Ke Aloha Aina, Volume VII, Number 23, 8 June 1901 — Page 3

KE ALOHA AINA

 

POAONO,  IUNE 8, 1901.   3

 

Nuhou Kuwaho.

 

PAU KE KULANA KEIKIALII.

 Berlin, Nui 25.  O Bernhardt o Saxe-Weimar, malalo o na kanawai alii ua kipaku ia aku oia me kana wahine e haalele iho ia Geremania no Amerika Huipuia ua ae aku la oia e haalele i kona kulana Keikialii a me ke kuleana i ka nohoalii.  Ma ka noonoo ana o ke Duke Kiekie o Saxe-Weimar i kaua hana pono e lawelawe aku ai ua hookau aku la oia i ka inoa Kauna a me Kauna Wahine o Crayenburg maluna o laua.

E AE IA AKU ANA E KIPA AKU I AMERIKA.

 Nu Ioka, Mei 25.  He lono kuikawa kai loaa mai la i ka nupepa Tribune mai Wasitona mai e olelo ana:  Me he mea la, e hoea mai ana o Aguinaldo i Amerika Huipuia nei, ma keia kau haule lau aku, a e hoohala ana hoi i ke kau hooilo ma Wasinetona.  O keia mau hoike ua hoea aku ia i ke Keena Kaua ma ka leta mai Manila aku.  Ua hoike aku o Aguinaldo ia Kenerala McArthur o kona iini nui e kipa aku i Amerika Huipuia no ka nana ana no ia i na lawelawe kanawai ana malaila a me ka huipu, ana aku me na kanaka kalaiaina malaila, a he mau kokua nui hoi ia i kona lahui ma keia mua aku.  Aole he kue i ike ia iwaena o na luna aupuni Amerika ma Manila a ua hoike mai lakou i na manao kokua no keia kumuhana.

HOONAUEUE OLAI MA ITALIA.

 Turin, Mei 25.  He hoonaueue olai kai ike ia maanei, ma ka hora 6 o keia kakahiaka.  He uuku loa na poino i ike ia, aka, ua piha nae ka lahuikanaka me ka weliweli.

 Madrida, Mei 25,  Ua ike ia he hoonaueue olai ma Malaga. He nui na hale i hoopoino ia me ka nui o ka pihoihoi i ike iaiwaena o ka lahui.  O ka ino a me ka waikahe ma Puebla de Alcocor ua hoopoino aku oia he lehulehu wale o ua ola.  Ma Motrel, he nui na hale i hoopoino ia a ua nui pu hoi ka pihoihoi i ike ia iwaena o ka lahui.

HALAWAI ME KA ULIA POINO.

 Kikako, Mei 29.  He lono kuikawa kai loaa mai nei i ka Tribune mai Boomville, Mo., e olelo ana:

 He elua mau kanaka i weluwelu liilii, he wahi moku uuku kai nahaha liilii, ekolu hale i hoohiolo ia, a he nui na hale e ae i halawai me na poino like ole, he moku lawe ohua kekahi i hoopoino ia, a o na poho a pau ua manaoia e hoea aku no ia maluna o kekahi mau tausani dala.

 O keia poino i hoea mai ai maluna no ia o ka moku halihali ukaua Laurine o ka Muliwai Misouri, mawaho koke aku o keia kulanahauhale.  E lawe ana ua wahi moku ia o 48 tona, he elua 2,100 paona dainamita, he mau pahu paua@, 1,000 kukaepele a me ewalu pahu uwiki.  He enekini ea ko ua wahi moku nei, a i ka wa i hoa ia aku ai kahi e hooholo ia ai ka enekini ua holapu koke aku la ke ahi i ua wahi moku la.  Ua pau aku na luina i ka mahuka a koe elua, a o laua hoi kai halawai me ka poino weliweli i ka wa i hoea ai ke ahi i ka pahu aila a me kahi o na mea hoopahu e waiho ana.  Ua hoopoino ia na hale no hookahi mile ka mamao.

 HAALELE O PERISIDENA MAKINILE IA KAPALAKIKO.

 Kapalakiko, Mei 26.  Ma ka hora 10 o ke kakahiaka o nehinei i haalele iho ai ka Peresidena i ke kulanakauhale o Kapalakiko nei no ka Hikina.  Mai kahi noho mai o Scott a hiki i kahi hoolulu o ka moku ohua, ua hoopihaia na alanui me na tausani kanaka, e haawi ana i na aloha kiani hainaka ana.  Aole hoi he mau leo huro i haawi ia.

