Ke Aloha Aina, Volume VII, Number 50, 14 December 1901 — Page 6

KE ALOHA AINA

6          KE ALOHA AINA, POAONO, DEKEMABA 14, 1901.

 

NA LOAA O KA FEA.

            O na loaa a pau o ka fea a me ka paina loau nui i haawi la ai ma ke kahua paikau o Haimoaipo ma ka la 30 o Novemaba, no ka pomaikai o ka halekula kaikamahine Katolika ua hiki aku no ia ma kahi o $4,017, na hoolilo $655,75, ke koena ma ka lima o ka Puuko, Mrs Teresa Bowler, $3,361.25. He puu dala nui maoli no keia i loaa malalo o na hooikaika a kekahi mau lede Hawaii a me na lede o kahi mau lahui e, a no lakou ko makou mau mahalo piha no ka piha eleu a hoomanawanui i ka hoala ana ae i keia hana nui.

 

HOOMAHA KE KOMISINA POHO AHI.

            I keia Poaono e hoomaha ai ke Komisina Poho Ahi no 60  la mai ka lawelawe hou ana aku i kaua hana pili i na poino o ke puhi ahi o ka 1900 aku nei. Ua hooholo na lala o ua Komisina nei e hookuu ia lakou e hoomaha no kekahi mau la mahope o ko lakou noho hana ana iho nei no kekahi mau mahina loihi.

            Ua holo aku la o Lunahoomalu Makapolena o na Komisina la no Kapalakiko, a e hale ana iaia he mau pule malaila.

 

WEHEIA KA AHAOLELO NUI O AMERIKA HUIPUIA.

            Wasinetona, Dec. 2. O ka wehe mua ia ana o ke Kau Ahaolelo Kanalima kumamahiku ma keia kakahiaka ua hoopiha ia ia me na makaikai e ake ana e ike i na hana a na poe kau kanawai i akoakoa mai. Oiai o ka manawa e hoomaka ai na hana o na hale elua ma ka hora 12 no ia, ua piha mua nae ko laua kahua me na  kanaka he mau hora mamua ae. He la malie a maikai kela la wehe ahaolelo me kekahi wahi oaniani makani uuku mai ke kukulu hema mai, a na ia mea i kono nui aku i na kanaka e akoakoa mai.

            Aole he mau hookapu i hana ia no ka lehulehu a ua hookuu akea ia aku na mea a pau e komo oloko o ka hale kau kanawai me ke keakea ole ia. Ua hoea mua maia kekahi mau Senatoa a me na Lunamakaainanan, a ua malamaia na lulu lima a me na kuka ana no ka lakou mau mea e hooko ai oia mua aku.

            O ke Senatoa kahiko loa mai Iowa mai, Allison, kekahi o na poe i hiki mua i ke Senate a hoomaka i kana hana ma ke ano he Lunahoomalu no ke Komite Haawina. O Jones o Arkansas, ke alakai  o na Demokarata maloko o ke Senate kekahi i hoea mua mai, a malama iho la me na hoa o kona poai i na kuka ana no ka lakou mau hana e lawelawe ai.

            O Lunawalaau Henderson aole oia i hoea koke mai a hiki i ka weke ana o na hapa maloko o ka Hale.

 

LAWE I KONA OLA IHO.

            Ua loaa aku ma kela kakahiaka Poaono aku nei, he Pake nona ka inoa o Yong Ning, e waiho ana mahope o kona hale hana ma ke alanui Nuuanu me kekahi moku pahi nui ma kona puai mai kahi pepeiaoo a kahi pepeiao, a mai ia wahi mai e huai mai ana na mapuna wai ula o ke koko me ka mainoino nui.

            Nana ponoi i hookau iho ike hana weliweli maluna o kona kino, a o kona kumu i lawelawe ai mamuli no ia o ka nui o kona ale i kekahi poe ana i hoomaopopo  ai aole e hiki iaia ke uku, a o kekahi hoi mamuli no ia o ka laki ole o kona halekuai. He tela lole ka oihana a keia pake, ua loaa aku he mau leta e kakau ana i kona mau hoaloha no ka mea pili i ke dala ke kumu o kona hooholo ana e make. Aole i make o Yong Ning i kona wa i loaa aku ai a ua lawe kokeia aku oia no ka haukipila, aka, he manawa pokole wale no mahope iho make loa aku la oia. Me ka pahi umiumi i hooko ai keia pake i kona hopena weliweli.

 

AIWAIWA NA HANA IA KA AIHUE

            Ma ka po Poakahi nei ua loaa aku he hoike i ka halewai eia ke hoolala ia nei kekahi mau hana no ka aihue ana aku i ka halekuai mea gula o F. A. Ward e ku nei ma ke alanui Papu, kokoke i ke alanui Kukui. Ua hoouna ia he mau makai no ke kiai ana i ka halekuai e manao ia ana e aihue ma ua po la, a pee iho la maloko me ka hoike ia aku o ka mea nona ua halekuai ia e pani ahiahi i kona halekuai.

