Ke Aloha Aina, Volume VI, Number 21, 26 May 1900 — Page 7

KE ALOHA AINA

 

KE  ALOHA  AINA  P@NO,  MEI  2@  1900          7

 

HE  MOOLELO  WALOHIA

--- :NO  KA :---

LEDE  ELENORA

Ka Ui Nohea i Hookaawale ia

mai ke Alo aku o na Makua.

---: A  I  OLE :---

Ka Wahine Opio i Auamo i na

Koikoi a Kona Makuakane

i Hana ai.

 

MOKUNA VII.

KA PO  O KA  EHAEHA  AOHE  MEA  NANA

E  HOOMAALILI.

  I ka ana ike ae o ua kanaka opio nei i kona makauhine a me kana wahine aloha e ku aku ana imua ona, ua lele mai la oia a puili nui la ia laua me ka haawi pu mai i na muki aloha ana me na waimaka e hiolo makawalu ana ma ko lakou mau lihilihi, alhe waimaka paa maloko o ua rumi ia, a aohe no hoi he wa i oi ae ai na hiohiona kaumaha i ike ia maloko oia wahi a like me keia mau sekona, aka, ke hoao la no nae ke kanaka paahao e hookaawale aku i kekahi mau haawe koikoi e kau nei maluna ona.

  Aka, no kona makuahine a me kana aloha aia no laua ke uwe haalipo la, a no ka hiki ole ke h@omanawanui iho i keia mau haawina luuluu ua pane aku ia oia.

  E hoopau e kuu makuahine aloha i ka hookuu ana mai i kela mau waimaka i piha i ke kaumaha a me ka luuluu, no ka mea, e hoopilihua mai ana ia i ko'u noonoo, a pela hoi e kuu Nele e hoomaalili i kou mau manao ehaeha no'u.

  Na keia mau huaolelo i kaohi iho i ka hiolo makawalu ana mai o ko laua mau waimaka, a moni aku la i ko laua ma ehaeha i like me ka maka o ke kui kele ka walania no lalo lilo o ko laua mau puuwai.

  E ka makua, wahi a Nora i ninau aku ai i ke kahunapule, o ko makou ike hope ana anei keia?

  Aole au i maopopo ia mea e kuu kaikamahine aloha, aka, o Wile, hookahi wale no ke kuleana ma ia mea, nolailae e hoomanawanui iho a e hele ae hoi au e launa me ia i panai aku ai ke kahunapule a hele aku la e hui me ka kanaka opio me ka ninau ana aku.

  E kuu keiki e pane mai o ka manawa hope anei keia au i manao ai no ka launa pu @au aku me kou ohana a i ole ua makemake anei oe e halawai hou me lakou ma ke ke kakahiaka la apopo?

  Aole e kuu makua, he hooi wale aua aku no ia i ko laua mau ehaeha.

  Aole, aolo e kuu makua, wahi a ke kanaka poino i panai hou mai ai e hoohalaia keia mau hora o ka po no ke kaumaha, a o ke koana o na hora e haawi ia mai ia no'u e hoomaikai aku ai i kuu makua ma ka lani.

  Ua pololei loa kena mau olelo au e kuu keiki, a he olalo e hoolilo io no kaua i na hora hope i mau nora no ko kaua noi ana aku i na hoopomaikai ana mai a na mana lani i kou uhane.

  A maanei i haalele iho ai o Guderika ia Wile a hele aku la hoi e hoike i na olelo a ke kanaka opio imua o kona makuahine me ka pane ana aku.

  O ka manao o kau keiki, o keia ko oukou manawa hope e launa ai aka, he oi aku no ka pono o kou hele ana aku e hui kino me ia.

  Aole, aole, e hiki ia'u ke ae aku ia mea, au e kamailio mai la. Alala o ka hopena anei keia o ko makou lauoa ana?

  Ae, wahi a ke kahunapule i panai aku ai.

  Ma keia wahi i huli ae ai ka wahine @oo a me na waimaka e haloiloi ana ma kona mau papalina huli ae la oia a kamailio aku la i kona kokoolua.

  E kuu Nele, ina he aloha oiaio kou i kau ki@e, ano, e hoike i kou kulana hookuoo a mai hoikeike aku i na helehelena kaumaha iaia. E ku ae a maloeloe a hele aku imua ona, o kona mau ao hope ia oe, no ka mea, o ko kaua wa hope keia e launa aku ai me ia, a aole hoi kaoa e ike hou ana i kona helehelena aloha no ka wa mau loa.

