lawa ia i ka hoola ana i na manao ohohia o alanui aka, i ka wa i hoike ia ae ai e holo ana oia i ka la apopo mai ka Halealii Buckingham a hiki i ka Luakini St. Paulo a hoi aku ma Holborn a me Piccadilly no St. James, o ka hauoli nona a me ka lanakila o Robata, e hoolilo ana o Ladana ia la i la nui.

            O ka hoike ana ae no ka manao kipa aku o ka Moiwahine i Irelani no ka manawa mua loa, ua olelo ia ae, mai ka make ana o kana kane i ka makahiki 1861, a hiki i keia wa aole oia i kipa hou aku ilaila.  He hana ano nui keia e lawelawe ia ana i kona mau la e oia nei.  No ka mea, aole he Kuhina o ke Kalauou i hoao e hana i keia hana. E noho ana oia ma Dubelina ma ka Vice Regal Lodge, i haawi ia mai e ke kiaaina malaila, ka Ela Cadogan.  Ua nana ia aku keia hana a ka Moiwahine, ma ke ano he hoike ana mai i kona aie nui no na koa wiwo ole o Irelani i hana aku nona me ka manawalea i kona hora o ke kaumaha.

 

            He keaka no ko ka Ofiuma i keia po.

            E alawa ae i ka olelo hoolaha hoololi o na Rula Malama Ola e puka aku nei.

            Aole no i hoopau ae ka Papa Oia i ka uku ana he 25 keneta no na iole oia, a he 15 kaneta no na iole make.

            Aole wahi e ae e loaa ai o na paa lole emi loa o ka halekuai Hub wa le no, e alawa ae i ka lakou hoalaha e puka aku nei.

            Ke ku wale nei ka huila wai o ka Papa Ola aohe wai e niniu ai, ke kali aku nei o ka loaa pono mai o ke kauoha a Makinile no ka hookuu hou ana mai i wai (dala) e niniu ai ua huila wai nei.  Ha ae la ka aka.

 

MA KE KAUOHA

 

APANA MALAMA OLA, HO NOLULU.

 

Keena o ka Papa Ola,

Honolulu, Maraki 31, 1900,

Ma ka halawai ana a ka Papa Ola ma ka la 20 o Maraki, 1900 o keia hooleli malalo iho nei no ka apana o na Rula Malama.  Ola o ka Papa Ola e hoohana ia ai, ua hooholoia:

            “O ka Rula Malama Ola o ka Papa Ola, e hoopiliia, a e hoohanaia maloko o kela wahi o ka Apana o Honolulu, e komo pu ana maloko a eli@@@ anapuni mai ka Hale Mana Hooko aku.”

            C. M. WOOD.

            Peresidena o ka Papa Ola.