Ke Aloha Aina, Volume VII, Number 50, 14 December 1901 — Page 4
| This text was transcribed by: | Rosemary Mccune |
| This work is dedicated to: | Kaelene Puanani Ahu Rey |
KE ALOHA AINA, POAONO, DEKEMABA 14, 1901.
=========================================
[lots of partial and upside-down letters]
Ke Aloha Aina.
Hookumuia no ka Pomaikai o ka Lehulehu, a he Nupepa na ka Lahui Hawaii.
========================
EDWARD L. LIKE,
Lunahooponopono.
JOSEPH K. LIKE.
Luna Hoopuka
ALEX NAWAHI.
Luna Hoohana.
EMMA A. NAWAHI.
Puuku o KE ALOHA AINA.
------------------------------------
PUKA PULE.
E hoopu ka ia ana ma na kakahiaka i o@ono a pau.
------------------------------------
No ka Makahiki . . . . . . . . . . . . . . . . . . $2.00
No ka Eono Mahina . . . . . . . . . . . . . . . $1.00
No ke Kope Hookahi . . . . . . . . . . . . . . 05
-----------------------------------
KEENA HANA.
Ma alanui Moi, Leleo, Helu 370, Kokoke ma ka Hale Hoolulu Kaaahi. Pahu Leta 513.
==========================
HONOLULU . . . . . DEC. 14, 1901
==========================
KE olelo mau nei makou; aole he hoi a nui na ka Elele e hooikaika mai ai @ Amerika i ka pa o ana iloko o ka Hale Ahaolelo i loaa i na Hawaii na apana aina hookuonoono haawi wale. Ua ike ia no e na poe naauao a pau e haawi wale mai ana no o Amerika ia pono i na kanaka Hawaii, "poe makaainana ko lakou olelo ana i keia wa," na poe ilihune aina ole. Aole hoi e loaa wale i na poe kuonoono he mau apana aina ponoi ko lakou; aole hoi e loaa wale i a Pake a me na Kepani i noho loihi i Hawaii nei, aka, i na nae he wahi haole olulo pae hewa a moe a la no Amerika ke hakake mai ana i Hawaii nei, a loaa koke ana ka aina ia wahi aeahaukae mamua o kahi poe lahui e ae.
-------
E HOOMAOPOPOIA, ma kekahi mau olelo o ka haiolelo wehe Ahaolelo mai la a ka Peresidena hou o Amerika. O ka manao maoli oia keia; O ko lakou imi nui no Hawaii nei e hoopiha ia ka aina me na poe haole wale no, a o lakou na poe kupono no ka mahi a no ka hookuonoono ana i ka aina; aole
hoi o lakou make make e ike mai e lilo ana ka mahi ana o kahi mau mahele aina nui i ua poe limahana emi (oia na poe Asia.) Nolaila, he mea nui keia na kakou e na Hawaii e noonoo ai, a he hana pono hoi na kela a me keia e lalau na lima i ka honua a mahi aku, no ka mea, na ka poe mikiala hana wale no auanei e ohi ana na pomaikai o keia mua aku. Pehea hoi kakou na kamaaina ponoi o ka aina; mai hoopalaleha i na hana maikai e pono ai ka noho ana me ka ohana. Ina aku ka haole la a umu aloaloa mai ia Hawaii nei. Hana io ka haole ia Niihau.
---o---o---
E alawa ae i ka mako ma hoolaha halekuai.
===============
HE HOOKEEKEE MAOLI NO KEIA E NOKE MAI NEI.
-----
Ua lilo ko makou kakoo ole ana iho la i kahi moho o ke koho kuikawa o Hilo, i mea na ka Lunahooponopono holokee o ke Kuokoa Home Rula hookeekee loa mai nei; o koianei manao paha e hoolilo ia makou i Ekake hoounauna lawe ukana nona, e ole io ka hoi: A o no ka oe e hana i kou hoihoi. Nau me ka Home Rula Repubalika a me ka Repubalika e hooikaika iho ka olua mau moho, na aoao kalaiaina i noho iho la iloko o ka Ahaolelo i puka mai ai ke kanaka pani oia noho i hakahaka, a ina no ka hea hou ia i Ahaolelo Kuikawa e like me na moeuhane paiaualelo a oukou e hoomoemoe a mai nei, heaha auanei, o ka pono hoi paha ia i hiki ke hoopau ia na koe@ h@ ia a kela mau aoao i hana ai a hapa pu e waiho popo pulu mai nei kekahi m@ bila waiwai ma koono, ka mea a ka apaoe o oukou i hoopalaleha wale ai, lilo ma na bila polihuku e hoopapau ai a pau ka maawa o ka Ahaolelo.