 Mai ka hale hoolulu o na moku lawe ohua i kau aku ai ka huakai Peresidena maluna o ka moku no Okalana.  Ua laina ae na koa maluna o na mokukana e ku ana ma ke alahele o ka moku o ka Peresidena aka, ua hamau nae ka waha o na pukuniahi.  A ua lawelawe ia na hana me ka maluhia i wahi e hoopilikia ole ia ai o Mrs Makinile.

 Sakalemeto, Mei 25.  Mahope o ka haalele ana aku o ke kaaahi o ka Peresidena, ua kaalo ae oia ma na wahi hoolulu i piha me na kanaka, a ua ku iki ke kaaahi ma kekahi mau wahi hoolulu uo ka lulu lima ana o ka Peresidena me na kanaka.

NA HOIKE MAI PILIPINE.

 Manila, Mei 21.  Ua lele kaua aku na Pilipine maluna o kahi kauhale o M@arlan, ma ka apana o Laguna.  Ua make he hookahi koa Amerika o ka regimana ewalu ma keia hakaka ana.  O ka hoike pili aupuni i hoopuka ia no ka ulele hakaka i malama ia ma kahi kokoke i Pasacoa, ma ka apana o South Camarine, e hoike ana ia, he ekolu koa Amerika i make a me hookahi kamaaina i lawe pio ia e na Pilipine.

O KENERALA MALVAR KE PANI O AGUINALDO.

 Nu Ioka, Mei 21,  He hoike kuikawa kai loaa mai i ka nupepa La mai Manila mai, e olelo ana:  Ua hoile ia mai la ua lawe ae la o Kenerala Malvar i ke kulana alakai no na Pilipine ma kahi o Aguinaldo i paa pio.  Ua olelo ia ae e hoakoakoa hou aku oia i na puali i kau hihi o na Pilipine no lakou ka huina he 1800 ma Batangas, T@yabas, Laguna a me Mindoro, a e noho hoomalu ia ana keia puali kaua hou o na Pilipine e eha kenerala.

 Ua olelo ae ke alakai o na Pilipine e hoomau aku ana no oia i kahakaha ana me na Amerika.  Ua hoomaopopo ia e hoouna ia aku ana he pualikoa nui o ua Amerika no ka hopu@ pio ana iaia a me kona mau kanaka.

 NA HOIKE MAI AFERIKA HEMA MAI.

 Cape Town, Mei 24.  Aia he nee papa ana o na koa Beritania malalo o Kenerala Bindon Biord@ ma Trans vaal Hikina noka hoopuehu ana i na Boa.  Aia o Alakai Viljoen ke hoao la e pakele ma ka akau, aka ua holopono oie nae ia.  O ka nee ana o na kolamu o Kenerala Blood ua@ halawai mai ia me na kue liilii ana o ua Boa.  He hookahi wale no a @a Boa wahi i ku loihi mai ai e hakaka ma kahi kokoke no ia i Dalmautha, kahi a Alakai Carolina i hoao ai e kue i na Beritania me ka hahana i wahi e pakele ai ko lakou mau kaa ukana a me na bipi.  Ua kokoke no hoi e lilo pio ke kulana o na Boa ua auhee aku la lakou.

 Pretoria, Mei 24.  O na pualikoa hopuhopu holoholona i hoala ia ae e Konela Morgan ua huli hoi mai nei ia i Pretoria mai Wolvenhock.  He nui na manawa o lakou i halawai ai me na Boa, aka, ma o ko lakou eleu i na hoonee kaua ana, ua puka mai lakou mawaho o ka laina o na Boa me 40,000 hipa a me 4000 bipi.  He ehiku ka nui o na Boa i make ma keia mau hakaka ana.

 Bloemfontein, Mei 24.  Ua hoike ia mai ia ua hoohikilele aku ka puali Sekotia Highland i ke kiekiena a na Boa e hoomoana ana ma ka apana o Brandfort ma ka la inehinei.  Ua olelo ia ua hoauhee ia aku na enemi, a he 12 i make, 13 i hoeha ia a me 12 i hopu pio ia o na Boa.

LA HEIHEI O NA MOKU KIAKAHI.

 Nu Ioka, Mei 27.  Ua telegarapa aku la ka hui moku heihei Royal Uulster Yacht Club o Enelani i ka hui moku kiakahi o Nu Ioka, e hoike aku ana o ka la 21 o Sepatemaba oia ka la e malama ia ai o ka heihei moku kiakahi no ka hanohano o ke kiaha a Amerika a paa nei.

