Ke Au Okoa, Volume IV, Number 25, 8 October 1868 — HE INOA NO KAMEHAMEHA V. [ARTICLE]

HE INOA NO KAMEHAMEHA V.

Kalani nui Kapuaiwa i ke kapu he inoa, O ulupuni o ke aloha uluahewa, O hoolailai e ko mai ke ano, He ano aloha no kuu makuahine, No'u keia liliha kumakena, E luanuu a Keakalauiakau, O ke kakau uhi kikowana o kewe, Inoa makapala o Ahukini, O oe kai luna o Kahakoililani, I ka he o Mamakalau o Waikulani, O Waikulani o ka manu haalilo, , Nana ia Lani na Ekamapu, Na ka manu mapu o Kaulia, Nana i lele luna o Numehalani, I lele kohai i ka wa o Lauahea, I ke kowa kapn o Hinamalailena, I maka noenoe lani wahine a ma, E haaini wale ana no ka waimaka, Aloha oe—Olia ? Aloha ka makani ke kino o kou aloha, Oia he wahine no ka wa kamalii, I lili au i hoao me ka haao, Me ke kino ulu aloha o ke kuahine, He wahine he hoapili he aloha na'u, Hina lei aloha au o ke keiki, He keiki kuu inoa o Moonilei, I kelekele ai mana i k'a moana, I kela maua me Hinaaukekele, Auwe no hoi kuu makuahine, Kuu kanaka i hoolakoa e ka makua, He wahine na'u he wahine io no, He wahine kahua hale na ke aloha, He paku he alai no ka makani, He kokoolua no ka la pilikia, He hoa hooponopono no ke aupuni, Komo ke anu ia'u ua hele oe, Ua haalele mai nei oe ia'u, E kamakoli pua okala i Haehae, O ka haihaili wela kai Makanoni ko inoa—e, He inoa aloha ia he inoa makua, He inoa wahine he ano hanau-kama, Aloha oe-—Olia ? Lialia wale mai la no ia'u, Ka leo o ka pololei a he kuamauna, I ka hinihini leolea i ka mauna, Ka leo kaula ai i ka Puaniu, O kuu kaikuahine kai kawaokele, O Makuhikaala Ouwealani, Oia kai kauluwehi o kamaile, E heihei Lehua ana me Kawelu, Hiku i ka pua na Laka, Kau ana i maile hei, Hei ke aloha nakulu ana i ka manawa, Kuikui ana i ke kino a ua eha, Aloha oe—Olia ? Kamehameha III.