Ke Aloha Aina, Volume VI, Number 32, 11 August 1900 — Page 3

KE ALOHA AINA

 

 

KE ALOHA AINA, POAONO AUGATE 11, 1900.

 

ILI KA MOKUPEA DUREGGAN

 

MA NA KUAAU MAWAHO AKU O LEAHI.

 

Aka, ua Pakele no Nae ma o ke Kokua ana a na Moku Fearless Iroquois a me Eleu.

 

            Ma ke kakahiaka Poakolu nei ua hoohikileleia ae ke kulanakauhale nei, i ka loaa ana mai he hoike mai ka haole kiai moku mawaho o Kaimana Hila, ua ili ka mokupea Dureggan ma na kuaau mawaho pono aku o ka hale ipu kukui o Kaimana Hila, ma kahi he hapalua mile mai ka aina aku, i kona wa e holo mai ana no keia awa.

            Wahi a ka hoike a Charlie, ka haole kiai moku, ua ike ia aku keia moku e hooiho mai ana ma ia kakahiaka nui mawaho ae o ka lae o Makapuu. I kona wa i hookokoke mai ai i Leahi, ua hoopili loa mai la kona holo ana i na kuaau, me kona pea a pau e poho ia ana e na k@k@@ makani.

            Ua hoopihoihoi kokeia oia no ka palekana o ka moku, aka, iloko o ia wa koke no ua hoopuiwa ia ae la oia i ke ku koke ana iho o ua moku pea nei me ka hiki ole ke nee hou aku imua.

            I kona hoomaopopo ana ua halawai ka Dureggan me ka poino, ua hoikeike mai la oia i ka luhe i ke kulanakauhale nei, a ua holo koke aku la ka mokuahi Eleu no ka haawi ana i na kokua i ukali ia e ka Mokolii. I ko laua hoea ana aku ma kahi o ka moku poino, aole i ae mai kona kapena e hoopakele ia ka moku, koe wale no ma ka ae ana aku, na kekah aha uwao e hooponopono i ka uku i ka wa e hemo ai ka moku mai kona kulana poino ae, a ina aole oia e hemo, aole e ili na koikoi maluna o ka moku, e uku ana i ko laua mau lilo o ka huki ana.

            Na keia mau hana a ke kapena o ka moku poino Dureggan i hoopau ae i na manao hoopakele o na moku i hiki aku ilaila, a huli hoi mai la laua no ke kulanakauhale nei.

            Ua holo aku ka mokuahi kolo Fearles, ka moku kolo ikaika i hoea mai nei ianei ma ka La Pule iho nei mai Kapalakiko mai, a oia hookahi kai ae aku i ka manao o ke kapena o ka Dureggan, aole oia e uku i hookahi keneta, ina aole e hemo ka moku, aka, ina nae oia e hemo, he $20,000 kana e uku ai i ka moku kolo.

            I ka holo like ana o keia manao mawaena o laua, ua kiola koke aku la ka Fearless i kona kaula iluna o ka Dureggan me ka hoomaka ana e huki i ka moku poino no kahi hohonu. Aka, o kana mau hoao ana nae a pau, ua hiki ole ia, no ka mea, ua paa loa ka moku i ka papaku o lalo.

            E pa ana ka makani me ka ikaika me ka pii mai o na ale o ka moana a popoi iho la ma kona mau aoao, a na keia mau mea i hooi loa aku i ke kulana poino o ka Dureggan. I ka ike ana o ke kapena o ka Fearless, aole e hemo ana keia moku iaia hookahi, ua hoike mai la oia he hoailona me kona hae i ka haole kiai moku, ua makemake oia e hoouna ia aku i kokua nona. Ua hoea aku ka mokuahi Eleu, a hoomaka like iho la laua i ka huki i ke ana, aka, aole no nae i @@ mai ka moku mai kulana poino ae.

            Ma ka hora 6 o ke ahiahi i holo aku ai ka mokuahi Keoni Kamaki me ka@ lima kanaka no ka hoolei ana i kekahi mau ukana o ka moku. Ma ia ahiahi no ua haalele aku la o Eleu i ka Dureggan me ke koe aku o ka Fearless no ka hoomau ana i na hoao no ka hoopakele ana iaia.

