Ke Aloha Aina, Volume VIII, Number 18, 3 May 1902 — Page 2

KE ALOHA AINA

2        POAONO, MEI 3 1902

NALO O JAMES K. KAULIA.

  Ma ka auina la La Pule nei i manele ia aku ai ke kino wailua o James Keauiluna Kaulia a hookuu ia aku la e moe i ka moe kapu o Niolapua mauka o ka ilina o Maemae iwaena o ka ohana, na makamaka a me na hoaloha e pohai ana iaia a e hookahe ana ana iaia e hoi i ko lakou mau kulu waimaka o ka ehaeha nona.

  Ua hoihoi ia aku ke kino pu anuanu o James K. Kaulia mai ka hale hana kupapau aku o H. H. Williams ma ke awakea o ia La Pule no ka Luakini o Kaumakapili iloko o kona holowaa nani, a malaila i hookuu ia ai ka lehulehu e ike hope i kona helehelena i aloha nui ia. He nui na waimaka i lu ia iho mawaho o ke pani aniani a kona kino pu auanu e moe lohi ana. Ma ka nana iho i kona mau nanaina mohaha e waiho ae ana, me he la, e hiamoe ana ao oia. Iloko oia mau minute ua nui na leo kumakena o ka ehaeha, ka luuluu a me ke kaumaha, e loheia aku ana ma na paia anoano o ua inakini la. He nui na makana pua i papahi ia aku nona e kekahi mau hui a me na hoaloha, a mawaena o lakou he heleuma na ka hui Poola Unions.

  Mahope o ka pau ana o ka ike hope ana o ka lehulehu i ka helehelena o ka mea make oia no ka wa i lawelawe ia ai o na hana haipule hope maluna ona. Na na Rev. Timoteo, Lono a me Manase i malama i na hana haipule hoalohaloha hope maluna o James K. Kaulia. He ku i ka walohia ka lakou mau olelo a aohe hoi he waimaka paa, na Senetoa Kalanokalani a me J.L. Kaulukou i hoike mai ka moolelo o ka mea make, a i ka pau aua o keia mau hana, oia no ka wa i liuliu ai ka huakai no ka nee ana aku no ka ilina o Maemae he mau minute i hala ae o ka hora 3 p.m.

  Ua hoohanohano ia ka huakai hoolewa o James K. Kaulia e ka puali makai malalo o Kapena Po haku, me ka ukali ia e ka hana Pukiki, mahope aku o lakou na kahunapule a me na lala o ka Home Rula. Ke kaa kapapau e hukiia ana e 32 poola i kahiko ia iloko o ka aahu make like, oia hoi, papale keokeo, palule eleele a me ka lole wawae keokeo. O na hapai pahu e ukali ana ma ka aoao o ke kaa, he elua mai ka papa loio mai, elua mai ka aoao Home Rula mai, elua mai ke Poola, a elua mai ka oihana makai mai.

  Mahope o ke kaa kupapau e kuoe wawae ana kona makua aloha a me ke keiki makua ole, a maluna o ke kaa ka wahine kaue wake, e ukaii ana ma ka huakai hope a kana mea aloha, me ka ka obana, na hoaloha a me na makamaka i hoea aku ka heluna o na kaa maluna o ke kaualima a oi. O kekahi keia o na huakai nui a hanohano i ike ole ia e ko keia kulanakanhale no na la loihi ma kela a me keia kapa alanui ua hoopiha ia e na poe makaikai e haawi mai aua i ko lakou aloha no ka mea i make.