  Na keia mau kuhikuhi a Nora i haawi aku ai oa Nele, ua apo koke mai la o Nele,  a mahope o kona holoi aua ae i na kulu waimaka e kiheahea ana ma kona mau papali na, hele aku la oia a puili aku la i ki ai o kana aloha me ke kuloa ana iho ma kona poohiwi, aka, aole nae e hiki iaia ke hoopuka aku he hoo kahi huaolelo, oiai, ke aloha e hana ma o ole ana i ka puuwai o ua Nele nei.

  A no kekahi mau minute kona kulou ana aea la kona poo mu ka leha ana aku o kona mau maka maluna o kana kane aloha, a no kekahi manawa kona haka pono ana, e uumi mahe ana hoi i kona mau ehaeha pane aku la oia me ka leo malie.

  O. e kuu Wile aloha, e hoike mai i kau mea i makemake ai na'u e hana, a e hooko no au me ka hoo kaulua ole iho. O. e Wile oia wale no ka mea nana e hooluolu mai ia'u i kou wa e hele aku ai no kela ao maha ma o.

  A maanei ua hoomaha iki iho la ka wahine opio me ka hiki ole iaia ke hoomau hou aku i ke kamailio ana, oiai, ua naha ae la ke pani wai a ka lihilihi a huai hou mai la hoi na mapuna waimaka.

  I ke kualilii iki ana mai o na ma nao ehaeha e lauwili ana ia loko o kona houpo, ua hoomau hou aku la oia i kana mau olelo kaukau alo ha.

  E kuu Wile e hai mai i keia wa ano. heaha kau i makemake ai na'u e hooko aku? E pane mai, a ua makaukau au a hooko aku,

  Ae, na maopopo no la'u e hooko ana no e Nele i ko'a mau makema ke a pau  Nolaila, e kuu aloha e hoolone mai, e hoohiki mai oe ia'u ka mua aole oe e manao ino wale ka i na poe a pau nana i hooko @oai keia hoopai o ka make maluna o'u. E hoohiki mai ana anei oe e nooko pono ana oe i keia m@ke@ake o'u? E hoomanao he noi keia a'u ia oe mamua o ko'u make ana.

  O, e kuu Wile, he mea paakiki loa keia a'u e hooko aku ai, aka, e hoao no nae au e noi aku i na laui e huikala mai i ka poe nana i hoo poino ia oe i kela a me keia la, e knu aloha.

  O ka elua e hoonaauao aku i ka kaua mau keikie makau i ka Haku.

  E hooko non au i kau nei e like me ka hiki la'u ke hana aka. Aka, e kuu Wile e ae mai ia'u e make pu no kaua.

  Aole, aole loa, no ka pono o ka kaua mau keiki e oia oe, a owau o kaua-ke hele mua e hoomakaukau i wahi no kakou ma keia aina malihini.

  No ka mea, aohe o lakou mea e pono ai o ka noho ana ma keia ao, aka, o oe hookahi wale iho no. Na ke Akua e hooikaika a e kokua mai ia oe, no ka mea, ke hoomaopopo nei au eia na noonoo maikai o ko kaua makuahine ke kaawale loa aku nei mai iaia aku.

  E kuu Nele aloha, eia au ke hele nei ma ke alahole i piha i ka weliweli, me ka haalele iho ia oe, e noho hookahi e aio aku i na inea o keia ola, aohe ou mau hoaloha naua e haawi mai i na hoomama ana i kou mau hora o ke kaumaha, a e kokua mai i na hora o ka hele, aka, he hookahi wale ino no oia ka Mea Mana Loa a nana no ananei e hoomama mai i kou mau manao ehaeha a e haawi mai h i  ina hoopom d kai ana i ka wahine kanemake a me na keiki makua ole. E hoomanao oia kou eiakai ma na wahi a pau. E kuu Nele aole ou hoolohe iki mai ia'u oiai, ke nee awiwi aku nei ka manawa, a ke kokoke loa mai nei ka hora no kaua e mawehe ae ai ka pili no ka wa hope loa.

  E kuu Wile aloha, ua lohe au i na mea a pau i kamailioia mai la, a ke omau paa nei au ma kuu puuwai, wahi a Nele i panai aku ai.

