Ke Aloha Aina, Volume VI, Number 14, 7 April 1900 — Page 3

KE ALOHA AINA

 

                        KE ALOHA AINA, POAONO, APERILA 7, 1900.                                   3

 

Mai ka aoao 1 mai.

 

puni o Amerika Huipuia e lawe mai i keia mau aina a pau malalo o kona mana, a paa iho la i kela mau aina, ma ke ano he mau waiwai no Amerika Huipuia?

            Clark o Waiomina. Ae, oia maoli ka manao o keia hoololi.

            Bate. Alaila, e haawi aku iaia (Liliuokalani) i $250,000 no keia mau aina, ma ke ano he uku makana.

            Alark o Waiomina. Alia la--

            Bate. I uku hoi ha. Aka, aole nae oia (Liliuokalani) i ninau ia aku no keia mea?

            Clark o Waiomina. Aole i maopopo ana paha ua kukakuka pu aku ke Aupuni me ia. Ina ia e makemake ana e lawe aku i keia pu dala elike me ka manao o ka hoololi, o ka pau io la no ia o kana mau koi a pau maluna o ke Aupuni o Amerika Huipuia, a maluna paha o ke Aupuni Teritori o Hawaii.

            Bate. Ma ka'u hoomaopopo aku ma o keia mau mea la i hoike ia mai nei, he mea pono loa i keia Aupuni ke hana ia kela hana.

            Clark o Montana. Ma ke ano hana nae e @hana ia nei i keia wa, aole ia he mea e hanohano ai ke Aupuni.

            Kyle. E ae mai anei ke Senatoa mai Waiomina mai? He waiwai lewa anei keia no ka Moiwahine?

            Clark o Waiomina. Aole ia he mau waiwai lewa no ka Moiwahike ina e manao ia ana e hiki ana iaia ke hoolilo aku @a mau mea mai iaia aku. Aka, he mau waiwae lewa no nae ia no ka Moiwahine. a o ka Moi paha e noho alii ana ia wa, ma ke ano e lilo ana na loaa a pau o keia mau aina no ka Moi e nohoalii ana.

            Kyle. Ua hookaawale ia ma loaa makahiki o keia mau aina e ke Aupuni Moi no ke ola o ka Moiwahine. Aole anei oia wale iho la no kana hana?

            Clark o Waiomina. Ae.

            Kyle. Alaila, ua like loa keia me ko Beritania Nui.

            Clark o Waiomina. Ae; pololei kela.

            Kyle, Aole loa ia he mau waiwai lewa pono nona?

            Clark o Waiomina. Aole ma ke ano ehiki ana iaia ke kuai aku ma ke ano "alodio."

            Kyle. Aohe ona kuleana maoli ia mau aina i oi aku i ke uleana o kahi wahine e noho ana maluna o ka nohoalii ma ke ano Moiwahine.

            Clark o Waiomina. Ua pololei ke Senota.

            Kyle. Aole keia he mau waiwai ponoi nona. pela ka'u hoomanao.

            Pettigrew. Heaha na loaa mailoko mai o keia mau aina?

            Clark o Waiomina. Aole hiki ia'u ke hoike aku i na huaholo maopopo, aka. o ka loaa nae o ua mau aina la i keia wa, aia no ia mawaena o ka hookahi haneri a me hookahi haneri a me kanalima tausani dala i ka makahiki.

            Pettigrew. Heaha la na loaa ma ka wa i hoopau ia ai ka Moiwahine mai ka nohoalii aku.

            Clark o Waiomina. He kanalima tausani.

            Pettigrew. Ua hookahuli ia aku oia mau a aku o ka nohoalii iloko o 1893.

            Clark o Waiomina. Ae.

            Pettigrew. Ma ka'u hoomaopopo aole hiki ia kakou ke hooholo i keia Bela Kanawai me ko kakou haawi ole ana aku i kekah mea e pono ai ka Moiwahine mailuna aku o ka nohoalii. Aohe mea e ae nana i hana i keia hana. Na Amerika Huipuia nei i hana i na hana la. Ua hoolele aku kakou i ko kakou mau koa malaila.

            Clark o Waiomina. Pololei loa ke Senatoa.

