Ke Alakai o Hawaii, Volume IX, Number 37, 24 December 1936 — Mai Hea Mai Ka Naauao? [ARTICLE]

Mai Hea Mai Ka Naauao?

O ka naauao aole ia mamuli o 'ke kanaka maoli aka mai ke Akua mai ia a o ua naauo ala e ike a e hoomaopopo ia ana elike me ko kakou hoomanao ana laia. Ina kakou e hahai ana i na mea e ikemakaia nei, alaila e hoomaopopo ole ana kakou i ka naauao oiaio.

Ma na kumuhana a papahana apau au e komo aku ai a e hoolala nei paha, aole lakou e (holomua ina aole oe e hookomo pu ana laia ma'kou noonoo ana.

O na kanaka kaulana a puni ka honua aole lakou i kunana iho no ka holopono ole ana o ka lakou mau mea e ikemaka ana ? aka ua hilinai iho la lakou maluna o keia Mana nui e noho pu nei me kakou i na wa apau a mai ia hoomaopopo ana i loaa mai ai ka lanakila ia lal^u, Aole mai na mea e ikemakaia e loaa mai ai ka pomaikai aka mai na noonoo maikai e puapuai mau ana ma kou manaike i hoohaumia ole ia me na manao hopohopo, niania, kanalua ame manāoio ole.

Holaila ina kekahi mea e hoohenehene mai ana i kou hupo ana, mai lawe mai ia i mea e hoinoinoia ai kou manao; e noonoo iho oe he aniani oe e hoolele mau aji£ i ke aka o ke Akua a no Kona lilo ana i mea kina ole, pela no oe e kina ole ai—pela nohoi oe e naauao ai.