Aohe i hunahuna iho KE ALOHA AINA, aka, ua hoike kahiko aku i kona manao ma kekahi o kona mau helu mua i hala, e kakoo ana i ka kekahi mau makamaka mai Hilo mai. E nana ma KE ALOHA AINA, o Nov 9, helu 45, aoao 4, a e ike no oe malaila i kekahi manao no ka mea pili i keia koho balota, nona ke poo e kau ana maluna a e heluhelu ia penei:
KELA KOHO BALOTA KUIKAWA O HILO, AOLE I LILO I MEA MANAO NI IA E KAHI PEO O LAILA.
A ike pono iho ie i ko makou manao malaila; na oukou no e hoopapau keia i ku hou ka puu o dala a oukou. Ei ae ka makou koho balota manao nui o ko 1902, ilaila ae oe e pai ai i kou oolea, a pela no hoi makou. Heaha ko ka lanui pomaikai nui i keia koho balota waiwai ole, no oukou ia pomaikai. Ua makemake oinei na makou e kakoo i moho nana, i puka ae a holeo mai i anei na lakou nei ka hookohukohu ana e hoalakai hewa. Eia kahi olelo naauao a na Lunahooponopono nei penei: "Ina ka e ole ana o Joseph Nawahi ka mea nana i kukulu ua nupepa nei, ina ka na apo mua aku oia, a alakai i ka lahui eia ka moho, a hooikaika me ke kalai aku i na kumuhana a me na manao alakai e koho ai ka lahui i ua moho nei." Ke haawi nei KE ALOHA AINA i kona mahalo no keia mau olelo au e nanahu ponoi nei i kou lehelehe; ua ike hoi makou ia mea a me ko Hawahi manao, homai na makou e pane aku ia oe nona oia keia:
@a io e ola ana o Nawahi, aole oia e alakai lalau i ka lahui e like me ka oukou e hana nei, e Kuokoa Home Rula ka lahui a pau; e Home Rule Repubalika hou ka lahui. O ko oukou ike kalaiaina iho la anei i ao ka ao ana, (aole oukou e alakai hou ana mai keia kau ae i lohe oe.) Ina e ole ana o Nawahi, ina ua apo io aku oia a alakai i ka lahui e wae a koho i ka poe kupono, manaoio hana e like me ia a me Pilipo, a i poe naauao hoi ua maopopo i ka ano oia mea he kalaiaina e like me Aholo ma, Simoma Kaai, Kapena Kaukaha a pela aku; aole paha e like me ka oukou ka haha poele o ka papai o Honolulu. Kaukai aku na ka poe ike e kuhikuhi mai, aole e like me ko keia poe; e alakai ia ana lakou e ko lakou ike ka@ aupuni ponoi iho aole na hai e aoao mai penai a penai oukou e mea ai.
Ina e ole ana o Nawahi e like me kaoa e olelo mai nei, ina ua hooikaika oia e hooko ia na kahua hana a pau a ka party i hoo holo lokahi ai oia na kumuhana e lawe mai ai a paio iloko o ka Hale Ahaolelo; aole paha o keia bila kaa hapaumi alunu mana, kue kahua hana a oukou no i haku ponoi ai oia nea ka poe haku e hoopapau ai. E hoolaha aku ana makou ia kahua hana a ka aoao Home Rula i hooko ole ai.
