Ke Aloha Aina, Volume VI, Number 40, 6 October 1900 — Page 1

KE ALOHA AINA

HE HOOUKA KAUA MA KINA

HALAWAI HOU NA PAKE

ME NA KOA LAHUI

 

He Mau Haneri ka Nui o na  Po

ino ma ka Aoao o na Koa La

hi ma Keia Hoouka Kaua.

 

            Nu Ioka, Sept. 22.  He lon okuikawa kai loaa mai nei i ka nupepa Journal mai Taku mai, no ka la 20 o Sepatemaba, e hoakaka ana i ka lele kaua ia ana o na Papu o Peitang, penei:

            Ua ike au he 5000 Geremania a me Rusia e lele kaua ana ma na Papu o Peitang, maloko o keia huina he 300 i make. Ua hoomaka ia ka hakaka ana ma ka hora 2 a.m. Ua anai mai na papu me na kipoka hahana ana me ka pololei maluna o ke kahua hoolulu o na Rusia.  Ma ia kakahiaka nui, ua nee aku la na puali koa, a ua halawai mai la lakou me na poka pu raifela a na Pake i pakui ia mai e na po pukuniahi.  Ua uhiia ke kahua me na lua hoopahu, ma ke pahu ana o keia mau maina, ua luku aku lakou he aneane 300 koa.  Ma ka hora 7 ua a ia ka papu e ke ahi, ua hamau ka leo o keia mau papu mai ke kakahiaka mai,a ma keia po i komo aku ai na koa lahui a lawe ae la i ke kulanakauhale poino.

            Taku, Sept 20. He 2000 koa Rusia, 3000 Geremania, 1000 Farani me kekahi puali Auseturia kai lele kaua aau maluna o ka Papu Peitang ma ke kakahiaka.  Ua panai ia mai la me ka hahana e na papu, a ua hoomau ia na kipoka ana a hiki i ke awakea, aka, ma ka hora 10 nae, ua hoomaopopo ia aole he ki mai o na Pake.  Ua hoounaia na koa lahui e huli i ke kumu o ka hamau ana o na kipoka mai ka papu mai a ike ia iho la, ua mahuka mua aku na Pake, ahe ola wale ko kino make o lakou e waiho ana maloko o ka papu.  Ua hoohilahila ka lahui, oiai ua manaoio lakou ua puni keia wahi ia lakou e hiki ole ai i na enemi ke pakele aku, aka, ua mahuka aku la ae he 3000 Pake i ke ao okoa no.  He nui na wahi i poino o ka papu mai na poka pukuniahi a na Rusia.  O na alakai Italia a me Beretania kekhi i iini e komo ma keia hakaka ana, aka, ua apa loa ka hoea ana mai o ko laua mau koa.

 

LUKU WELIWELI IA NA PAKE.

           

            Ladana, Sept 21.  Ua loaa mai he mau hoike i anei, wahi a ka mea kakau o ke Standard ma Moscow, no kekahi luku weliweli i malamaia ma Blagovestichensk, malalo o ke kauoha a na luna aupuni Rusia.

            O ka huina holookoa o na Pke no lakou ka heluna o 5000, ua alakai ia aku lakou no waho o ke taona no kekahi kahua he 5 mile ma ka muliwai @, a ia wa ua mahelehele ia ae la lakou iloko o na haneri a lawe ia aku la no ke kapa muliwai me ke kauoha ia aku e au no kekahi aoao.  Aole he waapa i haawi ia aku, a o ke akea o ka muliwai he hookahi mile.  Ua kiola ia aku na Pake me ke ola no iloko o ka muliwai, a e kipu ia ana i ko lakou wa e kue mai ana.  Aole he hookahi ola i pakele mai, a ua uhi ia ke kapa muliwai no kekahi mau mile me na kino make o na Pake.

 

            He $3,300 a na poe kalena o keia kulanakauhale i hoouna aku la maluna o ka mokuahi Auseteralia no ke kokua ana i na poe pilikia o ke kulanakauhale o Galveston.

            Aole e loaa ka pono koho balota i na malihini, oia ka olelo hooholo a ka Aha Kiekie i haawi mai ai.  Nolaila, o nahooikaika ana a pau a A.V. Gear o ka Aoao Repubalika e loaa ka pono i keia poe ua hoole loa ia mai la.

