Ka Elele Hawaii, Volume IV, Number 4, 3 July 1848 — Na Ka Naauao. [ARTICLE]

Na Ka Naauao.

JTv ? a Alii, iwne, 1848. E na Kumuao, aloha oukou; Ma ka palapala mua, ua lohe iki oukou no ka nui o ka kakou oihana, i ka manao o ko kekahi mau Aupuni. ' Ina i manaoio, e na 'Lii a me na Kuhina, a me na kanaka o na aina e, he hana nui ka ke kumuao; ina he pono i na Lii a me na Kuhina a me na kanaka o keia aina ke manao lakou pela. A ina he pono ia lakou ke manao pela, alaila he pono ia kakou na kumuao o keia Pae Aina, he manao nui i keia hana a kakou e hana nei. Aole nae |na ka imi wale ana ika uku nui; ākā, ma ka hooikaika ana me ke aloha, a me ka hoomanawanui i kela ia keia la, e hoonaauao nui aku i ka kakou mau haumana. Mai manao nui kakou i ke dala a me ka waiwai maloko o na lima o na Luna o ke Aupuni e uku mai ai kakou. ( 4t Pono no nae ka uku na ka mea i hana. M ) Aka, e nana, a e manao nui, a e hoomakaukau i ka mau haumana, i llana pono lakou imua o, ke Akua a me na kanaka. No ka mea, aole liuliu, e lilo paha lakou, i ka kal ou maii Alii—na Kuhina nui oke Aupuni—na Kahuna pule-—na Luna o ke Aupuni a me ka ekalesia—a me na Kumuao paha, a o ka kakou mau keiki ponoi, ma neia hope aku. A ina pela ka lakou hana pono ana, alaila, e hoolilo hoi ko lakou pomaikai ma ka ike, ma ke akamai, ma ka noonoo, a ma ka noho malu ana, i ko kakou pomaikaL Pela no ka Mahiai; ke kanu nei oia i ke ko, ke kulina, ka papapa, ka uala, ke kofe, ke kalo, a me na mea e ae, a ke kakali nei no oias me ka manao lana, i ka hooulu ana a me ka oo ana o kana mau mea i kan\Tai. A pela no kakou, e kanu aku i ka ike, ka naauao a me ka pono, malako o ka naau o ka kakou mau haumana, a e kakali no kakou me ka manao lana i ka hoohua ana i na hana maikai; nahana e nani ai lakou, a me kakou, ka lakou mau kumu, na hana hoi u e hoonani aku ai ko kakou Makua iloko o ka lani. M Aole keia he uku no ke kino wale no, aole lioi no keia ao. He uku no ia no ka Uhane a no ke ao pau ole. Na Kuke,