Ke Aloha Aina, Volume VII, Number 36, 7 September 1901 — Page 2

KE ALOHA AINA

 

 

HONOLULU             SEPT. 7, 1901

 

HE AU HOOMANAO LA HANAU HOU NO O KA MAHINA O AUGATE.

 

            Ma ka pepa o ke pule i hala @@ nee aku makou i ka helu papa i na la hanau i hoomanao ia o ka mahina o Augate. Ke kuhi nei laila aku la no la pau eia ka a@@e.

            Ma ke ahiahi poakolu, Augate 28, hora 7 pm., ua hoomanao ae ko makou hoaloha o ka makape@@ Mr. F. J. Testai ka la hanau o kana moopuna, Amalia Augusta Kaea-makie Winston. He kakaikahi no na hoaloha i honoia, aka he nui no nae na mea ai i hoomakaukauia, a na ai na mea a pau a lewa, Malaila pu ae ka Lunakanawai A. N. Kepoikai o ke Konusina Pauahi kahi i haohanohano ai ia papaaina a me kahi mau hoaloha e ae.

            Ma ka Paha, Augate 29, na haawai ae o kona mau makahiki i ke 59. Malaila ae na @@@ ka Moiwahine Liliuokalani a me ke Keikialii Kawananakoa kahi i hoohanohano ai i ka la hanai o na kanaka  ;ia o lana, a me ka Elele R. W. Wilikoki, Mrs. Haalelea a me ka lehulehu o na hoaloha e ae i konoia. He papaalua i luhiehu i na ono like ole a ka Hawaii e hoohialaai ai a iawa ka ono a ka puu moniai e inu ai hoi a kena, ka ua mau hoaloha puuwai hamama nei o ka makani o ka lau niu o Kapalama i pahola mai ai imua o na 'lii a me ka lehulehu i hiki aku. Ua hoonaneiaia na 'lii a me ka lehulehu e na poe hea inoa o ke alii, olioli, hula uliuli, a hiki wale i ka wa a ke alii i eu ai e hoi, a hookuuia na lealea oia la iloko o ka hauoli, me ka ahawi pu ana aku o na mea a pau i na hoomaikai i ka mea nona ka la, e hooloihi ia a loaa iaia he mau makahiki hou aku, No kana Lede Mele Olo, ka haku wahine piha hauoli o ka home kekahi mahalo nui ia. E ola ka Mea Hanohano Uilama Olo a kolopupu, a haumakaiole, a kau i ka pua naeane, o ke ola ia a ke Akua.

 

HEIHEI LIO MA HILO.

 

            E malama ia ana he mau lealea heihei lio ma ke kahua heihei Hoolulu Paka ma ka La Karisimaka a me Hape Nuia ae nei. Aia na keiki o ka Ua Kanilehua ke hoolala ia i na lealea oia mau la, a ua manao ia e holo hou aku ana ko Honolulu nei mau lio heihei no ia wahi no ke aumeume pu ana i ka lanakila o ia mau la lealaea me ko Hilo mau lio kaeaea.

 

NA KE ALOHA I KONO MAI IAIA E HOOKO I KE KARAIMA ELEELE.

 

            Ua loaa aku ma loko o ka rumi o na kino make o Kealohapauole a me Mrs. Maria Kalamakee e waiho ana he palapala i kakau ia e Kealohopauole ma ka la 29 o Augate, e hoike ana hoi i ke kumu o kona lawelawe ana i keia karaima pepehikanaka weliweli maluna o Mrs. Kalamakee a me kona ola pu oia no ke aloha kulipolipo e hana mao ale ana iloko ona no keia wahine. He nui na manawa a laua i hooholo ai e mare, aka, i ka wa nae e hoea mai ai o ka la a laua i hooholo ai no ka hoolilo ana ia laua i hookahi pana ana a ka puuwai e loli hou ae ana ka manao o kana aloha, a mamuli oia mau kumu a me ke aloha ikaika iloko ona no Maria Kalamakee ua aa iho la oia e hooko i keia hana weliweli.. E a'o pu ana hoi ua palapala ia i na wahine mai hoao e haawi i na aloha hoopunipuni ana i na kane, no ka mea, he poino no ke ukali mai ana mahope o na wahine e hoomau ana ma ia hana.

