Ke Aloha Aina, Volume VI, Number 40, 6 October 1900 — NA HANA LOKOINO! [ARTICLE]

NA HANA LOKOINO!

E na Hawaii, e lohe oukou i na hana @ [apau akea? apakee?] a kekahi o na alakai o ka Aoao Home Rula, oia keia: I ka huakai a Kalauokalani, Kaulia a me Wilikoki ma ke kaapuni ana i ka Mokupuni o Hawaii, ua hoea ae la keia paakolu me ke alakai wahine o ka Aoao Home Rula ma Kona Akau, ua aie ia aku hoi kekahi mau dala he $100 mai a Kupaka mai, me ka olelo ia aku e hookaa ia aku ana ke hiki mai keia mau poe alakai kalaiaina ma Honolulu. Ua olelo ia na kekahi o na kuhikuhi puuone a kalaiaina wahine, a ua haawi ia mai, me ka ae ia e hookaa ia aku ana, aka, a hiki i keia la aole i hookaa ia, a eia keia hapauea ke kanikau nei i ka haneri dala @ [ana?] i @ hele ia e na alakai a ka Aoao Home Rula, pela mai ko makou lohe. Nui no na hana kolohe. Ua lohe pu mai makou, ua loaa na

$25 o keia mau dala ia Kaulia a he $25 ia Kalauokalani, a o ke koena ia Wilikoki a i ole i kana puuku a alakai kalaiaina o keia mau la. E ole keia mau dala hoaie, penei ke noho la no o Kaulia i Kailua. Aloha no.