            Pettigrew. Ua kaila ia mai e kakou kona Aupuni. Aohe poe koe e ae na lakou i hana ia hana, aka, na ka poe koa wale no o Amerika Huipuia nei. Alaila, hana iho la kakou he kuikahi me na wahi kanaka kii hukihuki kaula a kakou ponoi no i kukulu aku ai no ke kuleana maoli iloko o kela Aupuni. Nolaila, ma ko'u manao, he hana hilahila maoli ka hooholo ana i keia Bila Kanawai me ko kakou hooholo ole ana i kekahi haawaina dala.

            Jones o Arkansas.

            Mr. Peresidena--

            Peresidena no ka manawa. E ae anei ke Senatoa mai Waiomina mai e ae aku i ke Senatoa mai Arkansas mai?

            Clark o Waiomina. Ina eia ia'u papa.

            Peresidena no k. manawa, Eia ka papa i ke Senatoa mai Waiomina mai.

            Clark o Waiomina. Ke haawi aku nei au i ke Senatoa mai Arkansas mai.

            Jones o Arkansas. Hookahi pohihihi a'u e ake nei ma keia, akahi no hoi a ala mai la keia mea iloko o ko'u noonoo. o keia pauku e ku nei iloko o keia Bila Kanawai, me he mea la, wahi a ka'u ike iho. e hoi @ aku ana kakou o ka Moiwahine io no ka ona o keia mau aina. A ma ia ano, ke hana nei kakou i kekahi hana kalepa me kona ae ole mai, a e haawi aku hoi iaia i $250,000. Nolaila, ina aole oia e lawe ana i keia puu dala, e hiki ana no nae iaia ke hoi hou mai a olelo mai ua hooia aku kakou oia io no ka ona o keia mau aina, ao kona kuleana i ke dala aia no i ka hookahi miliona a me ka hapa, a i ole, he elua miliona paha i loaa ai ka waiwai io o nei mau aina. Nolaila, ina hoi he mau aina ponoi maoli keia no ka Moiwahine. he mea okoa la. Ina hoi he mau aina ke a no ka lei alii he mea okoa ia.                       

                                                                        Aole i pau.

 

AIA KE ULELE KAUA LA NO

 

NA LONO A KA HONGKONG
MARU I LAWE MAI LA.

 

            Nu Ioka, Mar. 28. Ua loaa mai la he hoike mai Pretoria mai no ka la 28 o Maraki e olelo ana, ua haalele mai la i keia ola ana o Kenerala Piet Joubert, ka Hope Peresidena o Transvaal, a o ka Alihikaua Nui o ka Repubalika, iloko o ke 68 makahiki me 60 la o kona ola. Ua make oia ma kekahi kaa ma'i pokole ana, Ua hoopiha ka aina holookoa me ke kaumaha nona.

 

HOAUHEE IA NA BERITANIA.

            Ladana Mar. 23. O ke kolamu i hoounaia aku ai no ka hoopakele ana ia Mafeking, ua hoauheeia mai e na Boa. Ua hookuemi ia mai na koa nee mua o na Beritania e na Boa me ka lele laua mai i ko lakou wahi hoolulu. Ua emi hope na Pelekane.

 

NA PUALIKOA KENERALA ROBATA.

 

            Ladana, Mar. 31. O ka makamua o na puali o Kenerala Robata aia ia ke nee mua la ma kahi he 21 mile ma ka akau o ke kualanahauhale o Bleomfontein. Ua lawe ae na Beritania i na kulana o na Boa maluna o na puu mahope o kekahi hoouka kana hahana ana. He 7 alii a me 100 kanaka i poino o na Beritania.

            Ua hoopuka ae la o Peresidena Kruger he kuahaua hooweliweli e ana kauoha ina wahine me na keiki e haalele iho i ke kulana kauhale o Eleomfontein maloko o elima la, no ka mea, e kipoka ana oia i keia ku lanakauhale, a e hopu pio ana hoi i na Boa e loaa aku ana malaila.

 

UA KOKOKE LOA MAI KE KAUA

 

            Ladana, Mar. 28. He lono kai loaa mai la i ka nupepa Daily Mai! mai Kohe mai  O ka hoea ana mai o na manao kaua mawaena o Rusia a me lapana no Corea ua ike meakaka @ ia. Aina na aumoku ua o Rusia ke manaoia la e kai! ku ae ana i ke awa o Korea, a ua loaa pu mai na lono mai ke koena kaua o Iapana aia ia aupuni ke huhu la i kona oihana kaua aina a me moana.

