Ka Elele, Volume 8, Number 22, 28 December 1853 — HE KANIKAU ALOHA NO E. H. ROGERS. [ARTICLE]

HE KANIKAU ALOHA NO E. H. ROGERS.

Aloha nui oe E. H. Lokeke, Ka mea i hele aku la i kahi ike ole ia, Ike aku la oe ia Paredaiso, A me ko laila puali alii, He u, a he aloha ia oe, Ka pua rose maikai, I ulu maikai ma na kihapai, Ua ahai ia’ku la oe, E ke aumiki a me ke auka, Pae aku la oe i ka Pua, Ahu iho la ka hoka ia makou, A Kohula, hoi ka hana i ka poli o ka makua, Hookahi waiwai o ke aloha. Aloha mauna Kaala, i ka paina e ka makani. A me Nuuanu i kaua kualau, Aloha Makapuu i ke kaha ai ole, A me Malei ka wahine nana uhu, Aloha na ale hulilua o Pailolo, Kahi au i hele ai, Aloha ka pohu makani ole o Kaholo, Holo aku la oe he mea wawae, Nee iho la makou he oopa, E ko ka Hale Paipalapala e, E kanikau kakou no E. H. Lokeke, Ko kakou makua aloha, I hele aku ne'' i ke ala hiki ole ke aua’ku, Ua hele aku oia c noho pu me ko kakou Haku, Ike aku la oia ia Ierusalema hou, A me kona mau pa nani he gula, He u, a he aloha ia oe e Lokeke, Ka mea i hele aku la i ke ala maaweiki a ke aloha, Ke ala paa ole i ka omau ia, Hele aku la oe i ke kino wailua, Aloha ka Waihoa e alo nei i ka makani, A me Leahi i ka ehu a ke kai, Aloha ka ua pau pili o Lele, A me ka la wela o Lahainaluna, 0 kou wahi au e noho ai, Aloha Koolnu i ka pali hauliuli, A me ka paia ala i ka hala, Ho dia aloha oe, a me ka Ipela oluolu, Ke ai la oe i ka ai o Piiakamauna, A ke inu la oe i ka wai o Kulanihnkoi, iiele aku la oe i ka huakai hoi ole mai, Hookahi mea hoi mai o ko aloha, 1 aloha ae au i kahi manu alapahi o Kaiona, Nana i lawe mai i kou aloha, Hikilele au i ka pupu leo nui o ka nahele, Ua kuhi au o oe ia, aole ka! Ua kiiia mai la oe e na anela, E hele e noho pu me Iesu Krislo, He nui ke aloha o kau wahine, A me kau mau keiki, A me na keiki au ma ka Hale Paipalapala.

Pau kou kuhikuhi ana mai ia makou i na mea hana, Ke noho pu la oe me ko ka lani, He u, a he aloha ia oe la-e, John L. Kapahi. Kawaiahao, Dekemab a 13, 1853.