Ke Aloha Aina Oiaio, Volume I, Number 3, 3 December 1896 — KA AHA HAIPULE. [ARTICLE]

KA AHA HAIPULE.

Ua ike iho makou he olelo kuahaua e lilo kahi la noa o kela a me keia pule i la haipule no ka poe aloha aina. No keaha la ke kumu o keia, aole anei i lawa i ka la dominika? Eia kekahi: i ko makou hoomanao ana a nana i ka poe na lakou e kahea nei, ua komo mai no keia ninau, aole anei keia he hoonaukiuki Akua? Na ka poe hoole Akua keia e kahoi nei. O keia poe he okoa loa ka nooaoo, Aole anei he hookamani keia e mamao loa aku ai kakou mai ko ke Akua manao ana ao Hawaii nei? Ae; he mea maikai no paha ka haipule i kahea ia e ka poe oiaio maoli, aole na kela a me keia. A heaha ke kumu o keia haipule aoa, aohe kakoa e kala iloko o ka, ehaeha mamuli o ko kakou hupo iho no, i ka lilo ana i poe hawawa a lalau i ka poe nana e lawelawe kakou. I ko makou manao ke hele loa aku nei kakou ma ke alanui hookamani, he make ka loaa.