            Eia ke koi ia nei na paahana o ke Poola e kekahi luna hana (o kekahi Hui Kalepa) o ka Aoao Repubalika, e kakau ia Poola i  ko lakou ma inoa, e hoike ia @ lakou aoao @ Ea oukou, he @

 

HE HOOUKA KAUA HAHANA

 

MAWAENA O NA AMERIKA

ME NA PILIPINE

 

Nui na Ola i Poino ma Keia Hakaka Ana--Oehu Hou ke Kulana ma Manila.

 

            Manila, Sept 19.  I na la ehiku i kaahope ae nei, ua ala hou mai na Pilipine me ka makau ole, o ka oi aku nae me ke alahao e kokoke ana i Manila, a maloko o na apana a Laguna, Monroug, Bulucan Nueva Feija ame Pampang, ua malama ia he hoouka kaua hahana mawaena o kekahi mau mahele o ka regimana 15 a me ka regimana 37, no lakou ka huina he kanaiwa kanaka me ke kahi puali nui hewahewa o na Pilipine no lakou ka nui ma kahi o ke tausani i lako me na puraifela, a e pee ana maloko o na auwaha.

            O ka poino o na Amerika he 12 i make, maloko oia heluna o Kapena David Mitchell a me Lutanela George A. Cooper, no loko o laua o ka regimana 15, he 26 i hoehaia a me 5 i nalowale i manaoia ua make pu no lakou.    

            O kahi nui o na hakaka i ikeia ma na alahao no i ama na kapa o ka muliwai Laguna de Bay. Ua lele kaa aku na Pilipine maluna o na pa kaua a me na wahi ki ai e ae o na Amerika.  Ma kekahi mau manawa ua lele kaua mai lakou maluna o na taona.  O na taona o Guiginto, Polo, Maloles a me Calcoon, ua halawai me keia mau hana.  Ua lele kaua ia aku he puali Amerika e kiai ana i na eke leta ma Cabegio Lake no elua hora, a pela pu hoi me ke taona o Cabugo, ua hoopoino ia ke keena telegarapa malaila. O ke taona o Rosario, ua puhi ia e ua Pilipine i ke ahi a ma kekahi mau wahi, ua okiia na uwea telegarapa ame na alahao.  O na Pilipine i lako @ kaua ua hoea ae la ma ka apana o San Jose, San Mateo a me Nueva Eeja, ua lele kaua ia aku he mau kaa lawe ai malalo o ke kiai ana a 12 mau koa.  Ua puhi ia na kaa i ke ahi a he 5 koa i nalo wale.  Ma na hoike i loaa mai mai Cebu mai, e hai mai ana ia no na hoouka kaua lehulehu i malama ia maluna o na pa kaua Amerika ma kahi kokoke i ke kapitala.

            Manila, Sept 20 O ka lohe pololei no na poino i loaa i na Amerika ma ka hoouka kaua o Simloau ma kela Poakahi aku nei mawaena o kekahi mau puali Pilipine o 1000 a me kekahi mau mahele o ka regimana 15 a me ka regimana 37, e hoike ana ia he 24 i make, a nalowale, ame 19 i hoehaia, mawaena o lakou o Kapena John E. Morgan o ka puali L o ka regimana 37. O ka huina o na Amerika i kona ma keia hakaka ana he 134. O ka poluo o na enemi aole i hoike ia mai.

 

NA LUNA NUI O KE ALAHAO

HILO-KOHALA.

 

            Ma ka noho ana o ka halawai o na poe paa mahele o ke Alahao Hilo a me Kohala ma ke keena W O Kamika ma ka auina la Poakahi nei, ua koho ia iho la keia mau inoa malalo iho nei i mau luna nui penei: HB Getz Peresidena; Samuel Parker, Hope Peresidena Ekahi; W C Asale@ Hope Peresidena Elua; J S Walker, Puuku me Kakauolelo; J W Jones, LUna Hooia.  O keia mau luna ui ae la a me W O Kamika, H A Wilder S E Damon a me F M Swanzy na lala o ka Papa Hooko.

            O ka mana o keia hui, @ no ka hoomoe ana i ke alahao mai Hilo aku a hoe i Mahukona nona ka loihi o 116 mile. Ua manao ia iloko wale no o na pule pokole e pau ai keia wahi i ke ana ia, a oia no ka wa e hoomaka ia ai ka hoomoe ana i ke @

           

            E lawe nui i KE ALOHA AINA i @ mau i na mea hou @