  Ma ka hora 4:45 i hoea aku ai ka huakai hoolewa i ka ilina o Maemae. A i ka wa o ka Makua Lono e liuliu ana no ka haawi ana i kana mau leo kahoahoa hope loa maluna o ke mea aloha e nalo aku ana no ka wa mau loa. a i ka wa hoi o kela a me keia e hookahe ana i ko lakou mau waimaka, aia hoi, ua haule pu mai la he mau pakana kilihune me he la e hoike mai ana o na lani pu kekahi oloko o na kumakena no ka mea i moe aku ia i ka moe kapu o Niolapua. Ua haawi ia mai he leo mele mai ka papa himeni mai o Kaumkapili me ke kae o ka lua, a he mau leo pule hoi mai a Rev. W.N. Lono mai a hookuu ia aku ia o James K. Kaulia e hooluolu maloko o kona hale lua, ua pau kana hana ma keia honua. Luuluu wale.

HOOMAIKAI I KA LEHULEHU.

  Ke haawi aku nei au i ka hoomaikai i na makamaka a me na hoaloha a pau i huipu mai me a’u a me ko’u kane aloha, a me na makana pua a me ka lei i hoouna ia mai e lakou, a me na poe i ukali pu aku ma kona huakai Hoolewa.

MRS. MARAEA KAULIA.

Honolulu, Apr. 28, 1902

HOOPAIIA O MARSHALL.

  Manila, Apr. 22. I keia la i hoopaiia ai o Marshall. ka Lunahoo@nopo a ka nupep Luapele he hookahi la paahao a me $100 no ke koi ana e hoopauia ka Lunakanawai e hookolokolo ana ia Senor Valdez, ka Lunahoopouopono o ka nupepa Miau, i hopu ia no ka lahila i na Komisina Pilipine e hookolokolo ana i ka Lunahooponopono o ka nupepa Freedom ma@alo o ka hewa hoala kipi.

  O Marshall, he haole kakau nupepa i kamaaina maanei a nana ka nupepa Luapele i hoopukaia ma Honolulu nei mamua aku nei, a i hopuia a hoopaaia ma Kawa no ka laihila i ka Lunakanawai Alahaki Kauka.

  Ma ke kakahiaka Poalua nei i komo mai ai ka mokukana Wheeling he 18 la holo mai San Diego mai. E noho iki ana oia maanei no ka hooili panahu ana a holo loa aku no Samoa.

HE HOOMANAO NO JAMES K. KAULIA

  Naha ke kanaka ka hale,

  Ka makamaka a ka moe,

  E kipa mai ai!

  Walohia wale!!

Ia Mrs. James K. Kaulia, Pau-mako wale!

  O makou iho he mau hoaloha pili paa loa no kau Aliikane i aloha nui ia:a

  Oiai na lono oiaio @ loaa mai neieia ka, ua pauaho mai nei i keia ela ana kau kane, a waiho iho la ia oe, e kuewa i ke ala me ka waimaka. Aloha ia keiki papa o ua lai kupolua nei a ka Eka. Ua pau ka iohe ana i ka leo kanikauipihe o kamalii kaohi kukuna la o na aina nei, e nana aku ai ia Kuhaopio ka le, ka la i ke kula o Ahuena komo i ke kai o Kailua la o Kona. Ua hala aia i ka pe-a kahu a Kane, i kukulu o Kahiki. Ua paa ko ke ke Akua kanawai kumuhonua naue ole: “O ka la o ka Haku me he aihue ala i ka po,” nolaila;

  HOOHOLOIA: Ke komo pu aku nei makou e u pu me ne i keia mau la o ke kanikau ku makena.

  2. Ke pule nei makou i na lani, e hoomama mai i kou mau luuluu, a e nana aku i ke Keikihipa a ke Akua, a Nana e holoi ae i na Waimaka ehaeha; a mawaho ae o na mea a pau, e hooloihiia kou mau la ma ka aian; a na ke Akua oia loa e hoomama mai ia kakou.

Me ka mahalo,

J.K. NAHYALE,

J.W. KELIKOA,

J.N. KAPAHU.

Kailua, N. Kona, H. Aperil 25 1902.

NUI KE PAONIONI.