 Aole i maopopo ka moku Amerika e hookomo ia aku ana ma keia heihei nui, aka, me he mea ia nae, o ka moku kiakahi i kapili ia mai nei o Thomas Lawson, nona ka inoa o Independence ke wae ia ana no keia heihei.

LOAA KE KINO MAKE O KEKAHI ANAKIA.

 Nu Ioka, Mei 27.  He hoike kuikawa kai loaa mai nei i ka nupepa La@ mai Berlin mai, e hoike mai ana.  Ua loaa mai la i ka nupepe Geremania Lokal Anzeiger he hoike mai Budapest mai, e olelo ana.  Ua loaa aku la iloko o ka muliwai Danube e kokoke ana i ke kulanakauhale, ke kino make o kekahi kanaka i kaumaha ne na kaulahao i hoopaa ia aku iaia.  O ka manao io o na makai o keia kino make oia no o Romangoli,  ke kanaka anakia i olelo ia ua hoouna ia mai ia mai Amerika mai no ka powa ana i ke ola o Emepera Uilama.  Ua hoike ia aku ka lohe i na makai o Europa a me Amerika no keia kino kanaka i ike ia.  Ua koho wale ia ua pepehi ma @u ia oia mamuli o ka hiki ole ana iaia ke hooko aku i ke kauoha i haawi ia aku iaia.

 

 HOPENA O NA MANAO PAONIONI O KEKAHI MAU SENATOA.

 

 Columb@a, Mei 25.  O ka hopena o kekahi mau hoopaapaa ikaika i malama ia mawaena o na Senatoa Amerika B. F. Tillman a me John L. McLaurin i keia ia ma G@ffney, ua hooholo laua e hoihoi aku i ko lana mau hookohu Senatoa la Kiaaina McSweeney a e hooko ia aku ana ia ma ka la 15 o Novemaba.  O keia haalele ana o laua no ka manao ana no ia e hele hou aku imua o na kanaka o keia mokuaina e haiolelo koho balola, a e malama hou ia hoi he koho balota mawaena o laua.

 O Tillman ua koho hou ia oia ma kela makahiki aku nei i Senatoa eono makahiki, a o Senatoa McLaurin, he elua ona makahiki i koe e paa ai i kona kulana Senatoa.  Ina e puka ana o Tillman ma keia koho balota ana e nele ana o Senatoa McLaurin me kona kulana maloko o ka Aha Senate o Amerika Huipuia aka hoi, i puka o McLaurin e lilo ana iaia ka noho eono makahiki o Senatoa Tillman.

 Malalo o ke kulana koho balota maanei, na ke Komite Mana Hooko Demokalaka e hoomakaukau na wahi haiolelo, a e hele ana hoi kela a me keia moho e haiolelo maloko o na okana aina he kanaka o keia mokuaina.

 Atalanta, Mei 25.  He hoike kuikawa kai loaa mai nei i ka nupepa Constitution mai Gaffney mai, e olelo ana:  I ka wa i ninau ia aku ai o Senatoa McLaurin no kona haalele ana, ua olelo ae oia.  Ua lawelawe o Tillman i kekahi hana poholalo a'u e kapa nei.  O ka'u e makemake nei e loaa ia maua he paio laula a me ka hoopono maluna o na kumuhana i kulike ole ai ko maua manao.  O ka'u e manaolaua nei e ku kaawale aku na mea a pau mai ke komo nu ana mai me maua ma keia aumeume no ke kulana Senatoa, i hiki ai ia'u ke halawai aku me Tillman he alo a he alo a paio aku no ka mea e lanakila ana.

 

NA LIO NO AFERIKA HEMA.

 

 Mawaena o Okatoba 1899 a me Feberuari 1901, aoie i emi malalo iho o 111,232 lio i kuai ia ma Europa, Beritania Nui, Auseteralia, Canada a me Amerika Huipuia no na pualikoa ma Aferika Hema.  Mai Amerika Huipuia aku he 35,775 lio wahine a me lio kane i poa ia a me 3,627 lio kane i poa oie ia.  Mai na aupuni e ae hoi ua hoolako@ aku lakoa he 36,314 lio wahine a me lio kane i poa ia a me 35,516 lio kane i poa ole ia.  O na lio ikaika i@ke ia o ko Irelani no ia, a mahope aku o lakou ko Amerika Huipuia me ko Canada mau ho.--Nu Ioka Press.