Ka Elele, Volume 1, Number 19, 16 December 1845 — MAKE NUI. [ARTICLE]

MAKE NUI.

I ka la 27 o Novemaba, make na kanaka ekolu ma ka moana o Pailolo, oia hoi ka moana iwaena o Maui ame Molokai, ame Lanai. Holo i kai na kanaka eono, a ekolu i ola, akolu hoi i make, he wahine kekahi i make. Eia na inoa o ka poe i make, o Kealiimahiai, o Kahakauila,: o Upai (he wahine ia.) Penei ka make ana o keia poe; holo lakou i Lanai mai Lahaina aku, i ka lawaia. Holo nui i kai, loaa ka ia, hoi aku, a hoi nui mai i Lahaina, poho ka waa i ka ino o ka makani. Hoolana no lakou, aole nae i lana. 0 ko lakou haalele no ia i ka waa, a au maoli, o ka make no ia o keia poe akolu. Ika lohe ana o na makamaka o lakou ma Lahaina, nui ka uwe a me ke kaumaha o ka naau.