 

  Ma ka nana a hoomaopopo aku aohe wa i nua ai ke paonioai ana o ka papa pai Kuokoa Home Rula e like ala me keia wa. Ke makemake nei na elemakule e haawi aku i ka papa pai na Emaluka me ka pau ole nae o ko D Kalauokalani mana. Mamuli oia mau paonioni ana ua nele na mokupuni me ia wahaolelo ma kela pule aku nei, a pela no paha i keia pule. Ehia mea aloha o na poe i lawe mahele ua pau na dala i ka muka ia me ka maopopo ole o ka wa e hoi hou aku ai me lakou. O ke aupuni mokuahana iaia iho aole ia e mau. Pela no ka nupepa Knokoa Home Rula e ike ia aku nei.

LAHA IKAIKA KE KORELA MA MANILA.

  Manila, Apr. 18. O ka pahola ana o ka ma’i korela aole ia i akakuu mai. O ka nui o na ma’i korela i ike ia maloho o Manila a hiki i kela i ke 322 aoao 253 [rest of column is too faded]

NA LETA.

  Aole e ili maluna o makou na koi nao i hoopuka ia malalo o kela poo aka, e ili no ia maluna o na poe na lakou i kakau mai   L.H.

MANAO HOAKAKA.

I ka nupepa KE ALOHA AINA

Aloha.oe.

  E oluolu mai kou hanohano, e hookomo iho ma kahi kaawale o kou kino i keia mau wahi manao hoakaka no na mea @ hoolahia, a i hoopiia aku hoi imua o ka Papa Ola no ka ulunua o na ma’i i na hana hoouluulu manaoino a Rev. Wendohn, i na ma’i lepera e noho nei ma ke kahua ma’i o Kalaupapa, Molokai.

  O keaha la hoi na hoouluulu manaoino i manaoia ai. O ke a’o mau mai anei o Wendolin i kona mau hoahanau e hele mau aku i ka pule a e hoopau aku hoi i na hana lealea like ole, ola hoi, ka noho haumia ana o na kane a me na wahine. ke mu auwaipa ana, ka huolilo ana i na la pule i mau la hauoli inu auwaipa no lakou, me ka ulu ana ae o kekahi mau haunaele ma keia la. me ke komo kino ana o keia Wendolin iloko o na hale o ka poe nawaliwali. E haawi ana noi i kana mau kokua ana ia lakou, a ua hiki loa aku hoi keia mau kokua ana a Wendolin a kekahi poe mawaho ae o kona poo hoomana, aole oia i nana aku ma ko lakou ano, oia hoi, Kalavina, Mamona. a ano okoa ae paha aole. Aka, ua haawi like aku no oia i na kokua ana ia lakou ma ka mea hiki iaia ke hana oia iho la anei na hana hooulu manaoino? ke manao nei au aole keia he hooulu manaoino. Aka, no ka poe i makemake i keia mau hana pelapela e hauoli ioa ana lakou. oiai ua uluhua i’o paha lakou i ke a’o mau aku o ka makua Wendolin ia lakou, oiai o ko lakou lealea loa ia. A no ka poe hoi i makemake ola i keia mau hana, ua piha lakou me ke kaumaha a me ke aloha no ko lakou makua i noho hoomanawanua iwaena o keia poe ma’i no na makahiki lehulehu, ae, aloha i’o no ia. malia e loaa i’o ana ka maluhia i keia Panalaau ma ke kaawale ana aku o Wendolin mai keia kahua ma’i aku. Aka, na keia mua aku e nana i kona hopena. Nolaila, me keia mau wahi manao hoakaka pokole ke hooki nei au i ka’u maka peni, a me na keiki onia hua med@ ko’u welina.

Owau iho no me ka oiaio,

MRS KAMAKAIULUPUNI.

Bishop Home, Aperila 24, 1902.

  Ua hookapu loa ia na hoikeike hula Hawaii ma ka hoikeike o Sana Lui i ka 1903 ae nei.

  Aole e holo ana ka hila kaa uwila a ka Elele Wilikoki i wahio aku la maloke e ka Hale [rest of column is too faded]