Ke Aloha Aina, Volume VIII, Number 17, 26 April 1902 — Page 5

KE ALOHA AINA

 

Mau ka aoao I mai.

 

a hiki i ka wa i lilo ae ai ka ahahui Aloha Aina malalo o ka inoa Home Rula.

 

Ma ka haunaele o ka 1895, i @ ia poina ole, oia e hopuhopu ia ana na kanaka a me na haole ma ke ano hoohuoi o James K. Kaulia no kekahi ola poe i hoopaa ia ma ka halepaahao ma Kewa no na la he 50 a hooku ia @ ia oia.

 

Ua lawe pu mai oia he papaa berena paakiki i mea e hookanao ai no na la o ka noho'na @ me ka ai ana i ka berena o ka ehaeha me kona mau hoa o ka hale kaupoku ole o J. Low.

 

A mahope mai na hooholo na ahaahui elua, ahahui Aloha Aina a me ka ahahui Kalaiaina e hoonua i may elele e holo i Wasineno ka imi ana i ka pono o ka lahui a me ka noho alii, nolaila, ma ka ahahui Aloha Aina o J. K. Kaulia a ma ka ahahui Kalaiaina o D. Kalauokalani, a o J. Kikikini a me Uilama Olo na hoa elele, a hiki i ko lakou hoi ana mai.

 

Na James. K. Kaulia me kana wahine, na hanau mai he 7 keiki a ua hala e aku la mamua he 6 keiki a he hookahi no e ola nei @ na makahiki he 17 iloko o Maraki 18 i hala aku ia.  Nolailaila, ua lawelawe ia e James K. Kauila na oihana like ole, oia hoi ke kalewa ana i no hua mea ai, ka hana poola, ke kamana, ke pena hale, ka oihana makai a me ka oihana loio, a ma ka oihana pili halaiaina oia no kekahi, a ma @ pili i ke Akua oia no kekahi, a he hoahanau hoi no ka ikaiesia o Kaumakapili.

 

O ka lima akau ia o ka aoao Home Rula, a o kekahi hoi o na alakai hopo ele o ka lahui.  Ua hala oia, aka, o kana mau hana mae i waiho iho la mahope nei he kia hoomanao poina ole ia na ka @ aloha e hoomanao mau ai @ i na manawa a pau.

 

Ke komo aku nei KE ALOHA AINA iloko o na kumakena ana me ka wahine a me ka ohana i hoonele ia me ka makua ole, a @ na Mana Lani e haawi mai i ma hoomama ana ia lakou.

 

E HOOKUU IA ANA E IKE KA LEHULEHU.

 

 

Ma ka hora 11 o ke kakahiaka La Pule e hoihoi ia aku ai ke kino puanuanu o James K. Kaulia no ka Luakini o Kaumakapili mauka o Kapalama.  A ma ia wa e hookuuia ai ka lehulehu e ike hope i kona helehelena aloha a malo aku no ka wa mau loa.  He elua hora i haawi ia no ka lehulehu e ike ai iaia, a ma ka hora @ oia anina la e malama ia ai e @ la e malama ia ai ke anaina haipule hope maluna ona.  Ma ka hora 3 o ka auina la e nee aku ai kona huakai hooiewa mai ka luakini aku no ka ilina o Maemae, kahi ona e waiho ou ia aku ai me kona mau ohana i hala mua aku ma o.

 

PAPA HOONOHONOHO HUAKAI HOOLEWA.

 

O keia malalo iho nei ka papa hoonohonoho huakai hoolewa o ka Mea Hanohano James Keauiluna Kaulia, ma ka La Pule, Aperila 27, 1902, hor 3 p.m., mai ka Luakini mai o Kaumakapili, ma Kapalama.

 

Mea Hana Pahu,

Kapena Makai.

Puali Makai.

Puali Puhi Ohe.

Pualikoa.

Hui Aloha Aina Home Rula.

Kahunapule.

Papa Himeni o Kaumakapili.

Papa Himeni "Zion Religio and Literary Society."

Hui Poola.

Aha Hooko o ka Ahahui Home Rula.

 

@

 

Wahine Kanemake me ke Keiki Ka Ohana.

Peresidena o ka Hui Home Rula

Wahine a ka Elele Home Rula.

Na Alii Opio.

Na Lunakanawai.

Papa Loio.

Papa Hooko o ka Hui Kokua a Hokuonoono o na Oiwi Hawaii.

Na Kakau Nupepa.

Hui Moolelo Hawaii.

Ka Lehulehu.

 

Na na Poola e huki ana ka kaa kupapau mai ka luakini aku no ka ilina o Maemae, a o na hapai pahu e wae ia ana he elua mailoko mai o ka hui Poola, elua mai ka Papa Loio mai, elua mai ka aoao Kuokoa Home Rula a me kekahi mau hoaloha e ae.  O na poe e haawi mai ana i na haiolelo hoalohaloha no ka mea i make maloko o ka Luakini o Kaumakapili oia o J. L. Kaulukou, Senatoa Kalauokalani a me J. M. Poepoe.

 

NUI NA POE I KIPA AKU E IKE I KONA HOLOWAA.

 

Mai ka ae ia ana o ka ohana o James K. Kaulia e hoi aku a noho pu me kona holowaa e waiho ana ma ke keena hookipa o ka Hale Hana Kupapau o H. H. Wilimas ma ke alanui Papu.  He nui a lehulehu kona mau hoaloha i kipa mau aku e ike iaia a me kana wahine aloha i ke ao a me ka po.  E haawi aku ana i na olelo hoolana i ka ohana i hoonele ia i ka makua ole, a e kaana pu ana hoi i na puolo waimaka a ke aloha.  Walohia wale.

