Ke Aloha Aina, Volume VII, Number 3, 19 January 1901 — Page 7

KE ALOHA AINA

POAONO, IANUARI 12, 1901

 

HE HAOLE HOOLE WAIONA.

 

Eia ke malamaia nei maloko o kaluakini haole o Kaukeano Hou, he halawai e Mr. Murphy no na kanaka a pau e hoolilo nei i ka lako mau dala no ka wai hoomalule kin@.  Mamuli o ka ikaika o kana haole e haawi mau ana no ka paino o na pae e hah@ nei ma ke a alahele o ka puni wai na, ka pololi o ka ohana a me na pilikia e ae he nui e hahai mai ana ma ka mehea o kakanaka ona rama.  Ua nui na poe o keia kulanakauhale i huli aku i aina mau alakai ana me ke kakau aku i ko lakou mau inoa, aole e l@ lau hou i ke kiaha hoowalewale o ka waiona a hoopa ae ma ko lako mau lehelehe.

No ka hooiaio ana i ka lakou mau olelo eia lakou ke kau mai nei i na i na ribini bolu o ka hoole waiona.  Ena pu keia haole ke hele nei e haiolelo ma kahi hana o na kanaka no @ hoike ana i ke alahele e loaa ai ia lakou o ka noho ana maluhia a no ke ulakolako.

 

AOLE E POWA HOU IA ANA.

 

Nu Ioka, Jan. 1.  O Emma Gould kekahi o na anakia, e kaahe’e aku ana oia i k@ia@mokuaina no ka haiolelo ana no na mea piha anakia.  O kona huli hoi ana mai la no ia mai Parisa mai, kahi ana i komo @u aku ai ma ka aha kuka a na anakia mai na wahi like ole mai o ka honua nei.  Aole he mea a hiki ke hoomaopopo aku oia kekahi mea omokoko.  He wahine pahaa oia nona ke kiekie he 5 kapuai 2 iniha, aka, e lele ana nae kona onohi maka i ka wa e kamailio ai no na anakia.

Ua olelo ae o Miss Gould ma ka halawai ana a na anakia i malamaia ma Parisa ua hooholo ia aole e powa hou ia ke ola o na moi, a i ole o na poo kalaunu e ae.  Oiai, aohe mau kumuhana waiwai i loaa mai.

O ka powa ia ana o ke ola o ka moi Humebata, aole ia na ka hookonokono ana aku a na anakia, aka, ma ko Gaetano Bresci manao wale iho no.  He manaoio ko Bresci ao e ka moi Humebata i hana aku i na Italia elike a e kana i ike ai he pono, nolaila, na lawelawe ae la oia i ke a kumuhana iloko o kona poholima  @ ma ponoi.  Aole makou i apono @ka i keia powa ana, a aoale pu hoi i nana aku me na manao hauoli.

 

NA UKALI O KE ZA.

 

O na ukali o ke Za Rusia oia kahi no ia e 173, maloko oia heluna he 15 he mau alii no loko o ka ohana Imeperiela.  17 keikialii aole nae he koko imeperiela, 17 kauna, 9 barona, a o ke koena iho he 15 o loko oia heluna he mau kanaka kiekie no ke kulana haahaa.  He 128 wale no o lakou he mau Rusia, a o ke koena iho he poe Geremania, Finns, Circhssians, Belene ame Roumania.

 

He nui na poe kauoha nupepa e loaa mau nei ia makou.

E hoea mai ana ka moku lawekoa Grant i keia Poakolu ae a i o’e i ka Poaha aku ma ke a’a hele no Manila mai Kapalakiko mai.

He ehiku kane a me hookahi wahine i hopu ia mai nei ma Nu Ioko, ma ka la 5 o Ianuari, no ka hana ana i kekahi mau hapaha apuka o ka 1900.

O ke Gaelic ka mokuahi e hoea mai ana i keia Poakolu iho me na lono makamaka hou mai na aina mamao mai, a o ka Zealandia aku i ka Poalima.

Eia he luina mahuka o ka Iroquois ke hoopaahao ia nei no ke @ ana no kona hookolokolo kanawai koa ia aku, mamuli o ke nui ole o na aliikoa o ka oihana kaua moana Amerika, nolaila, ua hoopanee ia ka hoolohe ia ana o kona hihia a hiki i ka wa e hoea mai ai o ka moku hau@ipila Solace.

 

O KE ALANUI MOIWAHINE AIA PAHA IA MAWAHO O KOU

alahele, aka, mai poina nae i ke kipa i ka Halekui Lako Aahu o

 

L. B. KERR & CO. Limited.

 

He poe kuai nui makou i na waiwai, nolaila, ua loaa la makou ma ke kumukuai emi loa, a oia hoi ka makou e panee aku nei i na waiwai ma ke kumukui i hiki ole ke hoohalike ia mai.

 

OGANDI             15c, 20c, 25c, 30c, 35c o ka i.a.

DIMITI                8⅓, 10c, 12½c, 15c, 17½ 1.2c, 20c, 25c o ka i.a.

CHALIS              25c, 30c, 35c, 40c o ka i.a.

KINAMU            8⅓c, 10c, 12½c, 15c, 17½c, 20c, 25c o ka ia.

ZEPHYRS           10c, 12½c, 15c, 20 o ka ia.

LAWNS                      5c, 6c, 7c, 8⅓c, 10c, 12½c, 15c, 20c o ka ia.

FALANELA               7c, 8⅓c, 10c, 12⅓c, 15c, 20c, 25c, 30cs, 40c, 50c, o ka ia

 

I na he makemake ko oukou i na Lako Lilina e kipa mai, eia pu me makou heluna waiwai nui o na ano like ole na HALII MOE, ULUNA, HULUHULU MOE, PAKU MAKIKA.  KIHEI PUU.

NA PALULE WAHINE o na Wahooluu like ole, na Paikini Hou, he 700 kakini eia ke hooliloia nei me ike emi loa.

NA PAPALE SELA he nui na ano like ole, e hooko ia no na kauoha me ka ulolohi ole.

NA RIBINE iloko o na Waiholuu like ole he nui wale.

E KIPA MAI A E WAE NOU IHO MAMUA O KA HELE I KAHI OKOA.

 

L. B. KERR & COMPANY LIMITED.

ALANUI MOIWAHINE.