Ke Au Okoa, Volume II, Number 38, 7 January 1867 — Makalapua! Makalapua!! [ARTICLE]

Makalapua! Makalapua!!

E KE AU OKOA E; Alohe oe: Heaha la ia? Heaha la ia? I ka hora 9 o ka la 25 o keia malama o ke ahiahi; e hiamoe ana au ma ko'u home, he elua paha mile mai ke Kaona aku. Ua pauhia ko'u noonoo kanaka ana, e na kulu hihio o kela aupuni uhane. I ko'u hiki-lele ana, a oili aku la iwah, e kulou ana ko'u mau maka i lalo me ka pohihihi; a nana aku la i kai o ke Kaona - A puiwa mai la ka manao, me ka powehiwehi - Alaila, puiwa mai la a hiki-le-le kupouli, a puana aku la i na mapuna leo me ka walaau ana, auwe hoi-e! Auwe hoi e!! Heaha ia? Heaha ia? Ea, heaha ia? Heaha mai ka hoi ka oukou - o na huihui ahi a Makalii, a me na kaoahi a Makalii ua helelei mai i lalo - Auwe! Kupaianaha oe i ke kuhihewa - kuhihewa oe. Aole o'u kuhihewa - ua hele a makalapua ka owaka o ka hoku - auwe! auwe!! Pau kakou e!!! Pau kakou e!!! Mai kuhihewa oe, o ka la hoano keia, o ka po hanau keia o ke Keiki Hemolele a ke Akua. Ua kuhihewa oe i ke kukui o ka Luakini Katolika o Roma, o ka po Karistimasa o ko kakou Mesia i poni ia o Kristo. Alaila, pau ae la ko'u hoopahaohao ana, a haka pono aku la au i ka weli launa ole o ke kukui, ua haahaa ke Kaona, a ua kiekie kelakela kela, a o kekahi kukui aia i ka lewa, ua like pu me Hokuloa i keia mau ahiahi i hala hope ae nei. I iho la au "Onioni e like me ka hoku, Haahaa ka koku, kela no ke ahi." Huli iho la au e nana iho, he puukiuki iho i lalo o ke kukui, ua like me ka ponaha iloko o ka mahina, a o ke kinikini o na kukui, ua like me na hoku maluna o ka mano Leleiaka

i na po ee o ka pipipi a me ka hihiwai—Puana ae la au, "Hiehie aloha ka luna o Maunakapu, Iihia au i na lehua o Kaoli I ka waluhia e ka ukiukiu, Me he wauke paihi la no ka nahele, Me he ahuao la no ka awapuhi, [li." Me he kapala puakai la ke alo o ka paMalalo iho o ka ponaha, he malamalama loloa, ua like me na kapuai ehiku ka loloa o ka malamalama, "wakawaka ka waha o ke akua lapu." I ka hui pu ana o keia mau malamalama, "ua puwai i Waikakalaua." Kilohilohi no hoi ua nani; e hoonuu iho na lihilihi i kana waiwai-a a kenakena. I iho la au ia'u wale iho, " Hanohnno iluna kn pali o Wailau, Ka pali o Olokui i Ahumauna." I ka hui pu ana—anoano iuiu milumilu lua ole ka hoi ka oi kelakela o ua oia 1«, " Onaona Panaewa i ka hala me ka lehua U i ke ala kai o Puna, He po'okoa no Puna i ke onaona, O ka hanu popo kiele aala, Aala kupaoo paoa ka nahele." "Aoleilike— '' Aole i like i ka hau kekee, Kuapuu wili-lua noho-e, O Kanehili i Kaupea—la, Aole i like, aole ou hoa o like ai." O ka po paha keia i oi aku mamua o na po Kariatimasa a pau i hanohano loa, mamna o na po Karistimasa ma Hawaii'nei, ua manao au o ka la 25 o Deo. 1863 ka oi; aole ka, he hapaha ia,.he pakela loa keia po iuiu. Mathew, : Ma ka po o ka Poalima o kela pule aku nei, ua pa mai ka makani ikaika ma ke komohana mai, a me na paka ua koikoi e haluku ana me he la he hoouka kaua la.