 

KE HOIKEIA AKU NEI I KA LEHULEHU.

 

Ke hoike ia aku nei ka lohe i ka lahui mai Hawaii o Kauai.  Ua make o James Keauluna Kaulia, kekahi alakai o ka aoao o ka lahui, ka aoao i kapaia, ka aoao Kuokoa Home Rula Republika.   Ua make oia ma ka hora 6 p.m. o ka la 20 iho nei o keia mahin me kona ma'i ole, ma kona home noho ma Kapalama, Honolulu, Oahu.

 

He Persidena oia no ka Ahahui Aloha Aina.  He pani ma kahi o Ho J. Nawahi, ka Peresida mua oia ahahui.  Kohoia iloko o ka makahiki 1896.  He elele oia no ia ahahui i Wakinetona, makahiki 1896.

 

Hoohuiia na ahahui Alohaaina ame na ahahui Kalaiaina iloko o ka makahiki 1900.

 

Kohoia he Hope Persidena no ka aoao Home Rula Repubalika.

 

Koho pu ia hé Lunahomalu no ka Ahahooko Kuwaena no ka aoao Home Rula Republika.  Ua ku oia a paio me ka luli ole a paio no ke aloha i ka aina ame ka manao e hoihoi mai ana o Amerika i ke aupuni Moi; aole nae i hookoia ia manao ona a me ka lahui.

 

No ia manao ona ua hele kino oia he elele i Wasinetona, e hooikaika ai, a e halihali ana i na Palapala Hoopii kue a ka lahui no ka Hoohuiaina.

 

Ua waihoia ia mau palapala i mua o ka Aha Senate, aole i maliu ia mai ia mau manao ana o James Keauiluna Kaulia ame kakou ka lahui.

 

He kanaka koa oia, he kanaka naauao, he kanaka i koho pu ia e noho i ka ilihune me ka hapanui o kona lahui, he kanaka hoomanawanui iloko o ka nele no ke aloha i ka aina ame ka lahui he kanaka pale ae i ka inaina ina hoino ia e kona poe enemi.

 

O kona poe enemi he poe hoaloha oiaio no ia nona, he kanaka e pale ana i ka ua me ka makani, ke anu me ke koekoe, he kanaka i a'e i na ale kualoloa o ka moana a e kaapuni ana i keia paeaina no ke aloha i ka aina me ka lahui.

 

Ua ku o James Keauiluna Kaulia, he inoa maemae imua o kakou ka lahui ma kona aoao kalaiaina, ua holo ke kaulana o kona inoa imua o na aupuni naauao o ke ao nei.

 

Kana mau palapala hoopii imua o na Moi o Europa. 

 

O ka oi aku imua o na Peresidena McKinley ame Roosevelt, a oia mau palapala hoopii ame na olelo hooholo imua o na Peresidena o kakou no ka pono no ia o ka lahui ana i aloha ai a me kona aian hanao, no laila, ua make o J. K. Kaulia kekahi alakai o ka ahahui Home Rula Repubalika.  Ua hoohakahaka ia ka noho Peresidena o ka ahahui nolaila, mai pihoihoi a kulanalana a loli ae ka manao o na Peresidena o na ahahui na Lunanui, ame na lala e kupaa, a e makaala a mai hoohemahema kakou no ia pono, e kehea ia aku ana ka aha Elele e noho mai ma ka malama o Iulai, ia manawa e lohe ia ai ka manao ame ka hana a ke Elele a ia wa ou no e koho ia ai na Lunanui ame ka Hope Peresidena o ka ahahui.

 

Na olelo hooholo i ka wahine kane kame a me ka ohana e hoouna ae iaia, a e loaa no ia ma Palama, penei:

 

MRS. KAULIA:

 

O na kokua aloha apau i ka wahine kane make, e hooili pololei ae iaia, aole nae me na hookonokono ia aku, me ka naau alaoha, no ke alakai lahui wiwo ole ame kona ohana.

 

Ke kono ia aku nei na healoha ame na makamaka e hele ae e ike i kona kino Wailua ma ka Luakini o Kaumakapili ma ke kakahiaka La Pule, Aperila 27 a e komo pu ae ma kona kuakai hoolewa.

 

Aloha ka lahui apau.

Owau no,

D. KALAUOKALANI,

Peresidena.

AHA MELE MA PAUOA

 

E haawi ia ana he ahamele ma ka hale halawai o Pauoa, a o na pomaikai e loaa ana no ia hale hale halawai no.  Ke konoia aku nei ka oluolu o na mea a pau e naue ae malaila i keia po Aperila 26, hor 7:30 p.m.

 

UA MAKEMAKEIA.

 

He kaikamahaine Hawaii hapahaole a pela pu hoi me ona keiki kane no ka hele ana e hoikeike i kekahi mau waiwai lilo koke, a e uku ia no kekahi uku komisina makai loa.  E kakau mai ma ka olelo Enelani.  A. B. Pahu Leta 502.

 

UA LOAA MAI, HE HELUNA

O NA

Pena a me na Aila Pena,

Na Hulu Pena,

Na Kapuahi Aila,

Na Kapuahi Fisher

(ua hoemila ke kumikuai)

Na Palau na ano apau,

Na Loko Mahiai,

Ho, Oo, Kopala, Kipikua,

Na Bekeke o na like ole

Na Ipua hao, Ipu Ti,

Na Lako Aniani,

 

E loaa mai ana he mau waiwai hou maluna o ka mokuahi Auseteralia.  Nolaila, e kipa mai, a e wae no oukou iho, he emi loa ka makou mau kumukuai.

 

Hawaiian Hardware Co., Ld

(HUI LAKO HAO HAWAII I KAUPALENAIA)