Ina e ole ana o Nawahi o ka makou aoao kalaiaina no e makemake nei e Demokalaka ka lahui e pono ai, ina oia no kana e hoohula ai i ka lahui, eia ke kumu i lohe oe: Ua kukulu ia ka Hui Aloha Aina e Nawai i kinohi a hoopalahalaha aku la ma na mokupuni, i lokahi like ai ka lahui mai o a o, e kue i ka manao hoohui la o kakou me Amerika, a i lokahi like ai ma ke noi ana ia Amerika e hoihoi hou oia i ke Aupuni Moi a me ka Moiwahine maluna o kona noho kalaunu e like me ia i kinohi; me ia manao paa o Nawahi a hiki i kona make ana aku i ka M. H. 1896. Ma ka makahiki 1898 mai hoohui ia kakou, ka mea a Nawahi i ike ole ai mamua o kona make ana.
Nolaila, ke manao paa nei makou ina oia e ole ana a ike i keia hui ana o Hawaii me Amerika Ina na hoohuli oia i ka lahui e koho ma ka aoao lahui ike ia ma Amerika he mau hoaloha kona ka Ahaolelo.
Aole no ko lakou kakaikahi ka mea e hoohuli ai i ka lahui e Repubalika (@iai o ko ka lahui poe enemi no ia na lakou i hana ino) Alaila na hiki pono i ka lahui ke paio me ko anei poe Repubalika a me ko Amerika. Aka, no oukou ko ai hewaia nei oukou e na wahi haole kakaikahi puni oihana, puni kulana alakai aupuni, i mau ai ke ku ka okoa ana o ka lahui i waho loa; ua like ka lahui e hana ia nei me he mau moa hoohakaka ala, o na Haku nae ke pomaikai i ka moa e loaa ana ka lanakila, pela keia.
Kupaianaha no hoi oe e Keoki Muhee me ko ike mai no ka hoi ke pakuikui mau aku nei KE ALOHA AINA ia oukou e Kuokoa Home Rula Repubaliks hookamani ma, manao mai nei oe na makou oe e kakoo aku. Heaha kau o ka hoole ana iho he nupepa keia ua nele i ka manao, i ka aoao kalaiaina ole; aole ka oe i ike ha Aloha Aina Demokalaka keia mailuna a lalo aohe no ana moho o keia koho paani, aia i keia kau ae e ike ai oe. Aole ho he loli o ko KE ALOHA AINA kalana, mai ke Aloha Aina ae no ka aoao Demokalaka aole i lele aku i Repubalike e like me oe.
---o---o---
KUE O LUNAKANAWAI HUMEPERA I KA NINAU IA O NA HOIKE MA KA OLELO HAWAII.
-----
Ehia ka hoi mea apiki nui wale o na poe Loio Ahaolelo ana i noke iho nei i ka haawi i na laikini loio, oiai, na ike ia aole lakou he poe ike olelo haole e namu aku ai i na hoike iloko o ka aha hookolokolo, he kakaikahi loa o lakou i hiki he namu haole pololei, he kapakahi ka hapanui; nui no paha ke pilikia o kakou na Hawaii ponoi no lakou ka aina i keia mea eepa nui wale o ka haiole.
O keia wahi Lunakanawai ae la i ae ole aku la ia Kaulukou e namu kanaka i kana mau hoike, o kahi punahele keia a ka poe Home Rula Repubalika o kakou, a o kekahi keia o na a'o kanawai a lakou pela nui mai no ka pai e olelo ai. He wahi haole maikai kela he a'o mai, he kuhikuhi mai, penei a penei e mea ai a mea iho.
Ua lilo iho la ka poe a ka lahui i hoouna mai ai o ko lakou makemake ke hana @a i poe paahana na keia poe aole malihini i mea hana no ka lakou mau hana e makemake ai. Puni wale aku no nae na poe loea kanawai (ole wale) nei o kakou. Aohe olelo ana ina ia Kaulko ma wale no e hoohoka ai a koe ae hoi na poe ana i haawi iho nei i na laikini loio a ma ka lakou poe hoike. He pono hoi paha ia, aka, i like pu ae a pau loa. Auwe! ka pilikia i ka haole e.
---o---o---
He paele keaka hele maluna o ka uwea ke hoikeike nei mawa@ho o ka halekeaka China i ke a mau ahi ahi. A a piha m@u aku @a i na poe makaikai.