            Loko@ama, Mar. 28. E paikau hookahakaha ia ana e ka Emepera o Iapana he 40 mau mokukaua o kona aupuni ma Kobe ma ka mahi na o Aperila.

 

KA IKAIKA KAUA MOANA O
RUSIA ME IAPANA.

 

            O ka ikaika kaua moana o keia mau aupuni elua e liuliu nei no kekahi palo hahana a pili ae ma keia mua iho ma aole he mea nana e keakea i ko laua mau manao hakaka, penei no ia:

            Ka nui o ko Iapana mau aliimoku, kanaka ame mokukauai--

Na Adimarala.........................  25

Na Adimarala Kiekie............. 425

Na Aliimoku malalao mai...  727

 

Huina Ahimoku o na kulana

            a pau ........................1,188

Na Alii Haahaa Loa.............2,579

O na kanaka iloko o ka oihana

            kana moana i keia wa o

            ka maluhia..............15,000

            O ka nui o na mokukana o Iapana o na ano a pau he kanahiku a no lakou na tona kaumaha ke hoohui ia e hiki aku ana i ka 106,665, a e lawe ana keia mau moku he 545 mau pukuniahi.

            O ka ikaika kaua moana hoi o Rusia ua mahelehele ia ia, penei:--

Adimarala Kenerala...............           1

Adimarala..............................          12

Hope Adimarala....................           19

Rear Adimarala.....................              35

Kapena o ka pepa ekahi........            91

Kapena o ka papa elua..........              213

Lotanela................................              633

Kokua Lutanela....................              234

 

Huina o na ahimoku ............               1239

            O ka nui o na kanaka iloko o ika wa o ka maluhia, he 41,915, aka, i ka wa nae o ke kaua he heluna kona i maopoo ole, oiai, ma ke kulana a ke aupuni e paa nei, ua hiki no i kela a me keia koa ke hooliloia i luina.

            O ka nui o na mokukaua o Rusia he 240 o na papa a pau, a no lakou ke kaumaha he 294,820 tona, a e lawe ana he 1,545 pu o na ano a pau.

            Ma ka hookuku ana ae i na puli kaua aina o keia mau aupuni o ka nui o ko Rusia mau aliikoa he 52,100, kona mau kanaka he 2 978,000. Iapana he 29,113 aliikoa a me 373,720 kanaka.

 

            He mau la hokeike nui keia o na papale Paikini hou loa o na lede ma kahi o Miss K@lean, ma Alanui Hotele, nolaila, mai poina i ke kipa ae malaila.

 

MA KE KAUOHA

 

NA RULA NO KE KANU ANA I
NA KINO MAKE MA KA APANA
O HONOLULU NEI

 

            Kue wale no ma ka ae ana a ka Papa Ola mai ia wa a ia wa aku, e hoike ana i na kumu i hiki ke aponoia, aole e kanu hou ia na kino make mahope aku o ka la 1 o Okatoba, 1900. maloko o keia mua wahi i kaupalenaia malokoo ka Apana o Honolulu, Mokupuni o Oahu:

            E hoomaka ana ma ka aekai ma ka welau hema o ka aina o Haia@ alaila holo ma ka palena hikina @ Halawa a hiki i ka @ ko o na mauna o Koolau, alaila mal@lia aku no ka hikina maluu o ka piko o na mauna i oleloia a hiki i ke awa wa o Palolo, aiaila ma ka hema e ukali ana ma ka laina hikina o ke kualapa o ka awawa o Palolo no ka aekai ma ka hikiua o Daimana @, holo ma ka lihi kahakai no ke komo lana a hiki i kahi i hoomaka ai.

            O keia rula aole ia e hookau ia maluna o ka kanu ia ana o ma ipuu o ke kino i puhi ahi ia.

                                                                                    C. B. WOOD.

                                    Peresidena o ka Papa Oia.

70

 

OLELO HOOLAHA.

 

            Ua konoia na ho@ o ka Hou Robert Hoapili Baker i maka, o aika no ma Mililani Hall i ka hora 2 o ka la Pule, Apr. 8, no ka ike hope ana i kona kino make, a e hoolewaia ana no ka ilima o Kawanahao i ka hora i oia auina la.