Ke Alakai o Hawaii, Volume IX, Number 34, 3 December 1936 — KAMAHAO KA MAI O KA WAHINE KALEWA OPIUMA [ARTICLE]

KAMAHAO KA MAI O KA WAHINE KALEWA OPIUMA

LOS ANGELES f Nowemaba 24 — Laweia o Mana Wendt, he wahine ui i hopuia no kona hoao ana e hoopae he 54 paona opiuma iloko o kona pahu. lole oiai e pae ana ka mokuahi Heiyo Maru ma keia aekai. Holoqiahuka oia o ka' mokulele no Niuoka, aka no ka makaala ana o na kiai o ke kuke awa, ua hopu hou ia oia. He nui na manawa o kona hoao ana e lawe ae i kona ola, aka ua ko ole kona manao. He elua kanaka i komo na« ia iloko o keia hana ku-e i ke kanawai i lawe ae i ko laua ola. Hookahi o laua i make ma Kina mamuli 0 kekahi laau make ana i inu ai. I ka nana ana me he mea la loaa mai ka mai ia Maria Wendt mamuli o ia laau make hookahi a mai hea i loaa mai iaia ua laau make ala aole i maopopo i ka oihana makai. Me he mea la e make aku ana ua wahine opio ui ala. Ke huli pono nei ka oihana makai a ke manaolana nei lakou e loaa aku ana he meheu e hooakakaia ai na hana kamanao a lakou e ike nei i keia manawa..