  E Nele ke hauoli nei ko'u uhane no kau pane, a na ke Akua e kokua mai ia oe, ano, ua hoea mai la kaua i ka panioa o ko kaua launa ana. nolaila, e kukuli iho mau kuu aoao no ka wa hope loa, a noi aku i ka Makua Mana Loi no ka haawi ana mai i ha kokua ana ia kaua i keia hora o ka hoi kaawale, a mahope oia wa e L@i ai ne no ka home e malama ai i ka kaua lei aloha a e haalele iho hoi ia'u e noho me ka makua Gudarika, no ka mea, ua ae mai nei oia e noho pu ma a'u a hiki i ka la apopo.

 

  E alawa ae i ka hoolaha hou e puka aku nei

 

AHA  LEALEA  NO  NA

MAKUAHINE.

 

  Ua haawi ia ae mauka o ka Halekaula Kaiulani he aha lealea ma ka hora 9 o ke kakahiaka Poakolu nei no ka malama ana i ka halawai mua loa o na loakuahine no ka hanohano o ka la hanau o ka makuahine, ka Moiwahine Vitoria. Ua hoea ae ka bana aupuni malaila no ka hoonanea ana i na haumaua a me na poe makaikai e hiki aku ana ilaila.

  O kela malalo iho nei ka papa kuhikuhi o na hana malalo o ke alakai ana a Mrs. Isabel Creighton a me Mrs L. M. Walker:

PART  I.

1. Song--England's National

            Anthem . . . . . . . . School

2. Reading--How Victoria Be

            came Queen . . . . . Room 11

3.  Recitation -- The   Absant

            Minded Beggar . . . Room 12

4.  Recitation--Vict ria . . .  Room 10

5. Reading-- Vitoria and the

            Birds . . . . . . . . . . .  Room 12

6. Recitation -- The War in

            South Afr c@ . . . .  Room 11

7. Recitation--Vict ria Greeting

            from the Cont nents

            . . . . . . . . . . . R om 2, 4 and 7

8  Rec tation-- The R c ssional

            . . . . . . . . . . . . . . . .  R om 11

Rainbow Drill.

PART  II

1. Song -- D coration Day . . .

            . . . . . . . . . .  Room 11 and 12

2. Rec tation--Or gin of D coration

            Day . . . . . . . . . . . Room 10

3. Recitation--For Grandpa's

            Sake . . . . . . . . . . . Room 8

4. Bal s -- Star Sp@ngled

            Banner . . . . . . . . . Room 12

5. Rec t tion--Remember the

            Soldiers .  . . . . . . . . Room 4

6. Song--Fi g Colors . . . . . . Room 6

7. R@ c t ton--Bring Blossoma

            . . . . . . . . . . . . . . . . .  Room 5

Club Drill, Rooms 11 and 12.

 

  Ua hoomaha ae na kula aupuni o ke kulanakauhale nei ma ka hora 12 o ke awakea Poakahi nei no ke make ana o Luualanawai Alapaki Kauka.

 

"KE  ALO  ULAULA"

 

  O keia wale no kahi emi maloko o ke taona. Ua loaa mai nei he heluna waiwai nui ma ka mokuahi Autralia. o na Kane. Kamaa, a pela aku

Paleili Nani . . . . . . . . . 35 cts. a pii aku

Paieili Wawae . . . . . . .  35 cts. a pii aku

Kakini Maiki . . . . . . .+ 1 5 cts. a p i aku

Paiule . . . . . . . . . . . . . .  25 cts. a pii aku

Paalole Huluhulu . . . .  $ 4  00 a pii aku.

Paalole Huluhulu Maikai o na

            Kamaili . . . . . .  $ 2.00 a pii aku.

Lolewawaa K@malii . . . .  40 cts a pii aku

Lakeke Kamalii . . . . . . . .   23 cts a pii aku

            Kia pu makou ke kuai hoami nei

i na Paha Lele, Papale, Papale Kapu

o na ano a pau.

ROSENBERG & SCHAUMER.

104  Alanui  Kalepa  Ewa of

                      Halewai.

 

Allen me Robinson

He mau mea kuai

Papa, @a Lako Kukuiu Hale Pena ame Aila a pela pu no hoi me ka Nanahu

   =>  Keena hana me  Aianui Moiwahine

 

Kauka I. Katsuki

  Keena hana a me kahi noho alanui Viaia. mawaena o ke alanui Nuuanu a me Muliwai.

   => Na Hora liana. 9 a ka 11 a. m. 7 aka 8 p. m.