            Ma ka hora 7:45 o ke kakahiaka i ike ia ai ka mokupea Dureggan mawaho aku o ka lae o Koko, a he mau hora pokole wale no mahope iho, ua ili iho la oia.

            Mai Ladana oia i holo mai ai me ka piha ukana no kela awa. He 146 la ana i alo mai ai i na ale hanupanupa o ka moana a halawai iho la me keia ulia poino. He moku pea hao oia i kapili ia ma Enelani no T.C. Guthrie, a he 1,477 tona kona kaumaha.

            I ka hora 4 o ka auina la Poaha nei, i hemo mai ai oia mai kona kulana kupilikii mai, mahope o ka huki ana a na moku kolo Fearless, Iriquois a me Eleu.

 

MANAOIA E LOAA ANA IAIA KE OLA.

 

            Ma na lono hope i loaa mai no Pueo, ua manaoia e loaa ana iaia ke ola, a ke @@ mau ae nei hoi kona ikaika, i oi ae i kona wa mua i komo aku ai iloko o ka haukapila. Ma ka po Poakahi nei i haawi mua loa ia ai ka ai iaia, he ekolu hua moa maka a me hookahi kiaha waiu.

            Ua hookomo ia keia mau mea ai iloko o kekahi ohe, a maloko o laila i lawe ia aku ai keia mau mea no loko o kona waihona ai. Mamuli o ka moku loa ana o kona pu-ai a koe iki i ka iwi kuamoo, ua hiki ole i kona waha ke hamama, a o kona hanu ua puka mai la ma kona pu-ai. Ma ka po Poakolu nei, ua hoike ia mai ua loaa ka moe maikai iaia, a na ia mea i hookomo i na manaoio iloko o na kauka e loaa ana ke ola iaia. A wahi a kekahi poe o lakou, ke kupaianaha loa ke ola ana o keia kanaka.

 

            Eia na hui heihei waapa M@t@la a me Healani ke hoomaamaa mau mai nei i keia mau ahiahi, no ka halawai ana maluna o ke kahua heihei o Palea, ke hiki aku i ka la 8 o Sepatemaba ae nei, no ke aumeume ana i ka inoa moho no keia makahiki.

 

MAKE KA MOI O ITALIA

 

MA O KE KIPUIA ANA E KEKAHI KANAKA ANAKIA.

 

Paa ka Limakoko i ka Hopuia

Ma Amerika Huipuia i Hoolala ia ai Kona Make.

 

            Maluna o ka mokuahi Amerika Ma@@ i loaa mai ai keia hoike weliweli no ka powa ia ana o ka Moi Humebata o Italia penei:

            Monza, Italia, Iulai 30. Ua powa ia ka Moi Humebata, ma o ke kipuia ana e kekahi kanaka nona ka inoa o Angelo Bressi, a make koke no iloko o na minute pokole mahope iho.

            Ua hoea aku ka Moi no ka haawi ana i na makana o kekahi hookuku hooikaika kino. A i kona wa i kau aku ai maluna o kona kaa me kona ukali, mawaena o ke anaina kanaka nui e haawi ana i na leo huro nona i ki ia mai ai he pu panapana me ke kapoo ana aku o na poka a ka limakoko iloko ona. He hookahi o keia mau poka i komo aku iloko o ka puuwai o ka Moi a make iho la oia iloko o ka wa pokole. Mahope koke iho o ka hora 10 o ka po i lawelaweia ai keia hana. Ua hopu koke ia ka limakoko a me ka ikaika i hoopakele ia mai ai oia mai ke anaina kanaka i piha inaina nona. Ua hoike mai oia i kona inoa o Angelo Bressi.

            Mahope koke iho o ke kipu ia ana o ka Moi Humebata, a i ka ike ana o kona ukali i ke kulana poino, ua kuupau koke ia aku la ka holo o ke kaa no ka halealii. O ka poka i ku mua ai ka Moi ma ka a-i, o ka lua ma kona puuwai, a o ka ekolu ma kona lima.