 

HOAO IA E POWA MA KE ALANUI.

 

            Ke loaa mau mai nei na hoike mai na wahi like ole no ka nui o na hana lapuwale a na Porto Rico i hookomo ia mai nei ma ke ano limahana. Ua haalele aku kekahi poe i ka hana ma na mahiko a i ko lakou ike ana i ka nele na komo aihua aku lakou ma na kauhale, ma ka makilo ana ma kekahi manawa a me ka hoao maoli ana e powa i ke ola i kahi manawa. He mau hoike kai loaa mai nei mai Hilo mai na hoao ae he eha mau Porto Rico e powa i kekahi kalaiwa kaapio ma ke alanui Lua Pele ma kahi he ekolu mile mai ke kulanakauhale aku o Hilo ma kekahi po o kela pule aku nei. he pake keia kalaiwa a i kona hoea ana ma kahi i hoike ia ae la me kona kaa ua paa mai la ka lio i ke hopu ia e keia mau Porto Rico, a noi koke mai la e haaawi aku oia i kana mau dala maloko o kona pakeke.

            Ua haalele koke iho ka pake i ke kaa a holo aku la no na hale e ku kokoke ana malaila a telepona aku la i ka oihana makai. Ua hoouna koke ia aku na makai  a loaa aku la na Porto Rico ma ke alanui ua hopu koke ia aku lakou he hookahi o lakou i loaa aku me ka pahi. Lapuwale ke hana a na Porto Rico.

 

            E lawe nui i KE AOHA AINA i ike mau i na mea hou o keia mau la e nee nei.

 

AIA ILOKO O KE KULANA PILIKIA

 

            Kikako, Augate 25. Eia o Lunakanawai Abram S. Humepera o Hawaii ke waiho @@ i loko o ke kulana kupili@ii lo@ ma kekahi haukipila o Kikako nei. E hoi ana oia no Hawaii mai Wasinetona, kahi ana i hele aku ai no ka pane ana i na kumu hoopii kue i hana ia nona, a malaila i loaa ai oia i ka ma'i. O na manao kaumaha o na mahina i hale ae nei kekaho mea nana i hoonawaliwali aku i kona ola, a ma ke kaha wale no e hiki ai ke loaa ka maha, aka, na hopohopoia no nae e hoea mai ana he hopena poino. O ka lawelawe ia ana o keia hana kaha ma kekahi manawa no o keia pule.

 

MAKA'U NA AMERIKA I KA PILI ANA MAHOPE O KE CONSTITUTION.

 

            Nu Ioka, Aug. 24. Eia na poe pili dala akamai ke nana akahele nei i ka heihei moku lahui nui e hoea mai ana, a o kekahi poe o lakou i ike nui ia e ka honua nei eia lakou ke haawi nei i ko lakou hilinai ana maluna o ka Shamrock II.

            Ua olelo ae kekahi kanaka kuonoono na hoowahawaha na poe puni lealea Amerika ma na hoao ia ana o ka moku heihei Constitution. ua olelo ia ae ua hana aku la he kanaka Kikako i ka pili he $100 i ke $50 na ka Shamrock II ka lanakila o ka heihei.

            Ladana, Aug. 24. He komisina no na hui lealea maanei kai holo aku la no NU Ioka me ka lawe pu ana aku he £30,000 no ka pili ana mahope o ka Shamrock.

            Oyster Bay, Aug. 22. Ua haalele hou ia aku la e ke Columbia ka moku heihei Constitution ma ko laua holo heihei ana i keia la. O ka manawa pololei i liaule ai ke Constitution he 2 minute, 57 sekona. Ma keia Poaono iho e malama ia ai ka hoao holo heihei hope loa mawaena o laua ina Nu Pota.