            Ma ka hora 7 i hoomaka ai na makai e kiai i ua halekuai la, a ma ka hora 9 o ua po la ua ike ia aku la he kaapio i ka holo ana mai me ekolu kanaka o luna a ku iho la mawaho o ua halehuai la, na lele aku la lakou a hele ae la mahope o ka hale a iloko o na minute pokole wale no mahope iho aia hoi, ua oili hou mai la lakou me ka auamo ana i kekahi pahu lole. Ma keia wa i oili mai ai o Hope Makai Chillingworth mai kana wahi e pee ana me ka unuhi ana ae i kana pu panapana a kauoha aku la i na aihue e ku. Aka, aole nae ia i hoolohe ia mai a ia wa no i hoomaka aku ai na aihue e holo make alanui Kukui no ke alanui Nuuanu me ua makai e uhai ana mahope o lakou. Aole i aa ka Hope Makai Nui Chillingworth a ki aku la lakou i ka pu no ka hopohopo o ku hewa aku ua poe e hele ana me ke alanui ia wa aka, ua hoohuli ae la nae oia i kona pu a ki aku la i ka lewa me ka manao oia ka mea e ku iho ai ua kolohe no elua manawa. O keia mau leo poha pu ua penai koke ia mai ia e na kolohe me ka lakou mau pu punapuna a ia wa i hoomaka aku ai na makai e ki ia lakou. Ua holo aku kekahi o lakou maloko o ka halekaa ma ke alanui Kukui, a i ka ike ana o ka  pake hana ua pani koke oia i ka puka me ka hoopio ana i ke kukui a i ka wa i komo aku ai o na makai na nalowale ke kolohe ma kekahi aoao, a pela hoi me kona mau hoa ma kekahi alahele okoa.

            I ka nele ana o na makai na hoike aku na makai no ka hale wai, a mahope o na kuka ana, ua hoouna ia aku la he mau makai no ka hale o Fisher ma ke alanui Moiwahine, a loaa aku la o Bob Williams he paele e moe ana, a lawe ia mai la i ka halewai, no ka mea, oia kekahi i hoohuoui ia iloko o keia aihue ia ana o ka halekuai lako gula o Ward. O keia Williams oia kekahi o na paele limahana i lawe ia mai ai mai Tenesi mai, a he nui kana mau hanaino i lawelawe ai, a ua manao ia ola kekahi iloko o kela bana powa i hooko la maluna o ke kalaiwa kaapio ma ka waowao. La Pule nei, a uunu i kumoaihuoka halekuai o Wing Quai a lilo he $110. He eha hewa e kau nei maluna ona he aina powa, hookahi aihue a me ka aeahaukae.

            Ua lawe ia aku ka pahu lole i hoaoia ai e aihue i ka halewai, malaila i weheia ai, o ka waiwaiio o na lako gula a pau e waiho ana  maloko o laila, na komo limapine omau, uwali a pela aku ua hiki aku no ia ma kahi o $2,500.

            He elua paeie a me hookahi haole iloko  o keia hoolala aihue a o ka lakou hoolala ana oia noke komo malu ana mai mahope a haawi aku i na  kike ana ma ka puka, a i ka wa a ka haku hale e oili aku ai oia no ko lakou wa o uhauai i kona poo me ka pauku laau. Ina i holopono keia lawelawe aihue ana lua penei ua hookomo ia ua mau waiwai la iloko o kekahi piano kahiko o hoouna ia aku no Kalakiko malaila hoi i manao ia ai e nalowale ai keia mau hana ai@ne a me ka powa. He wahine paele kekahi i manaoia ua komo pu iloko o keia hana aihue, maloko o keia halekuai ua ike ia he wahine paele e holoholo ana mawaho o na hale la a ehakilo ana i na poe e maalo ae ana ma ke alanui. Ke like loa aku nei e Honolulu nei me na kulanakauhale nunui o Amerika Huipuia, ka nui o ka aihue, a me ka powa. Aloha no na la maluhia o ka aina i nalo aku.

 

HE KUAI HOEMI NUI O NA WAIWAI LIKE OLE

Ma Kahi o

K ISOSHIMA

Helu 10 Alanui Moi.

Ma Keia Poaono, Dec. 7, 1901.

PAPALE ME NA LOLE AAHU

EKOLU PULE WALE NO

 

WHITE HOUSE

420 – Alanui Papu – 420

KUAI HOEMI NUI LOA O NA

MAKANA KARISIMAKA

 

Kii Paani. Kii Paani. Kii Paani.

NA MAKANA LIKE OLE E AE

Ke Hoolilo ia nei me ka makepono loa

            O ka Halekuai emi loa keia o na mea Karisimaka ma Honolulu nei.

E HELE MAI.