Ke Au Okoa, Volume II, Number 27, 22 October 1866 — Kahuna Lapaau hana pono ole. [ARTICLE]

Kahuna Lapaau hana pono ole.

Eia ma Hauula, Koōlauloa, Oahu, kekahi kahuna lapaau hana pono ole, o kona inoa' ■o Lota Petana K—o kona ano, he kanaka ua elemakule, a ua loloa kona umiemi hina, o kona leo, palale a paupauaho ke kamailio mai. Kana hana. Penei kana hana ana, ma ka hoomaka ana e lapaau aku i ka mai, kii aku oia i na lau nahelehele o ke kuahiwi, na mea kupono i kana hana lapaau mai, a loaa ia mau mea, pahupahu ma ka paia o ka hale, ma kahi o ka mai e moe ai, a o ka pua o ka lehua me ka poa apiki, a me ka lei maile o Punaiki, he mau lei hookahakaha ia no ka mai. 0 ke kumu ka o ka hana ana pela, he mau mea hooluolu aku i ke akua liilii, pau ia hana ana, kii hou aku no ua kahuna nei i ka hua o ka moa, wahi 8 loko o ke pola, o ka wai ka mea'e hamo ai, a olelo aku ika mai wahioe, e wehe ke kapa a pau loa, a moe kohana iho ka mai imua.o ua kahuna apakee j nei, a hamo i ka hua o ka moa i ka mai, a mahope iho, kalokalo aku Ia ina aumakua a pau, a mahope iho, pani ka puaa, ai a pau loa ka pono, a hookoe iho no naē i ke poo o ka puaa, a me ke koena o ka awa wai ekaeka, a hoihoi aku i kona hale, hana no pela, a ike ua kilo nei ua oluolu iki ka mai, o kona olelo mai la no ia, " a ahiahi, e hele ae oe ma ko'u hale e moe' ai." Eia ke kumu, ua makemake oia e hana hewa. O na apu huna iho la paha ia la a kahuna i lohe mai ai oukou e o'u mau hoa puni mea hou, a ina aole e hele mai ka mai, koi maoli mai no me ka hilahila ole, me ke aoao mai e kii ka mai i ka wauke ihalolo, kuku a palahalaha, a ina aole e hooko ka mai i ka iini lapuwale o ua kahuna nei, o kona kena iho la no ka la i na wahine makani ana, e kii hou e hoopai i ua mai nei a make loa, eia ka mana hiki i keia J kahunn la e hoomake i ke kanaka a ke Akua i hana mai ai, ahu no hoi kupanaha ia oe e Hawaii. Eia hou no wahi hana pono ole a ua wahi kahuna nei, ua koi aku oia i kekahi wuhine e ae, e hana i ka hana hewa, a no ka ae ole mai, ua hnopuka aku oia he wahi olelo nane, a penei no ia olelo nane, "E ai jnaluna, e huna m»jalo," eia ke ano, e huna ia uau olelo, aole e hoopuka wale aku ia hai. Aole oin wale no.ua palapala maoli aku oia ' iua wahine nei, e hana hewa me ia, a hala na mahina eono, alniln, holo oia i j?olapola, a hooili iho i kooa man mea a pau no ua w»hine nei, me ke koi aku i ka wahine e hoomakapo i ke kane mare, a olelo aku la ka wahiue, "he hiki no ka ia oo ia mea ? " " Ae, he wahi men iki no ua loaa ia'u." Ina e koi aku ua wahi kuuka nei a ae ole mai, hoouna aku la oia i na wahi aumukua ona e hookomo iho i ke aloha, a i na aole, e haawi iho i haawina ino i ka inai. Oia iho la na hana pono ole a keia knhuna la i lolie mai oukou e o'u mau hoa o ka in o ka la, mai ka la puka ma Kumukahi a ka welo ana a ka la i Lehuu. B. G. Kaliuwaa.