 

HOOLAA LUAKINI.

 

I ka nupepa KE ALOHA AINA,

Aloha oe:--

            E oluolu mai i kekahi o kou mau kolamu, e hookomo iho i kela mau hua e kau ae la.

            E hoolaa ia ana ka luakini hou o Haena ma ka apana o Hanalei, Mokupuni o Kauai, ke hiki aku i ka la 20 Okatoba, ma ka hora 10 o ke kakahiaka, Ma ia la no ma ka hora 1:30 o ka auina la o malama pu ia ai ka HOike Hui o na Kula Sabati o ka Mokupuni o Kauai maloko no o ua luakini nei.

            He paipai ia aku nei ka poe kuleana i na hana oia la, e liuliu! e makaukau!! e hele mai e ike i ka u-ina o ka wai o na Molokama, a e honi i ke ala o na pua hala o Naueikekai.

                        SAM. M. KAILI,

            Komite Nui.

Hanalei, Augate 30, 1901.

 

HOU PAHI MA KAKAAKO.

 

            Ua lawelawe ia ae he hana hou pahi makai o Kakaako ma ka hora 10 o ka po POakahi nei: e kekahi paele nona ka inoa o Alika Dunean maluna o kekahi kauaka nona ka inoa o Huihui. Eia o Huihui ke waiho nei ma ka haukipila me kekahi paiapu kukonukonu loa ma kona aoao, a o Dunean hoi eia oia ke paa nei ma ka halewai no ke kali ana i ke kulana o ke kanaka ana i hou ai i ka pahi. O ke kumu o keia hou pahi i hoea mai ai aole loa he mea i maopopo. Aka, ma ka Duncan olelo, oiai, oia e hele ana me ka maikai ua kui ia mai oia e keia Huihui, nolaila, ua unuhi ae la oia i kana pahi a pahu aku la iaia. Ua loaa aku ma ka poli o na paele ia he elua pahi, he hookahi pahi nui ame hookahi pahi nuku.

 

            He hoolaha hoopaa moraki ka James berry a makou e hoopuka aku nei.

            Ua manao ia ma ka mahina o Okatoba ae nei e hoes loa mai ai ke Keikialii Kalanianaole me kana lede i ke one hanau nei mai ka laua huakai kaapuni honua mai.

 

HUI HAWAIIAN REALTY A ME MATURITY KAUPALENAIA.

 

HUINA KUMU, $50, 000.000

500 Mahele, $10 Pakahi Uku Pihaia

 

            Na Lunanui:-- L. K. Kenewela-- Peresidena, W. J. Robinson--Hope Peresidena L. Ahlo--Puuku, P. H. Burnette--Kakauolelo.

            Ke haawi aku nei ka Hawaiian Realty a me MAturity kaupalenaia i ka lehulehu i kekahi hana maikai loa no ka malamalama ana a hoouluulu ana hoi i na wahi kenikeni i kela a me keia mahina. E kukulu no makou i hale nou a hoopuka: i $200 ina kou inoa, a haawi aku makou ia oukou i 75 mahina e uku mai ai i keia mau dala me ka loau pu aku o kekahi mau palapala no lakou ka waiwai pakahi he $50, ua like ia me 19 mahina e uku ia ai o ka pepa hookahi, ala iia, kaa keia mau dala. He elua wale no au dala e uku ai i kela a me keia mahina a i ka pau ana o 75 mahina ua ukuia e oe he $150, oiai no nae, he $200 i loaa aku ia oi.

            He 45 apana aina i kupono no ke kukulu hale a makou i keia manawa.

            No na mea aku i koe e hele ae i ko makou keena.

HUI HAWAIIAN REALTY A ME MATURITTY KAUPALENAIA.

            Maluna ae o Kakela a me Kue .

                        Alanui Moi.

            Aia kekahi keena o makou ma Hilo. O M. E. Silva ko makou Agena.