Ke Au Hou, Volume II, Number 16, 19 April 1911 — Na Kuhinia o ke Kalana [ARTICLE]

Na Kuhinia o ke Kalana

He 3 mau keiki liilii i paa i ka hopuia no ke kuai kolohe i na nupepa o na pa haole. He mau la helu wale no koe a hookuu ka ahaolelo, aole i maopopo ka weheia i kau kuikawa. Eo ka heihei.lio o Kapiolani Paka ia Kalihi Boy, haule o Opiopio o Maui mahope i ka Poaono ihala. Na Kamehameha ka eo o na hookuku paani ma ka Boys Field o ka la 15, he 74f helu, Sana Lui 22, Kula Kiekie 7£. Pekina, Kina, Apr. 15 —I keia la i kakauinoa ia ai ka palapala no $50,000,000 aie o Kina ia Amerika. Nui hewahewa ua mea he iliili. He hana paaka King ka molio heihei kukini pahu loa e lawelawe nei i keia mau la, no kona kuaki no ia Kaoo, makemake no e heihei hou laua. Goahead Kaoo. He $250 na loaa o ka hoikeike o ka Opiuma ma ka auina la Poaono i hala no ka waihona kokua ia Kapena Sam. Me ka mahalo nui ke Kapena e pahola aku nei*i na hoomaikai. Ma ka pule i hala, ua holapu ae ke ahi i kekahi kaa otomobile ma Kanikapupu a ku olohelohe, mamuli o ke pahu ana o kona mau holowaa aila a hiki ole ke hoopakele. Aole hiki i na kaawai ke haawi i na kokua ana i keia pauahi. Ua hooholoia ma ka halawai a ka Ahahui Aloha Lahui ma ka la 15 aku nei, ka hoomahuahua ana ae i 20 keneta auhau lala no na lilo lioolewa. Ua weheia ka ipuka no na poe apau e makemake ana e lilo i mau lala no ka Ahahui e haawi nei i na kokua nui i na Hawaii. Imua no ke Aloha Lahui. He pane oolea ka ko kakou Lunakanawai Kiekie Kohikanai ka mea kakau o "Ka Hoaloha" no na manao kekeue o Wooley ina kanaka Hawaii e pili ana i ka niuau waiona ma ka "Buletina" o ka Poakahi nei. Ma ka ike aku, ua aahu ke kahunapule i ka lole kahuhipa mawaho, aka, he hae mak>ko awe ke a'olui ole i na kanaka

Ua makemakeiao Kaleikini o Waialae, Oahu e hiki mai ma keia keena no kekahi mea e pili ana iaia. 0 kona ike hopeia ana ma ka halawai Aloha Lahui o ka Poaono i hala. Ma kela kanawai kaa uwila i aponoia e na Solona, e.hoopii hou an'a ia i ka auhau mai ka 5 keneta a pii aku, a e mana ana ma keia mua iho. Ola.ola ka poe ilihune i nei kanawai. Ua olelo akea ae na nupepa hoalaala o lapana, o ke kaua a Atnerika me Sepania i na wa i hala, ua like ia me ke kamalii. Ua oi aku ka wela o ke kaūa mawaena o lapana me Rusia e kau ai ka weli o ka manu aeto. He mau haneri Frog o ka loi ame na kahawai o Manoa i pau i hamuia e na haole i na wa i hala ae nei, aohe ikeia oke korela. He hana mau ia na ka poe oia wahi, he lawaia poloka i ka po me na kukui. Frog leg's good eh?