            Ua hoike ae o Angelo Bressi, mai Amerika oia i hele mai ai e lawe i ke ola o ka Moi. Eia ka paahao ke kiai makaala loa ia nei e na koa. Aole he manao hopohopo o ka limakoko no kana karaima i lawelawe ai, a ua ai ae oia i kana mea ai me ka pihoihoi ole.

            Ua pakele mahunehune mai o Bressi mai ka make ana ma ka poholima o ke anaina kanaka nui me ka hoopakele ia ana koa. Ua pau kona mau aahu i ka weluwelu, a he nui hoi na palapu i loaa iaia ma kona kino.

 

KA MOI HOU O ITALIA.

 

            Roma, Iulai 30. Ua lawe @ ia Keikialii o Napela i ke kulana nohoalii o Italia, ua hanau ia oia i Novemaba 11, 1869, a ua komo iloko o ka oihana koa i kona mau la opio. Ua mare oia i ke Kamaliiwahine Helena, ke kaikamahine a ke Keikialii Nio@@ o Montenegro. E nohoalii ana ke Keikialii ma ke ano ka Moi Victor Emanuel III.

            M@@z@ Aut 2. Ua hoea mai la ka Moi Victor Emanuel III i anei, a halawai iho la me Kona makuahine Moiwahine Margherita, ma ke kakela. Ua hina aku oia me na leo uwe iloko o kana keiki. Ua kukuli iho ka Moi ma ka aoao o kona makuakane a honi aku la. Mahope iho, ua malama ia he anaina pule maloko o ke keena make, nona, kona makuahine a me kana wahine.

            Roma, Iulai 30. He mau tausani telegarapa hoalohaloha i hoea mai la mai na wahi like ole mai o ke ao nei e hoike mai ana i ko lakou kaumaha no keia kanaka nui i make aku la.

            O na telegarapa mai na taona a pau o Italia e hoike mai ana lakou i ko lakoukaumaha no ka Moi i make. Eia na hae a pau ke hapa nei me ke pani ia o na hale oihana. Ma na pa kaua ua ki ia he 100 pu aloha ma ke awakea, a ma na awa ku mokukaua, ua haawi ia na kipu minute ana.

 

PAKELE KE OLA O KA MOI O PERESIA

 

            Paris, Aug 2. O Mazzaffer Ed Din, ke Sa o Pereisa, i hoea mai i anei no ka makaikai ana i ka hoikeike ma ke ano he malihini kiekie na Farani, ua pakele mahunehune ae kona ola mai ka poka mai a ka powa ma ka hora 9:15 o keia kakahiaka. Oiai oia i haalele aku ai i ka halealii ma ke alahele no ka Seine no ke kau ana maluna o kekahi moku a holo aku no Sevres.    

            He elima minute mamua o kona kipu ia ana ua loaa iho la he leta hooweliweli e hoike aku ana aia kona ola iloko o ke kulana kupilikii.

            Aka, aole nae he mau noonoo i i haawi ia aku nona. I kona wa e noho ana ma ka lanai, ua ikeia mai la he leta i kakau ia ma Napela, aka, i hookomo ia aku nae maloko o ka haleleta o Paris, i kakauinoa ia me kekahi inoa i like me ka inoa Italia. E olelo ana: Ma keia la e halawai ana oe me kekahi hopena i like me Hamebata. Ua paa ka limakoko i ka hopu ia.

 

HE KANAKA POE MA'I NO MOLOKAI.

 

            He kanaha mau ma'i lepera e lawe ia aku ana no ke kahua ma'i o Molokai, ma keia Poakahi aku maluna o ka Lehua, mahope o ka pau ana o ka nana ana a na kauka aupuni. Ma ka huli hoi ana mai a C.B. Reynold mai Hawaii mai, ua hoike mai la oia he hookahi haole ma'i lepera ma Hilo, e lawe ia mai ana i Honolulu nei no ka nana ia ana e na kauka o ke aupuni.